蟹仙海鮮蒸氣鍋 (龍崗道)

营业中

休息中

每次去到九龍城都是食泰國菜或者火鍋，今次想轉下新口味，朋友就提議不如食蒸氣火鍋，自己就未試過，上網搜尋到一間蟹仙海鮮蒸氣鍋，評價不錯就一於去試吓👍入到店內店員就安排入座，遞上餐牌給我們介紹多款套餐，最後我們選擇了一款中等價錢的尊貴套餐$399，有八款海鮮🦞海鮮種類會因應當日新鮮到港為準。還有有機蔬菜藍及粥底。店員亦為我們把每一款海鮮蒸熟及控制時間，服務非常貼心。鮑魚蒸到啱啱好，爽口亦都唔韌。海蝦夠新鮮，肉質鮮甜爽口。貝殼類沒有沙，蒸起粒粒帳卜卜好好味😋大黃奄蟹和饅頭蟹肉質鮮甜肉嫩，咬落還有蟹膏，香濃美味。珍珠蠔色澤新鮮，食落一啲都唔腥，蠔味濃郁，不用點任何醬汁已經好好食😋琵琶龍蝦🦞蒸熟後顏色晶凝通透，啖啖肉，咬落鮮甜多汁。粥底鮮甜，因為集海鮮同配料嘅精華於一身，配料有粟米，芋頭及菜脯，囗感亦都很豐富。每人食了兩大碗🤤好滿足的一餐👍

終於食咗想試好耐的蒸氣火鍋，朋友介紹這裏海鮮新鮮價錢合理，於是就打電話嚟book位。入到店內雖然環境不大但坐得很舒服😌坐低後職員為我們把餐具放上蒸爐蒸一蒸，十分安全衛生這裏有幾款套餐選擇，我們最後選擇了門外介紹的尊貴套餐，套餐包括大黃奄蟹，饅頭蟹，大虎蝦，紐西蘭刀貝蚌，大西洋野生青口，台灣九孔鮑魚，紐西蘭月亮貝給韓國珍珠蠔🤤蒸海鮮的特點就是保留海鮮的鮮味，進食時唔需加特別的醬汁，整體海鮮質素唔錯，鮑魚大隻厚肉，質感彈牙😋刀貝蚌，青口及月亮貝清洗得好乾淨，肉質爽囗，特別喜歡的是蟹，肉質好實好鮮甜美味，膏帶有橙黃色，味道好甘香回味。粥底店員預先放入爐，亦都落咗三款配料放入粥裏面熬製，包括豬骨、芋頭粒同粟米粒，待上面蒸完所有海鮮精華再一齊食，葱和菜脯粒按照個人喜好加入。粥底食落鮮甜無比😋椰汁雪燕，微甜，椰汁味香濃雪燕健康有益😋

9款海鮮加蔬菜籃 399元!?繼上個月於尖沙咀吃過這家蒸海鮮後, 發現原來九龍城亦有此家分店! 本身打算來到九龍城吃泰菜的我, 隨即變陣轉食蒸海鮮。原因!? 因為真心的抵食!小妹開始步入做煮飯婆的階段, 對於食物價格的敏感程度都相應提高。曾幾何時都想著自己準備海鮮, 整一個自家製蒸海鮮餐, 當澳洲龍蝦、大黃奄蟹等都要100-200多元起跳, 然後又要洗又要刷海鮮把自己弄得半死, 最後都發覺出街食更化算。先不說前期工作辛苦, 單看價錢約400元, 吃到9款不同種類的海鮮, 已經感覺值回票價。上篇文提到, 進店後的餐具都經過蒸籠高溫消毒,確保餐具衛生。然後, 整個蒸海鮮的工作都交由店員處理, 不需擔心海鮮過生過熟問題。過程中, 店員會為你介紹其海鮮的來源, 運送過程, 其珍「貴」之處等。我們點了399元/人的尊貴海鮮套餐【越南大虎蝦】打頭陣的是【越南大虎蝦】, 要知道蝦是否新鮮, 除了看肉質是否結實爽口外, 另一點就是看殼肉是否容易分離。無疑地, 大虎蝦肉爽口, 超新鮮的, 而且味道超鮮甜 超鮮甜 超鮮甜 的呢! 【韓國慶南珍珠蠔】、【台灣九孔鮑魚】接著就是【韓國慶南珍珠蠔】、【台灣九孔鮑

屋企人生日梗係要食餐好嘅依家網上已經睇咗好耐！期待咗好耐嘩咁靚嘅好細心咁幫我哋餐具用佢哋嘅蒸氣消毒店長姐姐殷勤地介紹唔同嘅餐牌Menu最後揀咗同價位性價比最高嘅尊貴海鮮套餐 $399有多款深海海鮮🦞仲有專人哥哥仔幫我哋整佢哋會備用一個計時器幫我哋計算最好嘅烹調時間！咁海鮮就唔會變老咗破壞食材本身鮮味同埋口感首先開場越南大虎蝦之後就係呢隻充滿海水味嘅大鮑魚，又甜又彈牙太平洋饅頭蟹 入面嘅蟹膏驚為天人🥺琵琶龍蝦🦞 好彈牙而且鮮味十足呢個賣相一流，打卡都一流台灣9孔大鮑魚我數過真係有9孔😂 大西洋野生青口超級大隻青口！問返先知原來深海野生！烹調時間啱啱好，口感同埋味道都好豐富紐西蘭刀背蚌日本大元貝韓國🇰🇷珍珠蠔：用蒸嘅方法烹調蠔本身嘅腥冇咗，仲食到佢好鮮甜小妹本身唔食生蠔🦪但呢隻蠔食得我津津有味😋yummy yummy食完海鮮🦞點都要食返啲菜套餐入面加人有機蔬菜籃🧺有幾款不同蔬菜🥬最後仲有個粥底加入甜粟米🌽及芋頭再加埋海鮮入面嘅精華唔使加菜莆已經好夠味最後仲送咗個椰汁燉官燕椰汁味好香濃，而且冇額外加甜健康得來又好味！滋補養顏又高質好欣賞呢間餐廳逆市都俾足料客人真心欣賞抵佢分店越開越多😜😜

媽媽最愛吃海鮮，吃海鮮最重要是「鮮」、「不時不吃」，今天特地帶媽媽和老公來吃海鮮蒸鍋。九龍城的海鮮蒸鍋不少，但論鮮，這間算是數一數二。我們點了尊貴海鮮套餐，魚蝦蟹均有，而且來自世界各地👍🏼，媽媽更是首次吃到琵琶龍蝦🦞，肉質爽滑，有鮮味。越南大虎蝦爆膏，肉質爽甜，沒有霉霉的味道，係新鮮和野生的味道呀！大西洋野生青口的觸鬚長長，碰一碰仍會開合，非常生猛😌肉質爽，又夠飽滿。紐西蘭刀貝蚌食蚌最怕有沙，這蚌無沙之餘，海水味重，相信店家用了不少功夫來清潔。韓國慶南珍珠蠔肉質柔滑，滿滿的海水味👍🏼太平洋饅頭蟹非常少見，不是普通街市的常客🥺媽媽對這饅頭蟹大讚，是野生之餘，肉質爽甜，完全不用點豉油，有純天然的海水味。吃過各式各樣的海鮮後，好戲在後頭，粥底混合了海鮮的鮮味後❤️配上店家細心預備的芋頭（有咬口）、粟米（鮮甜）、新鮮排骨（提鮮），再配上蔥粒和菜甫仔，👍🏼👍🏼👍🏼椰汁燉雪燕本來見到雪燕已心心眼，一飲，便發現椰汁出奇地香濃，並不是死甜，有椰汁獨有香氣。細問之下，原來椰汁是店家新鮮製成的，難怪⋯⋯⋯⋯⋯我連老公那碗也搶來吃😆

想嚐鮮，就諗起蟹仙嘅美味海鮮！當然印象最深刻嘅就係爆晒膏嘅蟹，嗰種鮮味真係同啲蟹膏一齊爆出嚟，回味無窮。 今次唔係同屋企人食，係帶朋友嚟食，幾款推介套餐入面我哋揀咗呢個$399「尊貴海鮮套餐」。 打電話訂位有優惠，今次就送咗一碟即炸魚皮，係新鮮炸起！粥底連材料好快就準備好，蒸鍋開動~~兩盤海鮮先後上枱，咁正，當然要相機食先！ 有啲海鮮仲郁緊，果然好新鮮呀。 店員依次幫我地逐樣蒸，較到最Perfect嘅時間，蒸好再幫我地將海鮮上碟，服務超好。 罕有大黄奄蟹、饅頭蟹、琵琶龍蝦、九孔鮑魚、大虎蝦、青口、刀貝蚌、月亮貝、珍珠蠔唔係講笑，每款都勁！鮮！甜！刀貝相對係煙韌啲、有口；月亮貝就腍啲、海水味道比較重。琵琶龍蝦我係第一次食，屬龍蝦嘅一種，樣子有啲怪怪的，但肉質同味道好似龍蝦喎。麵包蟹就食得多，饅頭蟹又係第一次食，佢本來個樣係好可愛，萌萌的~ 不過肉唔係好多，但係平時街市同食肆好少見，夠特別，我鍾意！主角梗係大黄奄蟹，店員介紹係野生㗎。 未蒸已經爆晒膏，好期待。 蒸熟之後，肉質鮮甜，蟹膏甘香，超級正。最後食埋有機蔬菜籃、綿滑嘅海鮮粥同椰汁雪燕，只可以講兩個字：超值！

成日聽到朋友話有間食蒸海鮮嘅餐廳好好味，仲抵過自己去街市買，今日即管去試試。餐廳位於九龍城龍崗道，比訂枱時間早到半小時，店員預備三數分鐘後都順利入座。店員會協助將碗筷餐具等用高温蒸氣消毒，確保食得放心。點餐前先奉上即炸魚皮一碟作餐前小食，熱辣辣非常香口。套餐大致分別有：精選海鮮套餐(每位$299)、尊貴海鮮套餐(每位$399)、至尊海鮮套餐(每位$499)及刁鑽海鮮套餐(每位$688)。第一次幫襯，先試試中間價位嘅尊貴海鮮套餐。海鮮以趣緻嘅巨蟹造型膠盤奉上，打卡一流😎先有台灣九孔鮑魚、越南虎蝦、紐西蘭刀貝蚌、慶南珍珠蠔、美國青口、月亮貝；越南虎蝦未放落蒸爐前仍然在不斷活動，食落肉質爽口彈牙。九孔鮑魚肥大肉厚，有手板咁大隻，輕輕加少少蒜蓉豉油更能提鮮；刀貝蚌食落無沙，有咬口得嚟又唔會出現𡁻香口膠情況，比日本北寄貝再高一個等级；珍珠蠔肥美，海洋味十足，蒸完後仍然脹卜卜，一啖吞落去簡直係享受緊隻蠔喺口腔內暢泳。再嚟就係大黄奄蟹、太平洋饅頭蟹、琵琶龍蝦。正所謂不時不食，今次咁啱撞正有饅頭蟹提供，可以用期間限定形容，每年只得兩個月有貨，海水味比較重但咸鲜味十足，推介比喜歡食海水味海鲜嘅朋友仔；琵

九龍城出名美食集中營，今日得朋友介紹到已蟹聞名的蟹仙店食海鮮餐。通常食海鮮好難會包羅萬有一個餐，但這間店提供各適其適海鮮套餐任君選擇。這次我們點了比較經濟的尊貴海鮮套餐。首先出場一盤貝殼類加大虎蝦，包括有刀貝蚌和月亮貝，兩款都比較大肉，而且較重海水味，不需豉油能吃到原汁原味！另外大虎蝦幾大隻又新鮮，很滿意這個開場的配搭。然後就是鮑魚和珍珠𧐢一併出場，九孔鮑魚最重要就是新鮮，煙煙韌韌幾好食，要分幾啖才吃完絕對不少！之後登場是琵琶龍蝦，原來龍蝦都會爆膏，新鮮龍蝦一眼看得出，蒸出來後看到白雪雪的龍蝦肉而且脹卜卜的。咬下去非常鮮甜，盡顯這個套餐的矜貴！終於到主角隆重登場：大黃奄蟹蟹膏真是冇得彈！又香又鮮令人齒頰留香！蟹肉鮮甜而且厚實，蒸煮後完全保留蟹汁，非常推薦！別以為海鮮登場後就收場，壓軸出場就是注滿海鮮原汁的粥底鍋，本身粥底已有豬骨和粟米底料，店員還加入甜甜菜莆、香蔥和芋頭混合。一啖一啖鮮甜熱粥，實在太好味，而且最後真的很飽足！

大黃奄蟹：絕對是蟹仙招牌菜式，蟹仙原來蟹鮮！從未吃過這款蟹，蟹佈滿深黃色蟹膏，蟹膏質地軟滑而且香味濃郁，細口細口品嚐啖啖滋味！蟹的份量十足，絕不取巧！蟹肉一疏疏盡顯新鮮，以清蒸的方式煮蟹，完全能夠吃到蟹的原味，根本不用醬油。物有所值之選！琵琶龍蝦：龍蝦本身勁貴，厚肉又多膏的龍蝦更是不可多得。琵琶龍蝦鮮甜多汁，蒸煮時間剛剛好的話，肉質便保持彈牙又鮮嫩。饅頭蟹：雖然這款蟹有點的骰，從來未吃過的你一定要試，因為它的鮮甜度是在其他蟹中找不到的。而且蟹殼比較脆軟，容易打開。建議用一些吃蟹的工具會更容易將肉取出。九孔鮑魚：未蒸煮之前，鮑魚仍然活生生地縮來縮去。未食已經令人很期待！店員很掌握時間蒸煮，鮑魚容易取出，大隻又厚肉，沾上少少醬油更能提升鮮甜味。越南大虎蝦：大虎蝦啖啖肉，蝦殼脆身。不要浪費黑頭的部份，因為這裏內藏很多蝦膏，蝦膏鮮甜多汁。非一般的滋味！刀貝蚌、野生青口、珍珠𧐢：這幾種貝殼類都包含在套餐之內，每款都有着淡淡的海水鮮味。只要烹煮不過時，保持着原味已經很好吃。值得一題的是，所有海鮮都非常乾淨，即使是貝殼類，也沒有吃到一點沙！貨真價實，服務一流！回頭率極高！四人一枱推介之選，方便一邊傾

九龍海鮮火鍋精選 魚蝦蟹都夠哂大隻 蝦食上去有好重的海鮮味 而且一啲都吾縮水 叫左一個海鮮拼盤 鮮味十足 款式又多 一家人去都食夠哂開心 職員服務態度又好 簡直是一級棒 下次一定要再幫襯

返咗一日工真係好攰，之前食過蟹仙先其他分店印象非常深刻同埋覺得好好食，今日唔想諗食物就直接去咗喺九龍城龍崗道呢間蟹仙，九龍城地方雖然冇地鐵不過有好多過海巴士都好方便。食過好多間蒸氣鍋，不過唯一蟹仙嘅服務係最好，服務員會好有耐心咁樣服務同埋介紹海鮮。蟹仙都係用最新鮮，服務員話每日都會有新嘅海鮮到達，今次係九龍城分店一樣冇令我失望，剩返嘅肉非常緊鮮味，蟹非常多肥黃膏，鮑魚口感超彈，帶子非常大隻，而我一直都最鍾意食貝殼類，非常鮮甜，加上每次碗海鮮粥都收集晒所有海鮮嘅汁，味道都非常難忘。

特登去九龍城食餐好的，揀了蟹仙海鮮蒸氣鍋。這裏有多款海鮮餐選擇，我們選了$399套餐，每個套餐都有一窩粥底，每位加$15,所以不擔心食海鮮不夠飽，吃到最後還有一窩粥的。來到職員先為食具消毒，原來是放在蒸爐上用蒸氣的高溫消毒呢！見到這頂竹帽很特別，原來是蒸爐的蓋，還以為是裝飾，用來打卡，笑了出來。海鮮很快便送到，都是新鮮的，見到鮑魚上桌時還在動，嚇了一跳。職員說我們如不趕時間，可以慢慢的蒸，不用堆滿在蒸爐上。於是分開蒸了蝦、鮑魚、元貝等，因為蒸的時間不同，分開蒸會好吃點，很細心呢！越南大虎蝦，非常好吃，肉質爽口而且大隻，吃海鮮可以吃到啖啖肉，很開心！很想快點吃下一道海鮮，不過要等蒸數分數。然後是台灣鮑魚，因為鮑魚蒸得太老會韌， 所以特別會注意時間；日本元貝也是不用蒸太久，所以跟鮑魚一起蒸。吃著鮑魚，大大塊的，滑嘟嘟有彈性，也不韌，很幸福啊！ 日本元貝一大粒，味道鮮甜又滑，海鮮的甜味出晒來。紐西蘭刀貝蚌、韓國慶南珍珠蠔、大西洋野生青口，這三款也可以放在一起蒸，時間差不多。我最喜歡珍珠蠔，雖然不算大隻，但裏面肉質肥美，充滿海水味，就是很鮮。刀貝蚌，肉質鮮甜有彈性。青口十分大隻，而且肉質很軟滑

全海鮮餐，啲海鮮好鮮甜，特別係兩隻蟹，好好食😋青口都令我好讚嘆👍🏻另外個龍蝦刺身鮮甜 100分😋我本身好怕食鮮飽，怕會蒸得好韌咬唔開🙈好彩佢地冇浪費左隻鮮飽，好鮮甜🥰海鮮蒸既時間岩岩好🙂淨係見到佢個蟹形既盤裝住啲海鮮都覺特好可愛好吸引🥰全程有專人為你蒸海鮮，當我見到隻瀨尿蝦諗緊要點整開佢黎食既時候...有專人幫你拆埋肉😝個粟米排骨粥底....食左4碗🙈要加菜圃，爽口食落更有口感。呢個海鮮餐食完飽到講唔到野！

很久沒到九龍城，難得約朋友聚聚，要吃好的，選了蟹仙海鮮蒸氣鍋，吃個海鮮餐吧！我們都是第一次來，見到鍋上吊著一頂竹帽子，原來是蒸氣鍋用的蓋子。以為是像打邊爐般，點菜後自己蒸的海鮮，原來是有職員全程為你蒸海鮮、倒數計時的，人手成本很高，著實是很好招呼呢！我們點了尊貴海鮮套餐，半價每位$399，另加$15粥底和加一服務費，就看看它有多好吃吧！套餐總共有九款海鮮和一個蔬菜籃，職員一邊為我們蒸海鮮，一邊介紹食物。先吃越南大虎蝦，肉質的確爽口鮮甜，而且夠大隻，啖啖肉！吃完還想吃，令人期待下一款海鮮！台灣九孔鮑魚，很大隻，又新鮮，口感煙韌有嚼勁，加點蒜蓉豉油更加好吃；日本大元貝，真的非常大隻，職員掌握蒸的時間很好，不會蒸得太老，口感滑嘟嘟，很香甜。覺得吃海鮮有鮮甜味最重要，但這裏也提供醬油、蒜蓉、辣椒，遷就個人口味。紐西蘭刀貝蚌，也是第一次吃，質感又爽又滑，味道特別的甜；大西洋野生青口，size非常大隻，附有的足絲，在蒸好後，要拔掉， 青口creamy 肥美，帶點海水味吃得更鮮味！韓國慶南珍珠蠔，雖然不算很大隻，但每隻都很飽滿，肥嘟嘟的，蒸完口感超滑又多汁，吃到海水味就是鮮！另一盆海鮮就是龍蝦和蟹。

聽了蟹仙這間餐廳很久，最近終於有機會去了。因為朋友住九龍城附近，就選了這間去。店員服務好好，還說他們第四分店快要開張呢～餐廳會先將餐具用蒸氣消毒，非常衛生。和朋友選了個中間價的$399的海鮮餐，份量剛剛好而且好高質，而且其鮮甜度是層遞式上的，越吃越鮮甜😋套餐可以追加/升級，我們升級了要$48位的八頭南非鮑魚。海鮮送過來時非常新鮮，有些還有反應的，可以說是即擋即食。原來他們老闆是批發來貨，由世界各國野生送來，直接攞最靚嘅貨送到3間分店。所以他們所享的是直銷價🤩店內有專人幫你逐層蒸海鮮，計好時間後逐層夾出海鮮，果然是非一般體驗☺️店員還會邊跟你解釋海鮮的小知識，例如是為甚麼元貝是不同顏色的，又或者是元貝的旁邊是膏來，可以吃，一嚐之下果然充滿鮮味😋越南大海🦐肉質好彈口，而且味道鮮甜。韓國慶南珍珠蠔肉質肥美，咬落去滿口都是鮮甜味。另外鮑魚彈口鮮甜，好香海水味。大西洋野生青口好大隻之餘非常鮮甜，其軟香口感似蠔，吃過後滿口鮮味。另一round更鮮甜😋😋😋有澳洲青年龍蝦、太平洋饅頭蟹和罕有大黃奄蟹，鮮甜度可以說是逐層遞上！第一次食太平洋饅頭蟹，原來這種蟹是主要吃膏的，肉膏非常鮮甜，還有黃膏，肉都甜，但