金田家

营业中

休息中

向濃郁湯底出發。我家男人好喜歡吃拉麵，自從他最愛的888拉麵在銅鑼灣消失後。吃過了銅鑼灣好多間拉麵店，都有一兩間既出色，可惜還未到極愛的水準。今次我就帶左佢你登龍街的金田家。點解我要揀登龍街，因為登龍街絕對係拉麵打擂台。這裏雲集好幾間好出色嘅拉麵店。所以係得呢度開嘅拉麵鋪。絕對真係有返咁上下質素。所以我哋今日就尋求正野。泥到金田家。上一上Open Rice 睇下？咦。原來呢間新新地，仲話係九洲第一嘅拉麵,睇到我地心癢癢。原來2009年,老闆金田先生係九州福岡縣行橋市創立金田家,以秘製豬骨湯香濃不膩見稱。 深受大眾喜愛並多次獲得"第一殊榮"同"最佳拉麵店"!仲要係極少數能與日本著名食評網站tablelog 獲得四分以上的餐廳。呢度睇睇餐牌，咦。得三個拉麵架咋。三個拉麵都係用同一款嘅秘制豬骨湯，而係係配料上有轉變。證明咗佢地對呢個秘製豬骨湯充滿信心。現在有經典金田家叉燒拉麵，金田家豆芽叉燒拉麵，同金田家至尊拉麵。經典金田家叉燒拉麵係用叉燒肉。同金田家至尊拉麵就用肩肉。金田家豆芽叉燒拉麵就係叉燒肉少點，配芽菜。比較適合女士食，無咁多罪惡感，哈哈。我？有得食好野，當然唔好對唔住自己，我呢個食肉

銅鑼灣區越來越多拉麵店, 各有各特色''*特別是於登龍街這小小的巷子裡, 已經就三間拉麵店於左近!!!早排新開張, 來自九州福岡人氣拉麵店【金田家】係由老闆金田先生創立, 而他的拉麵更多次奪得日本拉麵大獎''*早前跟好友就特地來到【金田家】試試啦~位於登龍街的中間位置, 地點絕對好找, 對於食開附近拉麵既朋友一定知係邊!!!(其實我亦是拉麵的愛好者, 可惜男朋友不太好)店內設計簡約, 地方不算太大''*只有算張台以及 L字型的長台位置!!!當晚是平時約 7時半左右, 都仍有空位呢~~金田家只提供三款拉麵可選擇!!!正宗好味既拉麵就是這樣, 只有幾款可揀, 是他們的招牌喔~~當中包括：經典金田家叉燒拉麵, 金田家豆芽叉燒拉麵, 金田家至尊拉麵可以選麵的軟硬度, 加麵或加其他配料''*當然拉麵店都係自助形式~竟連水及杯都已經放好係台上, 自行享用啦!!!後經過爭扎, 都係揀選左金田家豆芽叉燒拉麵''*我揀左要普通麵質, 另外仲加左一隻溏心蛋 (食拉麵必食的)可以見到碗拉麵都有好多配料~他們的豬骨湯底係用 15小時炮製而成；100%小麥製彈牙拉麵及秘製醬油兼鬆軟肥瘦均勻既頂級叉燒~~這就是【

昨天家沒有晚飯臨時約了朋友一起去拉麵這個月大大話話都吃過4次拉麵了！有點誇張！之前在雜誌上看到「金田家」是從日本來的過江龍那就帶朋友來吃好啦！昨晚七時左右到但朋友竟然排錯了豚王那邊隊金田家門口都是黑色為主不怪得朋友找錯的！我們進入店裡那時店還未坐滿人感覺不錯！坐著對住師傅煮麵但感覺還是有點像車仔麵我跟朋友點了一碗最貴和最便宜的拉麵朋友還加了蛋可是我沒有留意原來每一款拉麵都沒有蛋一定要加錢才有！不過當麵到的時間朋友的經典拉麵只有半粒蛋耶！不是一粒分二！12個大洋只有半粒溏心蛋實在太貴了吧！整體上我的至尊拉麵上的叉燒厚度跟伴碗的紫菜差不多比較瘦和不夠滑和軟身幸好朋友幫我分擔了兩片而拉麵是幼麵吃起來像味千拉麵感覺希望是我的錯覺吧湯底比較「杰身」有點「漲口」不喝冰水不使我覺得沒有驚喜！下次要去別的地方再試吃拉麵囉題外話：要試試他們自家的醃菜，不錯的！

是日跟兩位好友試新拉麵, 來到金田. 聽聞是九州第一位, 雖然不是筆者喜愛的北海道拉麵, 也即管一試.週五晚上八時半來到, 完全不用等位便可入座.店內地方也不算是很小, 也可坐納二十多人. 環境也不算很焗促, 燈光頗猛, 沒有音樂, 但也坐得自在.點選了經典叉燒拉麵(HK$78).十多分鐘後侍應便送上拉麵. 賣相對版, 先試一口湯, 很, 不油膩, 非常出色! 再試麵條, 筆者本身喜愛硬的質感, 特意點選超硬, 出來的效果也頗硬. 可惜麵條太幼, 一貫九州風味, 不是筆者的那杯茶. 再試叉燒的水準, 太薄, 沒有什麼口感, 味道也偏甜, 就像梅菜那樣的甜.幸好葱和木耳增加了整體的口感, 附上的紫菜也很香濃, 整體不錯, 但魂的地位仍然難以取替.

不知從何時開始, 我和男友常常想找好吃正宗的拉麵店, 最好是只賣拉麵不賣其他日式料理的餐廳! 連出國旅行, 總有一餐忍不住要去吃拉麵。 有時候不知道該吃什麼的時候, 又會想到不如吃拉麵吧!! 朋友知我是吃貨, 早已叫我一起去新開的金田家試試它九洲第一的拉麵, 聽說早在2009年,老闆金田先生已於九州創立金田家, 而且還多次獲得「最佳拉麵店」的美譽!可惜那天碰巧有約錯過機會, 焦無緣一試。今天去銅鑼灣行街, 終於拉男友來試試了!!金田家位於登龍街, 走進來看到巷中有好幾家日式拉麵店, 好想間間都試下!!我和男友到達時已經是下午2時半了, 過了高峰時間所以店內比較冷清。店家內部設計簡約, 地方也不算大, 約只有不多於30個座位。全店主要只有3款拉麵可供選擇, 看到已經開始熱血沸騰...因為在我的心目中, 愈少食品選擇的食店, 就等於店家愈專注做好這幾款菜式, 質素理應最好!!!!店員有為我們作簡單介紹, 她說拉麵湯底偏濃, 所以推介女生選「金田家豆芽叉燒拉燒」, 用豆芽來中和湯底的濃稠~所以我就選了這款, 而男友就選了超多叉燒至尊拉麵! 另外亦分別加了我們最愛的溏心蛋。男友的金田家王尊拉麵

拉麵我最喜歡九州的，貪其味濃、湯濃、幼麵底。 這家在日本本土拉麵AOC得分較高又自稱「九州一」的金田家，完全沒有不試的理由。午餐時段過後，不用等位。門前放著一部拉麵販賣機，以為他們的做法好日本，店員卻說吃後付錢可以了，原來販賣機只是道具。被欺騙了。獲安排到bar 枱進餐，幸好枱與廚房有一道厚玻璃隔開，炎炎夏日也不怕給開放式廚房的熱氣焗暈。拉麵款式有三:經典叉燒拉麵 ($78)芽菜叉燒拉麵 ($85)至尊叉燒拉麵 ($98)其實清一色都是豬骨湯底，男朋友是吃貨，他說湯底又濃又咸，與一蘭一樣，完全是日本原有的味道，不像豚王的那種刻意濃味 (但不代表豚王不好吃)。糖心蛋好味，叉燒味道又不太淡，不錯。三款拉麵唯一分別的是:經典叉燒拉麵 叉燒部位有肥。至尊叉燒拉麵叉燒部位較瘦其實是否「九州一」因人而異，眾口難調。但至少是我其中一家喜歡的豬骨湯底拉麵。香港新進的拉麵店味道已經開始追求日本正宗的勁濃湯底，不再為無癮的港式淡味拉麵而擔憂。

平時出街食飯，要諗食咩既時候，拉麵都會係其中一個選擇。今日朋友話想食拉麵，身處係銅鑼灣就緊係要去登龍街既拉麵集中營。去到登龍街，就見到呢一間新開的拉麵店 – 金田家。店舖的外觀同傳統的日本拉麵店差不多。見到用黑版寫住「九州第一」，睇落好似好利害，就決定入去試一試。一進門就比佢既購票機吸引住，因為跟日本的格式係一樣，令人有種係日本的錯覺。一入到內坐低，望到周圍都掛住優勝的獎項，令人對呢度既拉麵充滿期待。之後，好快就有店員招呼我地。店員將一張點餐的紙同一張簡介放係我既面前。金田家的拉麵只有三款，而且只有豬骨湯底。証明金田家對自己既湯底有很大的信心。我毫不猶豫就選擇左芽菜叉燒拉麵，之後仲加左溏心蛋。而麵的軟硬度就選擇左硬。叫完一陣就好快有得食，靜係睇個賣相，未食都知味道一定有水準。首先就試一試湯底，聞的時候已傳出陣陣香味，第一啖入口就覺得有好濃郁的豬骨味，濃味之餘又唔會太咸。雖然湯比平時既拉麵 “杰” ，但咁就可以証明真係用大量既豬骨去製作而成。之後就試一試麵，因為我就選擇左硬的麵，所以當我食既時候就覺得硬度岩岩好。麵質爽口，容易咬斷，食落好順口。麵很完整，唔會碎碎散散。到試下叉燒先，平時食

係呢條美食林立既燈籠街!今日發現竟然有多一間拉麵店參一腳, 向其他店舖向下戰書好, 一於試下其虛實!呢度共有三款拉麵可以揀!為左試清佢個底蘊, 我就揀左經典叉燒拉麵, 普通軟硬度!另配溏心蛋~點完菜細心觀察下周圍, 原來呢間金田家係日本好出名!贏過好多唔同既比賽, 信心即刻再大增~碗麵好快就黎到啦, D配料排得好靚!食野之前就緊係飲啖湯啦, 好濃既豬骨湯味!個質地好厚, 好有膠質!麵既軟硬拿揑得好好!!容易咬斷得黎又彈牙, 仲吸哂d豬骨湯味!另外, 叉燒係絕對值得一讚, 首先每片都肥瘦層次分明師父刀功好好, 每片薄薄咁, 好夠味!係到目前為止, 我係香港食過好正既叉燒!!之後試下溏心蛋, 好正!好香蛋味, 食完個種蛋味仲會留係口入面!呢$12蚊絕對值得加! 

招牌菜不用多，只要好吃，兩三款食也能足以長做長有。而金田家只有三款拉麵選擇，第一次吃就揀最多料最貴的那個！至尊叉燒拉麵。價錢合理，約$100左右，跟同類型的拉麵店價錢差不多，可惜最貴的這款沒有我最愛的溏心蛋，要另外加$12。賣相一流，這個拉麵好像一朵花，第一眼己呃左你視覺效果先。味道不錯，但跟同類型的拉麵店的味道好像差不多，但我比較喜歡其他店的，因為比較多配菜選擇。服務很好，小小的店舖卻有5,6個服務員招待你，不怕被冷落。環境很日式，一入門口就有一部拉麵的自動售票機（但好像是壞的？），還是要靠服務員幫你落單。整體來說不錯，未食過可以一試！但未必食第二次，下次試試其他的店吧。

日本人追求美味既認真同執著, 全世界都知!行過銅鑼灣, 見到有間新舖將日本師傅甚至成間拉麵店引入香港! 試下先!甫進店內, 發覺店舖不大, 但咁就更加有日本拉麵店既感覺! 座位雖不大, 但仍算舒適! 如果可以貼心一點, 預番位置或籃子給客人放行季會比較方便一點!坐底無耐, 店員便遞上餐牌, 講解每款拉麵既不同之處, 態度親切! 遺憾既係當天因為食材問題, 沒能吃到至尊叉燒拉麵, 只好試試它既經典叉燒拉麵, 睇睇有幾經典!第一次試, 還是先試試”普通”的麵質吧!今次是用紙落單的, 但其實店內有部自動售賣機, 可惜暫時運作, 未能一試!希望下次可以試到~在外面是能夠看到廚房的工作的! 旁邊有芝麻供客人們自行添加!等左一陣, 黎啦! 上菜速度適中, 不會慢到令你想離開, 也不會快到令你懷疑新鮮度!濃厚既豚骨湯味道襲來! 第一個感覺係, 好香!第一口豚骨湯, 印象很深刻, 因為味道實在太濃啦! 而且湯底有一丁點”結”的感覺, 應該是因為真正用豚骨熬成的關係吧! 很有驚喜的湯底!之後就是”普通”麵質的拉麵, 也是很影響一碗拉麵評價的主角!雖然點既係”普通”, 但咬口好好, 好有彈性, 而且不會輕

要數現今香港人的特質不外乎只有幾個: 喜歡睇人仆X, 喜歡排隊, 更喜歡一窩蜂去做同一件事 (但只限三分鐘熱度). 單看飲食業這一行, 先有台式飲品, 再有乳酪店, 近期就有台灣大熱的窩夫店. 而說到隨著熱潮開到比便利店還要多的, 就非日式拉麵店莫屬了. 自從數年前豚王那批率先進駐香港後, 只是短短幾年間, 差不多每個月都會聽到有新的拉麵店開張, 誇張程度差點可以比媲旺角的藥房跟百X匯. 不過越開越多往往又未必是好事, 觀乎近期這股拉麵熱巳開始有飽和的跡象. 但上月竟然又有一家來自九州的拉麵店決定加入這個戰團. 到底這間過江龍能不能掀起另一股拉麵熱?金田家來自九州福岡, 是金田先生於2009年開設的拉麵店, 但居然能在不到四年的時間, 就可以在日本最大食評網上拿到超過四分的分數 (一般食店分數大多徘徊在三分多, 滿分為五分), 更於2011及2012年獲得北九州拉麵節冠軍的佳蹟, 單是聽到這家店有著這樣的履歷, 就馬上引得宅女都想去潮拜一下了.這天周末正午時份來到登龍街, 眼見近街尾的豚王早巳有條短短的人龍, 而相隔幾個鋪位的金田家門口亦有數位食客在排隊, 反之開在正對面的一幸舍就顯得

鍾意食拉麵, 不過咁耐以黎都係得2間係岩心水~ 今次又同朋友去試新野~金田家~ 可能新開, 都唔洗點排隊(正!!) 入到去, 3款拉麵簡, 我知自己未必食得曬至尊叉燒~又唔食芽菜, 所以就簡經典叉燒拉麵~ 見相好似冇蛋~加埋個溏心蛋~ 正!有得簡超硬麵 (共有, 超硬, 硬, 普通, 軟四款簡, 我至怕食淋麵!!) 叫左之後, 好快就到! 我既~~~~ 試啖湯先~ OK喎~夠結~亦唔會話太鹹/太濃, 對於我黎講岩岩好!! D叉燒都好食! 蛋都好夠味! 但最值得讚既係D拉麵! 硬度非常夠~ 平日如果D湯咁結, 好易會好溜, 但今次我食曬全碗 Yummy Yummy!!! 朋友既芽菜叉燒拉麵. 佢都話唔錯, 可以再黎食~ 大熱天時, 感到窩心既係有一壺冰水 爽!! 食完走既時後, 待應同我地講2碗拉麵或以上, 有得抽獎. (本身以為係什麼外賣機, haha!) 幾有趣~我抽到溏心蛋一客, 朋友抽到加麵底~ 哈哈, 下次食可以加!! 最後, $78-98 一碗拉麵 ~ 呢個價錢, 抵俾 ☺

經典叉燒拉麵麵條：超硬；沒有想像中那麼超硬，大概等於其他拉麵店的硬湯底：豚骨湯非常突出，沒有味精叉燒：細而薄，入口即溶，好似食和牛；比起其他拉麵店的叉燒的韌度口感佳配料：清甜、爽口沒有搶去湯底的味道服務：招待和樓面的侍應態度親切；日本來的金田老闆很和藹，原來會經幣巡視香港分店衛生：乾淨簡潔

前幾日經過cwb，見到又開左間新拉麵店，鍾意食日本野既我緊係要去試試！一入門口就聽到大大聲“irassyaimase～”入面得3款拉麵揀，侍應走埋黎每一款都介紹下我就揀左芽菜叉燒拉麵，因為佢話呢隻清d，麵質我揀左硬，因為鍾意食硬少少既～同埋我一定要加溏心蛋！大約5至10分鐘左右就上左，雖然相機食先，但已經聞到好香既湯味～我習慣一開始飲一啖個湯先，有好濃既豬骨味！之後撈埋d芽菜、蔥、雲耳先，咁第一啖就可以同時食到咁多配菜～而個麵質都係我鍾意既，浸左一陣都無淋到，亦唔會話太硬而且有做到掛湯既效果，每一啖都食到d湯汁！塊叉燒切到好薄，好香口即使係我呢d對叉燒無咩要求既人，都食得出算係唔錯既叉燒之後到我最鍾意既溏心蛋，好食！蛋黃入口即溶，又有好香既蛋味好有日本既感覺！不枉我加多隻！食完之後仲有陣好濃既豬骨湯味係個口到～

諗住見到新開拉麵就即刻去試下啦點知行到門口見到一個人都冇已經淆淆地不過都要試架喇話哂金田個名喺日本係最響好喇食野見到廚房入面幾個都係香港後生仔已知不妙來到個拉麵個湯係勁油 濃到起哂泡 咸到冇可能飲叉燒厚度不一 而且偏肥 唔係拉麵常見 麵質一般 我揀左超硬 有啲麵係未熟 幾條痴埋一齊個蛋都一般服務方面：芝麻個樽係爛嘅 完全用唔到漏單 漏左我隻蛋侍應喺客人面前嘻笑怒罵 互相追打 又捉蚊 被經理喝止總括而言，極差！負皮是我給的！