軟橋米苔目餐廳 (已搬遷) 新店位置

本來以為深水埗鴨記一般淨係人地去搵下電子零件尋寶的地方，但原來收埋佐間台式野。今日就係朋友介紹之下黎尋一尋寶，講緊既係呢間軟橋米苔目餐廳餐廳無華麗既裝修，反而更加有親切感，而且望一望餐牌，價錢真係好親民，平過而家旺區越開越多既華麗台式店我地兩個人點佐三個小食加兩個黎到必試既米苔目，我其實未食過都唔知咩黎的，所以都幾期待另外再叫佐兩杯特飲，跟餐十零蚊杯，梗係咩都試下佢啦先黎就係三個小食啦，呢份Q彈豆腐都幾得意，佢又唔係一般煎豆腐咁既口感，應該有小小似魚蛋既感覺，幾有新鮮感，都煎得好香口呢份醋茄，點既時候其實都十五十六，但黎到試一試又真係幾唔錯，唔會好重醋味，反而個感覺好清新，好開胃，岩曬夏天做開胃前菜，而且蕃茄好新鮮，又唔會散曬咁，可能因為醋既原因。而我最鐘意就係呢個花雕醉雞豬雙脆啦，真係唔黎都唔知咩係豬雙脆，原來係豬耳加埋豬脷凍食，好滑，花雕味好香，好入味﹗呢個無得頂跟住就黎戲玉，米苔目啦豬腩肉札肉米苔目，估唔到咁足料，我點佐冬蔭公湯底，個味好濃，估唔到配埋落去又幾得意，唔會夾夾不入咁，而最有趣就係個米苔目啦，入口好有米香，口感無狗仔粉咁結實，爽爽地咁，配埋個冬蔭公湯底真係幾正，夠曬惹

之前係台灣食過米台目，味道都唔差,今日同朋友行開深水埗，見到有間差唔多既餐廳，就入左去食。一去到去員工都好熱情，好有係台灣個時既感覺，睇緊餐牌個時，員工仲主動介紹返食物同配搭。對於喜好食辣既我就揀左冬蔭宮湯底，已我朋友就揀左另一個沙嗲湯底，我地仲另改點左一個肉餅小食，最令人驚喜既係原來有日本綠茶味波子汽水，我都立即叫左一枝。米苔目分量非常多，冬蔭功湯底亦唔係只係得辣味，已係同係泰國飲既味道非常似，驚喜既係米苔目既然比我既感覺係比台灣既更好食更爽口，配菜都非常多種類，另外肉餅並唔係我地平時見開既類型，但食落既口感非常彈，而且仲非常熱同有肉汁。員工既熱情已經足以令我去多次再食，下次可以試下餐廳令一樣主打，就係鴨血

深水埗一直有各種平價美食,食慣數百元一餐的朋友當然看不起,不過這些小店美食各有特色。舖面門口招牌雖毫不起，但“米苔目”就促駛眾人會入內嘗試。來吃的話當然必點米苔目啦，外形似銀針粉，但長少少，軟加少爽口的感覺。基還點了小食拍青瓜, 青瓜拍得較為大件少少, 但夠冰涼夠爽脆, 夠入味, 味道唔係好辣, 有少少酸可醒胃。特別是這個豆腐，質地有點 似魚腐，但感覺較彈牙，內裡是豆香，外皮有調味和口感脆脆的，少少惹味，又不會太濃味！👍基評分: *味道(基基基基)**外貌*(基基基基)*抵食(基基基基基)**服務(基基基基)*最後基言:價錢上來說，價錢貼地，而米線軟硬度適中!

因為去深水埗買上網卡～順便都係埋附近覓食😈寧寧舍舍見到有間食店～見到米苔目幾特別又未試過，價錢又平平地，就試下啦😳👉🏿✨湯米苔目系所（2餸）Hkd 36 💸📌我就要左雞肉同豆卜，轉左麻辣湯底加3蚊～原來米苔目係用米漿整成，食落有小小似銀針粉👀都幾搞笑個口感～同埋因爲佢比較短，用匙羹食都得，懶人最愛😆佢既麻辣湯底都幾好食喎！叫左小辣、唔會好辣，但會帶點麻，非常過癮！👍🏿而且豆卜係會索晒啲湯，真心好正，雞肉係一片片份量超多！朋友個碗就係豬骨湯底～岩晒食唔到既朋友👉🏿✨Q彈豆腐 Hkd 25 💸📌見到好似係必食咁濟！食落真心一啲都唔似豆腐🤣小小似魚腐/魚蛋，超彈牙呀！本身已經有足夠既調味，唔洗點調味已經好好食👉🏿✨蒜蓉鴨肉 Hkd 39 💸📌見到個個都嗌佢，同朋友心思思又叫多份🤣原來都幾好食喎！上面又有蒜蓉等調味，非常過癮👍🏿同埋全程姐姐啲服務態度都好好！100分呀💟！

週末當然要去啲隱世小舖試下啦，真係不枉我大熱天時由街尾行到街頭先搵到呢度！因為門面唔大，所以好易錯過，流咗不小汗水，但一切都係值得的！係老闆娘(應該係老闆娘吧) 細心親切的推介下，簡咗鴨記米粉 及 香煎脆皮肉餅而自己一心想試米苔目，所以自選咗豬腩肉雲吞米苔目 (方魚肉碎湯底)，再後加咗個花雕醉香豬雙脆及凍薑蜜先上鴨記米粉，鴨肉好多，感覺真係好扺食，而且鴨肉好淋好入味！第二樣上的反而係後叫的花雕醉香豬雙脆，要咗多豬耳小豬脷，其實我都知係一早整好一碟碟雪的，但佢地好熱心咁話可以安排，所以我覺得佢地真係好親切，即使上來的是否多豬耳小豬脷都已經唔重要了！花雕味唔算重，加咗小小麻油芝麻，凍凍地，好適合夏天食，值得推介！再黎的係豬腩肉雲吞米苔目 (方魚肉碎湯底)，豬腩肉好好味，雲吞食得出住家味 (印象中好似有寫係自家制的)，米苔目有小小似銀針粉，但又比銀針粉吸味，所以唔使連湯食都好夠味了！係湯底喊咗小小咁囉！整體係唔錯的~

放工去左深水步，每一日都咁多人,買左小小拍片既野,之後就去食小小野再返屋企. 行行下一轉角見到呢間小店 見到價錢 唔太貴 而且有 各式各樣的小食 即刻入去坐下 食個飯 先 。一行二人各自點左一個米線同埋一個 小食。鴨血鴨肉米線鴨血有口感一啲都唔腥，鴨肉幾爽口 一啲都唔老。 湯底仲有鹹酸菜幾有趣。腩肉 木耳 米苔目湯底係清湯 ，不過我哋嗌咗方魚肉碎湯底， 湯底幾好飲 腩肉切得 好薄，不過不失。花雕醉香豬雙脆$22第一口就食到到酒味，酒味濃郁，呢碟小食 有豬脷同埋豬耳， 好爽口 ，值得一試。老闆娘非常之有禮貌 ，服務態度一流

鴨寮街，又被稱為電子街🖥，顧名思義，如果你需要任何電子零件📱，這裡一定會是你的購物地點首選👍🏻，當然人妻🐷也不會例外。這夜買過了需要的東西後🛍，就決定在附近找一個地方，來一個極速晚餐🌝。一抬頭就看到了它的招牌💡，基於對它名字的好奇心，就這樣進去了😊。裝潢跟區內小店差不多🤔，牆上除了貼著餐單📜及食物的照片🖼外，還有不少的雜誌報導📚。而到了這一刻，我還是不知道甚麼是米苔目🤔。這個時候熱情細心的店員👩🏻的出現簡直就好像是我的救命稻草一樣😍，她不單是介紹了店內的招牌菜✨，還慢慢的介紹了米苔目的由來😲。這次，就由她來為我們發辦吧🙇🏻‍♀️~Q彈豆腐🌟：店員大力推介之一🤩，外觀與一般豆干無異🤔，但一口咬下去就發現原來是暗藏驚喜😍！口感非常彈牙😋，不知道還以為是炸魚片。上面灑上了點點的辣粉🌶，入口油而不膩的，難怪店員說是招牌菜之一👍🏻。綜合丸湯🥣：曾經流浪台灣的老公🍋指名要點的，說是要懷緬一下😅。清甜的湯內裝著墨魚丸🦑、貢丸🍄、魚丸🐟等各一。丸類粒粒爽滑彈牙😋，整體味道不錯。蒜蓉鴨肉🦆：另一款店員大力推介的小食✨，油脂分佈均勻的鴨肉片上佈滿了蒜粒與蔥花😍，鴨肉肉質細嫩😋，配上香濃的醬汁，味道一流👍🏻！

深水埗多美食，久不孩就要到此一遊，今天就由中午開始掃街。看到有間名叫「軟橋米苔目餐廳」，好奇心下看看餐廳張貼的報張介紹，原來有種台式麵叫做湯米苔目，外型似港式銀針炒，但口感就比較彈牙，再看到有食客專誠帶同朋友光顧，令我更有信心進店一試。店員有禮並落力介紹店中各款新品和主打，強調湯米苔目是自家製作並無防腐和味精，純米漿製作，食得健康。估不到小店都會有日式波子汽水，有點驚喜。天氣炎熱，還是先點支凍飲《日本士多啤梨波子汽水 $12》。《豬腳薑 $39》是餐廳新品，豬腳和蛋都醃得顏色深而且入味。薑醋保身眾所周知；豬腳軟腍，皮質彈牙、膠質重；雞蛋連蛋黃都入味，有誠意。點了主打的《湯米苔目系列 $36》包兩款餸，另加每款$7，原配豬骨湯底，但轉湯底可加$3。我選了「豬潤、鴨肉、韭菜餃+$7、海帶+$7、鮮茄湯底+$3」。鮮茄湯底清甜，有蕃茄肉碎，相信都真的是鮮茄製作的湯底。豬潤十分好味，是黃沙豬潤來，又爽彈又有起沙感，更沒有腥味。韭菜餃都算飽滿，肉醃調味適中，沒有偏咸。不到半小時，店子已坐得滿滿。

中午同朋友出鴨記買野~買完大家都見餓就睇下附近有咩岩食見到呢間店仔大大個招牌寫住米苔目，店入面又貼左唔少雜誌報道，我地見幾得意咁又未試過,所以就入左去坐底！店内貼上各種食物既款式同價錢，仲要有埋圖片添而呢度既職員都好友善，會主动同我地介绍佢地既特色食物原來米苔目係台灣既地道粉麵，用米漿制成，呢度既米苔目仲係佢地自家整架所以我同朋友都一人一碗，$36包兩個餸，另加就每款7蚊，每碗都大大碗，價錢十分相宜原来米苔目就好我地既銀針粉咁，但就多重米香，配上佢地無加到味精既豬骨湯底一齊，味道的確唔錯wooo呢度既豬潤做得好出色，厚切無怪味，生熟度剛好，正我地見小食既價錢都唔貴，所以都叫左三款一齊share呢個蒜泥鴨肉$39係職員力推我地要試下，無介绍錯wooo,鴨肉嫩腍，底下仲有粉絲吸曬啲蒜香，重口味既實中意呢個Q彈豆腐$25都幾特別，唔同一般既豆腐般軟滑，反而有啲似食緊豆香味重既魚腐咁個日我仲跟餐加10蚊飲左杯凍檸多，酸酸甜甜又夠凍，消暑又解渴呢度既食物都真係幾有特色，價錢又唔貴，唔錯唔錯------------------------------食物質素：🤤🤤🤤+0.5 (5🤤最優)價格水平：

上之黎食食左米粉，今日行開深水埗，真係要黎上下米苔目!!!今日幾多人，好彩我自己一個黎。小食好多想試，但一個人食唔到咁多今次試麻辣牛肉雲吞冬菇米苔目，加紅豆沙愛玉!飲品先上，夏天飲返杯紅豆沙特別爽第一次試愛玉，同仙草凍差唔多，但佢係透透地既白色米苔目豬骨湯夠清夠甜，夏天都係唔食咁濃味了。其實米苔目好似銀針粉，但短啲細條啲。食落好滑好煙韌，口感幾正，而且有淡淡既米漿味雲吞唔算好大粒，係韮菜豬肉餡，味道唔錯，最緊要係佢韮菜一啲都唔老，食落夠甜冬菇唔太特別，勝在夠厚肉麻辣牛肉正! 一拎上黎聞到好香既麻香牛肉大大塊，放埋本身既蒜同蔥一齊食，更加香口惹味我要左大辣，但其實辣度一般，香麻香多過辣，唔食我辣既人都食到另外墊底既粉絲都係正野黎! 吸哂麻辣汁，味道夠哂香。可惜成日夾唔到朋友黎食，太多小食想試了!!!!

落開鴨記買啲嘢，就順便搵埋細佬食晚飯，佢話想食米線，醒記就晌鴨記有家小店「軟橋」賣米苔目，雖然跟米線唔同，當喺帶佢試試啲特色嘢。「軟橋」位處鴨寮街，本應唔難搵，但門面頗窄，唔多起眼，招牌又晌頂一頂，好易過門不入，其實就喺遠在天邊、近在眼前。而鋪內形狀，可想而知呈長條形，都幾深架。不過，勝在夠光猛，環境企理，啲阿姐招呼亦殷勤有禮，比好多深水埗茶記啲招呼好。除米苔目，原來佢哋仲有好多滋味小食，大部份小食都有真實相片貼晒晌牆上俾客人參考。至於米苔目系列，就如車仔麵咁，基本包兩餸，配豬骨湯，大大碗定價$36。當然，加餸、轉湯底、轉其他粉麵都唔喺問題。好多人對米苔目都比較陌生，小弟都喺晌台東食過一次，但店員都好樂意介紹吓佢哋手造嘅米苔目。想慳啲，都仲有選擇，另一個餐牌羅列出大堆單餸粉麵或淨餸，只賣$29。涼拌蓮藕 $18啲蓮藕薄切，片片厚度勻一，一咬好爽脆，咯咯聲。而搵蒜蓉、芝麻、蔥花，再加少少醬油做成涼拌，既感覺涼涼爽爽，味道鮮濃又好食。蒜蓉鴨肉 $39雖然無用「涼拌」一詞，但跟藕片做法一樣，同樣以蒜蓉、芝麻、蔥花，再加醬油作調味，所以，幾咁濃香惹味。最正喺啲鴨肉，質地軟腍鬆化，又有鴨肉香，卻

食過早飯先,行完一陣街先食依間野,下午唔算太多人,大部份都係依頭既SALES午飯過黎食野台灣客家粄條 闊身版河粉,好得意而米苔目賣相似銀針粉 但口感煙靭彈牙 有米香,今次選左冬陰公湯強烈推介 依個湯底  無味精 超好飲,麻辣湯底更會食上癮,扎肉不肥膩,好吃麻辣鴨肉好開胃,唔太辣,不過如果點太多醬汁都係會有小小辣雞腳湯,湯唔算好有味,但雞腳吸左湯味都好味左,如果好鍾意食雞腳可以試下軟橋米苔目餐廳 (深水埗)深水埗鴨寮街249號地下B舖

今日和朋友到鴨記行街，行到餓餓地，發現了這家軟橋米苔目餐廳，被它的名字吸引。看看菜單都有不同種類的野食，其中主打係叫米苔目，店員介紹它冇添加任何防腐劑、添加劑和味精，是純米漿製作的，但我看到餐廳也主打豬手，最愛豬手的我又點會錯過。日本蜜瓜波子汽水 $12好耐冇飲過波子汽水了，這裏都有，而且超抵飲，蜜瓜味都唔錯。花雕醉鄉豬雙脆 $25豬雙脆是豬耳和豬脷，有不同的爽脆口感，帶有微微酒香，十分入味。台南豬手飯 $39今日先試豬手飯，有三大隻，豬手有湯底的，睇落清清地，入口味道香濃入味，豬手好腍軟好有膠質，好正。豬腳薑 $39超愛豬手豬腳的我實在忍不住再要叫一個豬腳薑試試，色澤吸引，而且毛去得好干淨，表皮立立令，肉質嫩滑好入味，還有驚喜的是蛋亦非常入味，很不錯。下次一定要試下餐廳主打的米苔目先。

近日要去日本專登去深水埗買數據卡， 本身打算黃金商場附近食麻辣薯粉，但咁啱經過間細長型嘅台式麵店， 就入去幫襯下新野。餐廳內張貼的雜誌有好多米苔目嘅介紹，原來老闆亦即係大廚，有台灣親戚傳授佢米苔目嘅做法，所以佢每天都堅持用人手搓製米苔目。 腸米苔目之外老闆娘 亦都介紹 豬潤鴨肉係佢哋最拿手嘅配菜。我就叫咗個 沙嗲湯底 豬潤墨魚丸韭菜餃米苔目 兒童行嘅朋友就叫做鴨肉海帶豬腩肉台灣板條。豬潤厚身爽滑， 韭菜餃皮薄餡靚，墨魚丸中上，最重要係濃香沙爹湯底並非每一間食店都， 煙韌彈牙的米苔目充分吸收咗湯底，非常美味。 大大碗咁多餸都係46蚊。朋友嘅麻辣湯底都好味，鴨肉及豬腩肉果然很不錯最重要係海帶剪開成一條條條狀， 份量挺大。我哋另外再嗌咗三個小食嗰啲小食雖然選擇唔多但每樣都相當不錯。最正個係麻辣牛肉，份量大， 香辣可口， 面有香蔥底有粉絲。花雕醉香豬雙脆係豬耳同豬脷， 花雕醉雞翼就食得多，豬雙脆比較少有， 爽脆口感作為冷盤一絕。 香煎脆皮肉餅食落似炸春卷腐皮內包扎肉，好香口。

近日買了電腦,但很多裝備也有問題,所以一星期也來深水步一次。買完後,在附近走走,我一個人獨個兒搜尋, 不知不覺間已行經鴨竂街內, 見到有一细小門口寫上米苔目, 便看看究竟是什麼。原本是一間餐廳，米苔目原来即是台灣出品的米缐, 於是便入內坐下。餐牌上除了米苔目外, 當然也有拉麵/米缐/米粉/冬粉/湯飯/烏冬可供選擇, 但我當然選擇米苔目試試, 配鴨肉和韮菜餃，並加了酸辣湯底, 辣度點了少辣。店員送上見賣相唔錯, 材料十足, 鴨肉没有鴨羶味, 亦沒有油脂, 鴨肉亦唔"鞋"和唔靭。韮菜餃雖然不是很大粒, 但皮薄餡很入味, 韮菜和肉碎比例均勻。至於米苔目, 外觀不似平時食的一條條米缐, 反而似銀針粉, 但米苔目的口感和質感幼细嫩滑得多, 亦彈牙，看似容易消化。至於酸辣湯底較為遜色, 酸辣程度唔夠。我還點了小食拍青瓜, 青瓜拍得較為大件少少, 但夠冰涼夠爽脆, 夠入味, 味道唔係好辣, 有少少酸可醒胃。