莆田 (荃灣廣場)

营业中

休息中

好久己聽聞莆田食材優越, 亨負盛名, 今天跟朋友相聚在莆田食晚餐, 剛到便見到時令優惠菜式, 為他們拿手名菜；侍應服務質素很有禮, 果然是米之蓮一星餐廳, 內裏裝修古色古香；我們坐下點選了三道菜： 海蠣湯, 有很多蠔仔, 隻隻圓滑大粒, 湯味鮮甜, 十分有風味； 第二碟是海蠣煎蠔仔餅, 香味樸鼻,大大隻蠔仔相當有口感, 食過不停； 最後是出名既興化炒米粉, 這是必點菜式, 爽口彈牙, 配上鮮蝦, 花生, 小菜等配菜, 配搭一絕, 非常美味. 不愧為一星米之蓮餐廳, 不論在食物,服務和環境上都一絲不苟, 相當值得再次品嘗美食.

呢間係米之蓮一星餐廳，一入內，整潔，算係闊落。菜式係今次最值得講既地方，多款菜式係之前未食過，而每款菜都好好食，而家價錢可算係平。叫了個四人餐，外加一面一餸，5大2細食唔哂。 九轉腸同砂鍋黃魚湯好好味。而一碟簡單既菜，同荔枝肉（我覺得即係咕嚕肉，都整得好好食。黃金荷葉包既食法亦有唔同感覺，蝦苗紫菜口感特別。蒜香雞，同2個粉面都係好味，尤其農家粉好特式，口感好，無味精。 到最後，個清潤糖水作結，好美滿。雖然筆墨寫唔出點好味法，但試過相信都會讚好。埋單人均都唔過200，食到特式到唔係咁多餐廳有既菜式，而又做得好味，都唔簡單。服務也挺好，所以總結係性價比超高，味道亦好好。

星期六晚6點幾到，竟然不用排隊，不過應該都快會坐滿，好彩先比個菊花茶，幾個女侍應都好有禮貌，本來諗住黎食蟶子，原來有季節性，變左推介鰻魚。點左7樣食物，蒜蓉豆豉蒸鰻魚，好肥美，味道好似細個媽媽整呢蒸白鱔。其實食3件都有少少“漏”／"膩"。酥炒芋芯其實似潮州嘅炒沙芋，甜甜少脆表面，內裡香粉，好味。吾記得個名，好似叫偏肉湯?? 一粒粒好細粒嘅有肉雲吞係紫菜湯。 幾好味👍開胃前菜，但如果係前菜份量又好似多左少少， 酸酸地好滑嘅紫菜!興化米粉呢個係最普通，炒得乾身嘅銀絲米粉，又蝦又蜆芹菜紫菜花生，好多配料，但又吾覺特別好食。呢個就真係前菜，一入座就送上，酸菜，但係爽口嘅! 個名吾知咩小腸／九轉小腸?呢個明明係肥腸，但又吾覺得“漏／肥膩”呢個真係必食，好味道。香芋鴨夠鬆化，但都係食一件，食吾到2，3件，都係有少少“漏／膩”。3個人食，2個男士都可以食晒，但其實大家都好飽。埋單7百幾，真係好抵食!

老友約食飯，諗住搵間坐得舒服啲，門口唔使等位，當然直入 睇咗一大輪餐牌，結果決定今日食過海鮮盛宴麥皮蝦 $198 擺盤靚，有八至九隻蝦，全部黐住甜甜地嘅麥皮，大啖食，蝦算爽口，連蝦殼食，可以試試小黃魚 $55好方便已經切咗一小嚿，煎到酥脆有鹹香味，肉質可以接受鰻魚煲洋蔥配料及其他配菜都好好味，鰻魚多火喉，淋身，由於小妹好怕食多骨，但啖啖肉，廚師要幾好刀功，先可以切到盡量冇骨？ 欣賞蠔餅略嫌蛋太老，唔夠滑，蠔仔足料但偏細隻豆腐海鮮魚湯魚味重，豆腐唔係滑豆腐，腐皮充滿濃郁魚湯，起碼小妹飲完冇立候感覺，還好吧後記 真心一讚店員服務態度，全部都主動收碟，好好笑容，感受到由心出發嘅笑容，讚但係依家真係米之蓮獲獎餐廳？我食完都只係覺得同一般中菜差唔多

等了很久，但還未能去星加波旅行，很懷念星加坡的胡椒蟹，今天特意跑去荃灣廣場的莆田吃晚飯，選了黑胡椒蟹，黑胡椒味濃，服務員把蟹放上枱時即時已聞到濃濃的黑胡椒味，味道一流，滿足了未能旅行但又可吃到地道美食的要求，跟以往在星加坡吃的味道一樣,還有芋心及其它小菜也一流，菜單上很多食物也很吸引，可惜胃太少，不能一次過通通放下，另外，地方整潔，服務員態度非常好，點菜的時候還會給點推介，更常跑來幫忙整理桌面，很久沒有吃到那麼滿意的一間餐廳了，這間值得再去，下次要再去吃胡椒蟹.附近還有一田百貨，亦順道去shopping，十分方便，超級正！開心愉快的一個晚上

入到去，待應安排左靠玻璃窗位置坐，就開始睇餐牌，諗下食咩，待應都有推薦時令小菜，但唔岩口味，就自己繼續睇餐牌。芋香鴨$99，本身都好中意食鴨，咁就好自然叫左呢道菜，賣相都唔錯，芋頭炸得好金黃，食落口都脆，但就芋頭太多，鴨肉比較少，好似食炸芋頭咁，唔多似食鴨，但都過得去！黃花魚湯，本身我好唔中意魚湯，驚有骨又有腥味。魚湯入面除左有一條黃花魚，有煎過，辟到腥味，魚肉煎過冇咁易散，比較實，可以夾起。仲有豆腐，都一樣唔易散，用左芫茜，薑去一齊煲，完全去除腥味，仲幾好飲添！鐵板豆腐，蛋去墊底，食落有D似韓國燒烤果D蛋！豆腐本身冇咩味，有蝦仁同蒽花加D汁淋上豆腐，完全靠汁去調味，都還可以！但特別一提，用鐵板作為碟，可以保持溫度，食完其他菜式再食都唔會凍，幾有心！

一早約好星期六夜晚同老公帶埋呀女見公公婆婆同舅父莆田同朋友之前食過幾次，覺得要帶爸爸媽咪黎食吓，所以一早已經訂定枱Settle好呀女之後就點菜啦，餸菜亦都好快就到，爸爸媽咪食每一道菜都大讚好味，見到大家都食得咁開心，都覺得好開心😄脆皮蒜香雞冰浸苦瓜興化米粉酥炒芋芯芋香鴨百秒黃花魚黃金荷葉包

媽子生日諗住同佢食好啲，就帶佢嚟食飯。坐底就揀食物，媽子揀咗條秘制大黃花魚，咁我就再加水晶豬蹄凍，一品海蠣煎同酥炒芋頭。點完餸個亞姐不停問我哋加唔加個蒸鱔，明明我哋有點黃花，點解仲叫我哋加？然後問佢哋有咩啤酒，佢啲鄉下話講完都係唔明，睇返餐牌先知係德國小麥啤 😔😔😔 跟住就不停問係咪要啤酒！點完啤酒，隻杯嚟咗支酒要再三催先有！先上豬蹄凍，因為係小食碟頭比較細，個醬汁幾香口又唔辣，然後嚟個海蠣 （即蠔餅），我哋問攞胡椒粉，等好耐都無，跟住我面矇矇咁問隔離檯借嚟用，正如媽子話齋，食完都未有胡椒粉！呢個其實好食，連腌尖嘅媽子都話正，比有啲潮州食店更香口，又唔油，又唔厚粉。跟住嚟條黃花魚（類似松子魚，除咗無松子），味道也可以，粉不是太厚，媽子拆咗個魚頭都飽啦 🤣🤣🤣 芋頭條好香口，唔太膩。跟住埋單，問佢消費券有咩收，第一句就講唔收八達通，咁問佢收唔收 Tap & Go，佢話有啲客得，有啲唔得，你試吓啦。 。 。好彩最後都用到。呢度食物水準尚可，但服務態度完全唔得，商場咁多食店，可以試吓其他！

每張餐桌上都會有壺菊花茶，清一清熱氣先淡黃色醬，唔知以為佢係醋可惜今日燉湯賣哂，只有紫菜湯冰凍苦瓜，切到好薄，質感脆口配上honey,怕食苦瓜既我從新認識苦瓜既味道小食都有紫菜，帶有D 醋味，酸尾尾好開胃，今餐食左咁紫菜補充大量既碘質,腦部唔知係咪已經變得聰明左呢炒得好靚既炒飯，粒粒分明，將蠔豉，芹菜，花生 都切到好細，而且仲放左好多細細粒既蝦乾，咁既 配搭又點會唔好味丫豬潤好厚身，而且食落去好乾， 食到口都攰埋都未食完

今日叫左個歺前小食，蝦苔伴頭水紫菜，好特別，好好味，值得一食，另外叫左莆田扁肉湯，好普通，再叫左馬來風光炒通菜，都几惹味，另外叫左一條秘製酸甜黃花魚，几香口，最后叫左個類似炸饅頭既包，夾肉絲同洋蔥食，不錯

Weekend，生活節奏自自然然的放慢！懶洋洋，不想煮飯之前在地鐵站燈箱廣告，莆田推出蟶子菜式，跑到荃灣廣場莆田吃晚飯，原來餐牌更新了！蟶子下架了，換海蠣上場。４個人吃，點了以下的：海蠣促銷，199元自由組合２款#傳統海蠣煎，似潮州煎蠔烙，這個雞蛋多些，好味！#海蠣煎黃金米粉，煎米粉不油膩，配海蠣和特制辣醬，惹味！好吃#蝦苗伴頭水紫菜，開胃菜，份量好少，味道挺好的！#酥炒芋芯，商家招牌菜，有點像潮州甜品反沙芋(這個不是甜品)，喜歡！#脆皮香蒜雞(半隻)，雞肉有點乾，可接受！#金湯時蔬，份量足，味道也好！#海參一品煲，本餐唯一給差評的菜，海參不入味！鵝掌太硬！

食店在商場的位置都很重要，為什麼這樣說呢? 本身今天是想到另一食肆晚飯的，但在商場的扶手梯上一層的時候，蒲田的門口差不多就是對著這條扶手電梯，所以扶手電梯到四樓的時時候，便看見蒲田門外的蟶子海報，這張印有蟶子的海報，立即吸引了我和肥先生直接入了蒲田。餐廳環境算是光潔明亮，兩旁都有一排玻璃，一面是對商場門外的街景，另一面就是對商場裡面，所以都幾開揚不侷促，但枱與枱之間的位置比較近，坐滿人時都比較嘈，而且很清楚聽到隔離枱的客人的對話內容。我們是衝著蟶子的海報入來的，當然一定會點蟶子啦! 餐牌上有八種蟶子的煮法，餐牌上註明$199任選兩款，我們就選了 “蒜蓉蒸蟶子”及 “椒鹽蟶子” ，另外點了 “紅菇海鮮鹵麵” ($108 /例牌) 及 “芋香鴨” ($99/例牌) 。蒜蓉蒸蟶子 - 剛上桌的時候，覺得蟶子的size很細隻，因為平時在外吃的蟶子沒有這麼細，可能是不同品種的蟶子，幸好蟶子味道鮮甜，配上被打成泥的質感的蒜蓉、蔥花及豉油，蒜味很突出但又不會遮蓋蟶子的鮮甜味，兩者配合得味道很夾。椒鹽蟶子 - 如果要相比的話，椒鹽蟶子就比蒜蓉蟶子的味道差一點，可能是椒鹽的關係，吃不到蟶子的鮮甜味，椒鹽

難得同屋企人食飯，老人家中醫食正氣啲嘅嘢食，就揀咗莆田。而莆田從來都無令我失望過今餐我地食咗必食嘅蟶子二食（陳年老酒蒸蟶子+薑蔥炒蟶子），燜苦瓜，黃花魚溜。不得不讚呢個魚溜，入口順滑完全無骨，魚味鮮甜，個湯酸酸地好開胃可能坐低太肚餓，嘢食嚟到相都唔記得咗影就即刻開動🤣雖然我哋只係嗌左四個餸，三個人食，但係食完已經好飽。之後無啦啦仲請我地食荔枝。係我地去嘅時間係繁忙時間，餐廳入面有啲嘈，影響咗傾偈。整體來講呢餐飯好高分

今日帶父母外出吃飯，想起近來蟶子當造，於是帶了他們去這間在荃灣廣場的莆田分店，點了一個午市套餐和兩味哆頭蟶子的菜式。果然不負眾望，我點了的鹽焗蟶子和蒜蓉蒸蟶子，兩味烹調方法都處理得很好，而服務員端上鹽焗蟶子的時候，他注意到鐵板的熱力會令蟶子變乾，所以他把蟶子從鹽粒中挖出來。十分細心，抵讚！至於午市套餐中的扁肉湯和皮蛋煮莧菜也烹調得十分好，皮蛋的味道融入了菜汁中。荔枝肉也令人胃口大開。整體上我都覺得很滿意，價錢也很合理。

好耐冇黎過食，見最近做蟶子推廣於是入黎食晚餐。用咗$199嘅價錢叫咗蒜頭蒸蟶子及椒鹽哆頭蟶。前者用蒜蓉配埋豉油蒸，味道真係冇得輸，後者唔夠香脆同埋椒鹽味唔夠重。本來想叫莆田滷麵，但依加冇咗，唯有叫紅菇海鮮滷麵，但我覺得鮮味相對莆田滷麵差咗啲，不過都幾好味，可以一試。