莆田 (荃灣廣場)

营业中

休息中

三點左右lunch都未食，行過搵野食 見到佢個menu 有下午茶，價錢仲要唔貴 心諗 可能好細份，但望到入面食客都係食緊嗰啲set，碗麵同飯都好似lunch咁大份一於去試吓啦喂～行快啲啦喂～～(出賣年代）每個set都可以揀兩個小食 + 糖水一碗（3小碟）呢個飯有啲蠔豉仔 幾好味 但太過油膩粒粒飯都係油 塞飽你個胃另一個set叫咗碗炒米粉，第一次食呢個口感嘅米粉麵嘅感覺 唔彈牙又唔係濕濕碎咁 而係軟綿綿嘅口感 配辣椒醬食都幾好味下面呢兩份就係三小碟紫菜應該用醋浸？ 唔鍾意醋酸味就唔好叫紫菜啦仲有好幾款小點可以叫炸扁肉好好味 但果份凍熏蹄就好難食 呢一個set咁樣present真係好靚食得賞心悅目而最正嘅就係個清甜紅棗冰糖雪耳糖水如果可以叫兩碗就好啦

Really enjoyed their lunch special, with 3 sides included. Great taste, especially liked their seaweed dish and the desert.

認識莆田係因為唔知幾耐之前某一日老公話呢間餐廳既🥢午餐好抵食, 味道不錯。今日終於有機會試下, 點知原來星期六係無午市一人餐供應架。所以我地散叫點左芋香鴨, 莆田鹵麵同冬瓜薏米水。莆田鹵麵 - 唔似我地係香港食開既湯麵, 莆田鹵麵應該有係煮湯既時候加入生粉令湯底比較濃稠。湯底味道鮮甜唔油膩。而莆田鹵麵就似出面食到既什錦湯麵咁, 材料有🦐海鮮, 肉同菜。味道口感有特色, 都好味。不過就有我唔鍾意食既芹菜。芋香鴨 - 不其然令我同不久前係楓林小館食過既荔茸香酥鴨作比較, $99呢個價錢好抵, 楓林小館價錢係$298, 但係楓林小館煮得好味太多, 鍾意食荔芋鴨既朋友千祈唔好嗌, 一定會失望。芋頭口感偏硬唔夠粉。最差係D鴨肉, 食落既感覺就好似D煲湯肉咁, 又鞋又無味。冬瓜薏米水 - 好飲, 新鮮足料甜味適中。莆田環境裝修不錯, 座位寬敞舒適, 員工親切有禮, 鍾意食芋頭既我, 下次試下好多食評推介既酥炒芋芯。

同朋友喺荃灣揾食，因為要坐下食下傾下，所以要避開最繁忙嘅地段，行遠啲去咗荃灣廣場。睇完水牌，朋友話想去莆田食。平日夜晚唔多人，3個人食畀張6人枱，可以坐得鬆動啲，又有多餘櫈放袋。喺諗緊食咩嘅時候，待應送上免費前菜 - 文旦柚及醃蘿蔔。柚好甜，鍾意食嘅可向餐廳購買($138一箱，有4個)；醃蘿蔔酸酸甜甜好開胃。叫了一碗莆田扁肉湯，其實係紫菜魚皮餃湯，扁肉味道唔錯，但本人並唔覺得啲水係湯(始終都只係鍾意老火湯)。另外叫咗三個餸同一個主食 - 咸香黃花魚(夠脆但稍咸)、莆田荔枝肉(似咕嚕肉，份量足，但荔枝肉得兩粒)、芋頭鴨(熱辣辣，外皮好脆，被芋頭蓉包住嘅鴨肉一啲都唔油膩)同興化炒米粉(炸紫菜好味道)。

今晚同朋友黎左莆田食飯，因為佢一直都好想試下食福建菜，估唔到有驚喜我地得兩個人但係好貪心咁左成7個餸!前菜菜莆: 好好味，好味道想問佢拎多碟食，令我好期待之後既菜色。扁肉湯: 因為紅紫菜帶酸，所以個湯頭係酸酸甜甜既，有別於一般既湯水味道。滷水豆腐: 滷水滷得好入味，豆腐大細岩岩好，女仔都可以一啖食晒，唔怕食到周圍都係。閩香洋燒排: 燒排炆得好淋，牙一咬肉即鬆軟易入口，本身我好懶食呢類食物，宜家我都會對佢改觀。

兩口子歎個下午茶餐，侍應招呼坐下後，馬上送上一個紙袋，原來是20週年紀念送給顧客的禮物🎁，內藏2樽祕製辣媽醬，真是意外驚喜！辣媽醬味道酸酸辣辣，挺開胃喔。下午茶有2款選擇，分別$49及$59，價錢都算抵食，有2款小食，1款主食及1款糖水，可追加其他美食及飲品。

從不理會是不是米猪蓮星級推介，只要Openrice有人推介，或者睇見餐牌的食物能吸引到我，便會去品嘗一下。各款菜色都特別，福建菜點會咁精緻，係星加坡特色菜至真。一開始就每人送一樽辣椒醬比你帶走，再送每人一片西柚肉，服務員再上一瓶熱菊花茶，非常細心。正式上菜，先來一碗扁肉湯，內有紫菜，清香撲鼻。大大隻冰鎮鮑魚，大大啖入口。莆田今期推介特色鰻魚菜式，當然要試下，鰻魚肥美出色。馬來風光，原來係炒碟貢菜咁解。荔枝肉有少少失色，可能係因為用咗雞肉而不是排骨。總結而言，好就要讚👍

呢一間菜館嘅菜式係比較特別，佢有好多菜式出面都冇得食㗎，我哋今晚兩個人，叫咗好出名嘅九轉小腸，係一個完全唔肥嘅豬大腸，仲要係有個座坐熱嘅 🤗 另外個藥膳竹桶蝦都幾特別㗎，呢個係湯嚟呀，一位一個竹桶，嗰2隻蝦係用新鮮蝦，食得出係游水蝦嚟呀 餐牌寫鰻魚做緊推廣，我哋就試吓，其實鰻魚同鱔真係好似囉，煲上……好惹味，呢度嘅白飯都吾錯，香軟綿最後實在係忍唔住要整返個甜品，因為呢個甜品真係枇杷膏嚟架，出面真係吾覺有得食，呢個甜品食完喉嚨好舒服㗎呢而家嘅天氣最啱食🥰🥰

這店子來過幾次，每次都是吃二人套餐，今晚選擇散點，吃一些別的菜式。精美四小拼：蝦苗拌頭水紫菜，蝦苗看上是薄片兒，蝦身透明，黏附著紫菜上，紫菜小口一嚐，有種酸酸甜甜的味道，十分開胃。滷水嫩豆腐，豆腐皮蘸滿滷水汁，內里包裹著嫩滑的豆腐，汁香豆腐滑，也是一道好吃的小吃。水晶豬蹄凍，豬蹄被透明的啫哩狀湯汁包起來，形成一顆一顆的小骰子，這個我覺得切得太小，用筷子不容易夾起來，而且因為太小放到口中很快就吃完了。味道就像吃冷凍肉一樣，比較淡。九轉小腸，看腸子真是一轉又一轉，沒數，說九轉就九轉吧，只是名堂一個，醬汁調配不錯，口感清爽不黏牙。吃過這四碟頭盤也開了胃口，之後的菜式可以吃得更滋味。點了兩款湯，一個是每次來都喝的藥膳竹筒蝦，另一個是莆田扁肉湯。藥膳竹筒蝦，喜歡有一股濃濃的藥材味，但又不是甘苦之物，有兩隻大蝦在湯內，蝦肉爽脆鮮味，配合熱騰騰的湯，就是好喝。最不喜歡不冷不熱的湯，這裡的湯是我喜歡的溫度。雖然只看到幾粒杞子沒有看到其他藥材在湯內，但撲鼻而來的藥材味又假不了。莆田扁肉湯，是福建人喜愛的湯水，湯內放了好幾個用薄皮包著的扁肉碎，就像廣東雲吞一樣，不過它比雲吞小，是迷你版，湯內有些紫菜，芫茜

3點去到好多都話賣晒，點心得番薯包同炸扁肉。包太濕肉好腥，侍應仲解釋話係好耐冇貨返，叫話揀+10嗰啲（不過個人認為好普通完全唔值，侍應仲寸寸貢話唔係10蚊都俾唔起呀？）。主菜無論係麵定飯都好齋，至於甜品就一般。総括而言，呢個價可以食得更加好，講真茶餐廳常餐仲好食。餐廳無論係食物質素定環境都比茶餐廳差，工業風設計天花管線外露，位又迫，真係唔會有下次。米芝蓮連續4年有星?論環境食物定服務性價比無一樣係

I go there quite often for dinner, 竹筒蝦is my favorite. The customer service is top notch. staff is very courteius. The manager is very attentive and she'll make sure you are happy with the meal. They also often have new/seasonal dishes on the menu. The Michelin star is well deserved! Very pleasant dining experience overall!

見到好多莆田廣告話198蚊可以任選兩道聖子，鍾意食海鮮的我點可以放過呢 今日就去左食，餐牌話可以8選2，但係落單果時個waitress就話得番2種可以揀O曬嘴⋯ 我去果時已經夜晚8:30，唔知係賣曬定點⋯所以即係變左2選2⋯得番蒜蓉蒸聖子同埋酒糟聖子。其實都好食，d聖子幾肥，份量都幾大，兩份聖子其實都夠3-4人食既，算幾抵食！酒糟聖子好重酒味第一次食呢種煮法，幾特別！總體黎講唔錯，可以再試希望下次再去有得揀其他煮法啦

一直都好想試蟶子餐，終於啱季節，兼第一次等到位！等位期間，門口有薑茶免費招待，味道淡如薑味水。成個Menu，好似係以海鮮為主，魚蟹。小菜選擇不多，飯面選擇不多。時令當做，當然係來食蟶子，$198 兩食蟶子，係抵係吸引，亦都好Juicy! 亦因此，相信太受歡迎每枱都會叫，等到食完想埋單先上蟶子。四小碟，認真唔抵食，淨係得個豬大腸稍為吸引，份量亦都好少，味道清淡一般。其中一款係紫菜碎，一款切碎左水晶肉，一款豆腐，$119！早知淨係叫一個九轉小腸，都冇咁貴。整體來說，份量少，價錢相對就會貴。三個女人，食咗六百幾蚊，如果唔係不停地灌茶，都唔會有飽嘅感覺，果然返到屋企即肚餓⋯

近日見到莆田周圍有廣告，於是就去試試食晚餐。晚餐餐牌主要係單點，首先當然要叫招牌蒜蓉蒸蟶子。莆田蟶子比正常品種細，但係蟶子太細反而冇平時嘅咬口，同埋加上鮮味都唔夠。最想食嘅蟶子令人失望，隻數多都冇用之後到另一招牌菜莆田滷麵，除左兩隻大蝦其實都係普通米線，個海鮮湯底冇咩特別最後原來係莆田荔枝肉最好食，咕嚕肉炸得夠脆肉又夠腍，甜甜嘅荔枝肉同咕嚕肉嘅酸配搭得好總括：主角食品普普通通，價錢都唔係便宜，都應該冇下次

見母親節就諗住兩家人食個飯簡左呢間聽聞係米芝連星級餐廳先簡左個六人餐再加個炸芋頭整體黎講其實好普通唔係特別好食可能係我地抱太大期望啦當中我覺得個炸芋頭係最好食然後個芋圓花生湯就得個甜字 芋圓又太淋一啲彈牙都無 而且得一兩粒芋圓 唔係我想像中咁連鮑魚都無人爭住食 男朋友甚至覺得好難食雞同魚都ok 個面太淋又太結 全台人都無咩人食可能太忙 都無咩特別既服務 好多時碗碟都係我地自己執 因為無位亦無人（可能忙人手唔夠）另外我覺得個什菜煲都ok 湯既味夠濃荔枝肉都ok 有啲似平時食嘅咕嚕肉不過全家都表示 去茶樓食可能會更好呢間試過一次就好了 唔會再試