邁爵斯 (福華街)

营业中

休息中

平民價🔥份量驚人🔥​真心大件夾抵食‼️​仲要味道唔錯㗎😋​​特別推介：牛角包🥐​超級意想不到咁大件😍​仲要非常酥脆，有牛油香味，暖暖的😋​​薯角都好好味🥔​因為有蜜糖淋係面，甜甜地，即刻將薯仔昇華咗🥰​​蜆肉意粉嘅蒜香味勁濃👃🏼啲意粉唔使錢咁🤣食到停唔到口👄btw服務態度有啲差😶

依間深水埗食店應該都深受大家認識，出名意粉大大碟，一客足夠二人享用，價錢亦相當經濟，質素又係差，真係所謂嘅大件夾抵食！.餐廳整體食物性價比高係值得讚，但服務質素有待改善😅餐廳係採用自助形式先俾錢後上食物，但女店員成日不瞅不睬，落單掛住玩手機然後miss哂我所講嘅item，然後唔知係咪因為心不在焉所以我重複再講item落錯了單，上菜先發現所點嘅洛神花茶變左玫瑰花茶(咁我都有衰嘅因為唔記得左check單）其中一個係套餐包杯紅茶，我第一次食吾知道飲品原來都甘大杯於是另外叫多左杯，意粉差不多食完杯紅茶仲未上枱於是同女店員講第二次而佢係點頭，但可惜最後成餐食完仲未見茶影，同屋企人剛剛好飲哂杯錯單玫瑰茶覺得都夠於是費事再催單以免飲唔晒浪費了。後來聽聞有朋友同樣幫襯完有不愉快經歷，會俾多次機會希望下次再幫襯嘅時候有改善啦😇.👓香蒜白酒蜆肉炒意粉 $35意粉熱辣辣夠鑊氣，炒得夠乾身，香蒜調味適中，加埋少少蒜頭，好夠蒜頭味但又未至於苦澀，仲落有香草同芝士粉，所以夠哂濃味同惹味。蜆肉雖然係罐頭貨色不是新鮮有殼蜆肉，但以份量多取勝，意粉山上滿滿的蜆肉。雖然有少少油膩，但整體性價比高😊評分：7/10👓自家製雞

之前喺IG一啲講飲講食嘅帳號見過哩間餐廳既介紹，個個都話哩間餐廳嘅意粉大件夾抵食，而且味道唔錯，咁啱前排去深水埗，就專登走過去試吓😋餐廳唔係咁近地鐵站，都要行一段距離先到。一入到餐廳，已經急不及待點餐，我哋叫咗一碟蜆肉意粉同埋一碟薯塊配牛角包。🎈薯塊配牛角包估唔到除咗意粉份量多之外，薯塊嘅份量都非常多，佢嘅薯塊唔會炸得太乾，表面非常脆。最令人意想不到嘅係個牛角包，牛角包非常酥脆，有淡淡的蜜糖味，而且裏面嘅芝士好多，夾埋一齊非常好食！超級推介👍🏻呢度要順帶一提，如果需要茄汁同埋芝士粉，可以去旁邊既自助counter度拎。🎈蜆肉意粉大家淨係睇相已經知道呢個意粉嘅份量係超超超超多！而且佢唔止係意粉多，啲蜆肉仲要好似唔駛錢咁，保證啖啖都食到蜆肉，真係一啲都唔馬虎。味道方面，意粉有好重嘅蒜香味，蜆肉冇沙，雖然味道稱不上驚為天人，但咁嘅價錢，咁嘅份量，真係已經非常唔錯佢嘅份量多到，我哋最後係食唔晒嘅😝總括來講，呢一間野真係非常抵食！特別適合男性嘅上班一族。

呢一間舖頭真係糧尾首選，大大碟意粉都只係30幾蚊，仲要兩個人share都夠飽，你話佢賺得幾多啊～Majasty 內裏環境比較暗黑，但都相當舒服。茶水就係自助既，裏面有唔同款式嘅意粉，全部都係$40內，唔好以為平就少配料，雖然食材唔係高級，但佢都冇吝嗇過！當日食咗個蕃茄煙肉意粉，你睇吓幾咁澎湃另外呢度嘅牛角包都相當出名，可惜當日已經售罄，但既然一場黎到 ，就叫返碟薯角食啦！薯角又係大大份，面頭淋上一層蜜糖，中和返薯條嘅熱氣同埋鹹度。買單先70幾蚊（食2個人喎）！好平呀

大大兜加超平價既意粉已經興咗好長時間，呢日終於到同朋友去朝聖。卡邦尼意粉 $39卡邦尼第二間間西餐廳都必定有嘅意粉，但想做得好食就唔係咁簡單。意粉一嚟到就嚇親我同朋友，兩個女仔完全食唔到，一碟意粉應該係四人份量！圖中都可以見到有好多煙肉，一食落口好重忌廉味，但真係食唔到幾多就覺得膩，口感唔算creamy，個人覺得唔算好食既卡邦尼。雙重芝士牛角酥加薯角 $45個人覺得牛角酥性價比更高，牛角酥焗得好脆，加上雙重芝士十分邪惡，但呢一份一個人真係食唔到，食多咗都係會覺得太油膩，薯角炸得好香脆，食完一件又一件。呢間餐廳以價錢同份量取勝，如果想食飽肚一餐都可以去食，係月光族必備。但如果想食高質嘅一餐就未必係一個好嘅選擇，始終一分錢一分貨！

難得搵到間又平又大份嘅餐廳，入去食都冇咩事，之後有位先生要入嚟食啦，侍應阿叔就叫佢嚟搭枱（我枱兩個人坐緊四人位），話要加返塊板喺中間，佢就隨手攞地下塊生曬污漬又爆爆地嘅發泡膠板上嚟，就咁用兩張枱夾住就算大佬我食緊飯要坐多個人冇問題，但係你都唔會隨手攞地下啲板上飯枱啦，一嚟多塵二嚟塊嘢勁污糟，好影響食慾，明明只要執好隔離啱啱走嗰張燼枱就得，出面又唔係有人等緊，仲話要留返俾其他客人坐🤦🏿‍♂️即走以後唔幫襯嘢食就偏多油同好大份，食完一次有排減，味道好一般，太油食唔到味了☠️

碌IG見到關於呢度意粉份量有幾誇張嘅post，即刻share 俾另一個澱粉質愛好者，約定一齊去會一會佢！入到去坐低，隔離枱啱啱上菜，望一望，嘩！不得了！呢座山嚟㗎喎！賣幾十蚊，究竟老細有無錢賺㗎？我哋兩個討論咗一陣，覺得幾鐘意澱粉質都好，根本無可能一人Finish到一碟，所以我哋決定叫一個白酒蜆肉意粉同炸薯角share.雖然平，但蜆肉嘅份量一啲都唔孤寒。而薯角甜甜地，非常香口好食😋自問唔算細食，同行嘅朋友仔都正常食量，但我哋兩個都搞唔掂一碟意粉同薯角。

呢間餐廳嘅食物份量真係好大係出面就算俾80幾蚊 就算百幾蚊 都未必有咁大碟自問都算係大食嘅女仔🙈嗰晚同朋友兩個人 淨係食咗以下兩樣食物再加每人一杯嘢飲 都真係已經飽到上心口📍雞鎚配意粉沙律個意粉雖然冇汁底 但好重香蒜味亦都唔會太乾 味道都算幾香口 幾好食雞鎚同沙律就不過不失啦😌📍薯蓉配玫瑰雞翼雞翼有成六隻 兩個人分 每人三隻 其實都好夠食玫瑰味就唔係好覺啦 不過味道上甜甜地都幾好味薯蓉就唔算係好香好滑嗰一種 比較似係原個薯仔壓出嚟 仲有啲粒粒嘅口感😎😎雖則係冇餐飲 要額外分開買但食物都已經好平 所以就算額外加都絕對可以接受簡直係糧尾首選🤤🤤

👧🏻Wodafoodie in Sham Shui Po上網睇左好耐終於黎朝聖每個人都叫佢「意粉山」🤣 今日黎一探究竟平日黎都要等位 等左半個鐘到先入到 呢到落單係要自己行去收銀俾錢Menu 全部野都勁平！全部都低過$50 店家究竟點賺架🤣🤣我2個人黎食 揀左好耐終於叫左2樣🍝香辣海鮮意粉 $47超級！超級！超級大碟！😱😱😱根本3人份量！！超多意粉！！！蜆肉都唔少 都算幾好食 意粉偏淋左d 勁多汁根本2個人叫一碟意粉已經好夠飽🤣🥐雙重芝士牛角酥 $26呢個仲痴線 咁平 有一大個牛角酥 仲配埋海量薯角🤣🤣 牛角酥香脆可口 薯角調味適中 加左蜜糖好好食😋😋😋 份量真係好多 食極都仲有 食唔曬😂😂非常建議最少要3個人以上一齊黎食先可以叫到多d款式 2個人就帶定個食物盒打包啦😝📍 邁爵斯 (深水埗)深水埗福華街15號地舖

🐾 邁爵斯 (深水埗) 🐾-香蒜白酒蜆肉意粉 ✔️$35雙重芝士牛角包配薯角 ✔️$45滋味洋蔥圈✔️$23-香蒜白酒蜆肉意粉:呢間餐廳起兩年前食過幾次，嗰陣啱啱新開嘅，價錢同而家一樣冇加過價，都係咁貼地，而且佢份量係超大，如果兩個女仔食嘅話一個意粉都可能會食唔晒，真係冇誇張，香蒜味超重，啱晒重口味人士，我哋落咗好多芝士粉落去，可能因為咁樣變得比較乾身 而且蜆肉都有好多完全唔係得一兩粒咁-雙重芝士牛角包配薯角：牛角包好鬆軟，芝士亦都有好多但係一啲都唔漏，薯角佢落咗啲蜂蜜落去，我自己就麻麻哋，薯角係炸得比較淋身，我就比較鍾意呢一種質感👍🏻👍🏻-滋味洋蔥圈：洋蔥圈味道都好食，外層比較硬，入邊裹住嗰啲炸粉都比較厚，但係唔知點解我就係好鍾意食🤣😂😂😂-最後想講一講呢一間店舖嘅衛生狀況，衛生情況係比較差嘅，例如出去拎餐具嘅位置嗰度有一啲細嘅碟同杯個乾淨程度都有限，所以我哋都冇拎到，而且拎咗餐具返嚟都有自己再清潔一次先再用，呢一個就比起佢哋新鋪嘅時候做得比較差嘅，但係服務就真係幾好嘅👍🏻———————————————(非專業,完全跟據個人口味☺)食物:8/10環境:6/10服務:8/10人均消費:$50

這間餐廳的食物價錢毋庸置疑是很便宜，有一定嘅質素，能夠在$40內去到西式意粉尚算不錯。三個人，叫了兩個意粉，一份牛角包配薯條。餐牌一目了然，我們帶了番茄意粉，牛肉意粉及芝士吞拿魚牛角包配薯條由於可能我尚算是這裏的常客，姑姐裏的食物對我來說亦不算太特別了，而我認為這裏是窮人的食物恩物，一個意粉都足夠兩個比較細食嘅女孩子了。所以如果經過嘅，都可以支持這間小店！溫馨提示：如果想晚餐不用等位的話，就最好1800-1830就較少人流有機會不用等候座位。

有日同朋友去食，入到去店內環境有啲逼。而落單途中，店員態度似乎係不耐煩。 食物方面，炸洋蔥圈口感唔錯，不過就無乜味道。墨西哥卷（煙肉）入面就有片似係火腿多過煙肉嘅嘢，同大量芝士。成卷嘢都係芝士，味道認真麻麻，但勝在價錢唔貴。 最後令人最失望嘅係環境差，唔衛生。音樂超嘈，連落order都聽唔清楚，導致落錯單，幸及時發現。喺店內有一張細枱，提供餐具同碟，應該係畀客人自己去拎。拎果陣發現啲刀叉、碟，竟然好似無點洗過咁，仲有食物殘骸喺面。第一次見到一間餐廳放啲咁污糟嘅餐具出嚟，唯有揀幾隻睇落乾淨啲嘅，用紙巾抹下先用喇...而家個時勢要用咁污糟嘅餐具，認真有啲擔心。 唔推薦

邁爵斯在嘉頓山渡過了一個中午後，決定在附近的餐廳渡過一個晚上，跟兄弟暢談近日生活瑣碎事。邁爵斯，名不經傳，位處在深水埗的橫街窄巷，且燈光昏暗，旁人應該未必會看見，但亮眼的卻是那個價錢。完全是超級平民的價格！食物方面四個字：性價比高。點了1）蜆肉意粉；2）墨西哥薄餅配薯角。先來了蜆肉意粉，意粉份量十分足夠，看下去還大過小編的臉，而且，蜆肉是數不盡，也可以說吃下去的每一口也有蜆肉。另外也來了墨西哥薄餅配薯角。薯角炸得卜卜脆沒有太多粉而且十分剛剛好，喜歡熱氣的朋友相信也會喜歡這個。而且，薄餅也弄得很好，但這個「主角」就略嫌變了配角。總結來說，用窮人恩物來形容就絕對適合不過，住在太子近深水埗的讀者可以多多留意此店。日期：2020.7.11

朋友介紹呢間大件夾抵食仲要係好食，一於去試下😇下午時間去，都多人等位，所以都要等一陣。未有位之前，睇下食乜先，嘩好多野想試呀😋不過朋友話好大份，所以唔好叫咁多野，因為驚食唔晒，我地唔可以做大晒鬼🤓入到去，都好有驚喜喎，雖然舖頭細細，但係入邊嘅擺設都好有心機，好鍾意佢嘅美式佈置。我地試咗個 ，真係好大份呀😂影唔出黎咁大份😂好在我地今朝未食野😂好欣賞佢有好多蕃茄，雖然價錢平，但都好足料，意粉咁大份但啲配料都醬汁都好夠，佢仲可以自己加芝士粉架😉跟住嘅超級吸引呀，首先牛角酥都仲脆脆地，因為加咗碎蛋有啲汁醬，但都無話會搞到個牛角酥好淋，碎蛋亦係好足料，份量好夠，而連皮薯角都好好食，好香口，建議唔洗加茄汁，因為就咁都好好食😁我地叫咗一杯，一杯 ，2杯都大大杯，真係超抵呀🤣味道ok嘅，咁嘅價錢真係無咩好挑剔😌

喺Google search大碟意粉就會出左邁爵斯呢個result，位於深水埗呢間出名大大碟，幾時去都坐滿人～以自助形式，自己去櫃枱點餐、拎餐具、斟水。入正題啦！香蒜白酒蜆肉意粉 （$35）份量非常多，絕對夠兩個人食！仲要勁多蜆肉，意粉炒得好香，又唔會十山乾身，充滿蒜味。都只係$35！熱情果柚子梳打特飲 （$26）蜜桃乳酪特飲 （＄26）兩款都好推介！最鐘意唔太甜嘅飲品，唔會有罪惡感！熱情果柚子梳打 有粒粒果肉加上氣泡，夏天飲真係好爽！蜜桃乳酪有打碎左嘅桃肉好正，好清甜，唔似罐頭水蜜桃，加上乳酪好正，酸酸甜甜咁！呢間個份量真係好大份，建議唔好自己一個去啦，搵多個人陪你啦，除非你好大食啦！