金田家

营业中

休息中

前天元宵節約了三八妹掃街預慶生日，都說日本麵癮給徹底勾起了，其中一站，就是試圖初 (妹) ／再 (我) 訪大人氣的 三田製麺所，可在這微雨夜晚，人龍比上回長了一倍不止！結果改訪對面的 金田家 かなだ家。抵達時未夠七點，店外未有人龍，即入！來自九州福岡的 金田家，以濃郁豬骨湯底聞名，多次奪得日本拉麵大獎，有九州第一拉麵之美譽。見到簡單的 menu，就知水準不會壞。首先點吃 經典金田家叉燒拉麵 Kanada-ya Classic ($78)，麵本身已有四片叉燒、大量木耳絲，及一片紫菜；愛蛋的我決定加 $12，點多隻溏心蛋，來完滿整個經歷。奶白色的湯底果然超級濃厚，每啖都充滿著豬骨的香氣及膠質，但又不會很咸，很喜歡。麵條分為軟、普通、硬及超硬，這碗麵點了普通硬度，入口微軟棉身而不糊口，也不錯。配料方面，叉燒是肥瘦相間的，比三田的出品好多了，不過就比較薄身。木耳絲下得很多，我喜歡，玉仔就嫌棄了；最後散點的溏心蛋水準很高，半流心很美味，來吃必點啊！細妹就試了 金田家至尊拉麵 Kanada-ya Supreme ($98)，成品碗邊圍滿豬肩胛肉，十分足料，另外也配上了大量木耳絲及紫菜。當晚所見點這

店名：金田家地址：銅鑼灣登龍街34號地下好味指數：7.8／10價錢：$78經典金田家叉燒拉麵座位旁邊有個調味架，生蒜，芝麻，紅薑和辣高菜，全部任意添加。嗜辣和重口味的我當然不會放過生蒜和辣高菜。豬骨湯底濃郁，但濃而不膩，實在出色。麵質選了超硬，方便拍照，時間掌握得很好，且不易腍身。叉燒有4片，肉質頗滑，入口油脂慢慢溶化。值得一讚是店員服務很好，臨走前還問我們食物質素如何。店名：金田家地址：銅鑼灣登龍街34號地下好味指數：8／10價錢：$9替玉對於可以以$9加一個麵已經是超值，更何況配有幾粒叉燒，真係超級值。麵是沒有跟湯底的，麵質時間掌握得很好，叉燒粒亦很美味。

金田家來港開業一段日子啦，係附近做野既我 今日終於有時間去試一下。今日大約7點黎到，好好彩吾洗等位就有得入黎食，坐低5分鐘後，出面就已經要等位啦。一坐低服務員就會過黎問要吾要熱水，洗吾洗介紹返。雖然第一次黎但落單方式咁簡單，當然吾洗介紹啦，同埋，拉麵文化緊系食完飲冰水啦。我ORDER左一碗經典既拉麵，麵既硬度系軟，雖然日本人食拉麵通常都系食硬/超硬，但經常食ICHIRAN後，完全覺得軟既麵先好食。麵質黎講 都算系好食既拉麵，但我覺得可以再軟返DDCHA SIU統一一樣 味道還好 青蔥好分出色 比起其他既拉麵店 佢既青蔥好好味好新鮮紫菜有點失望 放系湯到好耐都吾溶既黑木耳 無咩味 但其實我食過咁多間拉麵 全部既黑木耳都系無咩味可能用意系吸湯底既味道 以免有其他味影響湯底湯底味道 都系好正路既味道 吾錯吾錯我先試完原味既湯底再加入蒜 果然所有拉麵加入蒜後就變左另一個味道!!有蒜無蒜都值得一試!!(加蒜不需要加錢!)另加了流心egg，佢系我系香港既拉麵店入面食過最好味既!比ICHIRAN更流心，更有味道!!!總結，價錢吾貴，值得一試!

金田家經典金田家叉燒拉麵 （$78）呢排拉麵癮起，好想食哂出名既拉麵，行下行下又去左登龍街搵食，就揀金田家啦。不得不提店員既服務態度非常非常有禮貌，亦主動關心客人既需要，揀拉麵既時候會為我講解每款拉麵既特色，兩款叉燒既脂肪分佈，又問我要凍水定暖水，服務質素一流！講返拉麵，湯底有濃厚豬骨味，熬到有豐富膠質，有少少漿囗，呈微奶白色，唔太鹹亦唔油膩，岩哂冇咁重口味既人！叉燒係豬腩肉，脂肪瘦肉比例岩岩好，每一塊都好香，相信係滷煮過程下了不少功夫，一咬，脂肪已溶化係口中！呢碗真材實料既拉麵，有下次！

近新年,四出去行街,我要SHOPPING,準備過新年想要吃快靚正,而有質素的拉麵,好友說到登龍街找一找~果然有收獲.店內是有日本拉麵的風格通常拉麵店地方不太在店內已聞到香濃的豬湯味.簡約的餐單,最方便有一張ORDER紙,有三款的拉麵可以加蔥多,麵要軟/硬都能由你手控制加餸又可以只是飲品就沒有多的選擇我都要來一碗先金田家豆芽叉燒拉麵 HKD85滿滿的芽菜,加上大量的蔥溏心蛋是一整隻的,蛋的表麵是啡色,好似是煮了很耐的時間但~是錯覺得~喜愛吃蛋的我~加了一隻HKD12蛋白是吸收了豉油所以變了啡色.要慢慢咬開,內的蛋黃是半生熟.淡淡的蛋黃加上鹹味的蛋白,剛剛味道恰到好想食得豐富當然無問題~HEHEHE是自己貪吃.加了一份叉燒(肩)位.HKD30薄薄的叉燒,半肥半瘦的叉燒任何時候都是最好吃的,少少肥的帶油香而滑加上瘦的位置更淋而鮮肉味.麵質是由蛋白色,佔了豬骨湯一起入口.麵質夾口彈牙,試到我的要留.要求了軟質,真的做到~吃完了整個麵,最大的功勞全靠這碗湯,相信是豬骨是要煮了超多小時才有這濃的豬骨湯味.愛這不油膩的豬骨湯,是女仕吃了都不肥.

行完年宵8點幾，真係好肚餓啦～金田家拉麵好似唔錯，所以同朋友係到等位，其實成條街都係人，搵食艱難！一坐得，侍應就逐一介紹每款拉麵有什麼不同，非常細心，我地全部都叫咗經典拉麵，再加溏沁蛋，經典拉麵塊叉燒好薄同幾肥，不過食落唔油膩，怕肥可以叫至尊拉麵，塊叉燒瘦好多～麵底叫左硬，口感好好，有嚼勁～而溏沁蛋非常入味，但我鍾意隻蛋黃熟d,而家係流心蛋～而成配拉麵既精髓當然無用左18小時烹調既豬骨湯底！超濃郁，而且好黏口，忍不住成碗飲哂，哈哈～

這兩年，日本拉麵店在港如雨後春筍，搵食選擇多的是，豬骨湯、雞湯、醬油、拉麵、沾麵，選擇之多數之不盡。這次來到金田家，晚上九時仍要等位，幸而等候時間不長，很快可以入坐。店內只有三款拉麵供選擇，荳芽叉燒、經典叉燒、至尊叉燒拉麵。與其他日本過江龍拉麵店一樣，客人亦能按個人喜好揀選麵條的軟硬、青蔥的多寡等。點菜前店員詳細介紹，我最後點了經典叉燒拉麵，因為這個麵的湯味濃郁，叉燒較肥美，另加一隻溏心蛋。上菜時間頗快，豬骨湯的確濃郁美味，叉燒肉軟、麵條彈牙，最好味的是額外點的溏心蛋，半熟流心蛋黃遇熱湯即時凝住了，使拉麵錦上添花。用餐後，店員詢問食客意見，服務態度有禮，值得一讚。

拉麵是香港人最愛的食物之一，拉麵店近來越開越多，對拉麵的要求相繼提高，一碗好的拉麵無論麵質，配料，湯底都要有高水準，先稱為合格。今日黎到銅鑼灣一條小街，呢條街全是食店，就是食拉麵已經有幾間，我和朋友黎到這間金田家，店舖雖小，但不算逼，坐得都算輕鬆，店員親切有禮，會講解拉麵之特色，原來它們湯底用豬骨餚了12個鐘，怪不得咁濃郁。而拉麵有三款選擇，我選了經典金田家义燒拉麵，再 ;加了溏心蛋和豬肩肉，麵硬度可選。好快拉麵黎到，首先梗係試個湯底，一飲便飲出濃郁的豬骨香味，喊味岩岩好，飲得出是經過長時間餚製而成得味道，不是一般味精湯可比。麵質我選了普通硬度，食落岩岩好，夠滑夠彈牙，下次試下選硬一點應該會更有質感。個溏心蛋好正，外面應該浸過調味，令隻蛋好入味，而裏面一咬開流出香滑的蛋黃，一滴都唔想浪費。义燒煮得夠淋，肩肉較瘦，沒有什麼肥肉，而腩肉肥瘦相間，都好好味。整體上很滿意呢碗拉麵，價錢不是很平，但和質數成正比。仲有好多野任加加支綠茶飲

凍凍地想食碗拉麵暖下個身, 行經登龍街有好幾間日式拉麵店選擇, "金田家"驟眼看門口幾好呀! 又八卦下餐牌, 原來得獎嘅, 梗係要試下啦....選擇並不多, 只有三款, 經店員的講解後我選了豆芽义燒拉麵.端上枱時己飄來香氣, 先來一口湯, 嘩! 不得了, 湯底雪白濃稠, 濃而不膩, 一啖接一啖, 停不了口隨即嘗試麵, 麵身硬度適中是達到我的耍求, 香濃的麥味兼爽口, 再伴芽菜和木耳, 更加錦上添花.  薄薄的义燒有4片, 瘦肉部位肉味濃郁, 肥膏部位入口即溶. 至於那溏心疍最棒, 流心做得非常出色, 疍黄香郁兼漿口.  枱上亦放置了2款配菜可自由添加, 紅薑絲和醃辣菜.  紅薑絲微辣帶甜且爽口.  醃辣菜, 頭一啖並沒有感覺, 隨後越食越辣, 增添味蕾.美味的一碗拉麵! 果然實至名歸!

唔肥膩之豬骨湯@金田家銅鑼灣登龍街34號來自九州福岡人氣拉麵, 創辦人為金田先生,在福岡評分No.1的拉麵店,以濃郁豬骨湯底聞名, 香港店選擇了競爭激烈的銅鑼灣做落腳, 單是登龍街已有4間日本拉麵店，約好個朋友出銅鑼灣購物順道來一試。店中提供三款拉麵，分別是經典叉燒拉麵$78,芽菜叉燒拉麵$85 至尊叉燒拉麵$98分別只是多了芽菜及叉燒, 經典叉燒拉麵不含芽菜, MENU 紙下可以加剔付$12就有溏心蛋, 而至尊叉燒部位不同，是用豬肩肉，這就是三款的大致分別。麵可自選硬度，蔥花可走，也可多付5元加量，富自由度，我選了正常蔥， 硬身麵。麵屬幼身，食落爽口實心，夾一束麵條，直身麵平均掛上薄薄豬骨湯。加了溏心蛋一隻 加$12， 蛋白有豉油味而質地是軟綿綿，中間蛋液呈黃金色澤，蛋黃吃下竟帶有淡淡甜味，從邊位咬下先感受到蛋白的豉油鹹甘，然後帶黏的蛋黃慢慢滲出甘甜，蛋味濃郁層次分明踏實，徹底表現出蛋的魅力。因想兩款叉燒都試，就額外加份叉燒3件肩位 $30 ，切成圓片唔算肥，邊位及網紋放射般帶點點脂肪，偏瘦對女生是好消息，入口即化亦唔會覺乾身或鞋。把腩位叉燒放一起便看出兩款的差異性，腩位切成長片，脂

一講拉麵只係諗到一蘭豚王，一路都冇留意金田家趁今日得閒就試下佢一入到去 鋪頭唔太大 估計容立到大約40個客 十二點幾間鋪已經有6成full~個waitress見我同朋友好耐都未諗好食咩 就好細心問我地係咪第一次嚟食 仲同我地介紹左幾款拉麵既分別原來分別係肉係肥啲定瘦啲叫左叉燒拉麵（$78）同至尊叉燒拉麵（$98）湯底：好香濃，本身唔太鐘意濃味既我都一啖接一啖咁飲，一個字：正！叉燒：入口即溶，一啲都唔韌拉麵：硬同普通都差唔多，幾口咬口，份量都幾多，女仔食係好夠~

行到黎銅鑼灣登龍街，第一個印象或第一樣見到既可能會係林林總總既日式拉麵店。是日趕時間有下場，根本無時間排隊食X王。因此，我在有選擇困難症底下，選左間外表最平實既拉麵店，金田家。見到鋪頭四周寫住既推介係叉燒拉麵，姑且點呢個試試無死。 可選麵條軟硬度：超硬，硬，正常，軟，超軟蔥份量：多，少，超多（加＄5）我就選左硬同加左隻溏心蛋麵份量女仔黎講岩岩好，我見隔離桌個男人就太好味又唔夠喉，加多個麵！硬既程度剛好，又帶小麥香，少少un！而且吸曬湯既精華，好味到無停口.叉燒肥瘦恰好，一層肥肉，一層瘦肉,而且浸左o係湯都仲食到本身既醬油味，難得!另外好欣賞個D自配配料，日本醃辣菜好正，好似菜葡咁，有咬口11之餘，又開胃，鐘意食辣既我好想買番屋企tim所以唔洗排隊，意外地好收穫，特別係個個九洲超濃豬骨湯底，好雪白色，唔會話太肥，相反真材實料咁掛左o係麵條度，食完搖一搖個碗，就見湯浪起碗度，精華之證據！！

好少會寫食評，一係好好，一係好差先會寫，純粹個人意見！自己唔鐘意食咁油膩既湯底，除左呢樣之外，其他都好滿意！麵，溏心蛋，湯底味道，叉燒都好得！但今次明明tick左軟，但d麵都比較硬！唔知係咪因為多人搞錯左定咩，但其他野都足以彌補😊😊食完個收銀員問我d麵o唔ok，但因為趕時間淨係求其答左句ok！真係唔好意思！呢間拉麵真係可以一試再試同再試！👍👍

我鐘意食麵多過食飯，不論係意粉、河粉、生麵定拉麵我都鐘意，不過就真係好少特登去金田家呢類專門店食拉麵~廚房用玻璃間隔，一覽無遺，可以一路等一路欣賞師父煮麵過程紫菜好大塊係我對碗麵既第一印象，跟住見到日式叉燒好整齊咁排咗喺碗麵上面，配埋少少葱花同一隻蛋，感覺好精緻~ 麵既份量正正常常，湯好夠熱，而且味道濃郁得來唔會太鹹，真係會想飲到一滴不剩! 感覺上就係一碗豬骨既精華，甚至已經超越咗叉燒成為碗麵既主角~ 不過如果可以有少少辣味可能更加豐富

一直以來都係食豚X & X蘭，今次試朋友極力推介的金田家。店舖面積不大，大約二十個座位，我同男朋友坐牆邊的二人座位，侍應拿櫈給我們放袋，還很細心地用布靚靚的蓋著，這個服務在拉麵店真的加曬分。此店只有三款麵，全都是豬骨濃湯。男朋友要了經典金田家叉燒拉麵($78)，店員介紹說這款的叉燒用上腩位會較肥，當然留俾有QUOTA的男朋友試啦，但其實都唔係太肥，不過肉質較實。******************************我要了金田家至尊拉麵店($98)，這一款是用肩位，較瘦，較稔身，來到先用紫菜沾滿豬骨湯試試味，嘩，好濃味，好重膠質有點黏唇，我中意=)麵質我選普通，不軟也不硬，我再加入桌上的辣雪菜，我這個愛辣之人好滿足。喝著喝著，最後我差不多飲曬整碗湯，但之後一點都不覺口渴。******************************我另外追加了一隻溏心蛋($12)，看相已知道這蛋有多成功，多不捨得地分了半隻給男朋友，讚口不絕真係流心再加入曬味，滿分!******************************多謝朋友的介紹，真係唔試唔知咁好味!!!一定會再ENCORE呀!!!!