邁爵斯 (福華街)

营业中

休息中

叫了煙肉芝士牛角酥配薯角，醉蛋牛角酥配薯角，卡邦尼意粉，蕃茹煙肉意粉，蘑菇雞肉長通粉，還有一個香辣海鮮意粉，每碟意粉的份量都超級多，每碟都不過三十多元，十級抵食。

印象中已經係第三次幫襯呢間餐廳，主要因為食物真係大件夾抵食。論服務，其實真係無乜。大部分員工態度感覺都唔係好熱情，甚至可以話係冷漠，如果可以改善下會更好。當日觀察所得，只有一位男店員（可能係老闆？）對客態度睇得出係上心啲，其他女店員多數係唔出聲。-卡邦尼亞意粉 $39卡邦尼亞醬汁幾濃，稠糊程度頗高。意粉基本上都索晒醬汁，唔會有啲零舍乾身咗。以份量咁多嘅意粉而言，做到呢點係幾難得。配上大量煙肉，鹹香得宜。-海苔芥末蝦沙律牛角酥配薯角 $53芥末醬好開胃，配搭蛋沙律同彈牙蝦肉味道頗夾。牛角酥依然烘得好酥脆，麵包香口。淋上蜂蜜嘅薯角甜蜜香脆，終於識欣賞呢種又鹹又甜嘅美妙之處。-熱香芋鮮奶 $24香芋味似係雪糕個種芋頭味，香味都幾強。

之前有晚朋友帶咗我哋黎呢間嘢gathering,初頭仲唸住預百幾蚊budget黎食dinner,點知最後用咗一百蚊有找嘅價錢就食到餐晚飯，仲要包埋特飲，價錢真係抵到爛。間小店環境吾錯之餘地點亦尚算方便，係太子站附近,我叫咗碟卡邦尼意粉都係$39，仲要食吾哂，多到可以打包，下次一定番黎再食！！

與朋友經過發現這間裝潢頗有特式的西餐廳！在門口看到價錢竟然只三十幾四十幾元…以為係下午茶價錢！但在疫症期間竟然也有不少食客，反正快要到晚飯時間即管内進試試…見到食客碟薯角好大碟…細看餐牌全部都好抵食，店内只有一位送餐侍應…下單及取餐具則以自助形式！可能是減低成本平價益食客朋友点蜆肉意粉$35大碟到呢…可以係三個人份量，要帶走一半，有很濃的蒜油香味如果蜆肉再多点就更perfect我点了一個墨西哥捲餅餐$48原本係配薯角，但我不吃炸物，所以更改為沙律菜，份量也很大，包一杯紅茶或Soda水！味道很適中！我很喜歡以這個價錢有這樣的出品及份量…真的好比很多餐廳份量細細價錢卻貴一倍好得多！下次會再來試試牛角酥

一年前睇過食評話佢大大碟好抵食，果陣食完真係攬住個肚咁走...今次本身經開深水埗買野咁就提議下同朋友不如再去食啦，朋友又未食過。等位唔算好耐，快過上次...依舊多人到企哂出行人路。今次冇叫意粉食，因為份量好多，同埋好想試吓其他，於是叫左牛角包配薯角同埋沙律...黎到都係驚人份量，但野飲就食完都冇送黎，催左3次終於拎返杯紅茶同梳打水俾我地...食到中後期有啲飽飽地...忽然見到有隻🐀身影係天花啲喉管跑過，我以為我眼花啦😖點知隔左幾分鐘見到隻🐀再一次係啲喉上面跑過..其實我哋都差唔多食完所以就拎埋杯野就走人。但明明好好食既餐廳見到老鼠真係唔多開胃，但食完我哋係冇肚痛既...😂

呢個時勢$35可以係一間餐廳食到什麼？除左魚蛋粉之外我都諗唔到。普通一間餐記係深水埗都要差不多$50，條蕃茄意粉性價比超高，我想講兩個人都食唔曬。另外個牛角包都ok，個薯條有埋蜜糖好好食

今天又要冇一個口罩了，沒有辦法，要應一個朋友較早前的邀約😅以前出黎吹下水，食個飯，會好開心，但依家膽戰心驚黎食，真係心情都差d🤦🏻‍♂不過今次我非常多謝我朋友，因為佢介紹了一間不錯的餐廳給我👍🏻今次光顧了一間西式小店，有不同的意粉、墨西哥捲餅、法式牛角酥及小食供選擇，價錢便宜，份量多，而且也很美味，性價比高🤩1. 香辣海鮮意粉 $47這個意粉的材料有蜆肉和魷魚，份量與意粉都同樣很多，看上去很像一座山😂味道不會很辣，而且有很濃的蒜香味，正😋2. 碎蛋沙律牛角酥 $23，另加薯角 $16牛角酥是熱的，很鬆脆，中間夾了很多碎蛋，加了沙律醬，甜甜的味道，很好食🤤薯角是剛剛炸起，外脆內軟，因為薯角外層有糖漿的關係，不用蘸茄汁已經好好食😋

是日到深水埗陪友人買一些手工材料，她帶我來到這間餐廳，她向我介紹這所餐廳食物份量超級多，意粉可以二人share.食物來到眼前，真的嚇了一跳，餐廳的食物份量就似不計成本，給予客人的份量超多。那天我與友人的肚餓字數是十個肚餓，所以就點了這三樣:1. 羅勒茄意粉     意粉份量足以二人share, 意粉醬汁酸甜度適中，配以煙肉和羅勒的香氣，意粉也不會炒得過份乾身，吃每一口都感到滿足，但吃至中途，發現有幾條意粉焦黑了，應該是因為炒意粉時太貼近鑊邊。2.吞拿魚牛角酥 牛角酥烤至香脆，吞拿魚蛋沙律的配搭必定好吃，配上的薯角加了蜜糖，又甜又香脆，我有再加配上茄汁，覺得份外好吃。3.芝心薯波薯波是是用了很多薯仔搓成鮮炸的，所以是十分香脆，不會麵粉比重多過薯仔的那種，稍嫌薯波內的芝心不算很多。整體對這間餐廳的評價就是性價比超高，兩人去食平均只花了大約$55。 每樣主食份量賣點都是大碟又抵食，食物製作又不馬虎，值得再去多幾次幫襯。

lunch time時間,黎到呢間位於深水埗,太子交界嘅西餐廳_邁爵斯,早有耳聞呢間意粉屋大份夾抵食,今次特燈上門探知一下真偽🧐門口一睇,同整條街頭格格不入,鄰鋪多係一些五金鋪,突然有間裝修簡潔,帶點西方風味嘅餐廳,好易揾到入到鋪內,裝修風格都相當簡潔,環境舒適,但座位頗為緊密,如果兩個人黎,需要與其他客人搭檯😔幸好,當日人流唔算多,可以同👫兩人一齊坐bar檯,唔洗同人搭檯趣味薯角($22)_真係大大份,CP值極高,薯角熱辣辣,新鮮炸出黎,外層仲有層焦糖,同熱辣辣嘅薯角好夾,超級有驚喜😍同埋茄汁同芝士粉係自由拎白酒蜆意粉($35)_真係名副其實意粉山,35蚊嘅價錢食到大大盤,接近滿瀉嘅意粉,真係超抵食,但味道就一般般,意粉太軟淋,同埋蜆肉無咩白酒味,不過口感起碼唔會霉,同埋白汁味道都正正常常🤗呢個價錢食到呢種分量同質素嘅意粉,性價比真係極高熱紅豆薏米水($20)_清清淡淡,不過不失,呢排食得熱氣野多,飲翻杯都幾好😋不過,味道就真係偏淡嘅,同埋飲之前一定要搞渾,唔係會好多渣😂整體黎講,追求味道嘅朋友就唔好抱有甘高期望黎呢度,不過性價比就極高,係係香港好難揾到一間與此相比嘅意粉餐廳🤟😁

之前已經同朋友食過一次之前食已經覺得勁抵食但好怕食唔哂 會好浪費😢😢所以今次同兩個朋友 share兩碟！睇到個Menu真係覺得平到傻咗🤪🤪意粉都只係三十幾$40所以決定同朋友叫一個意粉同埋一個包，仲有各自叫嘢飲😛普通嘅卡邦尼意粉但係碟意粉成座山咁高真係要三個朋友一齊食先食得晒😂😂😂仲有好大浸蒜蓉味，鍾意食蒜蓉嘅朋友記得要叫啦🤤呢個真係要大大推介！水牛芝士牛角酥熱辣辣食啲薯角真係好正好似食薯仔牛柳粒嗰種醬汁咁佢有加蜜糖落去炸，好鬆脆，就算凍咗都仲幾好食！不過個牛角酥就普通咗啲，可能我哋食嘅時候已經凍咗就覺得一般，芝士味唔算太重🧐🧐但係佢啲薯角真係好多，又係要三個人一齊先食得晒🤣🤣🤣最後又係每人叫咗杯嘢飲佢嘅份量應該大過500 CC蜜桃有啲甜，不過佢真係有果肉㗎！我朋友個杯就有茶膽，真材實料！加埋蜜桃都覺得幾夾㗎🥰🥰———整體來講三個人食，份量十分之夠，仲要每個人只係50幾蚊，抵到爛！糧尾嘅朋友可以嚟試一試不過真係要衡量下係咪食得晒先叫，因為佢啲份量真係幾大🧐🧐希望大家唔好浪費啦！

晚餐就黎挑戰下全港最平最抵食嘅意粉🍝🥐同牛角包一黎咁大碟意粉🍝仲叫埋牛角包🥐+薯角🥔喺度諗自己食唔食得晒呢🤔好彩我本身係大食怪👻最後都清得晒兩碟嘢至於味道🤔意粉唔係唔好食🙄而係落太多蒜蓉😩食得多真係有D想嘔嘅感覺🤮再食牛角包+薯角就中和返味道死喇😫今晚呢餐真係超。。。澱粉質呀🙈🙈🙈睇黎打後幾日要Cut澱粉質嘅美食先得喇🤣🤣下次都係唔挑戰喇🤭最多試下佢個All Day Break

今日係2020年新一年嘅第一日1月1號嘅早上 係全程訓咗所以黎到食呢個早餐 係下晝嘅五點鐘 五點鐘嘅早餐一開始已經諗好想食呢間啦之前黎過一次 覺得佢價錢抵食 份量大碟內在環境一張簡而精嘅餐牌我地最後一人叫咗一碟意粉同埋牛角酥套餐 再加兩杯嘢飲要自己拎餐具同埋要自己出去收銀點嘢食比錢玫瑰荔枝梳打$26我覺得呢杯麻麻地啫但佢真係有玫瑰花味只係覺得麻麻蜜桃烏龍茶 $24呢個比較清淡嘅烏龍茶 可以嘅 都唔錯香辣海鮮意粉 $47佢個意粉真係好大碟 換第二個角度意粉山咁味道ok嘅 有少少辣辣意佢有啲細粒蝦仔同埋多蜆肉嘅但由於佢只係$47我係覺得超級抵食 食唔晒好飽水牛芝士煙肉牛角酥 $45佢有跟埋薯角 唔錯嘅薯角比較硬 但份量都係多牛角包中間放咗兩塊煙肉 煙肉再夾住芝士味道上都唔錯 煙肉同芝士都算幾夾牛角包鬆軟好食簡單黎講：抵呢個價錢食呢個份量係好抵食坐得又舒適所以係食完可以再黎食 平價之最

呢間店舖環境比較細，所以顧客之間坐得比較迫。不過見到碟意粉嘅份量坐得迫都冇乜所謂啦。 香蒜白酒蜆肉炒意粉 $35見到碟意粉起碼夠兩個人，面頭加上蒜蓉同鋪滿超多蜆肉，食落去好香蒜頭味同埋蜆肉加埋啲意粉食真係好飽滿。味道正常啦，不過勝在份量夠多囉！另外，自己可以出去拎芝士粉，黑椒，辣椒仔......等等，調味料加重返個味。 不過呢，可能人手比較少，食物就要等得耐啲先有得食啦。之但係今時今日以咁嘅價錢咁大碟麵真係好抵，啱曬啲貧苦大眾同學生哥。

服務態度很不好，點了外賣，站在店門口外面等了半個多小時，都沒做好，服務員出來就嬉皮笑臉一句說可能漏單了？？我就一直站在門外的，其中的服務員肯定會見到我「幫我下單的服務員」，但是都沒有理會我！這樣都不去看一下，檢查一下的嗎？而且之前去得時候，那個女的服務員，可能是店長吧，態度特別不好，很不情願地招待客人⋯⋯真的在服務態度這方面做的真的不夠好！不可否認，東西是好吃，而且價格很便宜，但是我和我的朋友都絕對不會再光顧這家店！！！

之前食過一次，因為大件夾低食，所以今次再黎幫襯，我地4個人叫左2碟意粉 (卡邦尼亞意粉，羅勒鮮蕃茄煙肉炒意粉) ，酥炸魷魚圈及每人一杯飲品；每碟意粉既份量都好多，多到成座山咁，味道亦相當不錯，性價比高；最後每碟還食剩一半打包拎返屋企。卡邦尼亞意粉 : 意粉和煙肉份量多，意粉彈牙有咬口，我覺得個汁少左d, 唔夠creamy, 但都好好味羅勒鮮蕃茄煙肉炒意粉 : 意粉，煙肉和蕃茄同樣份量十足，蕃茄幾新鮮，個汁酸咪咪，好味又開胃酥炸魷魚圈 : 份量一d都唔少，熱騰騰，外層香脆，肉質不韌，不油膩，好味荔枝玫瑰梳打特飲蜜桃荔枝梳打特飲薄荷青瓜青檸梳打特飲