虎鐵鐵板燒

营业中

休息中

因疫情關係公司迫我們放無薪假，非常唔開心，要自己開心，為有去行下搵下好食既地方，令自己開心返，我同朋友好耐冇食過鐵板燒了，所以朋友介紹我黎呢度中午食個二人餐先。虎鐵套餐【海膽黑松露溏心蛋】這種溏心蛋真是第一次食，加上名貴既食材，海膽的鮮味黑松露的香味，再加上蛋的甜味，令整體提升，值得推介。【活龍蝦配海膽醬】擔擔肉的龍蝦都能保存肉汁，是考廚師手功，龍蝦肉非常爽口，龍蝦膏海膽所調配的香濃醬汁令整體提升，真是絕配。【日本A5和牛厚燒配香煎野菜】A5和牛，再加日本產的野菜，賣相已經不錯，和牛仲要燒得剛剛好，再配埋炸蒜片同少量Wasabi或海鹽一起食超正。【汁物】用上之前的龍蝦頭來熬湯，再同海帶煮成鮮味既湯，鮮味突出和暖胃。【梳乎厘雪糕】初頭睇餐牌以為係梳乎厘味雪糕，但原來唔係，雪糕有幾種味道選擇，又有紅豆做點綴，我到最後選了芝麻味，芝麻味濃郁、又香滑，梳乎厘質感鬆軟好有空氣感。再配重芝麻味雪糕一絕!!

雖然限聚令無得食夜晚，但都無阻我地出去搵好野食嘅心！今日就特登book左間聞說幾正嘅虎鐵鐵板燒，我幾鐘意鐵板燒，因為食物係即刻燒，我覺得即刻整燒辣辣嘅野係最好食，最能夠帶出食物嘅香氣！武漢肺炎令我都著重左衛生，呢間餐廳就做得好足，量體溫，搓手液，仲好貼心俾埋信封你入口罩唔洗周圍擺！咩都唔諗，一於豪一豪佢，食佢個二人餐！沙律有蕃茄同沙律菜，調味係柚子醋，酸酸甜甜，喚醒味蕾！鴨肝蒸蛋睇相就知滑！蒸蛋唔覺佢溝左其他野，好易就食得出好香嘅蛋味，其實蒸蛋最好就係咁！鴨肝味道唔霸道，好甘香，粉粉嫩嫩咁，幫蒸蛋加添一份口感！燒大虎蝦另一個我鐘意食鐵板餐嘅原因就係可以見到師傅嘅細心，呢個蝦上菜時已經分成蝦頭、蝦身、及蝦尾，蝦頭嘅沙囊同腸已經處理左，完全唔洗食客擔心！蝦身非常新鮮彈牙，帶鐵板嘅焦香味！南非鮑魚先講鮑魚，好大隻好新鮮，切成bite size，好易食，隻鮑魚其實無乜點調味，好輕易就食到海水味，我係好鐘意呢個處理手法，畢竟食海鮮就係食佢個鮮味嘛！不過呢度除左俾原本鮮味你，仲會調配一個醬，連同魚籽和雞冠草食，多一份美味！好有驚喜！日本A5和牛厚燒配野菜燒牛肉唔難，燒和牛難，因為和牛油脂好勁，好考

都不知道有多久沒有吃過鐵板燒了，朋友經常向我推介虎鐵所以今天就預訂了座位試試看今次點了精選二人餐首先就來了沙律，酸酸的醬汁令人很開胃鴨肝蒸蛋，蒸蛋有很濃的鴨油香味大虎蝦，蝦肉很大隻，肉質結實，鮮味南非鮑魚也是大大的，原隻切片上菜煮得剛剛好，肉質爽口彈牙A5日本和牛厚燒，入口即溶，軟綿綿既口感很好配上炸蒜片吃更香口三文魚子海膽杯炒飯面層舖滿了三文魚籽及海膽海膽鮮甜，三文魚籽咸香，味道很有層次最後就是味噌湯和甜品或咖啡整體來說環境不錯，性價比蠻高

今日放假，趁天氣晴朗約同朋友前往銅鑼灣逛街，逛了一會我們開始攰了肚子也餓了。所以上網搜尋一下銅鑼灣附近有什麼好吃。發現了一間比較高檔的日本餐廳。位置在軒尼詩道一棟大廈內12樓。軴門一打開，進來餐廳服務員也很殷勤招待我們。店內裝修很簡約也今日放假，趁天氣晴朗約同朋友前往銅鑼灣逛街，逛了一會我們開始攰了肚子也餓了。所以上網搜尋一下銅鑼灣附近有什麼好吃。發現了一間比較高檔的日本餐廳。位置在軒尼詩道一棟大廈內12樓。𨋢門一打開，進入餐廳，服務員也很殷勤招待我們。店內裝修很簡約也很舒服。我們被安排座位後，店員遞上餐牌也向我們介紹幾款套餐。由於疫情關係門市六點便會關門。所以我們也可以點了晚餐的套餐。套餐也很豐富，頭盤先上沙律。新鮮蕃茄及蔬菜配合了日本醋非常醒胃。第一道是海膽黑松露糖心蛋- 賣相已很吸引，糖心蛋整得剛剛好流心之餘配上一小撮濃郁的黑松露及海膽的甜味簡直絕配。第二道是煙帆立貝- 擺盤賣相已經很吸睛，簡單一款帆立貝煙燻得十分適當，菊花味很清香，帆立貝非常新鮮及厚切，嫩滑細軟。第三代是鮑魚配蟹肉海苔醬- 清爽惹味、肉質香滑多汁，令人難以抗拒第四道是法國鴨肝 - 晶透 光澤誘人 肉質通透, 味

好耐無食過鐵板燒，今日下午終於上咗虎鐵，試咗佢哋虎鐵精選二人餐($1480+10%)前菜有沙津同鴨肝蒸蛋，沙津略嫌有啲普通，但都食得岀蕃茄好新鮮~ 至於鴨肝蒸蛋好特別，鴨肝味唔會搶過蛋味，平衡得好好~如果份量多少少會更好😌鐵板燒嘅菜式有大虎蝦，真係好大隻，肉質爽甜，但單食的話，味道有啲淡，但點咗伴碟嘅蝦膏醬汁就剛剛好，鮮甜好多😆另外仲有南非鮑魚，食得岀用咗牛油燒，所以好香😋伴碟仲有蟹肉海苔醬，同鮑魚好夾~ 碟上仲有煎香咗嘅鮑魚肝，食落帶甘香好得意～至於日本A5和牛厚燒唔係啲咩花款菜式，但都無令我失望~ 一咬落口，肉汁係口入面爆發，點咗岩鹽，肉香味更岀眾🥰尤其中意伴碟嘅蒜片，香口得嚟唔會太重口味~三文魚子海膽杯炒飯係我最鐘意嘅菜式~ 上碟賣相好靚，海膽同三文魚子嘅份量都好慷慨~ 食得好滿足!味噌湯好多料😂😂啖啖都係昆布，飲完亦唔會好口渴~最後仲有綠茶味雪糕🍦無咩特別，但總算係一個滿意嘅句號

因為政府的二人限聚政策，令到我最近都好少外出用餐了。不過正好朋友生日，就可以約她一起食得豐富一點，乘機外出逛逛街，最後找到這間位於銅鑼灣逸園中心的日式餐廳—虎鐵鐵板燒。除了被其高質的料理吸引外，還因為這間餐廳的環境衛生，令我們在疫情期間都可以安心享受美食。壽星好喜歡吃海膽，所以我就點了一份虎鐵精選二人餐，因為既有朋友喜歡的海膽，又有我喜歡的和牛。😬·沙律切成蝴蝶形狀的番茄加上新鮮的蔬菜，用以柚子汁調製的沙律醋調味，味道清新開胃。·鴨肝蒸蛋蒸蛋口感入口即溶，蒸蛋不需要落太多調味，因為加了鴨肝已經非常惹味，鴨肝香味濃厚，而且後勁強，鴨肝的香味依附在口腔纏綿不散。·燒大虎蝦份量非常大！師傅好體貼地將大虎蝦分成蝦頭、蝦身、及蝦尾三部份，蝦頭更是經特別處理，將蝦頭的內臟清走，令蝦頭都可以享用，蝦頭配上魚籽令蝦頭的味道更加甘香，而蝦身及蝦尾的口感好爽口紮實，味道帶有淡淡焦香，配上餐廳熬製的蝦汁更加惹味。·南非鮑魚鮑魚同樣好大隻，伴碟為餐廳特調的蟹肉海苔醬。鮑魚本身非常新鮮，師傅沒有特別調味都食到好濃濃的海水味，不配醬汁食更加能食到鮑魚的鮮味，醬汁及魚籽用來配伴碟的雞冠草食更為美味，而且師傅貼心地將

難得放假當然要好好享受假期，今次好友選擇了鐵板燒餐廳，我也很久沒有吃過呢！我倆決定對自己好一點，選擇了虎鐵二人套餐。龍蝦膏海膽醬溏心蛋龍蝦膏甘香鮮味，海膽醬鮮甜美味，配上溏心蛋，蛋黃香味加上鮮味十足的海鮮甜味，令人一試愛上。火焰北寄貝師傅加了清酒點火做成火焰效果，視覺效果一流，而且多了一份酒香味，北寄貝有少少焦香味，入口鮮嫩多汁，肉質鮮甜，湯汁也鮮甜可口。活鮑魚配蟹肉海苔醬店家用上南非孔雀鮑魚，size比較大隻，鮑魚外層有少少焦香脆口，內裏軟嫩鮮甜，沾上蟹肉海苔醬更多添一份海鮮鮮味，師傅還特別加上三文魚籽加強鮮味，令整體上更滿足，鮑魚肝用鉄板煎香後，味道濃郁甘香，回甘味十足。日本A5和牛厚切店家採用熊本A5和牛厚切，色澤粉嫩，油脂分布平均，沾上少少喜瑪拉亞山岩鹽，入口即溶，牛味香濃油脂甘香豐富，另一種食法可以加上香脆蒜片一齊吃，一脆一軟，滋味爆登，配菜有日本南瓜、茄子，美國大啡菇，所有蔬菜都非常新鮮，可口多汁。三文魚籽海膽杯炒飯用上大量北海道根室海膽砌成海膽杯，再加上三文魚籽，入口鮮味十足，甘香鮮嫩，而炒飯炒得乾身香口，整體鮮味滿分。

疫情關係已經很少出外用餐，因為朋友生日所以破例找一處地方為他慶祝。我選擇了銅鑼灣的位置因為食肆林立可以較多選擇高質素的餐廳。今次揀了一間高檔的日本料理享受午餐。餐廳在樓上鋪12樓。室內佈置得簡約舒服，窗口也添置很多日本公仔貼畫，倍添日本特色。我們點了一個有五道菜式的套餐，當然也有甜品及炒飯。頭盆是沙律，日本番茄及蔬菜配以特製醬料非常開胃！首先遞上海膽黑松露糖心蛋 - 黑松露味香濃，海膽味清甜，流心蛋煮得剛好！蛋味香濃。跟住煙燻帆立貝- 賣相十分特別很精緻，帆立貝被菊花煙燻過後，滲出淡淡清香，碟上伴了岩鹽，點後帶出帆立貝鮮甜層次感也提升。之後再奉上活鮑魚配蟹肉海苔醬- 鮑魚切片鮮甜無比，爽彈鮮美 配以蟹肉碎混合海苔醬，點後帶出食物的鮮味，鮑魚也充滿獨特的煙燻香氣。隨後也有法國鴨肝- 鴨肝燒得外脆內軟味香濃厚，配菜也有蘋果及焦糖青檸也可以消除口裹的油膩感。也有朋友的摯愛日本A5和牛厚燒- 肉質嫩滑無比，豐厚味濃。配以生煎野菜翠玉瓜及南瓜片。 為味蕾帶來不同層次感覺。這個套餐相當份量不錯，最後還有味增湯蟹肉炒飯及多款雪葩選擇，蟹肉炒飯飯粒炒得粒粒分明，蟹肉清甜。我選擇了柚子雪葩 ，溶在口裏

今天和女友人前來一次鐵板燒 因為喺SOGO附近 地點很方便一進入餐廳 侍應便立刻安排位置 由於當時鐵板燒位置已經坐滿所以他只能安排卡位 但亦都坐得很舒適這裏有幾款不同的套餐 可以因應自己嘅需要去點餐 價錢有二百蚊至千幾蚊不等 我們二人今日決定豪一豪 所以就揀咗最貴那一款套餐我們選的套餐是$1480 虎鐵精選二人餐沙律沙律好夠凍 配上柚子醋 絕配 而且擺盆精緻 連蕃茄都切到是蝴蝶形狀鴨肝蒸蛋熱辣辣的鴨肝蒸蛋 蒸蛋部份嫩滑 而且充滿鴨光嘅香氣 大虎蝦大大隻而且彈牙的大虎蝦 旁邊仲配上蝦膏製成的醬汁 雙重享受南非鮑魚鮑魚燒得剛剛好 還是很嫩 有鐵板的香氣 旁邊有蟹肉煮成的醬汁 而且有三文魚子伴碟 還有另外炸得香脆嘅鮑魚肝 還是第一次吃 正日本A5和牛厚燒燒得剛剛好入面還有帶點點粉嫩 有入口即溶化嘅感覺 分量剛剛好 感覺不會太油膩 三文魚子海膽杯炒飯海膽和三文魚子超級豐富 先前的海膽 配上油份高的三文魚子 炒得乾身的炒飯 質素很高 仲想食多一杯味增湯吃完和牛立刻有味增湯 熱湯湯可以幫助舒緩油膩嘅感覺 剛剛好柚子雪糕每一啖亦都充滿柚子香氣 亦有柚子果肉 為這一餐畫上一個完美的句號餐廳環境舒適

朋友見到我上次食鐵板燒之後，介紹咗我另一間都係喺銅鑼灣嘅鐵板燒，佢話係佢食過最好食嘅鐵板燒！既然朋友咁推介就即管嚟試下！餐廳有幾款午餐我哋最後揀咗虎鐵精選二人餐😊沙律：番茄同蔬菜都好新鮮，沙律汁微酸好清爽！鴨肝蒸蛋：原隻雞蛋上碟，烹調時間剛剛好，鴨肝綿密味道濃郁而雞蛋十分嫩滑入口即化👍🏻大虎蝦：緬甸野生海虎蝦肉質爽滑彈牙啖啖肉，蝦頭入面仲有豐富嘅蝦膏，特別有鮮味！醬汁由蝦膏煮成令鮮味更上一層樓❤️南非鮑魚：南非孔雀鮑魚勁大隻，無需要落仼何調味料已經好美味，彈牙又鮮甜！鮑魚肝平時真係好少食得到，原來係好甘香！伴碟嘅雞冠草配上三文魚籽同蟹肉海苔醬感覺好清新😍日本A5和牛厚燒(配香煎野菜)：廚師將和牛表面燒到剛剛熟，入口非常嫩滑，油脂豐富但唔會膩，成個口腔充滿牛油香！原味已經好好食，鍾意濃味嘅可以加上岩鹽同炸到好似薯片咁脆嘅蒜片一齊食！牛好食連伴菜都好出色，蔬菜好鮮甜😋三文魚子海膽杯炒飯：炒飯粒粒分明，上層放上大量三文魚籽同海膽，口感豐富！用酒杯上碟，好睇又好食！三文魚籽鹹鮮味十足，海膽味道甘甜細膩，入口即溶！鮮味喺口腔中大爆發😘味噌湯：有好多海帶同豆腐，食飽飲碗熱湯感覺好舒服！芝麻雪糕：可以

因為疫情，出外食飯總有點不安，但在這里感覺很放心，因為食物在面前烹調然後直接上枱。由二月開始至今食過不下十次，從未失望過，連朋友都讚不絕口，因為無論食材、味道、賣相、服務、價錢（部份套餐有八折）都很令人滿意。每個人食嘢都有偏好，只要要求不太過份，師傅都會盡量滿足，呢個亦係我常常光顧嘅另一個原因。呢一年日子不太好過，食好嘢係一種安慰，日子再難過，都要竉愛一下自己。

聖誕節決定去虎鐵鐵板燒食餐好、正午時間全爆滿、慶幸到兩點有位、吃完還可以去逛街～番茄沙律清甜的蕃茄雕成蝴蝶般很有心思、甜酸甜甜的沙律很是開胃。第一次食鴨肝蒸蛋、口感較平常吃的雞蛋更濃稠、加上鴨肝更加香～大虎蝦好大隻、肉質爽口有彈性、燒過後仍保持肉汁濕潤狀態南非孔雀鮑魚沒有加任何調味料、同樣爽口鮮甜、以雞冠草和蟹肉海苔醬伴碟、增添口感和鹹鮮。日本A5 和牛厚燒 和牛厚切油脂豐腴、燒得好香、肉質軟滑、沒有沾調味吃第一口吃出牛肉原味、好正！之後再試蘸上岩鹽和伴著炸蒜片吃、口感脆脆地更豐富。 另外伴菜的燒日本南瓜非常甜、脆肉瓜亦燒得剛好滿有肉汁☺️三文魚子海膽杯炒飯賣相已經令人驚艷、滿到瀉的三文魚籽晶瑩透亮、下面墊著的海膽也蠻多的、最下面是暖暖的蔥炒飯、好香幾有創意。來碗熱騰騰的味噌湯~甜品除了咖啡、仲可以選擇雪糕～芝蔴和柚子雪糕都唔錯！

本來喺打算嚟食晚飯，可惜晚市只到6點，唯有改食lunch la~~晚飯menu 同lunch 不一樣（晚飯嘅吸引好多）食物詳見各圖呢度嘅service 幾好每個餸都會做introduction, 起碼客人知食緊咩落肚另一樣較深刻嘅係呢度d嘢食嘅層次，餸與餸之間，或者喺某個較濃嘅餸，例如食完鴨肝嗰塊caramelised like, 去膩之餘唔會影響到嗰set 個flowOverall 就一般般啦～～

一個人出左銅鑼灣sogo買聖誕禮物，順便食個午餐先去大出血，咁岩今日係冬至，既然冬大過年，就上開飯搵間附近既食店，食餐豐富冬至餐。在開飯app搵到虎鐵鐵板燒，記得有朋友去過，再問朋友意見，見佢都極力推介，又咁近地鐵站，咁就上去，環境很舒服，坐位亦都好寬闊再望望餐牌，見有幾個套餐選擇，咁就揀個精選套餐，來個一人冬至餐頭盤係沙律: 蘋果粒配上沙律菜，再加上柚子汁，很清新海膽黑松露溏心蛋: 首先賣相靚，原隻溏心蛋蛋黄晶莹 ，上面放埋海膽及少少黑松露，口感好滑流，仲有食用金箔，靚呀香煎日本蠔: 師傅煎到好香口，蠔本身好大隻，又肥美，仲有乾蔥蒜煙肉粒，侍應提議我要一齊食，口感更加有層次，仲好香口車海老配鮮蝦汁:  蝦夠彈牙，而且成隻蝦剝左殼，好爽呀，侍應姐姐又提示要點埋蝦汁同食，鮮甜荔枝咸檸whisky soda: 食日本野點少得飲番杯，呢杯就岩晒我口味西班牙黑毛豬薄燒 + 香煎野菜 :  黑毛豬並沒有豬臊味，而係肉質嫩口肉汁多，連埋蒜片及野菜(翠肉瓜、大啡菇及南瓜)一齊食好惹味白飯魚苗薑粒炒飯: 其實食到呢度已經好飽，但係呢個飯真係好無得頂，首先炒飯炒得好均勻及煙韌，加左姜粒口感更香，面仲有煎

疫情關係，很多原本晚上的朋友聚會也取消。 趁著這幾天不太忙碌，特別請了中午的假，相約媽媽一起吃過午膳，好好享受這悠閒的半天。虎鐵鐵板燒位於銅鑼灣澳門逸園中心，地鐵站出發不用分鐘便到，地點方便就腳。疫情關係，餐廳易安排入座時量度體溫，而且有洗手液洗手，抗疫工作十分足夠。 我們一行二人分別叫了兩個一人餐。 沙律(⭐⭐⭐⭐💢) 沙律不是很大份。種種不同沙律菜配上甜甜酸酸的沙律醬，簡單，但卻十分醒胃，令人食慾大增。 鴨肝蒸蛋 (⭐⭐⭐⭐💢) 鐵板燒形式做蒸蛋實在第一次。溏心蛋的蛋白十分嫩滑，裏面的蛋黃漿香濃，而且有一點漿口，時間掌握得剛剛好。 之前吃過類似的做法，但這個加了鴨肝又完全不同。鴨肝香口肥美，油脂滲透了整個蛋，整個層次提升了不少。 大海虎蝦(⭐⭐⭐⭐⭐) 海蝦一向是鐵板燒的經典菜式。師傅純熟的三兩下手勢便把海蝦起肉拆件，光是看這表演便值回票價。味道方面，蝦肉結實彈牙，簡單的配上微微酸的醬汁已經吃得出海蝦的鮮味。 南非鮑魚(⭐⭐⭐⭐⭐) 鮑魚十分大隻，是新鮮從水缸拿出來的。師傅先把鮑魚燒熟，然後再切成薄片。吃起來有咬口，配合味道不太重的蟹肉海苔醬，一試難忘。而且要特別一讚伴碟的三文魚子