逸東軒

营业中

休息中

數日前已在網上預訂了今次的飯局，沒有其他原因，只是今天開始放假。誰想到剛巧碰上重開的第一天呢，每位客人送了迷你蜜汁叉燒。受疫情所限，今次都是夫婦倆人用膳。不能夠點太多款點心：帶子燒賣、春風得意腸、小籠包子、素菜腐皮卷，各款皆能保持水準。下面2⃣️個點心較特別：杏片蘿蔔絲酥，相信是威化紙，包裹著甜甜的蘿蔔絲，威化紙面上鋪🈵️了香脆的杏仁片。不油膩。黑魚子粢飯、粢飯切成🧱似的，外層煎得非常香脆，鋪了黑魚子在🧱面，吃時帶有鹹香的味道。個人甚喜上面2⃣️款的點心俾喜歡逸東軒的朋友，快快訂位罷，今天入座率，最少有9⃣️成。可想「她」的吸引力多高。

預先係Chope訂位，平日嘅話都唔難訂，4-5日前都訂到。今次訂咗2:30pm時段，早咗少少到都可以安排入座。最值得推薦嘅係1️⃣鮑魚和牛酥 ($78一件)，叫嘅時候心諗今次好豪，食嘅時候成個一啖咬落去，首先食到鮑魚有彈牙感覺，其次個入面嘅和牛餡好香牛肉味，加埋外邊鬆脆嘅酥皮，好味到令人想再咬多啖😍 有鮑魚有和牛，即刻成件事值回票價👍🏻上網排定文必叫2️⃣叉燒餐包同3️⃣帶子燒賣，2️⃣個皮好鬆脆，入面既叉燒餡好香，食到有洋蔥絲😍，而3️⃣對我呢個豬肉燒賣愛好者嚟講就正常發揮，帶子同豬肉一齊咬都無分離，豬肉口感彈牙爽口。4️⃣燕窩魚翅灌湯餃直程係失望，雪耳撈埋燕窩完全食唔到有燕窩係入面，只係覺得不斷食緊雪耳。5️⃣叉燒腸粉都有水準，先講叉燒係腸胃入面都食到蜜汁，其次個腸粉皮夠薄，雖然曾經食過更薄，但已經好唔錯，加上個豉油汁好濃厚，值得一試👍🏻最後，梗係要嗌甜品啦🤤 今次叫左6️⃣蛋散，咬落去好脆，加上有桂花香味嘅糖漿，口感同香味好配合，岩哂中式甜品嘅人呀😍

今日嚟咗呢間飲茶，我覺得呢間餐廳非常之有質素，呢度嘅嘢食真係非常之好食，再加上如果佢服務態度非常之好，我見到佢個地下都好乾淨，俾人一種好乾淨好整潔嘅感覺。下次不會再過嚟呢度

無論咩時段嚟都好想叫叉燒次次水準都好平均肥瘦適中 唔乾又唔膩其他點心都好好味😋芋角賣相麻麻地 唔夠金黃色不過食落又好味喎金錢肚都好入味焗叉燒包就好酥脆 熱辣辣春風得意腸個名已經夠特別裡面係春卷 好味生炒糯米飯唔太油又唔太乾總括樣樣都好食😋

呢間中菜有米芝蓮一星⭐️期間限定嘅蟹宴真係不妨一試👏整體味道同服務都好滿意 主餐牌仲有做緊七折🤩餐廳裝修好雅緻💫座位闊落舒適 黎慶祝生日一定唔會失望🥳星級蟹宴套餐 ($880/位) *兩位起逸東叄錦碟 (蜜汁叉燒、話梅蕃茄、脆皮蟹肉竹笙卷)🐷叉燒肥瘦均勻好淋👅🍅話梅蕃茄 夠甜🍬同話梅好夾👍🍤竹笙蟹肉好鬆脆 但唔係好食得出蟹味😬🦀蟠龍鮮蟹鉗 蝦仁大隻又爽口彈牙😋蟹鉗非常鮮甜 調味適中 蛋白滑溜🍳🥣金湯花膠蟹肉燴燕窩清甜南瓜湯🥄薄身湯底好適合冬天又唔會搶咗蟹肉嘅味道🦀配上蟹肉燕窩同埋花膠鮮甜而且口感豐富😍🦀花雕雞油蒸膏蟹好大隻蟹 又有好多嘅膏 花雕味好香👃離遠都聞到香氣加上雞油🥄雖然油膩但食到停唔到口 乾身嘅蟹膏配滑溜嘅蛋白食一流👍🍴蟹黃十頭鮑魚 前所未有食過最淋嘅鮑魚🌟👍細細力就已經可以切開😂🍙蟹肉糯米脆皮乳豬菜式好新穎 口感層次都十足👅蟹肉部分就唔多覺有🥄冰花燉雪耳萬壽果雪耳好淋 甜度適中😋如果有多啲萬壽果就好喇🌼杏汁金球伴桂花糕金球入面嘅杏汁好驚喜😍超級好食 煎堆仔好煙韌😋🍲花膠鮮杏汁燉豬肺($180)杏汁好濃好香👃胡椒味重 豬肺花膠同鳳爪都好淋🌶海皇酸辣湯 ($160) 酸辣湯就唔係

📍 逸東軒 Yat Tung Heen______疫情肆虐，飲食業是首當其衝的其中一個行業，為了維持生意額，上至米芝蓮餐廳，下至街坊小店紛紛推出不同優惠。得知逸東軒推出星期一至五點心$38起，單點菜式七折優惠便和好友一試點心質素，且看和晚市相比如何。二人共點了五樣點心。帶子燒賣穩陣之選但沒有驚喜。玫瑰小啤梨造型別緻像真，曲奇酥皮包裹着紅豆餡，過於乾身令人失望。脆皮流沙包饅頭外皮炸得金黃均勻，味道不錯，內餡鹹蛋黃奶黃比較黏稠，不適合追求流心爆漿者。逸東小籠包不負逸東軒之名，皮薄汁多，$48絕對值回票價。杏香蘿蔔絲卷上桌時熱氣沸騰，外脆內軟，把蘿蔔的水份和汁液緊緊鎖在裏面和辣椒豆瓣醬同食更為惹味。如果以正價計算，這次的點心令人有點失望，但現在$38起就可試米芝蓮一星出品，在安靜寬敞的雅致環境「嘆茶」，誰能拒絕？______各式點心 $38 - $78 ______📍 逸東軒 (佐敦)佐敦彌敦道380號香港逸東酒店B2樓層

因為疫情關係原本好難訂位, 如今就即book即有, 咁便利又得閒咪出去食下囉😝🥢筍尖鮮蝦餃$38餃皮厚而不煙韌, 仲有啲淋, 蝦鲜甜及有肉汁但調味太濃🥢帶子蒸燒賣$38帶子鮮甜, 蒸得啱啱好, 豬肉及蝦比例大概八比二, 餡料紮實, 但亦都是調味太濃🥢燕窩瑤柱菜苗餃$48餃皮ok但不算煙韌, 餡料有菠菜, 瑤柱及蝦鮮, 但燕窩就發現唔到, 可能溶哂落啲餡料入面🤔🤭, 餡料太濃味🥢蒜蓉鮮蝦春卷$38春卷皮太厚, 冇蒜蓉味, 餡料很少, 略油及太濃味🥢香煎黑魚子粢飯$48黑魚子好鹹香, 粢飯煎得很脆香好味, 略嫌油膩感重🥢生煎南瓜素肉鍋貼$55皮煙韌, 鍋貼個底煎得唔夠脆, 餡料有南瓜, 紅蘿蔔和椰菜, 調味太重😔失望位竟然冇叉燒, 因為個爐壞咗😂驚喜位茶錢竟然有七折, 可能因為茶位喺列入主餐牌, 而主餐牌係有7折優惠😉整體點心不過不失, 但調味太濃, 蓋過食物嘅鮮味🤪因為疫情關係原本好難訂位, 現在日子及時間就任君選擇, 不過都是限時坐一個半鐘, 如果想同朋友食飽傾下計就唔好選擇呢間酒樓喇🙂環境因為地庫無境, 加埋燈光比較昏暗, 絕不開揚; 檯與檯之間寬落, 坐得都算舒服😏米芝蓮一星食府

看見有網民食評話有期望所以好失望，但我去之前完全沒有任何期望，反而覺得好好食！選擇了最基本的點心：蝦餃、燒賣、腸粉和叉燒包。筍尖很爽，蝦肉亦很新鮮彈牙。唯一瑕疵是可能新鮮蒸起，筷子夾起時蝦餃皮黏着筷子，整穿了蝦餃皮。這個燒賣帶子亦很啱我食，尤其豬肉不太肥，其實食唔出啲肥膏，正👍🏻這個有春卷皮餡的腸粉，好新穎嘅配搭，我第一次食👍🏻。肥度適中的叉燒包💖聽另一半講，未裝修前環境是比較傳統中式酒樓，現在就modern 一些。我最喜歡是坐為夠寬闊。當日他們還安排了我們坐corner 沙發位，好舒服。枱又夠闊，慢慢嘆茶，超享受😊。賣單都有驚喜，本身有Langham card 每款點心有15%discount之外，見到茶芥再有30% special discount。提高了低食程度！😄

點心水準👌，服務態度都可以啦！因為開🍵時無發現蠟燭座內躐燭未點著（暖茶壺🫖用）所以，不太細心，樓底有點矮（飲茶響B2），幸好燈光尚算充足。本人住香港島，要專登揸車過嚟佐敦飲茶，覺得不太值得，除咗過海隧道費用外，如需免費泊車，要食滿$800泊2小時，為咗泊🚗優惠，除了堂食外➕外賣，奇怪嘅係外賣要自己打包（未見過收咁嘅價錢要自己包食物）！！！人手充夠應該係可以做好啲，不會有下一次。😬香港島收這個價錢有好多選擇😅如果住九龍區又或者去開九龍可以試吓。

第三次嚟逸東軒，第一次嘆到$38+午市點心 🧆-對上兩次黎都被安排喺出面嘅大廳坐，今次終於坐入少少corner位。兩個人坐6-7人枱。你好彩啊肥肥☺️-原隻鮑魚和牛酥 ($78/粒)鮑魚炆得幾淋幾入味，放係撻皮上面，和牛味唔算出，但三樣嘢拼埋出奇地好食😋😋😋 係今次最好食嘅點心🥰 要試呀大家！-帶子燒賣($38) 一籠四粒，帶子稍為薄身，唔好諗住佢會比西蘭花炒帶子嗰種原粒帶子你😂 不過一星餐廳呢個價錢，又想試吓新野嘅話，抵嗌！-燕窩瑤柱菜苗餃($48)又係我覺得好抵嗌嘅點心！水晶皮剔透唔黏口，燕窩菜苗完美混合，唔會一啖有一啖冇. 不過瑤柱就次次都好輕手，食到一兩條？-蒜蓉鮮蝦春卷 ($38)香口野梗係肥肥嗌㗎啦😌 我最怕啲春卷油膩，凍咗好似食緊粉咁，入面分分鐘仲食到冬菇同芫荽… 好彩呢個唔係！😆 脆皮✅新鮮蝦✅熱辣辣✅粉感唔重✅ 相對幾飽肚，如果想試多幾樣點心嘅話建議3+人先好嗌-XO醬炒蘿蔔糕 ($55)又一碟重口味🤪 明明啱啱先過完年，但肥肥想食點可以唔叫！😉呢碟我覺得有啲失色，唔夠惹味. 係有煎過，但XO醬味唔濃，色同香都差啲. 伴碟芽菜反而幾好食.-楊枝甘露 ($48)最後點都要

今晚想食得豐富d，諗起逸東軒有外賣服務，之前都係晏晝去食佢地嘅點心，今次試下夜晚嘅小菜先😺發現外賣仲有折，7折就可以食到米芝蓮外賣小菜，真係好難抗拒🥰🥘原隻鮑魚鵝掌花菇 Braised Whole Abalone with Goose Web and Black Mushroom Regular ($880)我地翻熱過先食，見住d汁滾起熱焫焫已經好想食💖每款料各有4隻，鮑魚質感紮實，唔算非常大隻但好厚肉，好有嚼勁😋花菇好大隻同厚身🍄咬落好焾好有口感，食唔停口☺️鵝掌都係好大隻，皮唔會好薄，易咬開，唔會炆到皮骨分離，連埋d汁食係無敵地好食😍🍲陳皮生煎雞煲仔飯 Steamed Rice with Pan-fried Chicken and Mandarin Peel Regular ($348)D雞煎過好香，睇落去唔會覺得有咩好唔同，但一食落口完全係想象唔到嘅好味，d雞好嫩好滑，加埋其他香料一齊食，味道更加昇華，100分嘅驚喜😻唔需要淋豉油已經好夠味，每啖飯都食到d雞同香料嘅味道，暫時係食過咁多煲仔飯係最好食嘅一次，理解到點解佢地會有有米芝蓮星級食府嘅美譽🏆🏅竹笙鼎湖上素 Simmered

因為擾民政策，夜晚冇堂食所以book咗下晝年初二食開年飯原來電話同埋上網都係最多兩個月之內可以入嘅啫如果唔係想即刻book埋下年！四個人食真係好好食㗎！而且好飽，仲有剩添另外有個炒飯都冇影相炒飯夜晚拎返去食依然好食！片皮鴨一如既往出色佢嘅燒味真係好好食。上次食咗片皮雞同埋燒腩仔今次叫咗叉燒，半肥瘦齒頰留香。芒果糯米卷清甜。流沙奶皇包如果外面再脆多少少就Perfect啦我嘅最愛係馬拉糕。不過唔係呢度嘅馬拉糕。但係呢度嘅馬拉糕都OK生菜包唔錯。不過本人傾向泰式生菜包 片皮鴨嘅薄皮OK嘅不過我最鍾意都係富東閣嗰邊嘅薄皮期待下一次去食佢嘅脆皮腸粉職員態度都好好開個好年

呢一間餐廳真係好正，之前男朋友帶咗我去呢度食飯！真係非常開心！好耐冇食過咁正嘅點心啦！叫咗一份帶子蒸燒賣，用帶子去整燒賣真係第一次見，估唔到咁好食，呢度嘅帶子非常爽滑彈牙！另外仲有嘅就係晶瑩龍蝦餃皇！用龍蝦肉做嘅蝦餃真係冇得輸，再加埋咁晶瑩剔透嘅外皮，真係好正！價錢雖然唔平，不過絕對係性價比好高！

新春期間同老人家想去好一點的酒樓飲茶，由於網評不錯所以揀咗逸東軒。一直食的時候感覺都很好，地方坐得舒服，食物質素很不錯。再叫點心時職員提我地last order, 於是我就一次過叫埋甜品。食完甜品之後，佢就叫我埋單於是照做。一食完甜品，諗住想飲返啖熱茶才走，所以請職員加水同埋點返暖茶嘅火。呢個時條，個職員就唔係幾客氣咁話你地夠鐘要走，我哋要清潔。當時食了1小時45分鐘左右。我哋當堂打咗個突，感覺好突兀。1. 環顧四週，有一半坐滿，其他枱仍用餐中。不存在要趕住翻檯畀下一輪2. 我們一直冇停手由頭食到尾甜品，不是霸住個位齋傾計唔幫襯3. 雖然唔係話好高級嘅地方，但都叫洒店酒樓，如此服務態度令人無言老人家食嘢較慢，佢暖茶都未飲啖就被叫走，新年流流原本開心嘅一餐變成一肚氣，唔開心完場，呢樣真係補唔返。希望只係個別事件，因為酒樓本身食物質素不錯😌

聞名已久的米芝蓮一星中菜廳第一次黎試下😆 入到黎覺得呢到好華麗貴氣格局優雅不焗促，幾舒服既！今次主要黎食下點心飲下茶，點了幾樣～食到好飽半肥瘦叉燒，好有光澤，味道還可以，這個叉燒沒有令我覺得很驚艷帶子燒賣，帶子緊緊黏著帶蝦肉的燒賣，海鮮味香濃杏香蘿蔔絲卷，外貌跟我想像中有出入，脆脆地，食落幾香蘿蔔味🤣蜂巢海鮮芋角，外層炸得幾酥脆，偏油，芋角內海鮮味不太出，是有感覺吃到肉味😂XO醬炒蘿蔔糕，普通，無咩特別，亦無咩蘿蔔味，太飽食唔晒🤣春風得意脆皮腸粉，滑滑的腸粉包住脆脆春卷皮的蝦，口感不錯香煎黑魚籽粢飯，個粢飯煎得好香脆，加埋啲魚籽鹹鹹地咁好似幾特別，但黑魚籽同粢飯結合既精粹就唔係話好感覺到🤣可能係我唔識食整體其實都算唔錯，價錢方面就當然比平時酒樓貴貴地🤣 但環境真係一流！食物不過不失，下次可試下其他既！