邁爵斯 (福華街)

营业中

休息中

🍴 餐廳推介 🌟🦆 烤鴨胸墨西哥捲餅 ＄32
📸 烤鴨胸墨西哥捲餅
🌮 餡料滿滿，椰菜絲清爽搭配軟嫩多汁的烤鴨胸，大概2-3塊鴨肉。沙律醬與燒烤醬完美融合，味道層次豐富，令人回味！😋 份量超大，食完飽足感十足！👍🌶️ 香辣海鮮意粉 ＄48
📸 香辣海鮮意粉
🍝 份量驚人，足夠2人共享！香辣蕃茄醬汁甜中帶辣，配搭鮮嫩墨魚粒、蜆肉及蕃茄粒，口感鮮美，風味絕佳！🌟 性價比超高，絕對值得一試！💡 總結：每道菜都物超所值！約多幾個朋友一起來，試遍更多美味菜式！😄🏠 地址： 邁爵斯（福華街）（深水埗）
📍 深水埗福華街15號地舖

味道價錢無問題，都無投訴。首先，次次排隊都俾人打尖，真係反映管理層喺流程設計上出咗問題。冇一個清晰嘅排隊制度，例如派號碼牌或者先到先得嘅明確規則，好容易搞亂。您提到就算人多，管理層都冇好好安排入座，可能係因為冇有效嘅分流機制，或者員工培訓唔夠。例如，簡單嘅號碼牌系統或者電子排隊系統，已經可以畀客人清楚知道自己嘅次序，減少打尖嘅機會。員工之間冇溝通都係問題嘅核心，可能係因為冇明確嘅職責分配，或者管理層冇訂立統一嘅指引，搞到員工各自做嘢，忙起來完全應付唔到高峰期嘅客流。另外，員工唔主動問邊個客人等先，顯示佢哋嘅服務意識唔夠，或者工作流程有問題。呢啲可能同員工培訓不足有關，又或者係管理層冇訂立標準化嘅服務流程。長遠嚟講，管理層要重新檢視排隊同入座嘅流程，引入科技幫手（例如電子排隊系統），仲要加強員工之間嘅合作同培訓，先可以確保客人嘅體驗公平又順暢。

第一次以為會好多人，入到嚟仲有位唔使等，環境感覺一般，牆上嘅裝飾好明顯好耐冇清潔，勁多塵！座位有啲擠迫，冇咩服務，自己點完餐就坐低等啲嘢食！自助區嘅碟洗得唔係好乾淨，自己抹一抹會安心啲！兩個人要咗個香蒜白酒蜆肉意粉，真係超級大份，好似座山咁😅成碟只有蜆肉同意粉冇其他配料，不過好有蒜香味～但係蜆肉就冇咩味！整體嚟講都OK嘅～最後大份到兩個人都食唔晒！唔大食嘅話三個人分都得🤣但係對一個大男人嚟講應該絕對夠飽！

見網上宣傳特登走去食，一入去舖頭都多位置，就算多人應該都唔洗等太耐，餐廳上意粉&飲品都多選擇，出餐慢少少，可能因為逐個煮，一人嗌左個意粉 係食唔晒 不過意粉一上枱職員都提我地食唔晒可打包 意粉d料多同味道好食 係今時今日既香港要料多同份量大實屬難得 漏左講連飲品都好大杯

試咗三道菜，整體感覺係性價比高之餘，味道都交足功課！以下係逐樣分享一下：.經典卡邦尼意粉.上枱果一刻即刻感受到社交平台真相無修圖——份量超大！兩個人夾埋食都絕對夠飽。麵條煮到剛好，掛汁力唔錯，淋上一層濃厚嘅忌廉醬，濃郁得嚟又唔會太膩，好creamy。特別要讚下入面嗰啲細細粒嘅炸蒜，為成道菜增添咗一層香氣，而且啲黑椒同芝士仲可以任加唔嬲，成件事好過癮！感覺呢碟已經秒殺好多商場連鎖餐廳嘅卡邦尼，份量大但食到尾都唔會覺得無聊，值得推薦。.香脆芝士鮮奶卷.一咬落去炸得香脆嘅外皮即刻俾人一個驚喜！入面嘅鮮奶餡香滑濃郁，唔會太甜亦唔會散開，呢種炸物做到咁有質感實屬難得。不過，食多幾件可能會覺得有啲油膩，建議配返杯熱茶平衡下，當茶點一流～總括嚟講，呢個係一道唔錯嘅小食之選。.烤鴨胸墨西哥捲餅.首先個外皮非常香脆，無諗過個包皮可以做到咁有層次感，燒汁同沙律醬淋得啱啱好，令整個捲餅變得酸甜開胃。入面夾咗滿滿嘅蔬菜，令口感更加清新，不過鴨胸嘅份量就稍嫌少咗啲，只係偶爾會食到鴨胸碎。整體來講，呢道菜可以話係重質不重量，但勝在味道係高分野味，值得一試！小貼士.呢間餐廳人氣好高，星期日下午排隊差唔多要十幾人，想

邁爵斯 @m.y_majesty 📍：深水埗福華街15號地舖🚗：太子地鐵E出口 步行7分鐘📞：+852 9457-9068💲：~HKD50/head for lunchFood quality✔️：白酒蜆意粉、蜜桃酸尾尾 總結：😋呢間簡直係深水埗區嘅窮人恩物飯堂 平靚正兼大份 非常推薦本區嘅人糧尾瘋狂光顧🥰😋試咗佢哋嘅白酒蜆意粉🍝 $38本身嗰價錢已經夠cls 點知嚟到仲要勁大碟 完全係平時餐廳百幾蚊碟x3嘅份量嚟 質素要求當然唔會高 不過比我想像中好食 蒜味出同埋蜆嘅量都唔少😋我係瘋狂咁逼自己食最尾都淨超多 我問餐廳拎食品盒打包 最尾係滿咗一個盒 (睇下嗰份量幾驚人咁多)😎😋飲品比較下就無食物咁抵食 試咗嗰蜜桃酸尾尾 又幾好飲同埋好足料🤔服務就幾自助 不過唔收加一好合理 去櫃檯落單畀錢就上碟 畀到三分係因為員工係畀我+$1拎嗰食物盒🤣

今日天寒地凍，行過深水埗，好肚餓，諗住搵間專食澱粉質嘅餐廳嚟食。見到呢間邁爵斯，網上面好多人介紹，好大碟嘅意粉，我哋就試試。我哋係非繁忙時間去食，好彩冇乜人排隊。入到去店舖唔係好大，但環境舒適，餐具同水都係自助式。我哋太肚餓就叫咗每人一碟意粉，想到嚟真係大大碟，堆到成座山咁。1）肉醬意粉-肉醬多，香濃嘅蕃茄味2）傳統卡邦尼意粉-配料多，配上芝士粉好惹味味道唔會五星級，但勝在份量多 ，係性價比之選！！

今日同朋友一起來幫襯食左好多年的餐廳，好在仲係度 唔係少左間性價比高的食堂。呢個通脹咁勁嘅社會仲有一間反通脹嘅食肆而且佢個份量十分之足夠一個意粉可以有兩個人share食都夠飽今次點左一個意粉 一個小吃，兩杯芒果爆珠珠乳酸飲品，一個香辣海鮮意粉，一個是薯角薯角最好吃，上面淋左蜜糖，又香又脆 。頂呱呱。然後就係個香辣海鮮意粉，香辣惹味意粉煮到啱啱好，又唔會太腍 唯一覺得佢不足就是有點濕 可以乾身點更加好。飲品一般般用來解渴都OK嘅.飲品可以再平啲更加好@

一大碟意粉，真係成座意粉山咁！份量多，味道也非常豐富香脆炸雞外皮金黃酥脆，肉質鮮嫩多汁第一次嘗試水牛芝士條奶香濃郁，好味到爆！滋味洋蔥圈濃郁的洋蔥味，正。蜜桃之戀飲品解渴又提神雖然餐廳人手少，但員工都有禮貌服務。餐廳環境乾淨,似裝修完,都吃得安心。餐廳自己去收銀俾錢後送餐,都好方便。吃左一餐開心的晚飯

一直聽聞有間好鬼大碟又抵食嘅餐廳今日終於有機會黎試下有真係有鬼大碟 一個人真係食唔曬味道雖然去唔到話好好食 但係呢個價錢 呢個質素 真係冇得輸睇到隔離檯嘅牛角酥都好似幾好食下次再黎試下先

bookmarked左呢間好耐今日終於一試點左南瓜雞肉牛角包（+$24下午茶套餐跟沙律）先去counter點餐付費 再揾位等食其實係幾大份嘅牛角包有叮過（唔係烘過）不過有d乾硬南瓜蓉不冷不熱 雞肉更係凍嘅鋪面嘅芝士都係乾身嘅一d都唔拉絲又冇咩調味 成份牛角包就係乾噌噌d味道一d都唔夾沙律菜更係眼見嘅唔新鮮 都有d黃&謝晒沙律醬更係敗北味道好似醃菜醬咁 酸酸醙醙食一啖就令口腔充斥住嗰陣味係越食越難頂跟餐嘅熱紅茶成杯綠茶咁嘅色仲要冇咩茶味成份餐都令人冇晒胃口餐具都係自助形式不過餐具嘅衛生情況係令人有d卻步自助區嘅餐具都有d水漬望落好似有d唔乾淨咁唔知係環境定係食物因數影響我對呢度嘅評價真係麻麻唔會再有第二次

接受到態度差可以去食，野食大大碟，但侍應態度極差😡食過一次真係唔會有下次。侍應安排座位好似趕客咁，坐低都冇主動同我地講要櫃枱落單，語氣勁差話依度落單，落完單又話賣曬😓最接受唔到都係態度語氣差😅

份量認真好多，第二次過嚟食都覺得會再返轉頭食份量多、好抵食，所以大家要體諒吓佢哋舖頭細細同埋出餐時間比較耐，今次仲叫咗玫瑰雞翼，未放上枱已經聞到好香玫瑰嘅味道，不過可惜嘅係冇咗以前嘅薯蓉另外仲叫咗南瓜三文魚飯，味道啱啱好，三文魚都好大件！不得不提起佢哋嘅嘢飲，超級大杯又好解渴食咗勁多嘢加埋都唔使$300 餐廳夜晚比較多人，所以位置唔係好夠，坐接近門口會有啲熱，不過都唔會太大影響見到好多人都有叫到黑松露薯條，好似好好食咁！

呢間野已經唔係第一次食，頭2次都係食意粉，今次叫左碟意大利飯食，雖然portion感覺冇意粉咁大兜，但味道都唔錯。除左飯，仲叫左碟玫瑰雞翼，黎到個賣相都唔差，仲要配埋一大堆沙律，連埋2杯野食，2舊水都唔洗，2個人都食飽曬。

側邊三張枱吉晒，冇人執枱，冇人安排出邊嘅人入去，等左半個鐘，起碼10個人等緊，好心就請多幾個員工，望住入面啲人食完我都未入去，碟又唔執 0分 bad experience