諾亞半熟蛋糕專門店 (已結業)

今日放學無野做，於是同友人行新開嘅誠品，打算為家人物色下生日禮物。買完生日禮物之後，經過諾亞半熟蛋糕見到有新出嘅茉莉花半熟蛋糕。咁就啱哂啦，蛋糕同禮物都一次過買哂！入到去店員態度好好，介紹每款蛋糕，最後我都係揀左茉莉花半熟蛋糕。店員仲細心問我番屋企路程要幾耐，放入適當嘅乾冰，咁就唔驚溶哂啦！番到屋企之後就根據店員指引放左入冰格，到食嘅時候再拎出黎解凍半小時。外觀有啲似紙包蛋糕，但食落好有驚喜！食落口有兩種口感，一種係鬆軟嘅海綿蛋糕，另一種係半熟嘅濕潤口種，好特別！咬落口仲會食到茉莉乾花，口感豐富！味道方面更特別！每一淡都食到陣陣嘅茉莉花香，好清幽。半熟個種濕潤有少少似流心醬，細滑得黎又唔會滯，正正因為有茉莉花balance番，所以整體相輔相成，讚呀！