莆田 (荃灣廣場)

营业中

休息中

莆田哆頭蟶最鮮美嘅時節一定係4~7月😍見到menu更推出9款主題菜式，揀兩道都淨係要$199😙鐵板鹽焗蟶，連續5年銷量冠軍👑當然要一試！因為佢係完整一隻放落去鹽焗，😋所以更加可以保留海鮮嘅鮮味，焗熟咗之後好香，🥢食落有鹹香嘅味道，更加可以凸顯海鮮嘅鮮甜。另一味，我哋試咗辣炒蟶子，入邊有大蔥🥬辣椒🌶同埋招牌蟶子。食落去，香辣滋味，而且味道夠出，好開胃。👍🏻趁住呢個季節，🙌🏻當然要食一下時令海鮮，夠曬鮮美，真係好特別。

【 #哆頭蟶節 】踏入左5 月又到左鮮甜肥美哆頭蟶子嘅季節....每年只有入夏幾個月才能吃得到的時鮮！見到莆田餐廳推出哆頭蟶節 $199 可自選2款蟶子菜式，不時不食即刻約埋屋企人一齊去潮「蟶」啦！ 每一隻都肥肥嫩嫩哆頭蟶於莆田當地的黑泥灘塗裡吸收充足營養，炸、炒、蒸、焗、煮都咁鮮味。今次就試吓鐵板鹽焗熱辣辣上枱，粒粒都肥大肉厚，鹽焗更可提升哆頭蟶鮮味，更可保持原汁原味～另一款就點左蒜蓉開邊蒸，陣陣蒜蓉香氣同哆頭蟶嘅鮮味好夾，愈食愈惹味。除左哆頭蟶二食外，仲叫左其他小菜都好出色架 ～興化炒米粉好足料，有海苔、紹菜、豆卜、炸花生、鮮蝦、蜆肉等多款材料配合入口鬆化嘅興化米粉，充滿家鄉風味。莆田荔枝肉有點似我地平時食嘅咕嚕肉，甜甜酸酸皮脆肉嫩，配上荔枝肉口感更清新。傳統蒸海蠣煎有點似平時食開嘅煎蠔餅，粒粒飽滿蠔仔肉配合蛋香更香脆味美。椒鹽豬手炸得酥軟香脆，入口即溶口腔內滿滿膠原，口感豐富。大家都快啲把握時機嚟試下肥美當造嘅哆頭蟶啦～莆田餐廳（荃灣店）荃灣大壩街4-30號荃灣廣場4樓416舖@putienhk#putien #putien莆田 #閩菜 #米芝蓮一星 #米芝蓮

「莆田」我間唔中都會食，感染到屋企人都好鍾意食🤭因為菜式夠特別又好食，而且服務態度都非常好👍🏻到了每年4至7月是哆頭蟶最肥美時期，依家做緊$199任選兩款，好抵呀，母親節飯就嚟咗莆田啦🤭🥢食物🥢1️⃣ 蟶炒黃金蛋（$199/2款）蟶子份量好多，咬落去係漲卜卜肉質，黃金蛋入邊加了香菇/洋蔥/紅蘿蔔絲，好有家常味道。2️⃣鐵板鹽焗蟶（$199/2款）開頭諗緊會唔會好鹹，實質味道好鮮甜，唔乾咬落有少少汁。3️⃣莆田荔枝肉$89（小）：外皮少少脆，咬落是半肥瘦豬肉，連埋荔枝肉一齊炒，味道偏向甜帶有荔枝味，幾開胃😋4️⃣冰鎮南日鮑：擺盤幾矜貴，肉質彈牙。5️⃣氣化炒米粉（小）$88: 招牌菜～入面有蜆/蝦肉/花生/菜等材料，口感豐富💥米粉炒得好乾身，味道偏淡建議可以加埋佢個秘製酸辣汁一齊撈勻食👍🏻

屋企人生日想食中菜🍜莆田都算比較出名嘅中菜館🍲款式多同埋都比較新穎 而且影相出嚟都好靚📸適合一家大細特別節日食🥰冷盤叫咗🍽蝦苗拌頭水紫菜$49酸酸地 好適合做開胃菜😋味道好味 份量偏少 超級快食晒😂🤣黃金荷葉包$32片好味😋包同埋肉都好味 唔會話太鹹 或者太甜🤪金牌脆皮蒜香雞$148 half好味皮好脆 肉唔多 份量偏少🥲肉既質地偏實 多蒜 但亦都唔會話太鹹五個人食每人大概食到一舊🤣所以如果一家人黎食其實亦都可以嗌一隻😗金湯時蔬$79正常發揮 但都係份量偏少 每人夾一次已經冇哂了🤪整體真係幾好味架 但一家人(5-6人家庭)黎就未必每樣餸既份量都夠食到 岩小家庭2-3人黎食🤪😋

一直都喜歡莆田的用餐環境，乾净又舒服，侍應服務態度亦都非常好。疫情之下去超市入貨之前覺得好肚餓，經過莆田發現竟然堂食都有7折，於是即刻衝入去食！當時其實已經5點，我都有少少擔心唔夠時間食，不過上菜速度都算快，大概10分鐘左右已經上咗三個餸，唯獨是米粉大概25分鐘先上菜。如果趕時間嘅話要留意下。一開始侍應會俾一碟餐前小食，不過我見到係腌蘿蔔就話唔要了。因爲餐前小食都係會收費，所以如果唔想食就即刻同侍應講。另外記得唔好除口罩，之前喺另外一間餐廳（非莆田）試過除咗口罩再同侍應講唔要餐前小食，佢就話疫情原因，如果客人已經除低口罩就無辦法再取消了。百秒黃花魚 78HKD百秒黃花魚非常幼嫩，入口即化。美中不足就係黃魚本身魚骨比較多，所以食嘅時候要小心啲。初初食會覺得比較清淡，不過浸入魚湯部分的魚肉就會比較鮮甜。份量唔算太大，兩個人食啱啱好。鐵板自製滑豆腐 89HKD一上菜嘅時候賣相已經非常吸引，豆腐表面有炸鍋，裏面非常嫩，完全無豆腥味，爭啲以爲自己食緊蒸蛋。醬汁好惹味但又唔會太鹹，加上豆腐下面有一層蛋漿，一齊食更香。每一舊豆腐上面有Q彈的蝦仁，令到成個餸更高級：P 雖然價錢稍微貴啲，但味道確實有保

同朋友行完山 食個中午 好彩飲茶好多人等位 所以轉場醉汁豬大腸，唔肥膩，去晒入面啲肥肥，再卷有少少豬膻，酒味夠，唔會死咸，好味😋唔食豬大腸嘅人都可以一試！炒通菜 唔辣 好味 碎碎好味皮夠晒薄，湯底有少少過鹹，個名唔記得咗但係唔會encore農家炒米粉米粉好幼好幼 冇咩味嘅材料有脆嘅紫菜、鮮蝦🦐🦐🦐三隻，肉片（係腩肉片嚴格來）蝦乾、花生🥜佢送嗰個辣醬係畫龍點睛冇咗嗰醬成碟粉就冇味個名又係唔記得咗咩餡餅其實即係扁小小嘅炸饅頭配洋蔥炒肉絲洋蔥好味過肉，個飽好味不過面頭嘅芝麻太多個包有少少油，嚴格來講係脆嘅，係好食嘅我會揀配煉奶囉叫咗一蠔兩味爆辣子蠔一凍就唔脆，個花椒好香，凍咗就好失色啦蠔仔唔算大隻亦都唔算好香口咁我覺得12味好食過佢啦煎蠔仔🦪餅份量都足嘅，條芫荽就咁放上去唔知佢想點有少少蔥但係番薯粉定唔知咩粉太多變咗好煙韌啲蠔好細隻好瘦唔飽滿茶芥係菊花茶都好飲嘅啲餸普遍都熱氣所以配菊花茶就very g good額外一提佢所有嘢都好有鑊氣🔥

今日係荃灣影完相後就去左荃灣廣場搵野食, 見到莆田有時令海蠣食好似好正咁😍, 小妹就忍唔住同朋友衝左入去試下!🌟4人盆菜盆菜賣相吸引, 份量十足, 入面含多款食材包括：瑤柱, 鮑魚, 海蔘, 花膠, 花菇, 蟶乾, 大蝦，白靈菇, 燒肉, 雞翼, 發菜同蘿蔔! 鮑魚爽口鮮味, 花膠膠質重, 口感嫩滑, 蘿蔔清甜無渣, 白靈菇吸哂d湯汁好惹味🌟扁肉湯E款湯係傳統嘅福建菜式嚟, 燕皮爽滑彈牙, 豬肉餡經反覆敲打過所以非常緊實多汁, 入面仲有紫菜同少許醋汁令湯汁更鮮味, 非常開胃🌟軟煎黃花魚黃花魚煎至金黃色外脆內嫩而且非常鮮味, 上面擺有大量蔥絲, 醬汁酸酸甜甜十分惹味🌟海蠣煎 用上大量江口珠蠣同蛋整成嘅海蠣煎, 酥脆可口, 鮮甜味美, 沾上酸辣醬汁更開胃🌟酥炒芋芯芋芯外層嘅焦糖微甜帶點咸香味, 酥脆香口, 唔覺唔覺一口一件就食哂成碟🌟莆田包菜飯 包菜飯相當足量, 份量約有4碗, 打開香噴噴, 將花生, 蔥花, 蝦乾仔倒埋落去, 口感豐富又好味!

屋企人前排見我食盆菜，佢問幾時帶佢地食，冇問題啦😗今日襯住假期就同屋企人去食米之蓮中菜❣️依家莆田做緊主打海蠣食物，可以順便試埋啦～🥢食物🥢1️⃣盤滿缽滿鮑魚大蝦盆菜$988: 份量足4位用，有好豐富既高質材料👍🏻大蝦/海參/鮑魚/大粒瑤柱/花膠/蟶乾等等…味道好入味，食唔停口😋仲提供外賣～可選擇唔同人數既份量。2️⃣扁肉湯$22/位：雲吞皮包住扁肉，一啖一口，配上紫菜湯味道唔錯幾開胃添！3️⃣酥炒芋芯$89: 外面包住一層薄薄紗糖，經炒過後外脆內鬆，好香口。4️⃣軟煎黃花魚$188: 黃花魚平時我地都幾鍾意食，這款醬汁甜甜地，魚肉好滑，不過食嗰時要小心啲比較多骨！5️⃣海蠣煎$119: 類似蠔餅，海蠣份量鋪滿蛋內😋蛋煎得夠香，可以加埋特製辣醬食。6️⃣興化米粉$88: 米粉炒得夠乾身唔會油膩～加了冬菇/蝦/花生/菜豬肉加埋一齊炒幾好味😋💥環境💥呢度嘅空間好大，每張枱都隔得有距離，除左唔會逼之外，都比較寧靜舒服😌💥服務💥好欣賞由門口既員工，到入面每位都好好禮貌，而且好主動加茶/介紹食物，非常殷勤👍🏻

連續幾年獲得米芝蓮推介嘅福建菜星級食府莆田 最近推廣新春盆菜同埋海蠣節 盆菜由4人份到10人份都有 外賣又得堂食亦都得 同屋企人做節就啱晒 ˜”*°•鮑魚海參大蝦四人盆菜 ($988)•°*”˜盆菜材料都幾豐富 名貴材料包括彈牙鮑魚 嫩滑花膠 爽口海參 新鮮大蝦 原粒乾瑤柱 每樣四件 仲有啖啖肉燒腩仔 大大隻雞翼 厚肉大花菇 白靈菇 同蘿蔔 最特別嘅地方係用左莆田獨有嘅蟶乾取代傳統盆菜蠔豉嘅位置 如果唔想食太多肉 盤菜底層鋪滿旺菜 清清地即刻balance返 呢個盆菜味道較清淡 主要食返材料原汁原味 ˜”*°•扁肉湯($28/碗)•°*”˜扁肉細細粒 好似小雲吞咁 但係個外皮就比較爽韌 類似燕餃皮 紫菜湯底加左醋酸酸地都幾得意˜”*°•酥炒芋心 ($98)•°*”˜感覺似拔絲地瓜 鬆軟粉嫩嘅芋芯外層包住一層薄薄脆脆嘅糖衣 清清甜甜 焦焦脆脆幾好食😋˜”*°•傳統海蠣煎($98)🦪🍳•°*”˜係呢度嘅招牌菜 類似台灣痾仔煎 但唔會有嗰種生粉鼻涕嘅感覺 因為佢煎得比較香口同乾身 雞蛋又香又軟熟 海蠣一啲腥味都冇 果然係時令海鮮 熱辣辣非常好食😋˜”*°•興化炒米粉($98)•°*”˜有啲似

媽媽一向好鍾意去莆田食飯，因為佢話D菜式幾岩佢口味作為考順女既我得閒就陪下媽咪食啦原來而家莆田都推出左新春盆菜，同埋而家 舉行緊海蠣節，有多款唔好既海蠣菜式我地叫左個新春盆菜成家人食，個盆菜都好足料架有鮑魚、 瑤柱、花膠、海參、海蝦等等矜貴食材， 而且湯汁嘅味道都整得唔錯話明係海蠣節當然要試下海蠣既菜式，我地叫左個海蠣煎食到啖啖海蠣好鮮味，好耐冇食過咁好食既海蠣煎另外我地仲叫左軟煎黃花魚，魚肉嫩滑唔會腥我自己就好鍾意蘇炒芋芯，外面少少甜甜地，個芋芯好粉好好味主食就叫左個興化米粉，炒得夠乾身同埋配料十足！最後當然唔少得平時食開既扁肉湯啦，入口滑溜，皮薄餡靚唔係好多地方都食到！整體黎講食物既質素一如既往既好，服務都好好

離禁晚市堂食最後一晚，選擇了黎莆田食豐富晚餐。盆菜外賣都會係過年菜嘅首選！莆田原來都已經推出左了新春大盆菜套餐迎接今個新年~盆滿缽滿鮑魚大蝦盆菜4人前·$988 包含12種食材（瑤柱、鮑魚、海參、大蝦、花膠、花菇、發菜、蟶乾、菇、雞翼、燒肉、蘿蔔）配料炆煮得非常入味又唔會過咸，底層蘿蔔吸晒精華傳統海蠣煎 （小）$119與平時港式口感唔同，滿滿嘅海蠣好足料！莆田扁肉湯 $22/位 用豬肉餡做成嘅小餃子，有莆田出名嘅紫菜作配料，湯底加入了丁點醋，開胃！酥炸芋芯 $89一層層薄薄脆嘅糖衣包裹住稔稔芋頭，連我唔中意食芋頭嘅人都覺得好好味！軟煎黃花魚 $188調味幾好，魚肉嫩滑，不過就多骨少少啦！興化炒米粉 $88米粉質地好幼細，食落仲帶點米香～加入炸過嘅紫菜好香口，仲有花生、豆腐、爽彈嘅蝦仁！

🌸荃灣新春美食🌸莆田🧧🎉過年要吃好🎊為捉緊晚市堂食的尾巴，於禁堂食前的一個晚上相約好友到了荃灣一間主打原味福建菜的餐廳-「莆田」率先享受新春盆菜套餐❗餐廳鋪面寬敞，裝修精緻，以中式建築風格為主調，座位寬敞舒適❗店員們也相當殷勤有禮，會不時替客人收拾碗碟及添加茶水。餐廳提供上盛足料的4、6、8及10人盆菜供外賣，還提供2至10人吉祥套餐及鴻運套餐供客人選擇，當中不乏傳統開運菜式如盆滿缽滿鮑魚大蝦盤菜及撈到風山水起的招牌撈麵等，絕對是新春堂食及外賣必食餐廳之選❗我們一行2人惠顧了以下新春餐點：1️⃣🌟鮑魚海參大蝦盆菜 非常足料上盛的盆菜，配料有滋味瑤柱、矜貴鮑魚、彈牙海參、滋潤花膠、軟淋花菇、鮮嫩蟶乾、雞翅、惹味香脆燒肉、發菜、鮮甜大蝦、白靈菇及爽口多汁蘿蔔，拼盤精緻，盆滿缽滿，是過年必吃優質盆菜之選❗美味指數：⭕⭕⭕⭕️⭕️賣相指數：⭕⭕⭕⭕️⭕️抵食指數：⭕⭕⭕⭕️2️⃣🌟辣子鮮海蠣辣子鮮海蠣為辣椒拌酥炸鮮嫩海蠣，適逢正值海蠣當造，餐廳正舉行海蠣節，推出多款以新鮮海蠣為食材的菜式，今次就品嚐了這款惹味香辣子鮮海蠣，海蠣外皮炸得黃金香脆，海蠣肉保持嫩鮮甜，非常惹味❗️美味指數：⭕⭕⭕⭕️⭕️賣相指數：⭕⭕⭕️⭕️抵

好耐之前食過一次，但上次係食小菜。 所以冇咩評論。今次約咗幾位朋友再試，試試佢既胡椒蟹。味道係一般但唔突出，而且蟹味唔夠鮮。而待應亦都推薦食佢地既蠔仔煲。 味道都只算係一般，反而佢嘅酥炸黃花魚有點驚喜。可以推薦至於甜品方面我哋亦都叫咗個雪耳同榴槤雪糕。如果鍾意食榴槤嘅話個甜品都算係一個不錯嘅選擇至於餐前小食嘅話，九轉小腸都算係有啲驚喜。至於價錢方面，其實都唔算特別平今日嘅份量選比較少適合兩至三人食量。

叫到成枱餸埋單也不足一仟元,質素和賣相都不俗,首先一個前菜蝦笛紫菜够凍微酸認真醒胃,脆皮蒜香雞保持水準,肉滑嫩、荔枝肉够咬口、要預訂的紫菜燜飯無甚特別,但足四大碗也算大滿足、期間限定的海蠣煎餅和川椒酥炸海蠣最搶手,海礪也很大隻,香口微辣易入口、砂鍋黃魚湯清甜入味、總括這頓晚飯各人都頗滿意,難得一聚,座位也算宽敞舒適,極適合吃水談心。

好久己聽聞莆田食材優越, 亨負盛名, 今天跟朋友相聚在莆田食晚餐, 剛到便見到時令優惠菜式, 為他們拿手名菜；侍應服務質素很有禮, 果然是米之蓮一星餐廳, 內裏裝修古色古香；我們坐下點選了三道菜： 海蠣湯, 有很多蠔仔, 隻隻圓滑大粒, 湯味鮮甜, 十分有風味； 第二碟是海蠣煎蠔仔餅, 香味樸鼻,大大隻蠔仔相當有口感, 食過不停； 最後是出名既興化炒米粉, 這是必點菜式, 爽口彈牙, 配上鮮蝦, 花生, 小菜等配菜, 配搭一絕, 非常美味. 不愧為一星米之蓮餐廳, 不論在食物,服務和環境上都一絲不苟, 相當值得再次品嘗美食.