更多
2023-10-20
119 浏览
早排去完東京旅行之後就好耐無食過廚師發辦,今次就去左尖沙咀搵左間人氣廚師發辦餐廳滿足下餐廳裝修以水泥色為主調,有長長既吧枱位可以欣賞到廚師既精湛刀功及烹調技巧,另外仲有包廂位置,私隱度夠曬高店內環境舒適,簡約清新,感覺舒服,菜式設計精緻又夠特色,可以享受衝擊視覺與味蕾的一餐食物方面:晚市 Omakase「日」套餐包括先付、刺身三款、御料理、壽司九貫、吸い物及甜品(デザート)- 先付 -擺盤精緻有心思,有果仁醬無花果、日本杏仁、落花生、枝豆及酒煮鮑魚,鮑魚爽口,連湯一齊飲夠入味- 刺身三款 -鮫鰈魚 : 鮫鰈魚爽脆有咬口,再包住蝦肉及少少紫蘇花食,味道鮮甜帶點紫蘇味象拔蚌 : 象拔蚌味道鮮甜爽口,加上少少柚子皮,讓鮮味提升到另一個層次鰤魚 : 肉質緊實,油脂豐腴,清爽中帶有鮮甜味道- 御料理 -吉列鮮帶子配三文魚籽 : 外層薄薄既脆漿包住非常厚身既帶子,肉厚鮮嫩香滑,再加埋三文魚籽做點綴,好鐘意食既御料理- 壽司九貫 -伊左目、帆立貝、紋甲魷魚 : 伊左目味道清甜彈牙,帆立貝厚身,配上青柚皮調味,口感豐富,紋甲魷魚爽口彈牙,加埋赤海膽,鮮味十足金線鯛、黑鯥鯛、銀鱈魚、池魚 : 金線鯛鮮甜
餐廳裝修以水泥色為主調,有長長既吧枱位可以欣賞到廚師既精湛刀功及烹調技巧,另外仲有包廂位置,私隱度夠曬高
店內環境舒適,簡約清新,感覺舒服,菜式設計精緻又夠特色,可以享受衝擊視覺與味蕾的一餐
食物方面:
晚市 Omakase「日」套餐包括先付、刺身三款、御料理、壽司九貫、吸い物及甜品(デザート)
- 先付 -
擺盤精緻有心思,有果仁醬無花果、日本杏仁、落花生、枝豆及酒煮鮑魚,鮑魚爽口,連湯一齊飲夠入味
- 刺身三款 -
鮫鰈魚 : 鮫鰈魚爽脆有咬口,再包住蝦肉及少少紫蘇花食,味道鮮甜帶點紫蘇味
象拔蚌 : 象拔蚌味道鮮甜爽口,加上少少柚子皮,讓鮮味提升到另一個層次
鰤魚 : 肉質緊實,油脂豐腴,清爽中帶有鮮甜味道
- 御料理 -
吉列鮮帶子配三文魚籽 : 外層薄薄既脆漿包住非常厚身既帶子,肉厚鮮嫩香滑,再加埋三文魚籽做點綴,好鐘意食既御料理
- 壽司九貫 -
伊左目、帆立貝、紋甲魷魚 : 伊左目味道清甜彈牙,帆立貝厚身,配上青柚皮調味,口感豐富,紋甲魷魚爽口彈牙,加埋赤海膽,鮮味十足
金線鯛、黑鯥鯛、銀鱈魚、池魚 : 金線鯛鮮甜肉質結實有彈性,黑鯥鯛肥美帶甜、油質感重,第一次食銀鱈魚刺身,原來同樣油脂豐富,味道肥美,最後仲有池魚肉質緊實爽口,味道鮮甜
醬油漬赤身、中拖羅 : 以秘製醬油輕醃,醬油的鮮香更能帶出赤身的鮮甜,中拖羅油脂均勻甘香,入口即溶
除左壽司九貫仲有特別的淡雪鹽配赤海膽,噴上金光閃閃既食用金粉,賣相非常吸睛,赤海膽份量非常多,色澤橙黃,味道濃郁,味道相對清甜,配埋淡雪鹽花,唔使點豉油已經夠曬味道
- 吸物 -
蝦真丈清湯 : 用新鮮蝦膠加魚漿打成丸子,口感軟滑,充滿鮮味,配搭上有樽菜、日本菇既高湯,清甜美味
- 甜品 -
北海道赤肉蜜瓜 : 果肉厚密,口感細緻,香甜多汁,冰鮮甜,作為一餐美味既廚師發辦夠完美
张贴