軟橋米苔目餐廳 (已搬遷) 新店位置

我個人很喜歡台灣，但卻從未試過在台灣食米苔目。得知鴨寮街有一間手工做的米苔目小店，當然立刻去試下。米苔目外型跟銀針粉差不多，但比較通透，店主用粘米粉加上地瓜粉攪成米漿，之後全人手製作，所以口感QQ有彈性。為了迎合香港人的口味，老闆除了跟台灣做法用上豬雜鴨肉外，還加上車仔麵口味的餸菜，選擇多樣化。我選擇了韮菜餃，豆卜，木耳麻辣米苔目，韮菜餃是人手包的，皮薄餡靚，韮菜與肉份量配合得很好，不過只有兩顆未免太少了。木耳新鮮爽口，豆卜滲入了麻辣湯後，更是入味。麻辣湯雖是中辣，但都不算太辣，可能是豬骨湯底太甜中和了。麻辣味道很香，辣度又剛好，實在惹味😋手拍青瓜同樣點了中辣，辣度適中，但醬汁未能滲入青瓜裡，稍為遜色。不過自行沾上麻辣汁還是很好味的。兩樣食物合共$64都算合理，食完真的是可以飽到晚飯時間，勁👍🏼

剛剛去完深水埗買遊戲路過鴨廟街，見到一間瑟縮於街頭既台式小店。出於好奇，同見到幾多人食又有好多雜誌報導，所以就入左去試下啦。店內雖然地方唔大，不過坐滿哂人。地方好乾淨，一洗我對深水涉餐廳既睇法。2張餐牌，想食乜一目了然啦日本士多啤梨波子汽水 $25波子汽水夠晒懷舊，味道好似士多啤梨溝梳打一樣，好味！充滿回憶花雕醉香豬雙脆 $25花雕加芝麻加麻油，作為小食十分開胃。一睇到個名覺得好得意就叫左啦。其實係豬利同豬耳，女士們可能會卻步，但係非常好食，因為我女人試過之後仲同我搶食。Q彈豆腐 $25 味道辣辣地，豆腐富有口感唔同街外既豆腐咁淋，呢個同個名一樣Q彈。墨魚丸鴨肉麻辣小辣湯米苔目墨魚丸爽口彈牙，鴨肉呢係麵店地方呢其實真係好少有嘅，咁梗係當然要食下啦，佢嘅鴨肉又嫩口又滑又有鴨味，相當唔錯值得一讚！米苔目好特別，一條條，食落有啲似銀針粉，係全人手製造㗎！豬腩肉生菜木耳豬潤方魚湯苔台目豬腩肉切到好薄入口即溶，木耳你睇張相就知個份量超級多，豬潤都唔錯唔會好似出面食到啲咁腥，方魚湯底好特別從未試過呢一個湯底對我來講好新鮮好清甜。總結，深水埗呢度地方嘅食店可算係臥虎藏龍，一張小小嘅餐廳都可以令人留下

今日同朋友在西九龍附近行完街諗緊食咩，點知俾我哋發現咗一間食台灣野嘅小店💕小店大驚喜😼😽我哋點咗佢哋嘅招牌菜，一人一碗米苔目！我係第一次食，真係有驚喜，原來同平時食開嘅普通麵底好唔同。佢地既米苔目係全人手製作，食落去好彈牙好爽😘仲要大大碗，好有心機嘅一碗米苔目！重點講下佢嘅配料！佢哋嘅餃真係好好食💗💗應該都係粒粒自己人手包，大大粒皮又薄！一咬淡淡肉！正阿我地點左唔同既小食，碗仔翅，蒜泥白肉，招牌丸湯同Q彈豆腐🤤🤤Q彈豆腐真係好正！煎得好香又唔會太焦，豆腐好滑好易入口😝當小食一流呀😆而蒜泥白肉又係超正超好食！大大份超多白肉！可以自己揀辣度，好入味，配埋米苔目食就一流啦！最後我哋食到超飽，真係好滿足！有平又大大份，最緊要係好好味！😳😋

深水埗出名多好野食，其實搵野食除左去黃金那邊，鴨寮街呢邊都有正野，而且平、靚、正就好似今日試既呢間台式餐廳，隱身係牌檔後面，毫不起眼，招牌仲只見「米苔目」三個令人「Ｒ頭」既大字。但食完出乎預料．．．「有驚喜」餐廳門口雖然不大，但行到入面都幾深，座位亦鬆動，唔覺迫。我相信很多人與我一樣一坐底都會先研究下咩係「米苔目」，但當你猶豫緊食咩好之際，唔使擔心店員好樂意介紹佢地既美食，當然唔少得佢地手造既米苔目。講下小食先，先來蒜蓉白肉，通常平常食既都係辣，但呢度可以揀唔辣。入口有種清新感覺，蔥蒜入味之餘，仲有淡淡酒醋香，開胃之作再來藥膳雞腳，湯底偏溫和，藥味不算重。雞腳比平時食開既長身粗大，咬落煙韌不會散，完全不是平時食開既「雪藏鳳爪」可比其實呢間餐廳既小食都有好多款，牆身亦都貼晒相，我地都忍唔住叫多款「肥腸」，爽口入味不油膩，而最重要係完全唔韌，有水準小食試完，係時候要試下Ｄ麵，米苔目當然唔少得，湯底都有好幾款，最後我們揀左沙嗲湯。先試一啖湯，好濃既沙爹味，試埋米苔目，好似銀針粉咁，但我覺得米苔目會比銀針粉彈牙，又無咁腍。食多兩啖仲發現有花生碎，難怪啖湯咁濃啦，好足料，仲想食多碗，不過下次再黎

之前一直唔知鴨寮街有呢間台灣野，今日經過試左個米苔目，本來都冇太大期望，覺得應該似狗仔粉或者銀針粉。點知個米苔目好軟好Q，啲鴨肉又勁入味，連個豬骨湯底都做得好好，飲完唔會口渴，所以應該係冇過味精。佢地仲有好多其他小食，不過我一個人黎，食完個粉已經好飽，試唔到果個好多人叫嘅豆腐...絕對會帶朋友再幫襯呢種咁比心機做嘅舖頭，價錢仲好親民，40蚊樓下食到咁嘅質素，連我平時冇寫開食評都忍唔住比個like佢 老闆娘仲非常親切友善，令小舖加多重人情味，希望佢地生意興隆啦

昨天晚上到 深水埗鴨寮街買嘢， 見到一間叫做台灣橋 米笞目的東西， 都唔知咩嚟嘅 就係去試下啦 咁就叫咗個沙爹牛肉豬潤橋米笞目 ,有啲人以銀針粉 食落都幾煙韌幾 特別 ，個湯底都幾 濃郁 值得一試

今日行開深水埗見到呢間特色台灣嘢就入去試下。六點幾食嘅時候舖面得一個阿姐，要一腳踢咁攰都仲超好服務，招呼我地坐低後問埋我地有無食過，無就詳細介紹餐譜，但絕非hard sell你，值得一讚！先叫呢度特色嘅米苔目配鴨肉、腩肉、魚蛋，而湯底就加咗$3試下方魚湯底。個湯底好令人驚喜，非常鮮甜。鴨肉咸香配合呢個湯底剛好，唔會漏。而重點嘅米苔目類似狗仔粉，一樣咁入湯味、軟糯。小食好多選擇，揀咗豬大腸同蒜蓉白肉。豬大腸用秘製醬汁醃得非常入味而且味道獨特，口感軟身易咬。蒜蓉白肉好足調味，夠蒜夠辣，而且肉片夠薄，好香，必叫之選！最後加埋個蟹肉碗仔翅，一嚟就見到好多蟹肉，而個碗仔翅係傳統杰身個隻。飲品試咗杯蜂蜜西柚茶，西柚配合蜂蜜令本身嘅苦澀味完全蓋過，甜甜地好飲又大杯。總括嚟講，呢個餐廳好值得回頭，下次經過開要再食！

深水埗向來都係平民食堂有唔少形形色色平靚正ge餐廳今日黎到 米苔目位於鴨寮街 都幾易搵我地7點黎 都位左一大半人呢度出名食米苔目 係香港我都係第一次食米苔目係咩黎？ 係用粘米粉加薯粉整ge同狗仔粉有d似 但就比較淋身同QQ因為老闆全人手做店員好耐解釋餐牌內容好似車仔麵咁自己揀餸同湯底（$36 2個餸）我地叫左2碗面加一個q彈豆腐我：木耳 海帶雞肉米苔目（清湯）加熱檸水木耳海帶份十分多 多到我睇唔到個面雞肉唔係一絲絲 呢度係一塊塊湯底好濃郁ge豬骨味 而且冇味精米苔目果然冇令我失望 佢獨特Qq ge口感 淋得黎又唔會碎真係令人一啖接一啖朋友：海帶 韮菜餃 貢丸粄條面（方魚湯底）加蜜瓜波子汽水同樣地份量十足 韮菜餃好足料粄條面口感十足 都係另一個好好ge選擇Q彈豆腐一定要試 豆腐竟然可以做到少少in um ge感覺而且好有層次感 又唔油 真係出面食唔到ge味食左咁多野都係$134絕對冇得彈

首先，員工會向我們推薦米苔目是店舖的招牌菜，值得一讚，會向客人推介招牌菜！環境十分企理和乾淨，在鬧市的深水埗找到台灣的罕見主食，叫米苔目！我叫了豬潤冬菇米苔目蕃茄湯底，湯底十分健康，沒有任何味精，而且又有蕃茄粒！值得一試的湯底，加3元就能夠有這湯。豬潤吃下去不會太熟，剛剛好，入口容易！冬菇大大粒，有成個手掌咁大，一共有兩個，值得一吃！米苔目吃下去好似狗仔粉，沒有狗仔粉那麼實，吃下去比較爽口！另外叫了一個Q彈豆腐 豆腐煎得外脆內軟 豆腐的大小切成放入口剛剛好 而調味粉和豆腐的配答不錯，可以一試。我朋友在主菜點了一個番茄湯底米線配料是魚蛋鴨肉。相比起米苔目下沒有太突出之處，番茄湯底是帶有酸度的甜，而米線麵量十分之充裕，是正常麵量的兩倍，而魚蛋口感彈牙，肉質滑嫩，值得一點的配餸，店內的環境是在平民食店路線，但裝潢新淨。

有時香港人一個人繞來繞去的尋覓吃麻辣單點不稀奇，由食材及湯頭品質控制有目共睹，香噴噴麻辣是不少港人最愛，因涼拌麻辣小食層次豐富夠開胃要好好細味品嚐且醃過醬汁料一沾又是一口好菜，念辣的粉絲們辣勁十足刺激一陣陣味蕾，店主需花心思夠誠意堅持著每日自家製雲吞、韮菜餃、米苔目等食到新鮮，所以煮和包出來比坊間挺身原汁原味，如三五好友用膳是最佳選擇，特別系冬天季節想吃辣保暖，該店位於深水埗絕對優勢步行路程約五分鐘內可抵達，連粉麵小食超過40多款很多元化，大人小孩都啱迎合大眾港人滋趣口味！環境不過不失，算寬敞，舒適的用餐環境最受熱騰騰味道所吸引當然一定要來一趟！我點選了招牌,一上桌立刻享用先講麻辣豬潤，齋食或配合粉麵或米苔目都相當惹味，因豬潤小店多花時間迫出空氣及多餘水份，加上蔥花、辣椒、蒜，麻而不太辣，一大片就很有份量自然的彈口感特別紮實越嚼越香滑，滋味盡在不言中！而蒜蓉鴨肉一片片依口感上而言，不僅鴨肉份量足厚實很討人歡喜，鴨肉熟度掌握剛好醉麻辣真的名不虛傳，就算放冷了做涼拌香氣也依舊不改扎嫩，只是需要更細微的去品嚐完全滿足視覺效果，鴨胸肉吸附醬汁湯不柴不乾把用餐的感覺提升不少！最後,一人吃肯定有爽

今日陪朋友去完深水埗買遊戲機於是就周圍搵下嘢食中午時份的深水埗十分有本土的色彩走到內街發現了一間與別不同的台灣小食店店名寫着米苔目...好奇之下入了店舖試一試店員好親切向我們主動介紹招牌食物餐牌選擇好多！而牆上貼滿左招牌嘅食物，吸睛的照片。最為有趣的事蟹肉碗仔翅英文寫fake sharks fin soup😂花多眼亂之下點了幾款小食鴨肉米粉$35鴨肉嘅數目好多，而且食得出湯底好清澈唔似味精湯👍🏻食完一啲都唔口渴！手拍青瓜$18這款青瓜酸酸的帶點微辣，完全引起食慾👍🏻分量就唔算好多但勝在價錢優惠！可以食多幾個小食Q彈豆腐$25有一種喜出望外嘅感覺，口感完全唔似豆腐以為食緊魚蛋🤣香口嘅外皮灑滿椒鹽和小小辣椒粉....我諗食多份都冇問題👍🏻花雕醉香雙豬脆$25店員介紹得知係豬耳和豬利....價錢唔貴....豬耳和豬利真係好爽脆...份量都好多絕對唔孤寒...略嫌花雕酒香唔算太入味！如果可以入味啲咁就好啦😂埋單後見到門口有張紙寫住（長者咭專享$9蚊雞米粉）今時今日仲有小店願意專做優惠給長者！寧願賺少啲都幫到有需要既老人家.真係好難得👍🏻這份堅持絕對值得尊敬食得太飽啦所以未能試到米苔目...下次

今日經過深水埗鴨寮街嘅時候，見到呢間食米苔目嘅小店，雖然門面並沒有華麗嘅裝潢，但係好奇心驅使下，我哋都入左去食晚飯。一入去見到原來都有幾多雜誌介紹過呢間小店，佢地每日都會用新鮮米漿去手打整出來，個樣有啲似狗仔粉咁，口感都幾得意！當我地望住個餐牌猶豫緊食咩嘢嘅時候，店員好親切咁過黎為我哋介紹，例如鴨肉、豬腩肉等等，亦都有介紹一啲小食，好似蟹肉碗仔翅、花雕醉香豬雙脆呢幾款，結果因為好肚餓嘅原因，所以我哋就叫哂佢推薦嘅嘢食！我哋總共叫左兩碗米苔目，分別係沙嗲湯底同泡菜湯底，兩碗都好特別，亦都好有香味！鴨肉就好似佢地推介咁，好淋好好食，亦都豬腩肉一樣，唔係好肥，咬落去啖啖肉！而韮菜餃亦都好入味，咬落去都好juicy！而小食花雕醉香豬雙脆，其實係豬耳同豬脷，咬落去脆卜卜，而且好香花雕酒嘅味道，最啱就係同朋友share食！仲有蟹肉碗仔翅，食落去唔會話好粉，店主仲加左超級多配料落去，真係好nice！飲品方面，我哋仲叫左一杯蜂蜜紅棗茶同埋凍檸多，一杯夠哂特別，而另外一杯就好滋潤，但係兩杯嘅共通點都係好飲，而且並唔貴，店主又親切又nice，下次有機會一定會再去！

今天經過後肚子有點餓，又不知吃什麼好，行過見到米笞目餐廳，於是與朋友進去食。我叫了一個墨魚丸和韭菜水餃配豬骨湯的米笞目。而且叫了一個香煎脆皮肉餅。看到它的賣相十分吸引。果然肉餅沒有令我失望，真的煎得很香和脆，而且一碟有六至七塊。另外的米笞目也好吃，湯底十分清淡。而墨魚丸有三粒還大大粒的，韭菜餃有兩件。店員極力推薦我嘗試該店的米笞目，而且這是全港第一間自家制米笞目，當然要嘗試下！米笞目外表似銀針粉及狗仔粉，但其口感比兩者彈牙爽口。除了豬骨湯底，還有其他特色湯底選擇，我選擇了韓式泡菜湯底搭自家制韮菜餃及雞肉。湯底有淡淡的泡菜味，但不太辣，適合喜歡泡菜但又不能吃太辣的人；自家制韮菜餃的味道香，韮菜味道不重，肉跟韮菜的分量適中；雞肉的數量多，口感彈牙，份量適合午餐。整體搭配不錯，沒有太重的味精，吃完後不會口渴，有住家煮食的感覺！

菜單方面簡單清晰我同朋友一共兩個人去食，首先講吓我叫果一碗米苔目，配料方面揀咗海帶同埋豬膶，揀咗方魚湯底，碗面＄39。嘢食未上嚟之前我會以為啲海帶係平時食開個一種紫菜，點知上到黎嘅海帶同我平時食嗰啲完全唔同，食落去好好味，有咬口。豬膶方面切到好厚，洗得好乾淨，食落去有種新鮮嘅感覺。加上滿面入面米苔目份量好多，食完一碗真係夠晒飽。佢同銀針粉嘅外型上有啲相似，但係食落去就同銀針粉完全唔同。米苔目嘅米味好香龍，咬落去彈牙軟熟。另外值得一提嘅係秘製豬大腸，呢一間食店嘅滷水豬大腸加左啲蔥花喺上邊，同豬大腸非常之配合，而且我食落去個感覺係乾淨嘅，新鮮嘅。可能因為豬大腸滷水嘅過程做得好，食落去個質感軟熟，好容易咬，而且都好入味。係值得推介嘅一款小食。另外一碗麵揀左酸辣湯底，酸味方面適中，辣味就做到好出。同埋特點係碗麵上面送嘅生菜有好多，感覺上都健康啲。仲有另外一款小食就係叫咗青瓜，青瓜揀咗小辣，質感爽口新鮮，都係值得推介既一款小食。最後講下呢一間食店嘅環境同埋服務員，樓面裝修俾人感覺簡潔，坐低食嘢嘅時候空間感充足，牆上面都有好多特色推介嘅嘢食，除咗睇枱上面嗰啲菜單之外，喺牆上面都貼有好多美食可以選擇

今天特登去黃金商場買電子用品～ 咁近城隍廟！梗係要求番支好籤～不過行行下鴨寮街竟然見到有間小舖 好老實講呢幾個中文字分開睇得明～但夾埋一齊真係冇見過！！ 既然老細掛得出呢個咁爆嘅招牌～好我就入去會一會你！（其實係自己老土* 原來喺台灣好普遍）～～入門口嘅時候發現原來老闆好有好有愛心㗎～ 如果有長者咭嘅老人家可以用九蚊嘅優惠價錢～ 點餐廳內指定的美食！！為善不甘後人～ 體貼老人家嘅善舉～實在值得本人妻出一分力振興老闆經濟！！餐牌其實好多元化～ 最招牌當然係食米苔目！ 如果唔係我的話，又可以試下韭菜餃或者唔同的小食！由於呢排天氣反覆所以跟餐加咗蜂蜜特飲！ 潤下喉一上嘅時候，梗係飲啖湯先～飲完之後發現完全係不得了呀！！湯頭鮮味清甜絕對唔係味精彩以做到，飲曬成碗都唔會口渴～ 貢丸係爆汁㗎嘅！爆汁㗎！ 超級好食～ 鴨肉嫩滑～ 而米苔目口感介乎於銀針粉和上海麵之間～ 好味好味韭菜餃脹卜卜～ 而且d餡料超級多！ 加埋啲豬骨湯真係好味到爆炸～ 講開又講過我飲曬佢全碗湯蟹肉放到全本都係見到都開心～ 而且足料～鹹淡適中柚子特飲和蘆薈特飲亦非常有誠意