影片
开饭介绍
M.Y Majesty 现有两间分店，位于深水埗福华街和中环soho区，主打意粉•牛角酥，意粉堆叠成山，也是［意粉山］的由来。Not the best but trying our best !
继续阅读
营业时间
今日营业
11:30 - 22:30
星期一至日
11:30 - 22:30
*最后落单时间: 21:30
以上资料只供参考，请与餐厅确认详情
第一次以为会好多人，入到嚟仲有位唔使等，环境感觉一般，墙上嘅装饰好明显好耐冇清洁，劲多尘！座位有啲挤迫，冇咩服务，自己点完餐就坐低等啲嘢食！自助区嘅碟洗得唔系好干净，自己抹一抹会安心啲！两个人要咗个香蒜白酒蚬肉意粉，真系超级大份，好似座山咁😅成碟只有蚬肉同意粉冇其他配料，不过好有蒜香味～但系蚬肉就冇咩味！整体嚟讲都OK嘅～最后大份到两个人都食唔晒！唔大食嘅话三个人分都得🤣但系对一个大男人嚟讲应该绝对够饱！
继续阅读
见网上宣传特登走去食，一入去舖头都多位置，就算多人应该都唔洗等太耐，餐厅上意粉&饮品都多选择，出餐慢少少，可能因为逐个煮，一人嗌左个意粉 系食唔晒 不过意粉一上枱职员都提我地食唔晒可打包 意粉d料多同味道好食 系今时今日既香港要料多同份量大实属难得 漏左讲连饮品都好大杯
继续阅读
试咗三道菜，整体感觉系性价比高之余，味道都交足功课！以下系逐样分享一下：.经典卡邦尼意粉.上枱果一刻即刻感受到社交平台真相无修图——份量超大！两个人夹埋食都绝对够饱。面条煮到刚好，挂汁力唔错，淋上一层浓厚嘅忌廉酱，浓郁得嚟又唔会太腻，好creamy。特别要赞下入面𠮶啲细细粒嘅炸蒜，为成道菜增添咗一层香气，而且啲黑椒同芝士仲可以任加唔嬲，成件事好过瘾！感觉呢碟已经秒杀好多商场连锁餐厅嘅卡邦尼，份量大但食到尾都唔会觉得无聊，值得推荐。.香脆芝士鲜奶卷.一咬落去炸得香脆嘅外皮即刻俾人一个惊喜！入面嘅鲜奶馅香滑浓郁，唔会太甜亦唔会散开，呢种炸物做到咁有质感实属难得。不过，食多几件可能会觉得有啲油腻，建议配返杯热茶平衡下，当茶点一流～总括嚟讲，呢个系一道唔错嘅小食之选。.烤鸭胸墨西哥卷饼.首先个外皮非常香脆，无谂过个包皮可以做到咁有层次感，烧汁同沙律酱淋得啱啱好，令整个卷饼变得酸甜开胃。入面夹咗满满嘅蔬菜，令口感更加清新，不过鸭胸嘅份量就稍嫌少咗啲，只系偶尔会食到鸭胸碎。整体来讲，呢道菜可以话系重质不重量，但胜在味道系高分野味，值得一试！小贴士.呢间餐厅人气好高，星期日下午排队差唔多要十几人，想食建议预时间等位！另外，餐具似乎比较轻，食嘢时要小心，唔好一唔觉意搞到碟移嚟移去～🔖 整体评分：8/10📍 推介菜式：经典卡邦尼意粉、香脆芝士鲜奶卷💡 注意事项：餐厅好逼爆，建议避开繁忙时段，钟意重口味朋友记得试卡邦尼加多啲黑椒同芝士！
继续阅读
迈爵斯 @m.y_majesty 📍：深水埗福华街15号地舖🚗：太子地铁E出口 步行7分钟📞：+852 9457-9068💲：~HKD50/head for lunchFood quality✔️：白酒蚬意粉、蜜桃酸尾尾 总结：😋呢间简直系深水埗区嘅穷人恩物饭堂 平靓正兼大份 非常推荐本区嘅人粮尾疯狂光顾🥰😋试咗佢哋嘅白酒蚬意粉🍝 $38本身𠮶价钱已经够cls 点知嚟到仲要劲大碟 完全系平时餐厅百几蚊碟x3嘅份量嚟 质素要求当然唔会高 不过比我想像中好食 蒜味出同埋蚬嘅量都唔少😋我系疯狂咁逼自己食最尾都净超多 我问餐厅拎食品盒打包 最尾系满咗一个盒 (睇下𠮶份量几惊人咁多)😎😋饮品比较下就无食物咁抵食 试咗𠮶蜜桃酸尾尾 又几好饮同埋好足料🤔服务就几自助 不过唔收加一好合理 去柜台落单畀钱就上碟 畀到三分系因为员工系畀我+$1拎𠮶食物盒🤣
继续阅读
今日天寒地冻，行过深水埗，好肚饿，谂住揾间专食淀粉质嘅餐厅嚟食。见到呢间迈爵斯，网上面好多人介绍，好大碟嘅意粉，我哋就试试。我哋系非繁忙时间去食，好彩冇乜人排队。入到去店舖唔系好大，但环境舒适，餐具同水都系自助式。我哋太肚饿就叫咗每人一碟意粉，想到嚟真系大大碟，堆到成座山咁。1）肉酱意粉-肉酱多，香浓嘅蕃茄味2）传统卡邦尼意粉-配料多，配上芝士粉好惹味味道唔会五星级，但胜在份量多 ，系性价比之选！！
继续阅读