影片
更多
2018-04-17
52 浏览
菜單方面簡單清晰我同朋友一共兩個人去食，首先講吓我叫果一碗米苔目，配料方面揀咗海帶同埋豬膶，揀咗方魚湯底，碗面＄39。嘢食未上嚟之前我會以為啲海帶係平時食開個一種紫菜，點知上到黎嘅海帶同我平時食嗰啲完全唔同，食落去好好味，有咬口。豬膶方面切到好厚，洗得好乾淨，食落去有種新鮮嘅感覺。加上滿面入面米苔目份量好多，食完一碗真係夠晒飽。佢同銀針粉嘅外型上有啲相似，但係食落去就同銀針粉完全唔同。米苔目嘅米味好香龍，咬落去彈牙軟熟。另外值得一提嘅係秘製豬大腸，呢一間食店嘅滷水豬大腸加左啲蔥花喺上邊，同豬大腸非常之配合，而且我食落去個感覺係乾淨嘅，新鮮嘅。可能因為豬大腸滷水嘅過程做得好，食落去個質感軟熟，好容易咬，而且都好入味。係值得推介嘅一款小食。另外一碗麵揀左酸辣湯底，酸味方面適中，辣味就做到好出。同埋特點係碗麵上面送嘅生菜有好多，感覺上都健康啲。仲有另外一款小食就係叫咗青瓜，青瓜揀咗小辣，質感爽口新鮮，都係值得推介既一款小食。最後講下呢一間食店嘅環境同埋服務員，樓面裝修俾人感覺簡潔，坐低食嘢嘅時候空間感充足，牆上面都有好多特色推介嘅嘢食，除咗睇枱上面嗰啲菜單之外，喺牆上面都貼有好多美食可以選擇
菜單方面簡單清晰
我同朋友一共兩個人去食，首先講吓我叫果一碗米苔目，配料方面揀咗海帶同埋豬膶，揀咗方魚湯底，碗面＄39。
嘢食未上嚟之前我會以為啲海帶係平時食開個一種紫菜，點知上到黎嘅海帶同我平時食嗰啲完全唔同，食落去好好味，有咬口。豬膶方面切到好厚，洗得好乾淨，食落去有種新鮮嘅感覺。加上滿面入面米苔目份量好多，食完一碗真係夠晒飽。佢同銀針粉嘅外型上有啲相似，但係食落去就同銀針粉完全唔同。米苔目嘅米味好香龍，咬落去彈牙軟熟。
另外值得一提嘅係秘製豬大腸，呢一間食店嘅滷水豬大腸加左啲蔥花喺上邊，同豬大腸非常之配合，而且我食落去個感覺係乾淨嘅，新鮮嘅。可能因為豬大腸滷水嘅過程做得好，食落去個質感軟熟，好容易咬，而且都好入味。係值得推介嘅一款小食。
另外一碗麵揀左酸辣湯底，酸味方面適中，辣味就做到好出。同埋特點係碗麵上面送嘅生菜有好多，感覺上都健康啲。
仲有另外一款小食就係叫咗青瓜，青瓜揀咗小辣，質感爽口新鮮，都係值得推介既一款小食。
最後講下呢一間食店嘅環境同埋服務員，樓面裝修俾人感覺簡潔，坐低食嘢嘅時候空間感充足，牆上面都有好多特色推介嘅嘢食，除咗睇枱上面嗰啲菜單之外，喺牆上面都貼有好多美食可以選擇。
今次去食嘢呢就見到全間店入面得一位服務員，係一位女士，一開始可能會覺得佢講嘢比較直接，但係慢慢會感覺到佢嘅熱情，同埋用心推介。
张贴
