諾亞半熟蛋糕專門店 (已結業)

今日要見老朋友, 買左一個桂花味蛋糕。原來個蛋糕合可以凍食同熱食，仲有個微波爐蓋送。乾冰真係太凍, 唔擺雪櫃都要好鬼凍……無得即刻食……唔怪得個職員話等30分鐘….桂花香味都幾勁, 我出左房再入黎就覺成間房都係，等左10 分鍾，忍不住要切，切不到……再等5 分鍾,切到,但仍然很凍，好香既桂花味，好食不過都唔流既。再過多10分鍾，開始見到有流心，原來職員無呃我……曬左半個……流左真係唔同D, 好食好多, 桂花味好出, 好正呀, 早知留半個叮黎食, 試唔到熱食, 可惜

上次已經試過低糖伯爵味半熟蛋糕覺得不錯今次再encore，今次黎已經換上很多新口味既蛋糕，給食客帶黎不小驚喜。今次買了一個造形可愛的Tiramisu蛋糕到朋友家慶新居入伙，由於要一個鐘車程才到達朋友家，店員好細心地幫我加了乾冰係蛋糕底。小熊Tiramisu$98可愛的小熊造形已謀殺了不小菲林，好輕易就可以切開，這個Tiramisu用了澳洲忌廉芝士和德國牛奶，質感挺身入口清甜而不膩，配上面層的可可粉及咖啡粉和底層軟滑海綿蛋糕，口感更豐富，入口即溶，各個朋友都讚好。玄米奶茶$18燈膽形狀玻璃樽好得意，飲完可以加以裝飾就會變成一個小擺設，夠晒環保！玄米奶茶味道創新，玄米茶和奶平衡得很好，入口細滑，轉了玄米茶更好味，沒有了茶澀味，整體又唔會太甜，好啱女仔飲。

今日經過誠品, 見到諾亞的雪櫃出了新品哦!! 是 "小黃鴨檸檬半熟芝士蛋糕" 及 "小熊提拉米蘇" 估唔可到咁都可以做到 crossover!! 真的忍唔住買番個一試呢 這個 Lemon Cheesecake 唔會好似平時的半熟蛋糕咁走晒樣, 個面是平的, 當然...即是不會太流心, 但因為是soft cream cheese, 所以都幾軟心!! 食了第一口, 男仔可能會覺得有點酸, 但女生就覺得剛剛好, 食多幾口就覺得幾甜, 而且覺得Lemon 的味道明顯是不是用檸檬精, 而是用了真材實料的檸檬汁才會有這種感覺 面因為要做到黃色挺身的Sally , 所以是一層檸檬味的硬身cheesecake 中間是soft cream cheese, 一切開就向兩邊想流出來, 我比較喜歡這層, 很香濃底是朱古力蛋糕 , 因為整個lemon cheese 味道很濃, 反而朱古力味不太重呢但我仍然是低糖伯爵紅茶半熟蛋糕及桂花半熟蛋糕的粉絲 值得欣賞是強糕店的 packaging , 很喜歡他們的貓耳朵設計手抽, 及那set 餐具pack 在底下, 乾淨企理

諾亞新出茉莉和桂花2隻新味，試下桂花味先。知道諾亞最新的分店位於尖沙咀誠品，而尖沙咀誠品又是新店，那就不如一次過去誠品逛一下吧！店員話雪櫃拿出來等半小時就食得，不過我等了超過半個鐘再切還是沒有流心效果。可能天氣太冷，中間個心還是凍。不過凍食，也食到中間好多桂花，好香，相信拿回家叮黎熱食會更加正。中間有半熟的部分比較甜，而外面圍圈則較像海綿蛋糕

苿莉花味蛋糕, 不是每一家店都能吃, 苿莉花芝士溶心, 更是特別中的特別。諾亞, 這蛋糕店給我的印象是創新, 經常推出不同口味的蛋糕, 來迎合不同市民的口味;一打開盒子, 外表跟其他的蜂蜜芝士和香蕉芝士溶心差不多, 一小個金黃色的蛋糕層; 餅邊帶點綠綠的, 是一種代表苿莉花清新的象徵, 使整個苿莉花蛋糕的外觀更加吸引, 而且能隠約聞到苿莉花的清香, 使你精神為之一振; 蛋糕放在室溫, 慢慢地..慢慢地變軟, 甚麼開始溶化. 最後濕潤可口, 幼滑綿綿, 每一口都充滿的苿莉花的清幽; 使整個餅底都變得幼滑而鬆軟的感覺, 並能為味覺帶來了清新的享受。工作營營役役, 在休閑時, 安靜地坐下, 享受一個特色蛋糕, 是一種舒適寫意的活。 

尖沙咀星光行2樓開咗誠品生活點可以唔係朝聖一下呢果然係人山人海入邊有好多台灣品牌睇完書迫完一輪有啲累又有啲肚餓為食嘅我梗係睇下有咩正嘢食啦本來想買啲小食補充一下體力邊行邊見到好多朋友都食過嘅 Noah呢度都有分店最後決定試下最新嘅半熟蛋糕點知原來要解凍所以索性買一個打包返屋企食近排天氣咁乾燥就買一個桂花蜂蜜半熟蛋糕啦蜂蜜嘅honey 味道好突出清香嘅桂花味配合埋鬆軟既蛋糕質地切開之後見到蛋糕嘅中心位置有啲蜂蜜係咪咁就係半熟架啦？我第一次食覺得好新奇我覺得桂花同蜂蜜既味道真係好夾哦甜度適中口味清新幾十個大洋一個~幾抵食

初初知道有半熟蛋糕是於台灣的綜藝節目「康熙來了」中。當時藝人們介紹美食，當中就有「凹蛋糕」。意思是指蛋糕向下陷，呈現出凹的形狀。數年之後的今天，香港也有了！當天走到尖沙咀海旁附近，是想早一點影下聖誕燈飾，不用逼人。走累了，就到誠品看看書。怎料被我看到「諾亞」在誠品內！真是有點出奇。出奇之下，就是要解一解嘴饞了。焦糖雲呢拿布丁蛋糕 HKD 108.00原本想要吃半熟的，但最終都是被這個布丁蛋糕吸引住！店員好細心，會問我大概隔幾多小時放雪櫃，因為她們要預乾冰份量。而且買蛋糕還付有五個紙碟五個小匙羹。打開蛋糕，原來是倒轉放的。只要跟著圖示就行了。蛋糕面層的布丁，好滑嘟嘟，是好味的布丁。配上焦糖漿，味道更香。焦糖跟布丁是完美絕配。而底層的蛋糕是較實心的，所以吸了焦糖漿也ok，不會太濕。但是因為焦糖漿太多了，令蛋糕有點甜。建議大家在倒轉蛋糕時，可倒少一點糖漿。

晚上食完飯最想食甜品，誠品就在尖沙咀間新分店就食下諾亞半熟蛋糕，我就最鐘意食朱古力味道。盒子都有保存蛋糕既方法。店員細心放下乾冰在蛋糕，在路途中都可以凍住，更溫馨提示要放冰箱冷藏，冷吃只需要拿出，放室溫20分鐘就可以吃。 在蛋糕的底部放有套紙碟膠叉同膠刀，非常細心。朱古力半熟蛋糕 $75打開個盒已經聞到香味十足既朱古力半熟蛋糕，我都係超級喜歡食朱古力味既野，回來一小時多仍然保持得完整無決。附送小膠刀方便用砌出來，之前因放在冰箱需要食用前放在室溫約25-30分鐘。切開的時候因雪凍關係未見有朱古力漿流出來，但蛋糕仍然保持住朱古力香味。過左25分鐘見到朱古力蛋糕中的朱古力漿流出來，我要一口食下先。唔係太甜既朱古力之外仲有淡淡的蜂蜜味。食落去夠曬鬆軟入口都唔洗點咬都好快從口中既熱力溶化，而且岩曬喜歡吃朱古力既fans ，食過一次我又想要食。

.............桂花半熟蛋糕 $78👍👍👍 (5分滿分).............大愛澱粉類食物❤今日去#tst 誠品 買諾亞半熟蛋糕仲見到有#台灣#麵包話說#noah 係我第一次食 之前排到7彩😂話說#自家制 過半熟#蛋糕 勁易整😂😂自覺好好食2-4人份量 但一個人絕對食到😍原本有乾冰 建議食前25分鐘解凍有流心效果但我等足35分鐘都只有小溶液😢#桂花半熟蛋糕 ：員工話桂花比伯爵甜#桂花 ：其實吾太食得出 因為吾覺佢桂花味好濃 但有桂花的花枝🙈#半熟蛋糕 ：蛋糕好鬆軟 比較似香港的紙包蛋糕 還不錯的🙈但無半熟效果令我失望😢 可能天氣凍要等內d

Noah Castella has been the hot talk of the town recently, opening of new stores every few months at a rapid rate. Their selection were mostly cheese and honey cake. Recently, they add healthy drink into their impressive menu as well. Their latest shop to be opened is located near Star Ferry at TST. It was inside the popular book store, Eslite. It was situated at a corner, occupying a small size enough to stand few people inside the shop. All their available desserts were displayed in a crystal c

今個月是母親就大人生日，但又未到正日，恰巧逛誠品時經過見到諾亞蛋糕店。見到時超級興奮，之前是專程到九龍城買它的，現在已經開了很多分店，方便了很多，就別理會什麼原因，先買回家，反正就是想吃。現在口味選擇多了，選了草莓溶心芝士蛋糕（$168），店員細心幫我包裝，回家晚飯後慢慢品嘗。蛋糕盒上列明食用方法，不同蛋糕有不同解凍時間，吃之前最好先細看一下。蛋糕用一個小膠盤盛著，除開膠盤，還有一張蛋糕紙包住蛋糕。除開蛋糕紙後，可見蛋糕厚度和層次分明效果，面層是一層啫喱鋪上粒粒士多啤梨，下層是流心草莓芝士蛋糕。切開蛋糕後，芝士流心一湧而出，身手敏捷的我立即伸手接住。蛋糕質感軟滑，食落有d似食緊mousse cake,出奇地芝士味道比預期中濃郁，草莓味道唔會好酸，同芝士match 埋剛剛好。平時揀甜品第一樣會剔走草莓味，因為怕酸驚令到成個甜品都唔好食，但呢個唔會好酸，芝士味亦唔會過濃，而且流心效果還可平衡兩者之間味道，令我大大對草莓甜品改觀。下次屋企人生日，都要繼續買其他味試下。

星期六外出晚飯，刚好小朋友想食蛋糕便去試下那半熟蛋糕了，蛋糕原來是外賣的，跟著店員解釋，回家把它放於室溫20分鐘便可以食了。一個原本硬身的蛋糕，20分鐘後便鬆軟了，我選擇了朱古力味，切下去已見到半熟之情況，其實是好像心太軟般有小小流心的。食入口还有小小凍，完全不同心太軟熱食的感覺，但涷食，也是另一风味，朱古力味刚好，流心朱古力部份也不太甜，有小小食brownie的感覺，但有流心朱古力，涷食帶來另一味道，不太溜！我还順便買了薏仁水來试，因為被那燈泡型的樽吸引了，味道不太甜，沒有糖水味，好正宗，好有家庭feel的感覺，好好飲。其實还有其它口味，下次要再試下。每個蛋糕也是78元左右，实在抵食，下次要再來試下其實口味：

諾亞有新店係尖沙咀誠品裡面 行完街睇完書就可以買蛋糕返屋企食啦☺️近排好興個d薏米水紅豆水 如果你係連開包粉再要沖水都覺得好麻煩既話 呢個現裝薏米水好岩你😂 依家諾亞除左出半熟蛋糕之外 仲有飲料 大部分都係d低糖既飲品 仲要大大枝 同埋有好多薏米係裡面🤗 食完諾亞蛋糕飲薏米水即刻中和返😳成功地係屋企自己叮左個半熟蛋糕黎食 好似比凍食效果更加明顯！我切出黎個時身邊d屋企人全部都嘩一聲 真係好流心 同埋呢排開始轉涼 食熱既蛋糕暖笠笠都幾正 不過 雖然佢話係「低糖」但係比想像中偏甜 同埋我覺得earl grey味可以再濃烈D 有少少比甜味蓋過左

今晚慶祝朋友生日，特登去買佢一直都好想試嘅半熟蛋糕！search下openrice, 原來尖沙咀誠品都有諾亞分店，而生日飯喺尖沙咀食，真係就曬腳！其實店內除左有半熟蛋糕外仲有好多其他選擇，但因為今次目標明確，我好快決定到買左個低糖伯爵紅茶半熟蛋糕，只係$78咋，好抵食！食完飯我地迫不及待拎個蛋糕出黎！一打開個盒，已經聞到好香嘅伯爵茶味！依照指示，應該將蛋糕放喺室溫15-20分鐘，便有流心效果，但可能雪櫃太凍而天氣轉冷，放左15分鐘之後依然唔夠流心，但個心係融融地，軟軟地咁，相信放多10分鐘就有流心效果，但係我地等唔切，好想快啲食左佢😬雖然未係好流心，但中間都好香滑，有蛋香之餘，伯爵茶味都好出。睇返佢嘅介紹，佢嘅用料非常講究，包括有機雞蛋、日本海藻糖、日本麵粉、優質蜂蜜及高級伯爵紅茶粉。真係誠意之作！壽星女最欣賞既係佢唔會太甜，清清地又健康啲！蛋糕實而不華，簡單地插上臘燭同紙牌已經好靚，做生日蛋糕都好岩！盒內附上餐具（刀、叉、碟），好貼心！我地之前食左綠茶味已經好鍾意，而今次伯爵茶都無令我地失望！下次會再試試其他新口味！

家人生日, 沒有出街慶祝, 在家中食個便飯,買家個蛋糕先。半熟出新口味一於買個, 今次係新出架花香味,茉莉同桂花, 屋企人好鐘意桂花糕, 就呢個啦, 店員都話好好賣。放係室溫一陣可以鬆散切下, 中間係桂花蜜超級香同清甜,聞落仲有股桂花香。 流出中心桂花蜜潤心潤肺呀! 個蛋糕好軟, 帶桂花香之餘仲有雞蛋味, 係口入面慢慢嚐真個味, 等D蜜糖流入喉嚨中, 成個口都充斥了桂花香。個燈泡玻璃可以再用，入面是奶茶，同港式唔同係重奶味，喝到尾有幾粒玄米，飲到小小玄米茶米，18蚊當買個玻璃瓶都值呀。期待再出更多花味, 好似玫瑰呀, 薰衣草咁。個CAKE都只係$78 蚊, 好抵食, 早知買多個啦, 返到去唔夠分呀!