邁爵斯 (福華街)

营业中

休息中

約咗友人食飯，佢有推介呢一間，話CP值Max。佢之前挑機過意粉，太大碟食唔晒。今次我就唔食意粉食其他啦。Burrito就黎有我前臂咁長，上面有蕃茄汁，仲有蜜糖！Burrito最邊位烤到脆身。一切開就見到拉絲芝士，喜出望外。一望入面塞滿左芝士同埋煙肉，一啲空位都冇。就芝士嘅顏色黎睇都已經有兩款，不專業估計係mozzarella 同埋車打。每一口都大滿足。薯角炸得脆口，就算識咗好耐都唔會淋曬。薯角本身調咗味，唔會淡茂茂，最滿意係佢面頭有蜜糖。分量大得驚人，係M記3-4倍。如果唔係肚皮有限，I can do this all day！所以配餐係一個正確嘅選擇。雖然飲品冇得轉特飲，但係食食下就發覺杯紅茶嘅重要性，因為需要消一消濟。唯一一個「錯誤」嘅決定係叫多咗個薯蓉share食，好飽啊！冇錯連玫瑰雞翼薯容都係mega size，雞翼都足足有六隻。可惜雞翼冇乜特別，冇玫瑰味亦都冇經過燒烤嘅味道，雞皮亦有啲太淋同油，所以雞翼係較遜色。但薯蓉又有驚喜，因為又有芝士。成大片片裝芝士半溶喺薯蓉面頭。薯蓉口感亦都比坊間好，因為佢除咗打到蓉曬，仲有少少粒粒嘅薯仔。比起只係口感順滑嘅薯蓉，我更加鍾意呢一種。好

如果有黎過都會知呢間意粉份量好多，價錢唔貴，好抵食！但味道黎講就比較港式～ 之前黎過食過佢嘅意粉，今次就試下其他野食～•🥢 咸牛肉芝士牛角酥$26第一啖係甜甜的蜜糖味，牛角包幾酥脆，有牛油香味，中間餡料嘅芝士味好濃，雖然咸牛肉味唔太突出，但加埋芝士同牛角酥都幾夾•🥢 脆炸芝士薯波 $28呢個薯波係薯餅質地，炸得好脆，而且乾身唔太油，芝士加埋本身薯餅嘅調味會有少少太鹹，但幾鍾意佢芝士加薯餅嘅配搭😍•🥢 忌廉雞肉長通粉$45配料有粟米、芝士同雞肉，香蒜同香草味好出，冇咩忌廉嘅感覺，叫香蒜粟米雞肉長通粉會貼切啲🤣 同埋呢個係最後上菜，但黎到唔夠熱，芝士都未熔晒😞

2019年已經好興 好平嘅餐廳一人份嘅價錢 二人份量 非常大碟一碟絕對夠兩個女仔食🤭當然呢間餐廳咁平 就唔好對佢好高期望始終一分錢一分貨味道正常 志在幾十蚊滿足到兩個人好抵💜CP值幾高 絕對係月光族恩物🤓🤑 卡邦尼意粉 $39🤑 趣味薯角 $23

第三次光顧～💕🙈味道依然保持水準一入到店內，店員就即刻安排座位👍🏻👍🏻餐廳以自助形式服務，需要客人自己去收銀櫃點餐，拎餐具拎碟。失望既係，D餐具依然咁污糟，洗左但係洗唔乾淨仲有D食物殘渣係個碟或者叉度。（唯有自備餐具或者用濕紙巾擦乾淨）環境：雖然而家有限聚令，但係枱與枱之間距離唔太夠，差唔多張張枱都坐爆（好似冇人流管制咁）大約等左5分鐘就上左個芝士薯波同荔枝玫瑰特飲（上菜好快速👍🏻👍🏻）芝士薯波熱辣辣，感覺到都係即叫即炸，好有芝士味，份量夠多好抵食👾👾荔枝玫瑰梳打特飲，玫瑰味好突出，而且有玫瑰花瓣係入邊，好靚可以用黎打卡😼，幾好飲，好清新一啲都唔假甜。雙重芝士牛角酥好香好脆，配上蜂蜜，好搭牛角酥💕💕不過可惜裏便啲芝士冇溶到，唔係嘅話個口感同香味會再升一層。蜆肉蒜香意粉份量好足，蜆肉一大堆，但係唔夠新鮮（平價貨係咁）意粉入味，不過食耐左有啲厭因為真係好大碟。

呢間野大碟到出曬名，但一路都未親身見識過，所以專登拖個friend一齊試試佢🔥先唔講份量，呢個價錢已經無得輸😂我地兩個本身都幾大食，果日行左好耐又肚餓，所以除左意粉，仲叫多左兩個小食，結果後悔了😂1️⃣香蒜白酒蜆肉炒意粉意粉真係高到嚇死人，呢張相係未能真實反映佢嘅份量👽我地一路食嘅反應係，點解食極都仲係咁高嘅😂😂窮L必食✅講返味道，佢唔會話特別好食，但唔差囉，正常香蒜肉絲意粉味，$35仲想點😎🤣2️⃣香烤雞肉墨西哥捲餅餅皮稍微韌左啲，整體一般🤔如果$35可以食到唔錯嘅意粉，呢個$28嘅性價比就比較低啦🔆3️⃣脆炸薯條M記薯條放大版，同friend一路吹水一路咬下都唔錯嘅😎整體嚟講，兩個人埋單$80幾蚊兼食物質素正常，真係超級抵食同開心🤣但有兩樣野要改善‼️我行去收銀處落單果陣，見到收銀對出個天花板定冷氣位不停滴水，留意返，係不停‼️雖然位置唔係廚房/客人坐嘅地方，但呢樣野真係會令人有啲擔心衛生情況，如果可以儘早解決，一定可以更上一層樓💪🏼另外，建議可以再請多兩個人手，事關我果日企係收銀處頗長一段時間先有同事幫手‼️(亦都係因為咁先會特別留意到滴水嘅情況😹)

之前朋友大力推介，專程過來食意粉山。叫左2碟意粉: 蒜蓉炒蜆肉意粉同羅勒蕃茄意粉。蜆肉意粉炒得好香，蜆肉又夠晒多，一啲都唔孤寒。 蕃茄意粉好重蕃茄，好juicy! 當然2碟都真係多得好緊要，2個男人差啲都食唔晒呀。之前朋友大力推介，專程過來食意粉山。叫左2碟意粉: 蒜蓉炒蜆肉意粉同羅勒蕃茄意粉。蜆肉意粉炒得好香，蜆肉又夠晒多，一啲都唔孤寒。 蕃茄意粉好重蕃茄，好juicy! 當然2碟都真係多得好緊要，2個男人差啲都食唔晒呀。

個卡邦尼意粉大碟到2個人都食唔落，以哩個價錢黎講味道係唔錯，意粉十分足料，全部野食既份量都好大。哩度主打係份量超大份，我見每枱都係2個人share食一枱意粉黎食🍝小編2個人食，最後係食唔晒要打包個長通粉走。餐廳環境十分舒適，唔會有好趕既感覺，可以同朋慢慢傾計一邊享受美食。適合同朋友或另一半黎聚會既好地方。服務：⭐️⭐️⭐️⭐️⭐️價錢：⭐️⭐️⭐️⭐️⭐️食物：⭐️⭐️⭐️⭐️性價比：⭐️⭐️⭐️⭐️⭐️

Fatvava 揾食😋西式餐廳香蒜白酒硯肉炒意粉 $35份量超大碟，2個人share2個人都會飽。雖然賣相偏淺色，但食落有好重既蒜味，有唔少地方既香蒜意粉只有幾粒大蒜頭，偏淡，但呢但應該落左好多蒜粉，都多硯肉既，但意粉有少少偏油。吞拿魚芝士牛角酥配薯角套餐 $45都有驚喜，勁脆既牛角包，入面塞滿左吞拿魚，加上芝士既香味，牛角包面淋上蜜糖，有口感同層次。再加上海量既薯角，都香脆，真係唔會食得晒。最後2個人食唔晒，要打包走d薯角。熱情果柚子特飲梳打特飲 $26熱情果籽都有咬口，底既糖漿非常偏甜，但配梳打水，特飲非常解渴，有少少偏甜左。。📍無左卡邦尼意粉。📍份量係勁多，2人點一個意粉加小食一定夠。📍食完成日都幾d口渴，應該落左唔少味精。

相信好多人都知道呢間糧尾恩物嘅餐廳~🤣咁啱去食就影埋比大家睇啦~不過呢排去食明顯少左人唔洗點排隊~🍴香蒜白酒蜆肉炒意粉($35)溫馨提示未去過嘅朋友仔唔好亂叫佢啲意粉🤣唔係因為唔好食而係真係好好好大碟2-3人食都唔係問題完全對唔住呢個價錢🤷🏻‍♀️味道方便呢個價錢呢個份量其實已經冇乜得挑剔🤣但佢味道係都幾好~而且落足料真係好多蜆肉~但我個人比較推介蕃茄意粉多啲❤️🍴香烤雞肉墨西哥捲餅($28)今次第一次試捲餅~味道就正常啦~如果有加芝士就好🤤😋貫徹餐廳嘅做法都係配左勁多薯角🤣好脆好香👍🏻餐廳以自助形式運作，除左上菜之外其餘落單攞餐具等都需要自己搞掂👌🏻衛生情況就中等啦但呢個時期仲有個店員冇戴口罩傳菜就…大家自行衡量啦😅我覺得如果衛生做好啲就會放心啲~畢竟我間唔中都會去🤣📍 邁爵斯 (深水埗)深水埗福華街15號地舖

今日同🤴🏻、Miss W一齊去深水埗行電腦城，Miss W介紹到M .Y MAJESTY午餐，上網d人話好大碟好低食一定要試！😁😁攞左飛仔等左20mins，入到去環境暗暗地有少少氣氛，但都幾迫下.揀好餐念住叫侍應落單原來係自助形式先比錢後送上食物，指示唔夠清晰，希望可以改善🙂🙂我地兩女一男叫左兩個主餐+一個小食☺️☺️第一款黎嘅就係‘脆炸芝士薯波’$28上碟時已經聞到好新鮮炸脆味，食落粒薯波有濃厚芝士爆出黎咁🤩🤩，記得要襯熱，凍左芝士就唔好食啦😐😐香烤雞肉墨西哥卷餅+菜+熱紅茶$49賣相非常有驚喜，菜量非常之多，齋睇樣雙倍價錢都值呀！可惜食落餅皮乾、雞肉略‘鞋’，主角就去左菜個到，菜🥬🥬夠新鮮，好Fresh熱紅茶就係Lipton 茶包沖泡香辣海鮮意粉$47嘩！真係好大、好大、好大碟，係好味嘅，不過食左2~3口覺得好口渴，亦留意到其實用嘅海鮮料係比較平價貨，咁$47咁大份做到呢種質素仲想點！😊😊，但鹹味可以改改下🤣🤣最後我地三人都係比左$124，心靈同荷包都好滿足呀！😀😀

🍽 Egg Salad Croissant with potato wedges💰 HK$ 40I can’t believe they are selling this at $40 with a cup of hot tea but I have upgraded to a cold drink! This is a fantastic budget restaurant. The taste is above average and staffs are friendly.I recommend you to visit during non peak hours, or order to go, otherwise, you may have to queue for at least half an hour.

哩間出名大大份！今日Lunch 過嚟試吓先😆香蒜白酒蜆肉意粉🍝超級大碟，夠4個人Share👏🏼 好足料又好食👍🏻香烤雞肉墨西哥捲雞肉冇咩味，靠啲沙律醬好味，麻麻地👎🏻碎蛋沙律牛角酥配薯角又係大大份，尤其係薯角超多！牛角酥好脆，薯角落咗蜜糖，甜甜地👍🏻😆

未落單已經要X咗先。而家係第三波疫情係本地爆發嘅階段，知你想做生意但都唔係咁做架。政府需然話可以8個人排排坐，但你冇理由叫一班三五識七嘅陌生人迫埋一齊呀嘛？唔怕一萬至怕萬一，如果呢枱陌生人真係有人中招，你想衛生暑點做social tracing? 到時邊個負責？態度仲要寸如澳牛阿姐「如果你介意咁換枱囉」WT ? 人話嚟架？後續仲要落錯單，溝通出錯搞到同事送菜去錯台仲要問返我地轉頭，姐姐做得你同事真係慘。不過鬚仔哥哥同其他幾位態度幾好。睇在啲嘢食同個價錢份上唔去衛生暑投訴你，但我唔會淨係係OpenRice評論，費事你控評刪貼。

同朋友黎食第二次 成班fd一齊食就最啱 可以嗌多啲款試🤤呢到完全係糧尾嘅首選 窮都可以擦番餐勁嘅🥰呢到嘅意粉山大家都應該有見識過😎不過今次好似細碟左啲🤏🏻但係都係超抵食✨食到飽一飽 埋單都係每人$50😂出面食個lunch都唔只🧐.睇相好似都唔太睇得出佢真係 好 大 碟🤩兩個人食一碟都得👭🏻味道就唔可以期望係好好食好有驚喜 係住家嘅感覺🏡但係絕對唔難食 係唔錯嘅🥰.羅勒鮮蕃茄煙肉意粉🍝 $35最鐘意就係有蕃茄嘅意粉🍅雖然好平 但係勁多料💖啲煙肉碎夠撈晒成個粉🥓蕃茄幾清甜 成個意粉食落係偏甜嘅 我自己鐘意佢酸啲🧐不過呢個好味過另外嗰款😋味道清新啲冇咁濃味😚.香辣海鮮意粉🌶 $47意粉食落好濃嘅蒜蓉味🧄帶微辣🤏🏻蜆肉份量都幾多🤤最搞笑係佢加左啲薯仔粒落去 唔太夾🥔呢個相對會濃味鹹啲 同埋炒得都幾油🤭食完會好口渴🤣

同朋友第2次黎食🙈3個女仔叫左: 碎蛋沙律牛角酥🥐$26煙肉墨西哥卷🌮️$28番茄羅勒意粉🍅🍝$35玫瑰乳酪特飲🌹$26蜜桃乳酪特飲🍑$26玫瑰花茶🌹$22意粉好！大！碟！真係砌到成座山咁🙈$35咁大碟真係好抵玩不過話就話係番茄羅勒意粉，但食唔到羅勒味🤭只係有少少羅勒碎碎係上面，完全冇羅勒味🤢e點令我有少少失望反之蒜味極濃鍾意蒜味嘅朋友一定食得好開心！而牛角酥同墨西哥卷都有淋蜜糖係上面~個人鍾意食墨西哥卷多d🌮️😋😋而飲品方面兩杯乳酪特飲都冇乳酪味😣本身以為會係酸奶，結果係成杯牛奶......而蜜桃乳酪更加冇蜜桃味🤢所以乳酪特飲就唔推薦啦🤭玫瑰花茶e類型就安全d~總結而言，e間餐廳係抵食嘅~價錢平 份量大 味道唔錯 環境都可以可能係飲品方面要慎選🤭但都會推薦朋友去的🤗🤗