螢火

最近準備離開香港，又無時間去轉日本，為免自己太掛住鄉下☺️，今日lunch去左尖沙咀網上人氣推介必食日本菜⋯螢火⋯，要食返餐頂級日本菜先！🎖壽司12貫 🎖呢個令人大滿足既12貫有拖羅、真鯛魚、池魚 、金目鯛、甜蝦 、帶子、石垣貝、銀雪魚bb、赤鯥 、海膽，非常豐富！😙魚生鮮甜可口，仲有青檸、紫薑等，非常貼心🥰🥰🎖前菜「蒸蛋」。「蒸蛋」見到都覺得好興奮，有魚子同魚子醬蒸蛋😝，呢個嘅配搭可以話係我第一次食，佢口感嘅多層次同味道都非一般咁好味呀😍😍「鴨胸沙律」都不錯哦！佢配有酸酸甜甜嘅蕃茄仔🍅、仲有粒粒爽脆嘅粟米🌽，同埋清新爽口嘅生菜🥬，食完蒸蛋後再食呢個沙律，可以清一清嘴巴嘅魚子同蛋味😘😘✨✨總括嚟講餐廳乾淨、好味！環境都幾寧靜，座位寬敞舒適，係必食既止渴之選✨✨

呢間餐廳我之前已經食過佢哋嘅lunch㗎喇，抵食又好味，所以今次就嚟試佢哋嘅鐵板燒😍白鱈魚💁🏻‍♀️師傅建議由脆烤魚皮開始食起，口感就好似薯片但充滿魚味，雪白魚肉滑嫩濕潤。底下係自家製洋蔥汁，非常香甜，濃稠度適中👏鵝肝多士💁🏻‍♀️鵝肝極厚又大塊，兩面都煎得焦脆。豐富嘅油脂直接喺口中溶化。沾上秘製焦糖醬喺鵝肝表面，別有一番風味😋廣島蠔💁🏻‍♀️師傅輕煎蠔肉，保留咗內裡嘅蠔汁，一啲都唔腥。小編建議配搭蝦乾同洋蔥一同入口，鮮味更為豐富👍櫻花蝦炒飯💁🏻‍♀️師傅功架十足，炒嘅時候香氣彌漫，完美演繹咩叫鑊氣。炒飯口感一流，炒得鬆化且帶少許煙韌🤏小編最鍾意佢上面嗰隻太陽蛋，邊緣煎到好脆，而且個蛋黃勁香！

媽媽好鍾意食壽司🍣作為孝順女嘅我自自然然要帶佢去食時下最流行嘅Omakase，滿足佢嘅壽司癮👩🏻‍❤️‍👩🏻我哋order嘅套餐包括咗幾款前菜：▶️蒸蛋滑捋捋，裡面有三文魚籽、蟹柳同魚籽，口感不錯👍🏼▶️汁煮八爪魚煮得軟淋，昆布、日式豉油、高湯熬煮嘅汁將八爪魚煮得好入味👍🏼▶️海膽杯有好多海膽，大大羹咁食真係好治癒😌壽司方面，刺身都係由日本直送香港，份外新鮮🐟比較喜歡嘅係真羽太，師傅話係日本好高級嘅七帶石斑魚，口感結實有咬口🫢仲有海膽肥美濃郁，一入口鮮味爆發💥其餘嘅帶子、深海池魚、石恒貝、油甘魚、秋刀、海膽蝦、肥拖羅、平目魚、銀雪同赤鯥壽司都好精彩，得一件真係唔夠喉🤭套餐有甜品附送，今日同媽媽享受咗一餐非常完美嘅omakase，媽媽食得開心我都好開心☺️

星期六瞓醒心情靚靚，決定跟老公出去食返一個日式午餐滿足一下自己肚皮。室內環境舒適，一邊吃一邊欣賞廚師表演廚藝，真的賞心悅目。窩燒烏冬烏冬煙煙韌韌之外，烏冬又滑do do 🙈、份量夠🤩當中嘅天婦羅🍤超脆又有鮮蝦味，真材實料！天婦羅的炸粉不太厚而且很脆，食的時候不太油膩。你睇下夠雞肉，又夠淋又入味😋呢餐午餐好滿足！整體嚟講， 服務員💁廚師👩‍🍳親切有禮💯食物有水準 ，好難得先搵到啱我口味嘅日本料理，下次一定再黎🥳

《天燈下の日式料理🏮》———————————————-#螢火 🪲-呢間日式鐵板燒嘅環境好寬敞，坐得好舒服，餐廳入邊有個signature 嘅天燈許願牆，我就係被佢吸引咗嚟，打卡一流📸 可以用iPad 寫低唔同嘅祝福語，之後虛擬許願牆就會彈出好多不同嘅天燈，畫面超靚好壯觀😍-鐵板燒可以近距離睇住師傅烹調食物、擺盤，佢哋嘅服務都好好，仲好啱傾👨‍🍳 今次我就食咗個叫星嘅午市套餐一人前，性價比好高，好豐富抵食✨-🥗 煙鴨胸芝麻醬沙律沙律菜新鮮爽口，味道清新，十分開胃😋-🦐 香煎虎蝦師傅用純熟嘅技巧起好蝦殼，再蝦肉切開，肉質彈牙，連個蝦頭都煎得好香，內裡嘅蝦膏好香濃😘-🌊 帆立貝新鮮北海道帆立貝，用牛油煎香外層，外層略帶焦香，咬落肉質嫩滑，上層以魚子醬點綴，師傳建議一齊食入口，令口感更豐富🤤-🎣 汁煮白鱈魚長時間熬煮製成嘅洋蔥汁，日本高湯嘅味道濃郁香甜🧅 白鱈魚煎得外脆內軟，上面仲有兩塊魚皮，可以將碟邊嘅黑椒落去個汁度提味，突出魚既鮮味😚-🥩 厚切美國牛肉主菜可以揀厚切、薄切牛或者黑豚肉，而師傅亦會問返喜好，我就揀咗五成熟😄牛肉煎得恰到好處，牛味香濃，沾上特調芥末醬同配埋青森縣蒜片咁食，好特別

上網介紹瀨尿蝦鐵板燒諗住試下，當晚叫了龍蝦二人前$1190位再加瀨尿蝦$500龍蝦其實OK, 但同出面既鐵板燒比較，相對較一般反而出面較少食到瀨尿蝦，無比較之下，覺得呢個好過龍蝦當晚6：15到，果個時段得3枱客，2個師傅，1個師傅負責隔離枱一家四口，加我地兩個，另1個師傅就負責最遲黎既情侶，我地既野食同隔離枱搭單一齊燒，唔係我面前燒之餘（係隔離枱燒），放低食物又完全無同我地介紹過，只係企係一家四口面前講呢碟係乜，但我就聽到另一個師傅會同情侶介紹呢碟用上咩醬汁有乜配料。。。完全覺得我地被忽視好不受尊重老公問我呢個係咩醬？我話鬼知呀！你叫師傅理下我地麻結果係老公唔食得既芥末醬即時扣分個女侍應又不停想收碟，明明沙律只係食左一半，諗住望下電話，已經即刻走黎問食完未，食完龍蝦諗住食埋d配菜，明明隻手仲揸住對筷子，個口仲咀嚼緊，佢又走過黎想收碟不過我openrice訂枱時有揀到係慶祝生日，最後餐廳都有送件cake比我地，尚算安慰鐵板燒價錢間間都差唔多，但人地野食好食d, 服務又好d。。。丫，仲要上網介紹話可以天燈寫字許願，book呢間本身諗住寫比老公生日快樂。但去到只係見到大螢幕但無天燈畫面，又無

鐵板燒真係成日食🥴，但特別要寫一個正平去讚嘅就真係只有得呢間🤝呢間位於尖沙咀加連威老道。螢火。真係我試過最好味嘅鐵板燒，誇張到排到成個門口都滿咗人👽 喺舖頭出邊嘅人數真係可以媲美壽司郎🤣汁煮白鱈魚🐠原本對魚冇乜特別愛好，食完螢火嘅汁煮白鱈魚，之後就覺得愛上咗食魚啦！😋 佢嘅汁類似白汁好滑，唔會太濃～白鱈魚肉質幼嫩鮮甜，配埋滑溜嘅白汁好夾😙流心班馬瀨尿蝦🦐💦呢個賴尿蝦真係非常出色，佢啲肉入邊有啲流心嘅膏超好食🎖 食到我同老公兩個搶着食，最後我哋嗌多咗一牒🫣清酒煮蜆🍶清酒味好香醇，啲蜆肉粒粒飽滿✨，好食到停不了，我地原本已經好飽但係都5分鐘內食晒🤭整體來講餐廳嘅服務、食物、環境都非常之高質🫡，最緊要食得開心，有好有氣氛，下次周年紀念會再嚟食😈

之前有朋友介紹呢間螢火嘢食好正，趁今日放假，即刻約咗朋友食個午餐先😆前菜▶️蟹肉海鮮蒸蛋配上天然咸香嘅魚子醬同三文魚子，呢個配搭咸鮮美味，口感層次分明👏汁煮八爪魚▶️口味濃厚，八爪魚經過慢煮，肉質保持爽彈，唔會太淋身👍海膽杯▶️北海道海膽口感豐腴，入口即化🤤🤤真羽太▶️魚肉多蛋白質，較少脂肪，口感爽脆。帶子▶️肉身豐厚又細密，味道甘甜😋深海池魚▶️肉質鮮嫩肥美，入口魚油細膩。石恒貝▶️散發住淡淡海水味🌊味道清甜，口感綿滑。油甘魚▶️色澤紋路分佈如大理石🥩肉身厚實滑嫩富膠質。秋刀▶️刺身十分罕見，粉紅色魚肉彈牙，秋刀獨有嘅甘香油脂更令人回味無窮。海膽蝦▶️creamy，肥拖羅▶️魚油十足，入口即溶🤤綠茶雪糕▶️非常香滑，帶濃郁回甘，茶香十足🍵

今次小篇去左bookmarked左好耐既💫螢火✨日式鐵板燒餐廳同朋友慶祝生日🎂 餐廳入邊有一個天燈許願牆‼️，可以寫低唔同嘅祝福語☺️ 之後許願牆會彈出好多天燈，畫面好靚🥰 餐廳環境好寬躺，坐得好舒服，同埋有3間VIP房鐵板燒房可以book‼️，岩哂一班朋友相聚或者慶祝節日好岩既地方。我地簡左lunch set ,餐廳安排左一位專屬師傅👨🏻‍🍳，除咗可以睇住師傅烹調食物同擺靚靚碟，仲可以同師傅傾偈同交流，💕𝔏𝔲𝔫𝔠𝔥 𝔖𝔢𝔱 午市套餐✨星✨💰380/pp👧🏻+10%🌟沙律沙律🥗菜新鮮爽口，配上番茄🍅好清新而且有2件鴨胸肉沾上日式胡麻醬，係開胃前菜。🌟帆立貝用上日本🇯🇵新鮮帶子，師傅用了牛油煎香外層，令肉質帶點焦香味，咬落肉質嫩滑。帶子上層點綴左魚子醬，入口口感更豐富🥰🌟 大蝦🦐睇住師傅起蝦殼, 蝦肉切為3件煎香，食落肉質彈牙，蝦香味十足。另外蝦頭煎香，蝦膏好香，好好味😋🌟 汁煮白鱈魚汁煮用上日本高湯同洋蔥🧅，師傅一開始就已經會炒洋蔥再上高湯，放上鐵板燒熬汁，好清甜。想講白鱈魚煎得剛剛好👍🏻，煎得外脆，肉身好嫩滑。配合汁煮係好夾，突出魚既鮮味。小篇👧🏻推介‼️🌟 厚切美國牛肉燒小篇👧🏻簡左5成熟

🎉公司老闆為了慶祝業績帶我哋去食好西，今晚食日式鐵板燒，質素唔錯值得同大家推薦。🙌🏻汁煮白鱈魚白鱈魚的魚皮煎至薄脆，而白鱈魚魚肉鮮甜嫰滑，魚肉浸沉於烹煮過的醬汁中，🐟魚肉十分入味，味道帶有微甜。🙌🏻清酒煮蜆蜆肉很大很肥美，💖食落好鮮甜，而且撤發著淡淡的清酒香，清酒蜆湯淨飲都好好飲。🙌🏻南非鮑魚南非鮑魚也是大大的，煮得剛剛好唔會過熟，肉質爽口彈牙，👩🏻‍🍳師父細心地配置了三款醬汁選擇。🙌🏻大蝦師傅純熟地將大蝦剥殼起肉，口感彈牙蝦肉質地結實，🦐配上特制的醬汁已經好好食。💕總括而言，這間餐廳食物質素高，下次有機會也會再來。

近日朋友帶我到訪咗位於尖沙咀希爾頓大廈內嘅日本餐廳🎌螢火🎌餐廳主打鐵板燒套餐，經驗豐富嘅師傅會喺你面前烹調，滿足👀視覺同味覺👄享受師傳推介嘅是日海鮮💁🏻‍♀️蟶子皇爽口有咀勁，簡單嘅調味盡顯蟶子嘅鮮甜，伴碟嘅露筍同海藻令到成碟蟶子皇色香味俱全✨之後有💁🏻‍♀️澳洲龍蝦，厚肉飽滿嘅龍蝦肉令人一食愛上❤️師傅仲用上龍蝦嘅汁包裹每一粒龍蝦肉，鮮上加鮮✨海鮮鐵板燒點少得💁🏻‍♀️南非鮑魚，一上枱時已聞到黑松露醬嘅香氣，鮑魚煙韌有彈性，黑松露醬沾鮑魚食估唔到咁美味👍🏼依碗💁🏻‍♀️櫻花蝦炒飯上面嘅太陽蛋真係有畫龍點睛嘅作用🍳蛋黃流哂落炒飯，令到炒飯更濕潤，係一個好好嘅收尾炒飯✨

生日嚟呢度食omakase 都好難輸 師傅用心準備食物質素都係新鮮同時令因為呢度淨係可以post 12張相，所以不能盡錄因為色Omakase 只係得我一個飲酒，所以就叫咗啤酒首先佢哋嘅打白蝦係另外叫嘅咁但係佢哋呢個河蝦非常新鮮同埋好細隻 夠鮮！ 開胃菜係醃製八爪魚OK 茶碗蒸蛋夠滑第一道菜就係白象拔蚌、帶子三個都非常鮮味 尤其是係象拔蚌我最怕腥跟住嚟嘅就係秋刀魚銀鱈魚BB赤鯥 秋刀魚係 時令，但係唔夠肥銀鱈魚BB同埋赤鯥 就有少少火焰燒過先上台增加咗魚嘅鮮味同油份 😍鮟鱇魚乾鱈魚白子鮟鱇魚乾好緊要，因為有啲餐廳解凍唔夠食落口冰到啲牙都好似會敏感，但係佢呢個解凍到上枱時候啱啱好 白子亦都好新鮮一定要夠新鮮，如果唔係就開始會有腥味跟住仲有生蠔配鵪鶉蛋呢個配搭幾特別c耳目一新，亦都唔會搶咗生蠔嘅鮮味最重要嘅就係Toro 師傅非常有心機紫菜包住嘅兩件Toro 一件係燒過一件係冇燒過放喺紫菜上面加紫蘇葉好好味，油份豐富金木鯛魚刺身- 只有魚皮方面有略略燒過好好味牡丹蝦配蝦膏 - 好味 北海道海膽配紫菜 - 鮮石斑魚壽司 - 第一次食呢種高級食材魚結實 味清新石門貝壽司- 都係時令好新鮮因為新鮮嘅

終於考完試，👩‍❤️‍👨👩‍❤️‍👨午餐相約朋友去搵好野食，就揀咗喺尖沙咀附近嘅呢間餐廳，聽聞食日本菜好正宗，所以即刻Book左。～～蒲燒鰻魚飯 🔥～～認真surprise!😆 鰻魚肉口感軟糯，飯粒非常有咬口，彈又唔會韌，因為魚肉預先用炭火烤過嘅關係油脂味好出色。👍🏻👍🏻～～窩燒烏冬 🔥～～個湯底有微微既甜味，烏冬咬落去好入味，一試難忘！入面還有好多配料，例如炸蝦，蟹柳等等、有淡淡的肉香，肉質爽脆，香濃油脂令人一試難忘。餐廳都服務得好好，我同朋友對它的印象都唔錯應該可以約再來。

為慶祝呀妹生日所以特別book左人氣必食餐廳：螢火，同呀妹賀一賀佢20歲生日🎂 個衰妹忠情於日本野，今次螢火都令佢過左一個好美滿既生日。以下係生日美味午餐：❤️呀妹至愛牛肉壽喜鍋❤️材料相當高質，有極度美味滑溜嘅和牛🐂，仲有日本生蛋黃🍳，阿妹話將隻生蛋黃吉穿流晒啲蛋汁出嚟嗰陣連埋啲和牛同埋啲配菜非常之惹味，好味到想encore 🤪❤️我的最愛滑蛋豬扒飯❤️豬扒炸到鬆脆香口，咬落豬扒度係有聲㗎🎶 再連埋啲滑蛋食，多重口感！先品嚐到蛋嘅幼滑，再食到豬扒外層嘅粗獷，在品嚐到豬扒溫暖嘅肉汁，真係非常之滿足！🥰🥰我同妹妹比餐廳有10分，10分好味、10分乾淨、10分友善， 10分完美！🙌🏻

好朋友生日帶佢好好慶祝🎂，「螢火」是最好的選擇，☘️餐廳的壽司好新鮮有些甚至好少聽過。🍣打頭陣有真羽太、帶子、深海池魚及石恒貝，真羽太肉質爽口得來又結實.，帶子鮮甜，深海池魚肉質鮮嫩而石恒貝十分爽口。😚之後係油甘魚、秋刀、海膽蝦同肥拖羅，油甘魚呈淡粉紅色散發出淡淡甘甜，🤩肥拖羅肥美而油份適中，秋刀無腥味肉質細嫰，海膽蝦的海膽鮮甜而蝦爽口彈牙。👐🏻🙀仲有平目魚、銀雪、赤鯥同海膽，平目魚口感有彈性，銀雪肉質結實，赤鯥魚脂充足鮮嫩無比，海膽極鮮甜份量好多。🌟🔥除左壽司出色熟食都唔遜色，海鮮蒸蛋好足料面有三文魚籽入面都有小柱貝同蟹柳，蒸蛋滑捋捋暖笠笠。🐙慢煮八爪魚帶有淡淡的柚子味道碌酸甜甜好清新。最後仲有魚湯同雪糕，👂🏻聽聞魚湯係用接近兩天的時間熬制而成，每一啖都係精華。而雪糕係綠茶雪糕，綠茶味道好濃郁。💋朋友好滿意今次的生日安排，大家都食到好飽。