影片
更多
2022-02-04
6280 浏览
年初三同朋友嚟嘆茶🫖 呢間酒店級嘅茶樓，要一早book定，好似話係米芝蓮點心( ´▽` )ﾉ 我個朋友話想食伊麵，所以叫咗個干燒伊麵($238)，餐牌上面冇㗎。其實我自己就想食鴻圖窩麵嘅，不過佢就話驚食唔晒，如果叫鴻圖窩麵就拎唔走，啱嘅🥲 個伊麵質素好普通，唔係特別出色，但係我覺得還可以，因為佢個麵唔係炒得好油。 喺OpenRice，見佢哋推介呢度芋角，啱晒我口味(睇過我嘅食評，就知道我成日都食芋角)。 可惜佢哋嘅海鮮芋角($55)，細細粒凍冰冰咁上枱，平時我都算喇，但係今次佢哋係海鮮，凍嘅真係好難食╮(￣▽￣"")╭ 佢哋嘅蝦餃($68)ok嘅，好晶瑩，蝦嘅份量都好足，冇咩嘢可以挑剔！ 反而佢個陳皮牛肉球($56)就真係好失色，細細粒唔緊要，我哋食佢嘅質量。但係食起上嚟感覺全個口都係肥豬肉，比例做得好差，而佢哋墊底嘅竟然係金菇，食起上嚟好似一陣「酸酸叔叔」咁，好難食。 之後我哋追加左一個燕窩瑤柱灌湯餃($88)，同埋兩客花雕醉鮑魚($88 each)。 佢個灌湯餃係比較出色，佢嘅湯係用高湯熬製而成，好清甜，係我最近食過咁多嘅灌湯餃裏面最好食嘅。雖然佢裏面嘅餡料比較少，但係都
呢間酒店級嘅茶樓，要一早book定，好似話係米芝蓮點心( ´▽` )ﾉ
我個朋友話想食伊麵，所以叫咗個干燒伊麵($238)，餐牌上面冇㗎。其實我自己就想食鴻圖窩麵嘅，不過佢就話驚食唔晒，如果叫鴻圖窩麵就拎唔走，啱嘅🥲
個伊麵質素好普通，唔係特別出色，但係我覺得還可以，因為佢個麵唔係炒得好油。
喺OpenRice，見佢哋推介呢度芋角，啱晒我口味(睇過我嘅食評，就知道我成日都食芋角)。
可惜佢哋嘅海鮮芋角($55)，細細粒凍冰冰咁上枱，平時我都算喇，但係今次佢哋係海鮮，凍嘅真係好難食╮(￣▽￣"")╭
佢哋嘅蝦餃($68)ok嘅，好晶瑩，蝦嘅份量都好足，冇咩嘢可以挑剔！
反而佢個陳皮牛肉球($56)就真係好失色，細細粒唔緊要，我哋食佢嘅質量。但係食起上嚟感覺全個口都係肥豬肉，比例做得好差，而佢哋墊底嘅竟然係金菇，食起上嚟好似一陣「酸酸叔叔」咁，好難食。
之後我哋追加左一個燕窩瑤柱灌湯餃($88)，同埋兩客花雕醉鮑魚($88 each)。
佢個灌湯餃係比較出色，佢嘅湯係用高湯熬製而成，好清甜，係我最近食過咁多嘅灌湯餃裏面最好食嘅。雖然佢裏面嘅餡料比較少，但係都有少少魚翅同埋蝦，我覺得足夠㗎啦，灌湯餃主要係飲佢啲湯。
而佢個鮑魚做得好fresh，不過我嫌佢有少少辣(menu 冇寫)，而我係冇預計到嘅。佢嘅青瓜墊底有少少酒味，個鮑魚亦都浸得好淋，抵讚。
服務方面，我覺得啲侍應唔夠主動，雖然我哋叫佢嚟落單或者係叫佢過嚟幫我影相，佢哋都好親切，但係佢哋係唔會主動幫你加熱水熱茶，要我哋提佢，而且佢哋亦唔會主動幫我哋收嘢，有啲失望。
埋單比我想像中平，但，我覺得應該冇下次。除非係嚟試佢哋嘅叉燒(今次食唔落)。
张贴
