逸東軒

营业中

休息中

到米芝蓮一星餐店吃晚飯, 有點期望, 地方很闊落, 店員服務不錯.整體環境服務食品可以, 晚飯主餐牌現時有七折優惠. 以米芝蓮一星價錢算可以, 味道及食材可以更好.  點了以下食物:三味弄豆腐-系由凍豆腐加咸蛋黃, 煎豆腐辣醬, 滷水炸豆腐, 凍豆腐/煎豆腐似本地包裝豆腐, 咸蛋黃份量少沒有太多咸蛋黃味道, 味道可以, 但不是太特別.燒味雙輝 - 叉燒同燒腩仔, 叉燒肉質軟但肉味普通, 燒腩仔不是一口可以食完, 肉層亦不是層次分明是日老火湯海螺淮山煲豬腱 - 非常鮮甜濃郁, 鑽薑汁介蘭 - 份量可以, 有薑碎在菜上2隻聖子皇 - 用豉汁蒸, 味道不錯呎吋不小2個芝士蟹肉焗釀蟹蓋- 有點期望, 看見不少蟹肉, 但吃不出一點點蟹味, 好像有點吞拿魚味,  想了解一下蟹蓋用料是什麼. 七折後$1100/2人. 晚飯時段菜色可以但不突出, 或許下次可以試試午市點心.

屋企人話想試下 米芝連中餐館閒日既午茶都要提早預訂先有位點心價錢為$38-$78偏貴少少筍尖鮮蝦餃: 皮薄晶凝, 蝦肉好彈牙, 粒粒都好飽滿, 睇落都覺得好靚招牌叉燒腸: 佢個名加埋招牌兩個字係我點既原因, 真係幾好食, 啖啖都有叉燒粒, 腸粉好滑, 醬油有調制過, 甜甜地, 好好味紅油抄手: 唔會太辣, 麻麻地, 蝦肉新鮮, 皮薄吸汁, 十分正煎甜薄撐: 唔係間間都有, 見到呢度有就試試佢, 煎香 薄而脆身, 外皮脆脆地煙煙韌韌, 口感好特別環境好好, 服務亦都好好, 會再返黎食

經常爆滿的米芝蓮中餐終於等到了，是的！等了很，因為經常爆滿！本身是一個點心迷，很喜歡飲茶、食點心，難得米芝蓮餐廳有優惠，必定試一試！以$38嚐到米芝蓮點心，CP值絕對超班！價錢$38的選擇很多，如想食其他，亦可選擇$38以上的點心。一行五人，點了：叉燒包、叉燒腸、原個馬拉糕、鳳爪、芋角、焗叉燒餐包、蝦餃和燒賣；店內出名义燒就是招牌，叉燒腸的腸粉很滑，义燒很軟身。原個馬拉糕絕對值得一試，糕身很輕，很軟熟，不太甜。蝦餃皮薄餡靚！燒賣中的蝦和肉比例很好。因為其中一位是素食者，選了羅漢素肉腐皮卷、素肉迷你糯米雞和南瓜素肉煎鍋貼。糯米飯很軟身,調味好，就像吃真的糯米雞一樣！我們還點了焗杏仁蘿蔔絲卷，感覺很清新，不會太油膩，杏仁和蘿蔔的配搭亦很新鮮，素食的質素不錯，可考慮多點素食點心！ 整體來說，食物質素很高，價錢亦很吸引，餐廳環境很舒服，沒有侷促感，加上服務非常好，值得再次光臨！

小編來到米芝蓮星級食府逸東軒摘星🌟 呢間自2017年起榮獲米芝蓮一星榮譽，多款經典手工粵菜都煮得有出色👏🏼必點No.1❗️馳名燒味雙輝 - 蜜汁叉燒及脆皮燒腩仔，叉燒口感柔滑軟綿，蜜汁香甜惹味，肥瘦比例剛好，外邊微微焦香👏🏼 燒腩仔皮超脆，肉質肥瘦分明，肉香而不膩😍必點No.2❗️二弄玻璃蝦球，以咕嚕及油泡兩種煮法將大大隻的蝦球做出兩種不同風味，油泡肉質夠彈牙🦐 蝦球本身鮮味已經突出，蘸點蝦醬更惹味�；咕嚕蝦球炸過的外皮依然夠脆�，外脆內爽口，是招牌必點菜式之一😋必點No.3❗️砂鍋和味銀絲焗海中蝦，將薑蔥同蒜炒的粉絲舖在底，將多隻大蝦放在粉絲中焗，香氣十足😍大蝦肉爽鮮甜，感覺到餐廳對高質素食材的追求😋其他菜式仲有蜂巢荔蓉鴨，外皮炸得透薄，包住鴨肉同芋泥，軟滑的芋頭蓉同鴨肉夾著一起吃，口感層次豐富😍不過呢道菜比較易食膩，建議多人食才好點，每人吃一到兩件就剛剛好☺️仲有其他推介的小食包括秘製鮑汁豬仔腳（高度評價👏🏼）香酥黃金鮮魷🦑及金沙脆豆腐，每款都值得一試😌🍽：馳名燒味雙輝；二弄玻璃蝦球；砂鍋和味銀絲焗海中蝦；蜂巢荔蓉鴨；秘製鮑汁豬仔腳；香酥黃金鮮魷；金沙脆豆腐👅好味指數：8.0/10；8.0

蟹宴•米芝蓮一星 💛✍︎︎ 𝐵𝑜𝑜𝑘𝑚𝑎𝑟𝑘咗好耐 終於嚟咗試佢 果然冇失望🤤 而家做緊季節限定嘅蟹宴 用料上乘 每款菜嘅調味同配料都做得好好 好味得嚟又唔會覺得膩☺️ 佢頭5款菜配5款唔同嘅清酒 雙重享受🥰 最後一款清酒幾清甜 要嚟餸甜點又幾夾喎 食完好滿足🥰 另外 佢裝修係行傳統舊式中菜餐 入面燈光暗黃 都幾有𝑓𝑒𝑒𝑙 適合𝑏𝑜𝑜𝑘枱嚟慶祝特別日子☺️ 下次可以試吓佢點心🤩星級蟹宴套餐 $𝟠𝟠𝟘 ᴘᴇʀ ᴘᴇʀsᴏɴ 另加每位$𝟚𝟘𝟘 配六款清酒🥂♥︎逸東叁錦碟(蜜汁叉燒、話梅車厘茄、脆皮蟹肉竹笙卷)♥︎盤龍鮮蟹鉗♥︎金湯花膠蟹肉燴燕窩♥︎花雕雞油蒸糕蟹♥︎蟹黃十頭鮑魚♥︎蟹肉糯米脆皮乳豬♥︎冰花燉雪耳萬壽果 杏汁金球半杞子桂花糕••••••••••••••••••••••••••••••*建議預先經Cʜᴏᴘᴇ訂位 咁就唔會撲空喇😎

於早在10就月在某網站，以非常合理的價錢（$8XX)訂此套餐。而在11月底享用，現在訂12月吃已經漲價25% ，地點油麻地逸東地庫中菜廳，中午時段，入座順利，員工有禮貌，有部份員工可以是兼職，工作態度亦不苟且，擺放餐具的位置亦非常正確，整個午餐吃了近兩小時1）逸東叄錦碟，叉燒嫩滑，微熱，可即刻放入口的溫度。車厘茄脫了皮，應該係用話梅粉提升味道層次。竹笙正常。2）蟠龍鮮蟹鉗，清蒸蛋把盤上獻汁，蟹鉗鮮味，蝦球爽口。3）金湯花膠蟹肉燴燕窩，南瓜湯底伴有燕窩花膠及蟹肉，拍攝嘅時候電話亦需要吃一口，電話也說很滿意。4）花雕雞由蒸糕蟹，當然呢個係主菜，用咗雞油花雕清蒸，帶出蟹味嘅鮮味，蟹膏非常厚實且多，但少少偏咸。5）蟹黃10頭鮑魚，小棠菜鮑汁碗碟，鮑魚本身肉質非常諗，入囗亦爽口。6）蟹肉糯米脆皮乳豬，上菜嘅時候乳豬係微熱，入口乳豬脆口非常，味道中庸。7)冰花燉雪耳萬壽果,無落糖，待廣味道全是木瓜的甜味。8）杏汁金球伴杞子桂花糕，即係炸煎埋內藏杏汁，絕對有驚喜，待應強調三次（睇住好熱），灘涼咗三分鐘入口，煎堆脆口到不得之了，爆出的杏汁中和了油炸感覺，桂花糕以最後的入口作為清淡結尾。

book到頭輪時間，11點開門，用餐時間90分鐘，12點就last order，12:10pm叫你埋單。先不論成個過程好趕，食物的質素亦令我好失望。米芝蓮的中菜食府，呢個價錢當然吸引唔少人，的確係好相宜。⚂XO醬煎腸粉⚂點心唔夠熱係死罪，似乎係輕輕喺煎pan翻熱便上碟，XO醬味亦欠奉。⚂金沙脆豆腐⚂都係唔熱的，但內裡的豆腐至少好軟滑，但調味好淡，講不上惹味。⚂筍尖鮮蝦餃⚂最熱係呢籠，皮好薄，蝦亦爽彈。⚂帶子蒸燒賣⚂好普通，豬肉好實，亦唔夠味。⚂原個馬拉糕⚂鬆鬆鬆，鬆到就黎唔成形，少少咬口都冇，好似蒸左好多年咁。⚂蜂巢海鮮芋角⚂找不到海鮮...芋泥味好淡，雖然細粒，但好油。⚂春風得意脆皮腸粉⚂呢個比較有趣的組合，裡面包住春卷，都幾好食。但叫左呢碟就唔洗叫春卷。⚂招牌叉燒腸粉⚂最正常發揮，但皮係偏厚。⚂海鮮鹹水角⚂出面一般屋邨酒樓都做到的質素，但起碼夠熱。

每年嘅蟹宴套餐都會特登book完又book，今年都唔例外。唔同嘅地方係今年嘅訂枱異常困難，當屋企人book到嘅時候心入面都好期待。蟠龍鮮蟹鉗——初頭以為蟹鉗係炸蟹鉗，原來係蛋白蒸配大蝦，呢個配搭冇得輸，味道一流。花膠蟹肉燴燕窩——好強烈嘅南瓜湯底，甜味有啲搶咗蟹肉嘅味道，不過自己係南瓜控，所以都冇問題。燕窩同埋花膠都好足料，係今次難忘嘅餸菜之一。咁多道餸最正嘅就係花雕雞油焗膏蟹——第一，呢隻膏蟹真係爆膏，蟹蓋同埋蟹身都有好多，第二，蟹嘅味香濃鮮甜，再加埋雞油吊一吊味，同平常花雕蛋白蒸或者粉絲蟹煲有另外一種風味。好可惜蟹宴只係秋冬季先至有，想食又要等下年。

逸東軒 (佐敦) 米芝蓮一星粵菜 主要食點心✨好難book嘅酒樓 位置係逸東酒店裏面 我真係大推！✨✨✨✨所有點心都好好味！真係！性價比超高以米芝蓮餐廳來講嘅價錢我覺得真係超值！望住張點心紙真係每一樣都想點 不是誇張🤩午市點心 有優惠 價錢由$38-78▫️逸東小籠包▫️ XO醬炒蘿蔔糕▫️脆片流沙奶皇包▫️春風得意脆皮腸粉▫️帶子蒸燒賣▫️筍尖鮮蝦餃▫️酥皮叉燒焗餐包▫️金沙脆豆腐唔特別介紹因為每一道都好味 環境舒適優雅惠顧滿指定消費 可以免費泊車✨👍🏻📍逸東軒 (佐敦)佐敦彌敦道380號香港逸東酒店B2樓層

💛💛💛逸東軒💛💛💛超級好食～當時食晚飯有八折，所以捨得食😂。環境好舒服，枱與枱之間隔好開。啲茶好香好好滑，畢竟每位茶錢都幾十蚊一位。明爐蜜汁叉燒 $298太！好！食！一定要叫。我地一見個價錢都有啲猶豫要唔要食，真係貴😂，但幫襯得又無理由唔食佢既招牌菜！叉燒偏肥，多人share食較好。肉位都好Juicy，一啲渣都無😍。我唔知係啲豬肉特別，定係佢用特別既烹調方式🤪。用黎送返真係好正！其他餸都好食，但真係唔及第一啖食落口既叉燒。片皮雞兩食 $598（包埋雞鬆炒飯）片皮鴨就聽得多，片皮雞真係第一次食。不嬲雞肉比鴨肉嫩滑，好食啊😍。不過略嫌佢淨係片晒啲皮俾我哋，肉都唔多舊，我地想食肉啊🥺。可能佢要留啲肉黎做第二味啦。雞鬆炒飯好正，每粒飯都粒粒分明，分明得黎又唔會好乾。加埋片皮雞兩食，絕對對得住個價錢👌🏻。上面我咪講到片皮雞真係得皮，原來啲肉去晒個炒飯到😛。

小編來到米芝蓮一星食府「逸東軒」呢間自2017年起榮獲米芝蓮一星榮譽，呈獻經典地道的傳統手工粵菜，餐廳裝潢以舊上海餐館，有種復古上海的氣氛，茶具以青花瓷設計，為食客帶來星級精緻用餐體驗💛 小編已到訪過數次，以下總結幾款必食的人氣海鮮菜式😍「砂鍋和味銀絲焗蟶子皇」將薑蔥同蒜炒的粉絲舖在底，將海量的蟶子先拆肉，再舖上粉絲上焗，是經典粵菜的烹調方法，將海鮮的原汁原味呈現☺️再加以對食材質素的追求，以及細緻的烹調，蟶子沒有帶一顆沙，肉質爽口彈牙而且鮮甜，絕對值得一試👏🏼「芝士鮮蟹肉焗釀蟹蓋」🦀 烤得金黃的釀蟹蓋，散發出芝士的香氣和蟹肉香味，外層香脆，裡面是飽滿的蟹肉，以匙羮輕輕一舀起，馬上呈現芝士拉絲效果🧀 一絲絲蟹肉啖啖鮮甜加上煎香的洋蔥和蘑菇，內裡的餡料保持滋潤，火候十足蟹味香濃👏🏼「二弄玻璃蝦球」🦐 是招牌必點菜式之一😋以咕嚕及油泡兩種煮法將大隻的蝦球做出兩種截然不同的味道，油泡肉質夠彈牙，是吃出蝦球本身鮮味蘸點蝦醬更提鮮😍 而咕嚕蝦球炸過的外皮依然夠脆，偏向重口味，而口感外脆內爽口，兩款食法各有風味和特式✨「砂鍋和味銀絲焗海中蝦」蝦肉爽實鮮甜，賣相乾淨，已挑去蝦腸、剪去蝦鬚及蝦頭尖位☺️砂

我覺得逸東軒嘅蒸點出色，食得出係即叫即蒸，熱辣辣上枱。不過煎炸點心相對遜色，溫度微暖，唔夠熱。👍🏻燕窩瑤柱海皇灌湯餃個高湯好清甜，一D油膩嘅感覺都冇餃子皮薄嫩滑，餡料豐富，燕窩、瑤柱都落足料，仲有大蝦令成個灌湯餃更鮮味😋😋😋這個點心高度推介！🥇👍🏻帶子蒸燒賣帶子同燒賣非常夾，蒸嘅時間啱啱好，帶子唔會靭，如果再厚切啲就更好喇 😏👍🏻招牌叉燒腸粉（走芫荽）腸粉皮嫩滑，叉燒瘦得嚟都夠’淋‘！有得選擇走芫荽，非常窩心❤️ 呢個細心位，對我嚟講相當重要，因為喺其他地方食點心，好多時叫咗先發覺入邊啲餡料有芫荽，有時即使問咗侍應，佢哋都未必答得出，好多時候會浪費咗食物！👍🏻蒜蓉鮮蝦春卷春卷皮脆卜卜，春卷內嘅蝦爽口彈牙🦐🦐，蒜蓉味剛剛好，唔會搶咗蝦味 雖然係煎炸點心，但食完都唔會覺得油膩同滯蜂巢海鮮芋角上菜嘅時候唔夠熱，影響咗蜂巢嘅鬆脆感，芋頭蓉再多D嘅話會滿足D～ 🤪杏香蘿蔔絲卷加咗脆脆嘅杏仁片令口感豐富咗，不過我都係鍾意傳統嘅蘿蔔絲酥卷多D～ 鍾意杏仁味嘅朋友值得一試😉食店環境舒適，服務員有禮，不過用膳時間限1.5小時，要嘆茶嘅話就有D趕！🏃🏻🏃🏻

逸東軒曾經係老闆至愛，早年有幸跟過老闆去飲茶，但酒樓位於地庫樓底矮，印象中頗有壓逼感。翻新過後同父母幫襯過，裝潢型格得嚟又保留少少中國特色，檯與檯之間闊落了，坐得舒服。趁著點心做特價再次訂座，品嚐一盅兩件。海鮮芋角 $38芋泥滑身，混入少許臘味夠惹味。京蔥和牛生煎包 $48內餡比想像中普通，較鬆散油膩，未有留下深刻印象。春風得意腸 $48腸粉入面卷春卷，香口之餘相對無咁熱氣。婆參瑤柱菜苗餃 $48菜苗餃大大隻，蝦肉又多又彈牙，加上帶甜嘅菜苗，討喜。金瓜海皇水晶粿 $48出面少見依個點心，外皮晶瑩，透出橙黃色嘅南瓜，鮮甜吸引。沙爹金錢肚 $48牛肚厚身，大件入味。蠔皇叉燒包 $38叉燒唔會碎濕濕，包如棉花般鬆軟，未食過依個口感，幾得意。逸東小籠包 $48最後加嘅小籠包肉汁豐盈，熱辣辣放入口好滿足。茶芥$28@，食到捧住個肚走。留意返午市分兩輪入座時間，如果想坐下慢慢嘆就未必啱你。

💛荀尖鮮蝦餃😋😋😋😋皮薄餡靚😁 老套說法但真實👍🏻💛海鮮鹹水角😋😋😋食唔出有海鮮，較似肉碎🤔油感有點過重，但勝在外脆內煙韌，外皮較厚，岩曬我呢d食咸水角重點食皮的人🤣💛名爐蜜汁叉燒😋😋😋😋😋肥瘦適中，蜜味香濃，肉質軟滑🥰💛叉燒焗餐包😋😋😋😋麵包夠香軟，叉燒餡好飽滿，叉燒係呢度招牌，無得輸！但餐包外層的雪山唔夠脆😞💛春風得意腸粉😋😋腸粉入面卷左類似油炸鬼的炸物再包住鮮蝦好失望，d炸物食落膩感好重，而且腸粉好幼的關係，入面d蝦都好少，食落幾乎吃不出有蝦😟💛瑤柱崧子蛋白炒飯😋😋😋又係好油🙈 但崧子為碟平平無奇的蛋白炒飯生色不少👍🏻💛楊枝甘露😋😋😋糖水底的椰汁同芒果汁比例剛剛好，芒果肉大大粒，甜度亦剛剛好，可惜西米粉感好重🥲整體食物偏油膩，好在普洱茶濃而不澀，解膩一流👍🏻 而且一邊有小蠟燭熱住好加分環境好舒適，枱同枱之間隔得好遠，唔會好嘈

期待已久，終於訂到枱，雖然不是晚飯，早午市相當出色，全場座無虛席，平凡食材，卻做出不平凡味道，食材新鮮，味道鮮美，只係冇位泊車，有點失色，來回只好選擇Uber. 下次再來，好多菜式好想一一品嚐，片皮雞會跟片皮鴨有什麼不同呢？好期待….