莆田 (荃灣廣場)

营业中

休息中

響荃灣廣場行街，有少少肚餓都唔知去邊度食嘢好。於是揀咗呢一間解決我嘅晚餐。過往一向食開鑽石山荷里活廣場嘅莆田。一個人食嘢嘅關係，所以淨係叫咗一碗麵同埋一碟魚，過往莆田我最愛咸香煎黃花魚。呢次拎到嚟，忍唔住「嘩～煎到甩皮甩骨嘅.......」整體上質素味道都冇變，服務態度都好好。不過如果談論所有嘅手勢，都係鑽石山荷里活廣場嗰間比較好少少。而且因為疫情嘅關係，所以每個店員嘅制服上面都掛住一個名牌，以名牌上邊亦都寫清楚店員當日嘅體溫，我覺得呢一種好細心，可以比到客人一絲嘅安全感。呢方面我覺得值得一讚嘅。

今日行行下荃灣肚餓去左食下午茶～莆田一直都好想食，見到佢下午茶只係$49 有三個小食，仲配一個主食，我揀左興化炒米粉！炒米粉超好味米粉嫩滑幼細，配合埋𥮉田特色辣醬，勁好味！辣醬有啲酸辣，好好味！大家一定要去試吓個下午茶！

Weekday嚟呢間食過幾次，中午個Set真係幾好食同好抵，尤其係介推鹵麵。星期六大佬嚟接我放工，我決定嚟食晏。疫情影響下當日入席率30%左右，唔洗訂位一入去就可以安排座位。座位距離都算寬闊。餐前小食有醃製酸青木瓜-味道食落好似啲醃酸蘿蔔，不過比較硬，所以可能係咁先切成一片片，比起蘿蔔冇咁juicy。當日點咗：1. 扁肉湯-細細碗，湯清得嚟啖啖餘香，扁肉望落似雲吞仔，不過個皮都係用肉打成，唔係一般嘅雲吞皮。食落肉香滿溢，配上湯內嘅微酸紫菜，真係刺激味蕾。2. 九轉小腸-一碟份量唔多，仲會用有蠟燭喺碟底保暖。呢個食落有少少失望，鹵水味道一食落時幾香，唔太咸，咀嚼落去就有啲啲咁多，好似八角嘅苦味。口感都尚算可以，淋得嚟有咬口，不過未至於彈牙。我試一試一小啖浸住豬腸嘅鹵水汁，都係好香唔油膩同味道啱啱好，反而個鹵汁又冇苦味。3. 海蠣煎米粉-其實係蠔仔蛋煎米粉，蛋煎米粉食落香口少少焦脆，唔會太乾。蠔仔味道濃郁，細細粒口感creamy，配上佢哋嘅辣椒醬（其實食落似食泰式生蝦嘅辣醬），酸酸辣辣，加上蒜味，好開胃。4. 荔枝肉-類似咕嚕肉嘅味道，比較冇咁酸，荔枝味就唔突出，面仲有啲啲脆，即係新鮮炸好

為食妹👧🏻一直都係<莆田>粉C。知道推出咗新年套餐。當然要帶埋媽咪黎試一試啦2人套餐有6款食品+甜品。套餐份量相當大。真係年年有🐟鴻運發財魚生撈起🎉呢個撈起係新加坡傳統黎嘅。撈起撈起。撈到風山水起店員每落一款食材。都會講一句好意頭嘅說話撈到盤滿砵滿石斛番鴨燉南日鮑～大大隻鮑魚好彈牙。個湯好鮮甜滋味如果可以refill 就正正正啦🤪富貴麥片🦐～鹹鹹甜甜好開胃年年有🐟魚肉比較淋身。輕輕一夾。就夾到一大啖🐟。媽祖平安麵～D 料好多。仲有聖子Tim。個湯底好鮮。浸住嘅米粉唔會一pat pat 。桂圓蓮子銀耳羮～糖水比較杰身。對於我黎講徧甜。初一二三仲有利利是是🧧派

撈起、撈喜、撈到風生水起！祝大家越撈越旺，行運行到飛起！農曆新年梗係要食意頭菜，來自新加坡既福建菜館「莆田」，連續4年榮獲米芝蓮一星級，適逢新年更推出各種新春套餐～「新年吃莆田。財運旺整年」二人吉祥套餐 HK$628-鴻運發財魚生撈起 (煙燻三文魚)-石斛番鴨燉南日鮑-年年有魚-富貴麥片蝦-媽祖平安麵-桂圓蓮子銀耳羹*鴻運發財魚生撈起 (煙燻三文魚)由魚生片同七彩繽紛既食材組合，店員會一邊放入食材一邊講吉祥說話，之後就可以將七彩食材撈起，愈撈愈起，撈得愈高愈好兆頭！代表著「風生水起」，新一年行運行到飛起！味道酸酸甜甜，瓜絲蘿蔔絲爽脆可口，仲有香口芝麻、花生碎，酥炸紫菜同香酥薄脆，令整體味道和口感更豐富！*石斛番鴨燉南日鮑湯頭鮮甜清潤，滋陰益腎，鴨件燉湯後依然香軟嫩滑，原隻鮑魚好厚身，啖啖肉夠哂彈牙，好滿足！*年年有魚黃花魚煎至兩面金黃，外皮香脆，肉質鮮甜嫩滑！*富貴麥片蝦蝦肉扎實彈牙好大隻，搭配原味麥片、蛋黃絲拌炒，外層口感酥脆，香口惹味。*媽祖平安麵平安麵寓意添福添寿、吉祥平安！  麵條細長，煙韌軟滑，湯底帶點鹹鮮味，配料非常豐富，有脆紫菜、荷蘭豆、豬肉、香菇、蝦仁、炒蛋、花生等。*

新年過2日就到啦‼️想新一年由年頭行運到年尾就緊係要食返餐吉利既套餐先得!!!.呢個吉祥二人餐有:✅鴻運發財魚生撈起✅石斛番鴨燉南日鮑✅年年有魚✅富貴麥片蝦✅媽祖平安麵✅桂圓蓮子銀耳羹.全部菜式都非常好意頭～有得玩有得食呀!!!頭盤係撈起既煙燻三文魚沙律🥗乜都有呀 勁多料 加左脆脆好正 多重口感而且配搭好新鮮～.燉鴨湯x鮑魚係我既重點😍🤤好新鮮 鮑魚原隻啖啖肉 爽口彈牙湯好濃郁鮮味 個人勁喜歡!!!.媽祖麵線象徵長壽吉祥簡單地加了蛋 菜 豬肉等等既配料味道可口 不會太膩 很有家鄉地道麵線的感覺。.🐟黃花魚原條上 肉質嫩滑唔嚡口本身麻麻地食魚既我竟然食左好多😂個汁好正 仲原汁原味添呀～.最後當然不少得養生既糖水 - 桂圓蓮子銀耳羹❤️食完大滿足啊。

因為呀媽新年要去旅行，所以提早同佢一齊慶祝新年～我地決定今年食得特別d，去莆田試下新加坡式新年菜！經理仲話今年年初一至三黎呢度食野，仲會派「真材實料」既利是比客人添！🤩🤩我地叫左2人吉祥套餐，$628，總共有六樣不同既菜式～另外，呢度仲提供外賣自取既盆菜，方便番在家中慶祝新年既食客！1️⃣鴻運發財魚生撈起（煙三文魚）🥢呢個撈起果然犀利，真係包羅萬有，有少少柚子、海蜇同煙三文魚～另外，用唔同蔬菜絲，如紅蘿蔔、青瓜同薑絲等，加埋粟米片一齊食，口感極豐富！店員會主動幫客人撈哂所有材料，邊撈邊講好多新年意頭說話，好有氣氛！2️⃣石斛番鴨燉南日鮑🦆呢碗湯真係不得了！大大件鴨肉，嫩滑唔鞋口，而鮑魚亦係大大隻，落重本，鮮味十足！3️⃣年年有魚🐟呢條軟煎黃花魚肉質超嫩滑，淋上紅燒汁，非常正！4️⃣富貴麥片蝦🦐呢味富貴蝦賣相好吸引，蝦肉彈牙爽口，味道酸酸甜甜辣辣，超惹味～5️⃣媽祖平安麵🍜第一次試媽祖平安麵，味道好特別，麵質幼身軟稔，浸滿海鮮湯汁！6️⃣桂圓蓮子銀耳羹🥣蓮子大大粒，又有桂圓紅棗，岩哂女士補身，食埋呢碗甜水就perfect啦！

今日約咗朋友一齊食午餐因為好鍾意食佢哋嘅炒米粉既然諗唔到食乜嘢嘅情況下不如就過嚟食吓啦其實食午餐真係好抵食個餐$68真係好抵食可以有三款小食有一個湯仲有一個自選嘅主菜

My family and I went for New Year’s Eve dinner. We were very excited but turned out we were very disappointed. The portion was unexpectedly and unreasonably small and the taste was so so only. Everything was overpriced. Won’t come back at all.

呢排忙到成日都係下午茶時段先有時間食晏，所以就可以用平價發掘吓午市同晚市都比較貴嘅餐廳。今日就嚟試一試呢間打住米芝蓮一星旗號嘅莆田！下午茶咁多樣嘢食，先至收$49一位，十分吸引。2樣點心就揀咗杞子白米糕同埋酥脆莆田扁肉，由於未試過扁肉，所以出於好奇就叫咗佢。主食就叫咗相當有名嘅興化炒米粉！最後仲有一份跟餐甜品，但無寫明係邊款，所以都有啲期待！等待期間就食住呢個前菜先！酸酸鹹鹹辣辣咁嘅味，又幾滋味。不過如果係想窮食嘅朋友就可能要留意吓啦，因為呢小碟都會收返10蚊嫁。但我就唔介意嘅，難得嚟到，不妨一試！食到7788嘅時候就上咗點心同埋甜點啦！無諗到上菜都用咁精緻嘅碟仔同埋木具，眼前一亮！個白米糕就正常發揮，我本身都鍾意食呢啲糕點，覺得米味都幾出！同埋都有飽腹感嘅。個扁肉我就帶住好奇心咁試，一試覺得其實姐係細粒版嘅鍋貼，但就真係好小型嘅版本🤣。反而個蓮子雪耳湯食落都滋潤嘅，但係就完全食唔出味，有啲失望。主菜就係興化炒米粉！莆田嘅米粉真係好出色。首先，個米粉嘅口感係完全唔同平時食嗰啲，一送上嚟已經見到好似啲好細密嘅網咁，食落略略煙韌，落味啱啱好，唔會太鹹亦都唔會太淡！而且可以見到雖然係下午茶s

相比晚餐, 莆田既一人LUNCH SET CP值係高既. 68蚊無加一. 有湯, 3個小食一同主食 重想點. 佢之前重有個80幾蚊既LUNCH SET, 包主食, 湯同豬手但而家無咗LU (失望), 因為炸豬手係我係莆田既最愛. 跟住重有扁肉湯, 擦粉等都係我鐘意食既. 但講返LUNCH SET我就好少叫擦粉啦. 因為佢本身有湯, 之前試過飲完湯, 再食埋個擦粉真係成肚水到好辛苦. 所以我而家嚟, 通常都會叫佢個紫菜飯, 落埋佢個辣媽醬, 酸酸地, 好開胃.

莆田的午餐有午市一人餐，又有午市頭等餐。我們選了後者，因為食物中包括了福建三寶中的兩寶，食物包括：水晶豬蹄凍：很滑，但本身沒什麼味道，把醬汁拌勻後好一點，後來我們加了放在枱上的辣椒醬，味道就更好。傳統扁肉湯：根據介紹，這個湯是有500多年歷史的傳統福建手工菜，包着扁肉的燕皮是用棒把豬腿肉敲打後加上番薯粉製成的。吃的時候我覺得皮很薄，有彈性，扁肉的味道也不錯，反而湯帶微酸，感覺有點奇怪。閩香洋燒排：這是這個二人餐的重點菜，味道一般，而且排骨的肉不太多。金湯時蔬：味道不錯。莆田主食：我們選了莆田鹵麵，這個很好吃，大推，湯香而濃稠，麵條沾上湯，很好吃，鍋中除了蝦和蜆，還有冬菇、肉絲和蔬菜，感覺很豐富。莆田甜品：我們選了冰的蓮子木耳湯，不過甜，味道不錯。這店環境不錯，裝潢給人清新的感覺，枱之間的距離雖然不太闊，但也算坐得舒服。侍應有禮貌，工作勤快，美中不足的就是我們請侍應上甜品後，等了很久也沒送來，再請侍應上甜品，又等了好一會兒。其實這糖水早已煲好，只要放入碗中就可上桌，不知道為什麼要等那麼久。

中午去咗莆田餐廳。主要出售福建省菜餚。獲得米芝蓮一星殊榮。我點咗$68個人餐。個人餐我點咗炒米粉、水嫩豆腐、常燜筍乾及水晶豬蹄凍。個湯我點咗玉米蘿蔔排骨燉湯。我炒米粉好細條。入口易食。有海鮮配料。食店有獨門辣媽醬，混入米粉一齊食就好滋味。水嫩豆腐好滑。混入米粉好爽口。水晶豬蹄凍以啫喱狀。夏天食最好。常燜筍乾一般好食。個湯好重排骨味。足料。$68算1抵食。門口有免費薑茶。

今日一田大減價，當然要同家人來行下，無來荃灣廣場一排，見到好多食肆都唔同左，我咁我哋今日都唔想試新野，都係食返之前有食過嘅莆田，都係下午茶時間啦，之前食過覺得唔錯所以今次都想嚟再食多次，咁樣其實大家都見到餐牌下午茶$49起，未連加一，咁我同家人各選一款，我就選咗古法番薯包加白米糕，主菜配醬爆肉絲湯麵，之後家人叫糯米丸加酥炸莆田扁肉，主菜配芥菜粥，小菜配甜品，好精緻好好味，醬爆辣肉湯麵就正常普普通通，但係個芥菜粥就非常好味，好足料，粥好綿，好正，值得推介下次會再來

見到門口米芝蓮食肆點知會入去試下，打開餐牌好有學術性佢介紹唔同嘅食材喺唔同嘅位置出產始終兩個人去食唔叫得多都係要精品少少🤔見到佢個鎮店之寶蒲田滷麵，佢嘅特色係湯好濃烈海鮮味好重成碗麵好膠口跟住再叫一個漁民紫菜燜飯，成碗飯好香海鮮味紫菜味好濃仲有一隻隻蠔豉嘅鮮味，食落真係感受到漁民出海打魚嘅感覺跟住再叫咗一個簡單嘅滷水嫩豆腐同埋閩香洋燒排，個豆腐佢好細心地用一點火調住同埋個排骨好淋好入味👍再簡單叫一個冷盤冰鎮鮑魚，咬落去有凝固咗嘅海鮮湯圍繞住攞冰鎮住爽口嘅鮑魚，感覺又鮮味又彈牙不得不提就係佢哋嘅前菜菜譜同埋佢杯菊花茶都好好飲好好食最後點一個甜品桂花陳皮燉雪梨， 桂花味好香雪梨好潤肺啱細近排有幾聲咳嘅我，米芝蓮食肆果然唔係名大於實