邁爵斯 (福華街)

营业中

休息中

M.Y Majesty絕對係量尾之選所以長期都有好多人排隊，去到要拎飛等叫號碼 店鋪裝潢簡單 而且入面較細 ，但人流依然滔滔不絕 點解 佢會咁出名? 個個都肯排隊等?因為份量出名大份夾抵食! 多到一個人食有機會食唔晒由於係小店關係，諗好食咩就自己出去櫃台落單，店員會比號碼牌你，然後店員個號碼牌將食物送上你嘅枱面餐具要自己去拎 感覺有點似薩莉亞付款方式有:AlipayHK 支付寶 現金卡邦尼意粉意粉份量重量級，但估唔到芝士粉同煙肉都咁多  真係好誇張果然係出名的「意粉山」食落去仲有點蒜頭味佢味道真係唔錯 雖然稱不上超好味這個價錢呢個份量 值回票價 性價比高佢仲有提供辣椒醬 芝士粉 可以根據自己既個人口味再添加食完真係飽到上心口趣味薯角份量好多，簡值係熱氣之選炸得好香脆，食落去仲有蜜糖味好正阿總結:真係超抵食 依個價錢絕對超值 良心小店如果有機會我會再去 希望到時可以食到牛角酥 見好多人推薦，但我去到既時候已經賣完!

深水埗有很多餐廳卧虎藏龍，今天推薦這間👉🏻 香蒜白酒蜆肉炒意粉好似小山咁多的意粉絕對係月底恩物🙈 但份量多唔代表質素唔好， 一上枱就係超級香的蒜香味😋加上多到爆的蜆肉，都只係35蚊， 真係性價比💯👉🏻 芝士吞拿魚墨西哥捲餅配薯角捲餅內除了有大量芝士同tuna仲加入薯蓉增加層次感😍，但食多都會有少少膩口🙈 薯角雖然係一般街外的貨， 但店舖自己有心意咁加入蜜糖，味道甜甜的， 非常好食👍🏻👉🏻玫瑰乳酪特飲甜度剛剛好，又帶有玫瑰香味☺️

深水埗出名多平靚正嘅美食🙋🏻‍♀️今次呢間早早見到各大傳媒都有報導，原因是好抵食❣️。🍝香蒜白酒蜆肉炒意粉 $35先不講味道🤚🏻份量已經非常驚人😱超大份適合三至四人食👨‍👩‍👧‍👧 意粉🍝+配料🥓都十分足料🤩✨而且‼️價錢也只是$3x-$4x CP值破錶☄️絕對適合大胃王來挑戰😹😹😹味道方面👅蒜香味頗濃、多蜆肉😍加埋芝士粉🧀+Tabasco🌶將成個層次再提高👍🏻唯酒味就存在感不高🤒🥂整體上正正常常、不錯👌🏻相信最主要賣點就是他多到滿瀉的份量🤣。🥔趣味薯角 $22本身期待值不高 但試過便有驚喜發現🤩薯角新鮮炸起 上枱熱辣辣 重點表面淋上蜜糖 令薯角外皮甜甜地 更加好食😚❤️有別於一般市面炸到好硬/擺咗好耐而冧曬 另外份量方面亦都同樣地十分多推介推介😻👍🏻。🍝卡邦尼亞意粉 $39比較起來這個略顯普通 就是普通卡邦尼亞會有的味道 整體上口感creamy 而且好多煙肉🥓😍💓

lunch個陣，見到有間西餐幾吸引，就入去叫左2碟意粉，同一份蛋黃醬牛角包配薯角😋份量真係好多，我地四個人都食唔哂🤢🤢所以細食嘅你記得要叫少啲同friend share, 唔好浪費！

諗唔到食乜，最尾由旺角行返去深水埗😂！依家開咗好多年啊，一直以來啲嘢食都係好好味同埋好好飲～我最鍾意嘅係佢哋嘅抹茶 🥴！佢哋嘅飲唔知點解真係好濃味同埋好正 而佢哋啲意粉永遠都係大大兜又平！🥺🤣真係完全係窮人之選😄！ 所以經常去開旺角或者太子附近都會去返呢一間餐廳食！不過同樣地都有好多人排隊不過唔知係咪都開咗幾年嘢食越嚟越差真係得返啲嘢飲係好味😞😞

經過深水埗又見有點餓就黎左尼度食個下午茶一直都有黎開依度食意大利粉但今次要試下佢既牛角酥於是就叫左個套餐食有我最鍾意既薯角一如既往嘅好食新鮮熱辣出爐佢既牛角酥好脆不過略略太多醬搶晒牛角酥本身既香最後仲有杯紅茶係抵食嘅

My majesty 絕對係我近期食過性價比最高嘅餐廳， 所以短時間內就食咗兩次， 整合做同一個食評。之前見朋友推介話又平又抵食， 已經非常抱有期待， 六點幾去到餐廳， 以為咁早應該唔使等， 點知都已經有人排緊， 因為間餐廳店面唔大，一眼望得哂。 拎完飛之後就望下餐牌諗下食咩， 一見到真係呆咗， 三十幾蚊一個意粉，快餐店都唔止呢個價啦， 仲要見到入面每枱客人嘅意粉份量都超級多，真係覺得太扺食了。第一次叫嘅係卡邦尼意粉，而第二次叫嘅係香蒜白酒蜆肉意粉， 其實已經知道分量好多， 但當真係上枱嘅時候， 心裏面都仲係會哇一聲。 小食就分別叫咗牛角包，薯角同薯條， 飲品就叫咗抹茶牛奶。 見到個價錢同分量嘅時候， 本身覺得食物質素應該比較一般， 點知一食， 真係喜出望外， 食物質素絕對唔差， 雖然未到超級好食， 但食物質素絕對唔會輸過一般出面嘅cafe， 我甚至覺得好食過部分cafe添。 咁平嘅價錢， 如果你以為佢用料較少，意粉只係得最頂有味， 咁你就錯了。 我本身都咁樣以為， 但你見到佢嘅用料絕對唔少， 滿滿嘅蜆肉，食到最後都仲食到。到於小食方面， 原本係擔心兩個人食一個意粉唔夠飽， 所以就叫咗

🔸香蒜白酒蜆肉炒意粉 $35🔸糧尾窮人恩物 意粉大大碟好抵食👍🏻味道稱唔上係好好食 但呢個價錢呢個份量真係唔會要求太多整體我覺得佢係值回票價嘅😂-🔸脆炸魚手指 $23🔸🔸芝士薯波 $28🔸但除左意粉之外 個兩款小食就真係。。。好麻麻 炸粉味重 咬落去肉質鬆散無乜口感仲要收同意粉差唔多價錢覺得可以唔洗叫 叫多個意粉仲抵🤨重點係杯野飲 大家唔係好好好口渴最好唔好嗌😂😂 飲落怪怪地同埋都幾artificial 性價比低仲要唔好飲～-總括：黎呢度食意粉就夠啦 其他就真係麻麻👌🏻

月中已經開始有糧尾嘅感覺，朋友見我咁慘情，就話帶我去食個超抵食嘅巨人餐。呢間小店都算有幾多選擇，有意粉、牛角酥、仲有其他特色小食，我以為都係一般平民西餐咁啦！因為唔係好肚餓，所以就諗住扮細食叫一個意粉同埋一份牛角酥share食。呢間小店係要食客自己行出去落單，然後店員就跟住個號碼牌將食物送上你嘅枱面。我自己落咗單之後，先留意到其他食客食緊嘅意粉有幾大碟，我開始心知不妙一送碟意粉嚟我面前，我心諗發生咩事，點解碟意粉可以大碟成咁，起碼要兩個人先食得晒呢個意粉醬汁唔多，不過就充滿着濃濃嘅蒜頭味，如果鍾意食蒜味嘅朋友一定非常鍾意！牛角酥入面嘅餡好澎湃，一啲都唔吝嗇，再配埋大量嘅薯角，真係好抵食！薯角加咗少少蜜糖，鹹脆之中帶點甜，我同朋友都覺得好好食！以呢個份量嚟講，兩個人當然食唔晒啦！不過我哋好慳家打包返去又可以食多一餐喇我哋已經約定下次糧尾再嚟食過！

呢一間長期都有好多人排隊留得住啲客既原因都係因為又平又大份而且味道又唔錯之餘，款式又多最常叫既一定係卡邦尼意粉意粉份量固然多，但啲芝士粉同煙肉都一樣咁多!份量一啲都唔孤寒但芝士粉撈耐左可以無咩汁既關係，會好乾2個人一齊食一定無問題我加多左個小食，炸薯條，香脆好厚份量一樣多到差啲食唔曬仲係啱啱炸起食完之後真係飽到上心口不過呢間既安排入座就有少少亂而且啲座位有少少迫，啲醬既數量唔係好夠迫住我自己去人地檯拎~可能因為人手又唔夠既關係收錢個個負責埋樓面既所有野，處理有少少慢既問題但野食平 靚 正 ，啱曬糧尾一族推介:  /5

每次去深水步買凍肉買電腦野一定會諗起呢間邁爵斯。邁爵斯最出名就係抵食夾大件，30幾40蚊叫碟意粉，意粉上枱後你會發覺佢好似係成包500G既意粉份量係枱上。今次再次黎到可能因為疫情關係，唔洗排隊就直接有位，之前要排大半個鐘先可以有位。今次就叫左吞拿魚碎蛋牛角包、蕃茄煙肉炒意粉同埋冰茶。今次特別要講既就係牛角包。牛角包貫徹左餐廳風格，就係大大隻既牛角包塞滿左碎蛋沙律上面再放吞拿魚，再配埋蜜糖脆薯角。牛角包香脆可口，蛋沙律好香蛋味同埋好有份量絕對唔係用沙律醬去堆砌出黎，再加埋脆口同充滿蜜糖味既薯角真係好滿足。一個單點既牛角包配薯角已經足以飽到上心口。

一間超超超抵食既餐廳🤪初嘗意粉山( ´▽` )ﾉ🐽 香辣海鮮意粉🌶 ($47)少少辣 有d蕃茄酸酸甜甜味😗依個價錢真係估唔到佢有咁多海鮮🤣有魷魚🦑蜆 螺肉 同蝦仔!🐽 香蒜白酒蜆肉炒意粉🧄 ($35)海量既蜆肉🌊冇乜酒味 炒得稍為乾身蒜味超香✨🐽 水牛芝士煙肉牛角酥🥐 ($45)內裡滿滿的芝士🧀🧀🤤配勁多炸薯角!!薯角好脆 有蜜糖係面🍯好好食🥳3個人嗌左3樣野 完全食唔曬🤣最後都係打包3盒野走😼

呢間每次去食dinner都要排長龍 今次等左半個中島我地要左2個意粉 都係超超超大碟。。1.香辣海鮮意粉($47)啲海鮮都好多 食極都有 而且微辣又有夠味 2.卡邦尼意粉($39)卡邦尼既味道對得住呢個價錢同份量 唔係話貴價個啲咁好味 但煙肉夠多又有少少蒜味 佢入面既環境其實都有啲迫 通常都要同其他人一齊坐一張大枱 但係啲嘢食都好抵食 一碟意粉已經好大份 基本上兩個人食一碟已經足夠飽 如果覺得唔夠嘅話 嗌多份小食都一定夠飽 係窮人恩物！

卡邦尼意粉　💰HKD$ 39碎蛋牛角酥　💰HKD$ 40 -相信大家對Majesty應該一點都不陌生，以意粉山為人熟悉，今次終於去到一試。餐廳採取自助的形式，即是自行找位、自行取餐具和水、自行拿取醬料添加。今次叫了兩個餐，分別是卡邦尼意粉和碎蛋牛角酥，超不專業食評如下💬-◾️卡邦尼意粉真的是超大碟，名副其實是意粉山，兩個女孩子分享就可以，一人吃一碟可能會浪費食物。意粉口感有點硬，也不會黏著一塊，是條條分明的意粉，喜歡吃「爽口」的意粉的人應該會喜歡吧。但這碟卡邦尼意粉充滿蒜味但完全不太覺得有creamy的口感，與平常吃的卡邦尼意粉不同；同時也欠奉芝士味，但餐廳有芝士粉給你添加，可以叫作彌補了少少不足之處。-◾️碎蛋牛角酥相反，這道碎蛋牛角酥令人感到驚喜。薯角好像有層蜜糖包著似的，表面也有一點點黑椒碎，吃下去甜甜辣辣地，令人吃完一塊又一塊。而碎蛋牛角酥比薯角更有看頭，牛角酥香脆可口，而碎蛋拌著蛋黃醬吃更是香香滑滑，非常美味。-►好食指數：6/10 (碎蛋牛角酥：9/10)意粉真的是大份而已，味道真係很一般；相反牛角酥真的頗好吃，如果下次來，我會再想吃多遍「碎蛋牛角酥」。

講到食意粉最抵食既地方，呢間一定係名單之內。食左兩次，每次都撐爆左個胃。所以建議大家黎準備好個胃，或者叫多幾個朋友黎，食得晒先好嗌，食唔曬可以拎外賣盒裝走，唔好做大嘥鬼啦！呢度出名有座意粉山，份量很驚人，但係都只係三十至四十幾蚊，所以呢間名氣不少，都多人排隊，夜晚黎就預好時間啦。今次意粉點了香蒜白酒蜆肉炒意粉同海苔芥茉蝦沙律牛角酥。碟意粉漏左我單，等左好耐，不過同完店員講之後就好快上到。蒜味太重，食完成身有蒜味。不過三十幾蚊黎講，意粉同蜆肉份量都多，係抵食既。比較意粉，個人較推薦牛角酥套餐，因為較香脆，味道較佳。同樣地，份量也很多，仲配大量薯角。