諾亞半熟蛋糕專門店 (已結業)

玄米奶茶（$18）而家連野飲都要走相機食先既風格🤔。行經諾亞，今次唔係買半熟蛋糕，而係買枝玄米奶茶飲。吸引司令買既原因，當然就係個燈泡樽，飲完可以拎返屋企做裝飾添。奶茶飲落玄米味好重，奶茶偏奶，但唔夠甜，可能走健康風格？如果比司令揀下甜度就好啦😂，最中意飲甜奶茶。

雖然「諾亞半熟蛋糕專門店」的出品在香港大行其道，但自己第一次在這間人氣蛋糕店購買的蛋糕，並不是它賴以打響名堂的蛋糕，而是它的變奏 ----較為健康而自己和太太都更有興趣一試的「低糖伯爵半熟蛋糕」。這根據店子介紹，以有機雞蛋、日本海藻糖、日本麵粉、優質蜂蜜、與高級伯爵紅茶粉為材料製作而成的蛋糕，裝載在漂亮的橙黃色外賣盒中，裡面還附有齊全的切餅刀和膠叉、紙碟，配套甚為貼心，加上賣餅的店員也甚有禮貌，令自己不禁對這品牌增添不少好感。回到家中，先根據店員的指示把蛋糕放進雪櫃上格冷藏，到準備享用前先拿出來待上大概半個小時，終於可一嚐這彷如咖啡色太陽花般的蛋糕的味道。這「低糖伯爵半熟蛋糕」的伯爵茶味的確是幾濃的，而因為是低糖的關係，味道不會太甜，十分適中，雖然流心程度不高，但蛋糕質感軟熟，鬆軟可口，水準確是不錯，值得一試。要是伴以一杯茶味醇厚的伯爵茶的話，更佳。

半熟蛋糕唔係乜野新鮮食物，第一次係喺台灣見到，個時一望就覺得賣相好肉酸，中間凹左入去又皺皮... ...事隔一年再係香港重遇，今次見面的地方係黎自台灣誠品書店入面的NOAH諾亞半熟蛋糕專門店凹左入去唔係因為偷工減料亦唔係因為焗壞左或者未焗夠，只係喺未完全焗熟時就已經出爐所以叫做半熟蛋糕。當蛋糕接觸到空氣就會收縮形成向下凹的形狀眼見呢間蛋糕專門店越開越多分店咁受歡迎，味道應該不錯，又開正喺誠品書店入面，我呢個偽文青決定扮下野買個返去試試係店外見到蛋糕有好幾款口味，有生果味又有其他口味半熟蛋糕，花多眼亂唔知點揀，海報上仲有大大隻的忌廉哥，鬼咁搶眼。問店員如果唔想太甜，可以揀邊隻，佢地就推介新出的桂花口味，店員即時係我面前邊詳細講解食用方法邊熟練地將蛋糕由雪櫃取出拆模入盒，之後再細心話我知，如果唔記得食法都唔緊要，因為蛋糕盒外面都有清楚咁印上，太好了，我邊有咁好記性返到屋企食晚飯時已急不及待由雪櫃冰格拎定個蛋糕出黎解凍，唔知係咪桂花味，所以蛋糕紙上有呢個咁得意的花花圖案，呢啲就係detail 啦拎出黎準備切時先發現原來蛋糕下面有一pack 5隻紙碟膠叉同膠刀，方便客人，好細心，抵讚一切落去，

平常吃慣蛋糕感覺牛油味好重,有點膩,要把整個吃掉不是易事吧???但最近有一款蛋糕令我吃到不能停,飯後竟把整個蛋糕吃下,能令我容得下的- 非諾亞的半熟蛋糕莫屬!最近更推出了新口味-苿莉花及桂花口味, 是次我選了'苿莉花"~ 諾亞位於尖沙咀星光行2樓誠品生活,地點易找外賣蛋糕,單單包裝十分討好;店員仲十分細心問我回家路程幾遠,而安排適量乾冰,確保蛋糕新鮮回到家先放入冰格,如要食用時要取出署室溫放30分鐘即可食用盒內還為消費者準備好一套餐具,刀叉紙碟,方便到唔洗周圍找用具諾亞的半熟蛋糕可冷或熱食,同樣美味! 咬下時還吃到像茉莉茶葉片般(是真吧^^?)冷吃: 會有蜂蜜滲出,涼涼的十分清新; 熱吃(個人較喜愛): 把想叮熱的放進微波爐大約5分鐘取出,口感好到不得了,而且散發出苿莉花香,食唔停口! 如果你亦喜愛唔太膩的蛋糕,呢款半熟蛋糕確是不錯選擇!~

糖不甩新的打書釘地方己經由商務搬咗去誠品, 每星期唔去唔安樂. 尖沙咀的誠品其中一樣比較有趣的, 就是多了一些賣蛋糕, 飲品的小店直接在書店內. 而且裝修, 風格和顏色很融和, 買得開心.今日逛完書店, 就買了一個蛋糕晚上和朋友開心 share. 而那間店就是口啤不錯的諾亞半熟蛋糕.店子雖然細細但款式很多, 有蛋糕, 泡芙, 還有飲品, 其實之前都吃過半熟蛋糕, 今日就一試未試過又很有名的茶系列蛋糕.茉莉花半熟蛋糕,$ 78我們跟據指示把蛋糕離開了乾冰半小時, 原來還未有流心, 所以切開後多等了10分鐘才吃.一入口的茶味花味真很濃郁, 比飲茶的味道還要特出. 香氣在口腔不散, 真的非常好吃. 蛋糕雖然時間問題未夠軟心, 比較硬, 但味道已經遮住了這個缺點, 蛋糕不太甜, 沒有邪惡的cream, 喜歡清新口味的人會勁like.之前吃的原味蛋糕都不錯, 但吃過茉莉花半熟蛋糕之後, 覺得後者超哂班, 未吃過的人不如直接跳過原味試下呢隻啦.

生日快樂My sweetie friend, 識你咁耐，每年都會同你切蛋糕過生日，今年都無例外，3個閨密同你過，冧吧！知你鍾意士多啤梨，上次去諾亞已經見過有士多啤梨芝士蛋糕，即刻想到你，知自己要去尖沙咀收工，就早一日問定貨源，再去買蛋糕，職員與另一分店的一樣親切，溫馨提示我乾冰因應我叫的回家時間而放，但請盡快回家享用，我都趕住預備你的生日party食物，一回家就蛋糕連盒入雪櫃。回家半個鐘，幾位美女到了，誰知帶了大堆壽司刺身，雪櫃一開，蛋糕已曝光，甜品胃亦隨即打開，唯有唱首生日歌就開動。貓耳把手, 紙盒製作簡單精美, 實用而不花巧。盒上貼有食用指引, 令大家可以用最正確的方法儲存及食用蛋糕。新鮮水果因比較易出水, 所以保存期只得3天, 但我們均愛食芝士蛋糕, 這個不在我們考慮的範圍, 哈哈。草莓溶心芝士蛋糕- 比起其他半熟蛋糕, 水果系蛋糕在外觀上最吸引, 曾選用日本士多啤梨, 但因季節性問題, 有一段時間消失了這款蛋糕, 今次就選用美國士多啤梨, 同樣香甜, 尺寸感覺更大, 更得體。大大粒佈滿做topping, 加啫喱水做穩固, 甜而不膩, 看到如此重分量的飾面, 內裡的溶心如何支撐?

因為想買點畫書，知道最近誠品在尖沙咀開了新分店，但一直沒時間逛逛，趁今日中午有點空檔就去逛逛，當乘扶手電梯上到誠品，轉右手邊就見到角落裡原來有諾亞，想到反正要買蛋糕慶祝星仔生日，就入內看看。之前從開飯網見到飲品都是盛在普通玻璃瓶的，現在竟換成燈泡形的玻璃瓶。原來只要買新推出的桂花半熟蛋糕/茉莉花半熟蛋糕/香芋輕芝士蛋糕，就送飲品或泡芙蜂蜜薏仁水($18)外形別緻的玻璃瓶。裡面還見到有不少薏仁粒。入口是淡淡的蜂蜜味，不會過甜，感覺很健康。朱古力半熟蛋糕($78)身為朱古力狂迷的我，當然是選朱古力口味的，之前試過比利時朱古力芝士蛋糕，今次就試試朱古力半熟蛋糕。蛋糕約有6吋大，寸半厚，份量不算多，兩個人食剛剛好。跟店員指示食前半小時拿出雪櫃，一切開，嘩～～～入面的朱古力醬已經流出來。蛋糕身整個由海棉蛋糕和流心朱古力組成，沒有硬硬的餅底，蛋糕質地非常軟熟。入面的朱古力醬就像心太軟般有流心效果，朱古力味非常濃郁，好食。

桂花味半熟蛋糕($78)凹蛋糕既熱潮其實持續左好耐，不過司令一直都未試過，今次行過，竟然見到出左桂花同茉莉花半熟蛋糕，忍唔到手要試下啦。揀左似乎比較特別既桂花味，店員提醒要雪落冰格，食之前解凍15分鐘。蛋糕有流心效果，中間有一層蜜糖，桂花味好香，甜度比較低，食落個蛋糕有少少似馬拉糕，個感覺幾似中式糕點，女仔應該會好中意食。

自從踏入秋天後，天氣變得相當軟燥，喉嚨經常感到乾涸而咳嗽，朋友說尖沙誠品生活內有一款蜂蜜，喝後感覺清潤，所以這天專程到尖沙咀的誠品選購，離開時發現諾亞在星光行開了新分店，心想，既然專程來買蜂蜜喝，不如多買一個蜂蜜蛋糕潤一潤吧。 在門口的小雪櫃查看了一會，發現它們推出了多款新蛋糕及飲品，當中更有我最愛的桂花半熟蜂蜜蛋糕，最後，決定買一個來試試。說實，我真的很愛吃它們的蜂蜜系蛋糕，因為蜜糖味道真的很突出，而且味道非常清香，加上蛋糕質地鬆軟，中間位置更有位心的蜂蜜甜漿，對於喉嚨長期乾涸的我來說，簡直是潤喉好幫手。 個人認為桂花蜂蜜蛋糕相當美味，雖然桂花味道不算很突出，只是淡淡的桂花香味，但它與蜂蜜真的很配合，而且甜度適中，吃後感覺清新滋潤，非常適合秋天享用。 現在諾亞正進行推廣，凡購買桂花蜂蜜就會送上自家製作飲品一瓶，薏仁有助美白，而且加了蜂蜜，就揀它來試試吧。 它的賣相挺別緻，用上玻璃瓶裝著，外型就像電燈泡一樣，而瓶底清楚可見大量的薏仁粒粒，感覺非常真材實料，由於薏仁水內加入了蜂蜜，所以味道更香、更清甜，喝後喉嚨感到舒服多了，感覺相當好。

本來一心想去買半熟蛋糕，但去到店眼花瞭亂，選擇困難証又發作……最後被"香芋”吸引了，因為市面上不多香芋cake, 而朱古力、蜂蜜、芒果就成日吃。最後決定買了香芋輕芝士蛋糕回家，晚餐後就齊齊分享，賣相不太花巧但味道令人回味……果然無選擇錯！！上層是香滑香芋味奶凍，裡有大大粒真材實料芋粒，下層是軟軟芝士蛋糕，兩種味都不會太濃太甜配合得好好。好細心呀！單張上有食用方法，店員也有講解……確保大家可吃到最美味！！

今日放工去行下尖沙咀新開嘅誠品, 經過見到呢間諾亞半熟蛋糕 之前聽朋友講過, 喺九龍城都有間, 佢試過話好好味, 原來尖沙咀都開左間, 即刻買一個黎試下, 做今晚嘅飯後甜品! 佢有好多味選擇, 第一次就試下佢個原味先, 即係蜂蜜味.第一次食半熟蛋糕, 感覺好新鮮! 店員會問你返屋企有幾耐路程, 會預定足夠乾冰, 好似雪糕蛋糕咁, 返到去要雪落冰格, 食之前要預30分鐘解凍. 解凍後切開, 會有流心流出黎, 蛋糕好鬆軟, 好香蜂蜜味, 又唔會太甜, 我同老公連續食左兩件都唔覺得漏. 甜度真係岩岩好! 佢仲包埋餐具, 如果唔喺屋企食都冇問題.仲有, 就算我地兩個人一次過食唔晒成個蛋糕, 可以放返入雪櫃冰格再雪, 最多可以存放5日, 我地第二日食返, 味道都係一樣, 唔會變味! 所以就算少人食都唔怕食唔晒, 好方便! 總括黎講, 呢個新款蛋糕, 係值得一試!

公司大佬last day, 無乜好野益佢，唯有請佢食個cake, 狂賀佢終於甩難，搵到份好工🎉個蛋糕，我係提早一日拎返屋企，再由屋企托返公司 (😔無計…晨早流流鋪頭未開，中午又蛇唔出去買)好彩店員都好細心，問晒我返屋企路程同埋去公司路程…俾足夠嘅乾冰我攞返去，又教路叫我用個冰包傍住返公司，咁先拎到返去。要食新鮮蛋糕，唯有花小小心思喇~講返個蛋糕，鋪內有好幾款都好吸引，但最引起我食慾都係呢個朱古力溶心芝士蛋糕，蛋糕面果層令立立嘅鏡面朱古力，見到都想食😋店員仲話呢個口味係少甜，啱晒大佬個蛋糕入口creamy亦好香朱古力同芝士味，仲要少甜，本身都幾好食，以呢個價錢都算抵食，不過我個人覺得，如果個底層蛋糕可以加厚少少或者係脆脆底更好，多d口感😋

友人生日，煩緊買咩蛋糕慶生，突然之間想起佢想食半熟蛋糕。於是去左諾亞到買。原來有不同口味以供選擇，於是揀左佢最愛朱古力半熟蛋糕。蛋糕雖然外表比較普通，但係味道好好啊！軟淋淋既海綿蛋糕中有着濃濃朱古力流心。海軟蛋糕十分濕潤，蛋糕中間仲有朱古力流心，食落去口感完全一流!!!! 朱古力味道不太甜，而且十分濃郁，仲一點都唔膩，仲有啖啖清香味道混合朱古力，整個味蕾佈滿朱古力味道。蛋糕size剛剛好，唔會因為食得太多感到滯。友人十分喜歡而且愛不釋口。熱愛朱古力既人必試~

今日放學無野做，於是同友人行新開嘅誠品，打算為家人物色下生日禮物。買完生日禮物之後，經過諾亞半熟蛋糕見到有新出嘅茉莉花半熟蛋糕。咁就啱哂啦，蛋糕同禮物都一次過買哂！入到去店員態度好好，介紹每款蛋糕，最後我都係揀左茉莉花半熟蛋糕。店員仲細心問我番屋企路程要幾耐，放入適當嘅乾冰，咁就唔驚溶哂啦！番到屋企之後就根據店員指引放左入冰格，到食嘅時候再拎出黎解凍半小時。外觀有啲似紙包蛋糕，但食落好有驚喜！食落口有兩種口感，一種係鬆軟嘅海綿蛋糕，另一種係半熟嘅濕潤口種，好特別！咬落口仲會食到茉莉乾花，口感豐富！味道方面更特別！每一淡都食到陣陣嘅茉莉花香，好清幽。半熟個種濕潤有少少似流心醬，細滑得黎又唔會滯，正正因為有茉莉花balance番，所以整體相輔相成，讚呀！

Noah castella is opening a new branch in tsim sha tsui!I was having dinner with my friend around there. After dinner we have a walk in the book store and we cannout resist the temptation from it!well, my birthday is coming, so cakes are necessary!The cakes are shown here. As i bought for take away, the staff is very friendly and caring. She will ask how long is needed for me to go back home,so that she can adjust the amount of dry ice given to keep the quality of the cake.I always think that the