邁爵斯 (福華街)

营业中

休息中

同朋友排隊去食飯, 等左差唔多半小時先入坐。 坐定睇好食咩後, 咪埋去casher落單囉。 埋到去, 叫左2分幾鐘"唔該落單"都無人理。 好啦, 都體諒佢地唔夠人手嘅, 咪企響度等一陣囉。 轉頭等到個疑似女店長的人響廚房走廊走一走左出黎睇場, 咪示意想落單囉, 點知佢啤一啤我(一定睇到我), 之後就縮返入走廊位照舊繼續同同事傾計, 完全無打算幫客人落單/叫其他人幫手！當客人透明唔嬲就有假!如果唔係同朋友同行兼等左咁耐, 我會即時走人揀過第2間! 最後好彩無耐有個職員行過, 我先落到單叫野食。食物質素無可否認係好食, 但疑似女店長的人就完全影響整間店鋪的總評分囉 食到我一肚氣!

今日同男朋友專情走到旺角行金魚街，順手晚餐🥣就去到呢間網上推介既邁爵斯，主打係意粉、薯條同薯角，佢賣點係樣樣都好大大兜份量超多，所以決定試試佢，去到超多人排隊，果然有啲料嚟不過都唔算等得太耐既，好快就到我哋入到去我地叫左個白酒蒜白蜆肉炒意粉+碎肉牛角包配薯角飲品就叫左杯熱情果汁，一黎到個意粉真係好多勁大碟等唔切喇即刻試試佢先，質素都唔錯好香蒜同白酒味仲要佢好多蜆肉真係落重本，然後就試試個牛角包呢個就普通喇唔太脆，之後急不及待試試個薯角炸得好香好脆一啲都唔油膩，上面仲加左啲蜜糖汁好用心，呢間真心值得推介 非常抵食味道亦不錯 👍🏻

此店舖門面不起眼，我們找了一會才找到，大隱隱於市裡面裝飾像普通西式餐廳，因為之前未來過，所以當我們看到侍應捧著像小山丘般的意粉走過時，大家目瞪口呆，我立即看看餐牌，如此便宜的價錢，重量級的份量，直頭是窮人恩物!性價比極高!羅勒鮮蕃茄煙肉意粉($36)一直以來，通常抵食夾大件，味道就一般，但這意粉打破此印象，又足料又好吃，滿滿的茄肉和煙肉鋪在麵上，幾乎每一口麵都夾住茄肉和煙肉，大家都過足癮不用爭在等待其他食物期間，鄰桌情侶可能第1次來，兩人點了1份意粉和1份牛角包，食物到了，男的大聲說：「吓！咁多點食呀？」我們忍不住笑了出聲香蒜白酒蜆肉炒意粉($36)一上檯同樣是海量級的意粉，蒜香味撲面以來，蜆肉像食極都有一樣毫不吝嗇，友人忍不住問：老闆真的不會虧本嗎？碎蛋沙律牛角包配薯角＋紅茶($45)牛角包大大件，裡面的碎蛋沙律當然是滿到瀉，其實大家已經很飽了，只是貪吃才叫了牛角包，沒想到我們最終吃光了牛角包，甚至吃光了盤底的薯角…大家飽得捧著肚子離開，決定以後要過足意粉癮必定來這裡另外我們每人都點了一杯飲品，每杯20多元，正常份量，口味偏淡，還是推薦大家吃意粉和牛角包，包你飽！

我係透過一位Uber司機去介紹，經過嘅時候佢仲講雖然佢係男士就算好肚餓都會食淨。所以正如落嚟嘅都會打包拎走。而且佢仲介紹老細係小本經營有佢嘅理念同堅持✊當然有理念同堅持唔會讓佢白費。平日嘅晚上我哋有四位到達而等候嘅時間大約20分鐘。餐廳設計古樸得來有色調，好有港味嘅感覺......首先來個白酒一蜆煮意粉🍝好有蒜香味而且蜆肉分量十足！！卡邦尼意粉🍝分量十足之餘味道剛剛好！芝士牛角餐- 除咗我好鍾意塊包嘅質感我仲好鍾意有芝士做夾心。最後我認為小本經營現今嘅社會非常之難捱，希望你哋會加油堅持你哋嘅理念同信念

第21次寫食評2個人，去了一間在深水埗區很不起眼的小店【M.Y Majesty】食brunch。我們點了2款食物1) 香蒜白酒蜆肉炒意粉：份量有點驚人，夠2個人食有餘，蜆肉多，蒜香味濃，但較為油膩2) 海苔芥末蝦沙律牛角酥：同樣份量十足，牛角酥鬆脆香口，沙律新鮮，仲有超多蜜糖薯角連飲品合共百多元

呢間意粉店係太子深水埗出晒名份量超級大，可以話係窮撚恩物😍一碟意粉係2-3人份量而價錢都係$40左右，月尾/胃口大好岩食依間野😋重要係質素唔hea你，所以CP值好高👍🏻脆炸芝心薯波 $28角落評分：🌕🌕🌕🌕🌕芝士味好重同埋個芝士係流心🤩薯波炸得脆😍好好食😋玫瑰雞翼配薯蓉 $38角落評分：🌕🌕🌕🌕🌑薯蓉唔係粉沖係用真薯仔整出黎，整得幾滑同埋會有啲薯皮增加口感👍🏻加上有蛋黃醬同埋芝士一齊食🤤食落唔會好膩😋另外啲雞翼夠晒入味又夠juicy，係唔錯嘅小食🥰碎蛋沙律牛角酥配薯角 $40角落評分：🌕🌕🌕🌕🌑薯角係蜜糖味，好脆好好食😋好多人都會單叫嚟食，不過係值得嘅👍🏻因為係即炸同埋放耐左都唔會淋晒🤩牛角酥鬆化但唔夠香，普普通通😂好彩碎蛋沙律好入味，蛋黃醬又唔會太多搞到好膩，夾埋一齊食都唔錯🥰忌廉蘑菇雞肉長通粉 $43角落評分：🌕🌕🌕🌕🌑首先個汁唔夠竭但蒜味好重😍，食得多都唔會覺得好膩👍🏻長通粉唔會好硬，算係適中口感☺可惜雞肉唔係嫩滑果種，仲有啲鞋😢不過呢個價錢呢個份量已經係無可挑剔🥰

話就話呢個係一間café，但佢的成名作反而係個意粉。原因之一就係佢個CP值，是關一碟價值$35的意粉本身已經是非常貼地的價錢，而個份量竟然係平時的兩倍左右，兩個女仔食都係非常足夠。雖然佢個味道談唔上係高質，只是一個正正常常的意粉，但當你睇番個價錢同份量就會覺得真係好抵食。同埋佢每份意粉都係即叫即整，送到台面個時碟碟都係熱辣辣咁出緊煙 !如果大家下次兩個人黎食，我會建議叫一碟意粉SHARE，再加一個小食同兩杯飲品，咁樣唔會浪費食物之餘，又可以試下佢其他的食物。

M.Y Majesty絕對係量尾之選所以長期都有好多人排隊，去到要拎飛等叫號碼 店鋪裝潢簡單 而且入面較細 ，但人流依然滔滔不絕 點解 佢會咁出名? 個個都肯排隊等?因為份量出名大份夾抵食! 多到一個人食有機會食唔晒由於係小店關係，諗好食咩就自己出去櫃台落單，店員會比號碼牌你，然後店員個號碼牌將食物送上你嘅枱面餐具要自己去拎 感覺有點似薩莉亞付款方式有:AlipayHK 支付寶 現金卡邦尼意粉意粉份量重量級，但估唔到芝士粉同煙肉都咁多  真係好誇張果然係出名的「意粉山」食落去仲有點蒜頭味佢味道真係唔錯 雖然稱不上超好味這個價錢呢個份量 值回票價 性價比高佢仲有提供辣椒醬 芝士粉 可以根據自己既個人口味再添加食完真係飽到上心口趣味薯角份量好多，簡值係熱氣之選炸得好香脆，食落去仲有蜜糖味好正阿總結:真係超抵食 依個價錢絕對超值 良心小店如果有機會我會再去 希望到時可以食到牛角酥 見好多人推薦，但我去到既時候已經賣完!

深水埗有很多餐廳卧虎藏龍，今天推薦這間👉🏻 香蒜白酒蜆肉炒意粉好似小山咁多的意粉絕對係月底恩物🙈 但份量多唔代表質素唔好， 一上枱就係超級香的蒜香味😋加上多到爆的蜆肉，都只係35蚊， 真係性價比💯👉🏻 芝士吞拿魚墨西哥捲餅配薯角捲餅內除了有大量芝士同tuna仲加入薯蓉增加層次感😍，但食多都會有少少膩口🙈 薯角雖然係一般街外的貨， 但店舖自己有心意咁加入蜜糖，味道甜甜的， 非常好食👍🏻👉🏻玫瑰乳酪特飲甜度剛剛好，又帶有玫瑰香味☺️

深水埗出名多平靚正嘅美食🙋🏻‍♀️今次呢間早早見到各大傳媒都有報導，原因是好抵食❣️。🍝香蒜白酒蜆肉炒意粉 $35先不講味道🤚🏻份量已經非常驚人😱超大份適合三至四人食👨‍👩‍👧‍👧 意粉🍝+配料🥓都十分足料🤩✨而且‼️價錢也只是$3x-$4x CP值破錶☄️絕對適合大胃王來挑戰😹😹😹味道方面👅蒜香味頗濃、多蜆肉😍加埋芝士粉🧀+Tabasco🌶將成個層次再提高👍🏻唯酒味就存在感不高🤒🥂整體上正正常常、不錯👌🏻相信最主要賣點就是他多到滿瀉的份量🤣。🥔趣味薯角 $22本身期待值不高 但試過便有驚喜發現🤩薯角新鮮炸起 上枱熱辣辣 重點表面淋上蜜糖 令薯角外皮甜甜地 更加好食😚❤️有別於一般市面炸到好硬/擺咗好耐而冧曬 另外份量方面亦都同樣地十分多推介推介😻👍🏻。🍝卡邦尼亞意粉 $39比較起來這個略顯普通 就是普通卡邦尼亞會有的味道 整體上口感creamy 而且好多煙肉🥓😍💓

lunch個陣，見到有間西餐幾吸引，就入去叫左2碟意粉，同一份蛋黃醬牛角包配薯角😋份量真係好多，我地四個人都食唔哂🤢🤢所以細食嘅你記得要叫少啲同friend share, 唔好浪費！

諗唔到食乜，最尾由旺角行返去深水埗😂！依家開咗好多年啊，一直以來啲嘢食都係好好味同埋好好飲～我最鍾意嘅係佢哋嘅抹茶 🥴！佢哋嘅飲唔知點解真係好濃味同埋好正 而佢哋啲意粉永遠都係大大兜又平！🥺🤣真係完全係窮人之選😄！ 所以經常去開旺角或者太子附近都會去返呢一間餐廳食！不過同樣地都有好多人排隊不過唔知係咪都開咗幾年嘢食越嚟越差真係得返啲嘢飲係好味😞😞

經過深水埗又見有點餓就黎左尼度食個下午茶一直都有黎開依度食意大利粉但今次要試下佢既牛角酥於是就叫左個套餐食有我最鍾意既薯角一如既往嘅好食新鮮熱辣出爐佢既牛角酥好脆不過略略太多醬搶晒牛角酥本身既香最後仲有杯紅茶係抵食嘅

My majesty 絕對係我近期食過性價比最高嘅餐廳， 所以短時間內就食咗兩次， 整合做同一個食評。之前見朋友推介話又平又抵食， 已經非常抱有期待， 六點幾去到餐廳， 以為咁早應該唔使等， 點知都已經有人排緊， 因為間餐廳店面唔大，一眼望得哂。 拎完飛之後就望下餐牌諗下食咩， 一見到真係呆咗， 三十幾蚊一個意粉，快餐店都唔止呢個價啦， 仲要見到入面每枱客人嘅意粉份量都超級多，真係覺得太扺食了。第一次叫嘅係卡邦尼意粉，而第二次叫嘅係香蒜白酒蜆肉意粉， 其實已經知道分量好多， 但當真係上枱嘅時候， 心裏面都仲係會哇一聲。 小食就分別叫咗牛角包，薯角同薯條， 飲品就叫咗抹茶牛奶。 見到個價錢同分量嘅時候， 本身覺得食物質素應該比較一般， 點知一食， 真係喜出望外， 食物質素絕對唔差， 雖然未到超級好食， 但食物質素絕對唔會輸過一般出面嘅cafe， 我甚至覺得好食過部分cafe添。 咁平嘅價錢， 如果你以為佢用料較少，意粉只係得最頂有味， 咁你就錯了。 我本身都咁樣以為， 但你見到佢嘅用料絕對唔少， 滿滿嘅蜆肉，食到最後都仲食到。到於小食方面， 原本係擔心兩個人食一個意粉唔夠飽， 所以就叫咗

🔸香蒜白酒蜆肉炒意粉 $35🔸糧尾窮人恩物 意粉大大碟好抵食👍🏻味道稱唔上係好好食 但呢個價錢呢個份量真係唔會要求太多整體我覺得佢係值回票價嘅😂-🔸脆炸魚手指 $23🔸🔸芝士薯波 $28🔸但除左意粉之外 個兩款小食就真係。。。好麻麻 炸粉味重 咬落去肉質鬆散無乜口感仲要收同意粉差唔多價錢覺得可以唔洗叫 叫多個意粉仲抵🤨重點係杯野飲 大家唔係好好好口渴最好唔好嗌😂😂 飲落怪怪地同埋都幾artificial 性價比低仲要唔好飲～-總括：黎呢度食意粉就夠啦 其他就真係麻麻👌🏻