金田家

营业中

休息中

經過見到一間專食豬骨湯為主既拉麵店。即入去試下。坐下來都舒服。待應好快黎服務。湯底只有一款。但面的硬度䓤之類有得選擇...最後我選了硬面款黎到好有豬骨味飄出來...面硬度適中。份量夠...肉半肥瘦。配料好多...只需$78...超值最後仲有抽獎..抽左20蚊優惠同加面....會下次再黎既拉麵店（如果有辣更好）

第二次去呢間餐廳，第一次去見到門口都幾隱蔽以為關左門，但入到去覺得幾有驚喜。叫左個至尊拉麵，湯底香濃又唔太膩，叉燒好鬆軟而且入口即溶走果陣時仲有得抽獎，抽中左現金卷，下次會再黎食!

聞說金田家為九洲拉麵王，故跟友人品嚐一番。碰巧過了lunch peak hour，店內只得我跟友人用餐，卻一點也不奇怪。點了經典叉燒拉麵，湯底香濃之餘又不油膩。麵較硬身，很合我的口味。值得一提的是叉燒，油份恰到好處，厚度適中。這兒真不愧為九洲拉麵王。

係銅鑼灣行完街，突然想去食拉麵，就openrice一下，結果就揀左呢間新開無幾耐既金田家。當晚係星期四既夜晚，去到門口有幾pair人排緊隊，我同友人等左10分鐘左右就入得，好彩唔使等好耐。店內既環境幾好。我坐既係一字型既坐位，對住拉麵師傅廚房位置坐，唔會覺得熱，都無煙薰到我地。最左邊既係來自日本既主廚。桌面放哂我地會用到餐具同埋水，想飲就自己斟，唔使等人fill！水係冰水黎既，大熱天時，一坐低就飲番杯補充水份，就算係門口等左一陣，都即刻涼哂～侍應姐姐好好人，好有禮貌咁問我地係唔係第一次黎食，然後簡而精咁介紹拉麵有咩唔同，叉燒拉麵用既係腩肉，至尊拉麵同既就係肩肉同埋份量會多d。其他選擇就同一般拉麵店大同小異，不過佢地係無得選擇湯既濃度，劃一都係用淆左十五小時既豬骨湯底。牆身仲有d簡於金田家拉麵既小介紹，學識左咩叫替玉XD結果我點左最傳統既叉燒拉麵，友人就揀左至尊拉麵，兩款都試下。先試佢既豬骨湯底。味道唔係好重味，對我而言岩岩好，至少唔會飲完之後係咁飲水。同埋佢比較濃綢，好重骨膠原，真係落足料。至於叉燒好欣賞佢既脂肪比例好平均，最難得既真係有入口即溶既感覺！好好味！！友人的肩肉味道比較甜一

老是掛在嘴邊的一句，香港拉麵店愈開愈多，根本就是來不及試嘛。去哪間先哪間後都很講緣份啊。本來在自己的拉麵List 上金田家位置排得頗後，但同事某天光顧金田家後抽中了免費拉麵一碗更轉贈於小妹，那當然是快快找個好日來吃上一吃啦。聞說是九州第一的金田家，湯底的確很不俗，既香且濃卻不算油膩。不過對我來說調味不甚合口味，溏心蛋和叉燒竟是甜的，湯底卻是咸了點...金田家舖面很大，座位很是闊落，拉麵店來說坐得非常舒服。還是一貫做法，坐吧枱位。金田家的吧枱位做得比較低，就算坐正中間的位置也難以和師傅互動吧。也並非那種師傅煮好麵然後放在你面前：面前的板太高了，不可能自己坐著就把拉麵接巳！反正都是要店員送過來，坐不坐吧枱的分別就不大了。拉麵不附溏心蛋，要另加 | 材料不能加荳芽，奇怪也!拉麵有三款，經典金田家叉燒拉麵HK$78、金田家荳芽叉燒拉麵HK$85、金田家至尊叉燒拉麵HK$98。要留意經典叉燒拉麵和荳芽叉燒拉麵用的是豬腩肉、至尊拉麵用的是豬肩肉，不一樣噢。因為coupon 所贈的乃是經典叉燒拉麵，因此我們再點個荳芽叉燒拉麵、一份單點的豬肩肉，就可以把更款材料都試勻啦。感覺上金田家的拉麵很注重pre

Why we were thereMy boyfriend and I were hunting for ramen places to eat and we came across this one because it did not seem to have a long queue outside the restaurants. What we orderedWe ordered the classic ramen with coddled eggs (溏心蛋), and the ramen with char siu and beansprouts with extra noodles. 1. Limited soup baseWe asked for table for 2 and the waitresses said they need to check if they had any soup base left to sell. It was around 8.10pm on a Wednesday. There were 2 more people behind

(本是打了一大篇食評的，一個不小心按錯返回又要重新打過，真有賴openrice的神app)這家是朋友推薦我吃的，她報稱這裡的湯能喝到豬骨骨髓味，於是我便看看這家拉麵的來頭了，原來金田家在日本拉麵界是名列前茅的，但背景資料我一向少理，好吃便行了！我看看劍心先生對這家拉麵的食評，他說這裡的湯豬骨味很淡，這跟友人的說法南轅北轍，那只好新身品嚐一下才能辨別真偽。當天下午一兩時左右，不用等位，原因大概是食客都過了旁邊的兩家拉麵店吧！一進去店員先問我們是否第一次到來，然後便開始續一介紹了，我點了一碗芽菜叉燒拉麵(硬麵)，本以為這是有蛋我才點的，但後來發現是沒有的！(幸好食伴分了一半蛋給我)等了大約四五分鐘，麵便煮好了！賣相不錯，我試一羹湯，有濃濃的豬骨味，而且喝到最後也不太口渴，相信是真材實料煮足15小時的！接下來吃麵，這是整碗麵的敗北！麵中帶有些木槺味(我也不太懂形容)影響了整碗湯的質素，令整碗麵變得有點兒怪異。蛋方面很入味，可惜我厭它不夠流心，但還是很好吃的。至於叉燒，口感和味道都是一流，十分有水準，夠味得來不會'鞋'口，很好。芽菜和木耳反正我覺得太多了，同樣影響了湯的味道，但整體來說，還是中

拉麵店已經開到成行成市，小小的銅鑼灣四周角落也是，即使一條短短的登龍街也不止一間。 就像金田家旁邊也是有間拉麵人氣店，可是金田家雖然沒有到要排隊情況但內裡也是人滿滿的。店內拉麵以豚骨湯底主打那不試不可(其實已沒選擇)要了經典叉燒拉麵而溏心蛋就自加，但也不便宜索價$12......另外落單時可自然選擇配料的量和麵的硬度等跟大多數的是差不多。拉麵上台時倒時有板有眼，湯底帶少少奶白而內裡排列有序同時半肥瘦叉燒很吸引，個人最討厭瘦到起渣的叉燒，感覺跟吃瘦肉湯渣沒什麼2樣。而湯底比較濃厚，湯匙片起時呈現漿狀，但入口鮮味卻不太黏口而且肉骨味很重，算是不錯。麵身選了硬果然夠硬夠企身而掛湯能力也很不錯，配料木耳絲非常爽口令口感更豐富. 溏心蛋流心度可以而外接帶少甜很特別，但蛋身卻略為細小。店內服務員招呼熱情而且講解詳細，會先問曾光顧與否而加以解釋應該選擇的湯麵，而且脾氣很好因為不小心倒翻了水不但沒有黑面更而加上問候。台面也乾淨企理而且有著冰水和配料自由選取，特別是炎夏即使在室內吃著滾燙的拉麵還是會出汗，而冰水不但解決此問題同時令麵不會因吃得慢而變糊。

跟好朋友Ms.K常常去銅鑼灣逛街…每次到晚餐時間都會不知道吃什麼好…大家都有這煩惱嗎？這時候我們總愛openrice看看有什麼新餐廳…剛好看到金田家…食評不錯很多人讚好！好友是日本菜愛好者…所以我們便走來登龍街…說實話…我們常來登龍街吃飯…著實沒為意這裡有家拉麵店…哈哈＝看openrice介紹是九洲第一拉麵…真假？香港好吃的拉麵店不多…真的好期待這家拉麵是有什麼特別！金田家拉麵只有3種可選…「經典」「豆芽叉燒」「至尊」也是跟其他拉麵店一樣…可以選麵的軟硬度…可以加購任何配料…價錢我覺得很合理…比起同區的幾家…這裡是比較便宜喔：每桌都有必備的日本芝麻…是我最愛…哈哈＝朋友的「至尊拉麵」來了～至尊的叉燒比較多…叉燒是肩位…比較適合怕膩怕太油的人喔：小柔點的是「經典叉燒拉麵」加了溏沁蛋1隻（我分了半隻給朋友）加溏沁蛋1隻才＋＄12 超值！呵呵…2個女生分1隻就剛好囉～配料有紫菜、木耳等基本配料…配料的量也不少…很足料…讚！「經典」拉麵的叉燒是腩位…肥瘦剛好…吃起來口感會比較軟…嫩嫩的…喜歡！再重點說這個溏沁蛋…也真的太棒了…忍不住要一直稱讚它…是我吃過很多拉麵店溏沁蛋做最好的一家！一直到現在

平時都好少會去食日本拉麵, 因為成日覺得啲湯底會太咸, 唔啱我口味咁啱有朋友睇完openrice想去試下金田家啲拉麵, 咁我都樂於奉陪, 話哂未試過, 試下係咪真係好似大家講咁好食!我第一次黎叫左最basic果隻經典叉燒拉麵, 仲要好好彩地平日下晝去食, 做左頭20個客, 有免費溏心蛋送!食落同我想像中有啲出入, 個湯底夠濃,有豬骨味得黎又冇我想像中咁咸, 不過就嫌杰左些少, 至於啲叉燒都唔錯, 肥瘦適中, 連埋湯底同麵一啖過食真係好正! 仲有個溏心蛋, 個人好少食唔係全熟嘅蛋, 但呢個都真係幾好味, 唔駛錢有得試好好! 但如果你問我會唔會比錢叫, 我就未必會喇, 因為本身唔係特別中意食溏心蛋, 未必會特登嗌(又或者下次又早啲黎食等佢送)最後因為佢送左溏心蛋, 所以$78就埋到單, 都哈算貴, 我見好多日本拉麵店要90-100蚊先落到樓, 呢個價我麵接受到比完錢有店員叫我地揀number, 唔知頭唔知路地揀完佢就幫我地禁機, 出左2張coupon! 我朋友就抽到20蚊coupon, 我就抽到免費溏心蛋! 開張冇耐係要宣傳多啲, 同吸引多啲熟客, 因為我已經plan緊幾時同朋友再去食用左

香港人就是有天生的羊群心理, 愛一窩蜂去做一件事, 對排隊樂此不疲. 繼一蘭, 咖啡弄, 茶木, 近日登陸的Dazzling 應該會有相同的命運. 雖然未有機會一試這些熱店在香港分店的水準, 幸好通通都在日本, 台灣吃過了, 人家說起也不致於搭不上話很落伍似的. 相反, 我獨愛惠顧一些隱閉或新進小店, 既無需呆等個多小時吃20分鐘, 很多時還會有意想不到的驚喜呢~銅鑼灣登龍街, 短短百多米的街道, 已有多間日式拉麵店, 晚市時間, 門口都有着絡繹的等位人龍, 這天剛巧到時代廣塲進行療程, 晚上等老公一起在附近吃晚飯, 近近的走過來登龍街找吃, 經過這一家門面只用日文和英文門牌的小店, 細看一下原來是新開的拉麵店金田家. 由於天氣熱得要命, 反正不用等位, 就直接入去試試.小店原來來頭不少. 來自九州福岡的《金田家》由金田先生於福崗縣開設第一家分店, 以濃郁豬骨湯底聞名，多次奪得日本拉麵大獎，有九州第一拉麵之美譽！說到拉麵, 自問是門外漢, 但卻有一種自定好吃的味道, 對湯底的濃稠度, 鹹香度, 麵質粗幼軟硬自有一套標準. 去年往京都旅行, 回程時買了分別來自北海道, 鹿兒島, 關西奈良

是日得閒無聊就同細妹去左銅鑼灣行下，一到埗就已經周圍搵有乜好野食打算醫下肚。無意間就比我地發現到金田家拉麵店，望望餐牌見到雖然得三款麵揀，但睇落都幾吸引，於是就揀左食呢間。一坐底就有位店員向我地介紹餐單上既食物 見到個至尊拉麵就覺得好吸引，因為見到餐單相中有好多片肉，於是揀左呢個，另外就揀左豆芽叉燒拉麵。我同細妹都鍾意食溏心蛋，所以我地兩個都有加，另外仲加左兩客豬腩肉，同一支雪碧、一支綠茶。食物一到，未食都已經覺得好吸引 最重要既係樣貌真係同餐單上既相一模一樣，絕冇誇張。我同細妹都係揀硬麵，軟硬對我地黎講剛剛好，鍾意食軟身麵既人可以自己揀返唔同軟硬度。 至尊拉麵-用既係豬肩肉，所以比較瘦，但唔會鞋；湯既味道濃郁而唔會過鹹，而且感覺係充滿左骨膠原，因為湯底完全唔稀！ 豆芽叉燒拉麵-用既係豬腩肉，肥豬肉同瘦肉層層相隔，食起黎唔覺油膩；湯既味道同至尊拉麵既一樣；芽菜同木耳同食增加左口感，亦係拉麵既絕佳配菜 另外叫既豬腩肉-係同荳芽拉麵入面既同一種部位既豬肉，但就冇拉麵裏面既咁'林'身 溏心蛋-好正！細妹至愛！非常入味另外枱上有凍水可以隨意飲用，亦有芝蔴同一罌辣既配料可以隨個人口味

講左好耐話嚟試，每次都有啲事搞到食唔到，入左去唔洗等，見到部機有啲？，因為唔識用，侍應姐姐話唔洗用機，因為我地好貼心 ，order左至尊叉燒拉麵！湯底好濃郁豬骨味，同日本食嘅拉麵一樣咁正宗！ ，豬肩肉好lum，好好食，埋單個陣見到金田家張證書，佢地係北九州no.1，好勁！！ps.店員服務好貼心同認真，見到枱上個壺乙冰水啲冰溶左就即刻走去加返，等啲客人飲到冰水

呢日要去銅鑼灣辦事, 咁啱之前響雜誌睇過, 有介紹呢間拉麵…既然過咗海, 男友仔又鍾意食拉麵, 就一於黎試一試!!習慣早食晚餐, 大約 5 點幾 6 點就入去, 時間尚早所以唔需要等位~其實小店只有 3 種拉麵選擇: 至尊 / 豆芽 / 普通然後湯底亦唔需要揀, 因為只有一種~要揀既只係: 麵 (軟 / 普通 / 硬), 然後就係配料…我食 “豆芽” 拉麵 (硬) + 溏心蛋~男友仔食 “至尊” 拉麵 (軟)~分別就係… 豆芽果碗有堆豆芽, 哈哈哈~不過叉燒都係有分別既, 應該係部位唔同…豆芽果碗既叉燒係長條形薄身既豚肉, 至尊果碗既叉燒係圓型比較厚身既豚肉…色澤方面都有分別, 長條形薄身既豚肉食味似係無咩醃過, 肉味唔濃, 不過肥瘦平均…至於, 圓型比較厚身既豚肉, 肉質比較有口感, 食味似係醃過醬油, 油脂入口即溶…麵質符合要求, 彈牙有咬口, 不過掛湯能力唔係好得~至於粒溏心蛋, 蛋味唔算香濃, 不過好軟好滑, 而且蛋醃得入味, 香濃醬油味甜甜地, 幾好味~最最最出色既, 係…………………………..湯!!!香、濃、清… 又香又濃既豬骨湯, 每一啖都微微滲出雞骨既清香, 唔漿口之餘

今日同朋友想食拉麵,知道銅鑼灣有幾間拉麵店,就去了銅鑼灣,順便可以行街街。最後我地去左金田家食。入到去店內佢係冇menu,因為佢地會等你坐低,比張紙你,會慢慢地介紹佢地的三款拉麵。我地就點了推介經典叉燒拉麵和至尊叉燒拉麵,兩個其實都係豚肉,不過部位五同,我食的部位係豬腩而我朋友就豬肩。 首先湯低非常有豬骨味,很濃郁。豚肉我較喜歡食豬腩肉,雖然比較肥,但好香,唔會膩。麵的軟硬度我選了硬,覺得非常滿意,幾煙韌。我地都加左隻蛋,呢個值得推介,一定要試,超好味,流心得黎又好滑,蛋白又好有味,唔會淡某某,甜甜地。朋友加了替玉(即係多麵),佢地唔會直接將你個麵加大,當你差唔多食完的時候,店員就會比個替玉你,我地以為只有淨麵,點知原來唔係,麵上面有啲一粒粒的肉,仲有啲葱,幾足料。 走的時候仲有得玩遊戲,有一部機,你選一個號碼,佢就會有張卡跌出黎,我非常之幸運,抽到碗麵呀！朋友就抽到替玉。好開心呀,有獎抽,一定要黎試下呢間拉麵店呀！!