良記餐廳(老鳳冰室) (已結業)

有次去開深水埗，見到有一間餐廳叫做老鳳冰室，見到佢嘅裝修好懷舊，就入去試吓啦。見到佢嘅招牌芝士撈丁，就叫咗豬頸肉芝士撈丁同埋雞扒芝士撈丁，豬頸肉好鬆化，雞扒就好脆，一啲都唔淋，而個撈丁都好好食，好多芝士係上面。驚淨係食面唔夠飽，就叫多咗個黑松露炒蛋多士。個多士一嚟到就聞到好香黑松露味，好多黑松露醬喺上面，個蛋大到包住咗個多士，好邪惡丫！除咗嘢食，我哋仲嗌多咗個嘢飲，個名好得意嘅，叫飛仔華田。上面有cream，蜜糖星星，美綠波波球同一張印有公司logo嘅朱古力啤牌，味道都唔錯，幾夾。呢間冰室整體都唔錯，有機會可以再嚟食過！

Lunch time 去咗深水埗買野，路過見到個名感覺有D翻版，但見午餐牌有少少吸引，因為有想食既滑旦叉燒飯，本來無咩期望，坐底周圍都玩懷舊feel，但又帶點design既氣息，上菜隻碟睇落以為係竹籮，但重點係個飯做得好食，旦夠滑，仲有幾舊花枝，夾埋D豉油變成prefect match! 仲要播D 60年代舊歌，誠意已經要加分！而且個lunch連熱飲都係$48，CP 值絕對高，見到人地食下午茶隻雞脾同多士都好睇得，下次一定要試試！

深水埗區食嘢又平又正係人都知，呢間「老鳳冰室」，有懷舊裝修又好味，我久不久都會去幫襯😬室內裝修佈置好得意，營造六、七十年代風情，嗰個「Set𠹌廚」睇見都會心微笑😊，仲有好多打卡位👍🏻餐牌放係信箱內，好似收信咁，好多年青人都未必見過😅餐牌設計都好搞嘢，咩「亂炒一通」又引到我笑左，仲之未食嘢已經氹得客人好開心，每次來呢度食野心情都好D😂懷舊紅豆冰+益力多加冰，正正係港式餐廳必備，紅豆夠林又甜，冰凍可口，益力多加冰，酸酸娓娓，醒神開胃👍🏻黑松露海皇炒飯$69元，大大碟，黑松露香氣離遠都已經聞到，仲有好多海鮮配料，足料又好味，旁邊仲加咗啲沙律菜，正🤗XO醬蔥油雞扒撈一丁，更加是滋味、惹味兼而有之，包你食過返尋味，只售$48元，一丁軟硬剛剛好，雞扒外皮香脆，雞肉嫰滑，配埋惹味XO醬，再加多件多士，夠晒邪惡，問你點頂😬仲有大家可以留意下佢地嘅十大必食，全部都好有特色的，真係老鳳都要食啊😬

身為多年深水埗街坊，擁有很多資深飲食推介，有朋友問「良記餐廳(老鳳冰室)」有咩出名，我就話今晚得閒，我哋就去老鳳冰室食個靚飯。等朋友放工後我哋就去了開飯囉～ 茶餐廳裝修好有特色， 有舊式電影風格及80年代情懷， 餐牌好似用信封嘅形式十分特別。食物方便我哋就叫咗“ 韓式炸雞芝士保齡球”及“ 香蔥大蝦叉燒炒滑蛋飯”，飲品一定叫有特色嘅“ 波波冰鎮奶茶”及“ 飛仔華田”。先講韓式炸蝦芝士保齡球，炸雞真係好有韓國風味，個醬汁夠惹味香辣，炸雞外脆內軟，炸粉不算太多。而芝士保齡球其實係一個農夫包裏面裝住芝士， 麵包酥脆， 芝士汁鹹鹹地，味道不錯。香蔥大蝦叉燒炒滑蛋飯，份量十足， 雖然只得兩隻蝦但係叉燒食極都食唔完，炒滑蛋夠晒香。波波冰鎮奶茶， 用奶茶做冰粒，仲有三大粒，奶茶味愈飲愈香濃。至於飛仔華田，賣相吸引，華田味濃，加上cream後更香滑。

又來到深水埗食野了！因為好快就要食晚餐，所以朋友帶咗我黎食個下午茶~芝士火腿奄列 ($34) 超級大份既火腿奄列！應該用咗好多隻蛋去整😂 上面舖滿滿滿的芝士，睇落十分邪惡！奄列做得唔算乾，個蛋都做得幾滑~ 另外仲有一塊多士！流心西多士 ($28) 呢個流心西多士入邊係蛋黃流沙，金黃色嘅表面，仲有一塊溶緊既牛油，見到都流哂口水🤤🤤 一切開啲蛋黃流沙即刻流晒出嚟，係好濃既蛋黃味，雖然好重熱量，但係真係忍唔住一舊一舊咁食晒🤣

深水埗除咗維記，新香園，合益泰之外，其實都仲有好多好好味既餐廳🤪🤪基隆街都有好多新餐廳，今次就試下呢間裝修幾懷舊幾得意既餐廳~芝士雞翼撈一丁 ($48) 啲芝士多到好誇張🙈🙈 鋪滿晒成個出前一丁！ 因為芝士凍得好快，所以趁佢熱仲係溶嘅時候就要食快啲啦！雞翼炸得好香脆，幾好味芝士牛肉濃茄湯通粉 ($48) 叫咗呢個通粉餐，仲跟埋呢個肉醬薯蓉同埋炒蛋，炒蛋係好滑重好重蛋香。通粉都唔差，牛肉份量好多亦都好鮮，湯都好濃好重蕃茄味🤩凍奶茶 (+$3) 跟餐會跟飲品，揀咗凍奶茶，都係港式奶茶嘅味道，但係覺得有少少太甜~ 另外一杯就揀咗熱檸水，解一解芝士既膩感😆

深水埗平嘢多, 平民美食同樣有唔少選擇, 今日就揀咗呢間走懷舊風嘅老鳳冰室。夜晚接近8點嚟到, 人氣很旺！ 店內無論裝修定擺設都充滿舊香港風情, 餐牌就喺信箱入面。除咗一般冰室餐飲, 晚市有A-E五款套餐, 今日決定試下呢度嘅寶雲酥燒羊扒。寶雲酥燒羊扒伴配麻醬意粉 $88切開金黃酥脆嘅麵包糠, 內層嘅羊肉全熟, 羊肉但依然夠腍, 騷味很香, 完全估唔到冰室食羊扒都有咁嘅質素！意粉加入麻醬, 雖然有點邪惡, 卻特別滋味。芝士牛肉濃茄湯通粉 $48(跟牛乳炒蛋, 肉醬焗薯泥)朋友新年飲食過度, 今日要食清D, 芝士茄牛通卻要走芝士。蕃茄湯底酸酸地夠開胃, 扭扭粉質感彈牙, 掛湯力強。蛋炒得滑滑, 肉醬焗薯泥亦不失色。話梅柑桔蜜酸甜度平衡得唔錯, 清新解膩。

呢排加班加到想死 都冇咩心情食野 今晚放左工之後就諗住去食個茶記就算 咁啱個fd打黎話係深水埗收工 順便一齊食個dinner當得兩個人個陣你話食咩好 就緊係去食老鳳冰室 ***一坐底就聽到懷舊金曲 好有香港嘅味道我地兩個人叫左個焗茄茸豬扒保齡球同焗安格斯牛腩飯 其實保齡球就係麵包 麵包入面就係茄汁豬扒菠蘿飯 好多芝士好邪惡而個牛腩就好軟唔韌 對女仔黎講份量係足夠啱啱好 ***最驚喜係原味波波冰鎮奶茶 奶茶味濃郁 而且飲到最後冰都未完 至於杯飛仔華田 上面有忌廉同朱古力波波脆 好有童年回憶

茶餐廳是香港的獨有的特色飲食文化，其中的絲襪奶茶、西多士等的經典港式美食更加令中外人仕都樂意去感受一下地道的多元化飲食特色。這間位於深水埗的懷舊茶餐廳，裝修成七十年代老香港的模樣，當你推門進入餐廳，令你彷佛進入了時光隧道。牆壁上掛滿古老的海報，餐牌設計成郵件的模樣，放入一個帆布製的信箱內，方糖放在漱口盅內等，都十分有特色。芝士牛肉濃茄湯通粉 （$48)👍👍👍👍這個芝士牛肉濃茄湯通粉還跟一個牛乳炒蛋、肉醤焗薯泥，冷熱飲品加$8，特飲加$14。通粉用了扭紋型的通粉，比較一般通粉硬身，口感比較爽口及煙靭，薄片牛肉入口軟滑，湯底有濃濃的蕃茄味道，加上一片芝士令湯底滲出淡淡的乳香。牛乳炒蛋炒得很嫩滑，薯泥及肉醬味道也十分配合。原味波波冰鎮奶茶（+$14）👍👍👍👍原價$24，跟餐只需加$14，這杯涷奶茶的特色是用了原味奶茶製成冰波，即使冰波溶化後，也不會影響奶茶的味道。杯內有三粒冰波，所以飲到最後奶茶還保持冰涷。焗茄茸豬扒飯（$48）👍👍👍👍焗豬扒飯用了大量的蕃茄茸，並加入菠蘿，酸甜的味道令人感到很開胃，而且份量很大，豬扒是厚切亦很大塊，吃完整個飯，已十分飽足。懷舊雪糕紅豆冰 （+$16）👍👍👍👍

今天放工，與好友兼街坊簡簡單單到屋企附近的老鳳冰室晚餐~一如以往，以懷舊電影院為題，牆上掛滿舊電影海報 及復古裝飾，精心佈置，打卡一流!蜜焦雞翼，雞皮香口帶脆，肉質嫩滑多汁，塗上一層厚厚的蜜糖，甜香入味，加上青椒、黑椒、芝麻調味，鹹甜辛香皆有，味道層次豐富，一食愛上!蝦多士，外層炸得金黃香脆，油而不膩，內層以蝦肉打成的蝦膠爽滑彈牙，蝦味鮮香，再蘸上千島醬汁，更添酸甜口味，風味絕佳! 伴上迷你沙律，稍稍平衡吃炸物的飽滯感~黑松露炒蛋多士，加入鮮奶的炒蛋嫩滑無比，蛋汁豐盈，啖啖充滿馥郁的蛋香及黑松露香，配搭鬆軟微脆的厚多士同吃，口感絕佳，不愧是該店的熱門招牌菜式!芝士豬頸肉撈丁，即叫即做，灼熱可口，多片豬頸肉嫩滑爽口，撈丁麵條彈牙，淋上邪惡的熱熔芝士，芝香四溢，芝味濃厚，配上牛油多士更滋味飽肚~款款美食香口細膩，高質味美，價錢親民，依舊是我們在深水埗區中最喜愛的冰室~

今晚同男朋友食飯，想搵間特別d既餐廳於是諗起深水埗老鳳冰室門面好容易辨認餐廳裝修果然充滿懷舊既感覺～貼滿不同年代懷舊照片仲有好多鐵皮招牌，好似入左時光隧道既感覺食物選擇還算不錯👍🏼從茶餐廳炒粉麵、焗飯、到西式小小既豬手都有飲品既名都好吸引！波波奶茶 跟餐加$14杯裡面有三大粒波波，全部由濃郁奶茶雪凍而成咁就唔怕d冰融左溝淡奶茶味奶茶不會過甜茶底濃厚，奶都算夠滑勝過好多茶餐廳出品蜜椒薯仔牛柳飯份量不少！白飯上還配了飯素！薯仔係炸過再落鍋同牛柳片一齊返炒所以不是脆口，但多了比較煙韌既口感牛柳片非常入味蜜糖味非常突出，黑椒味就較少濃郁既調味令d配菜 青椒都好入味德國鹹豬手配薯角 $88鹹豬手下面配了鹹酸菜同d沙律菜男朋友話鹹酸菜非常不錯👍🏼豬手炸得香脆 調味剛好其實不用沾醬都已經好夠味豬手啖啖肉男仔都夠飽薯角比剛才的蜜椒薯仔脆口而且滿滿一籃抵讚性價比好高 成個set dinner都只係$88

咁啱經開深水埗探友人，見到一間舖面幾得意的冰室，就行入去試一試佢d下午茶。嗌左餐，周圍望望，真係好多嘢睇。本土人先會會心微笑。字簡意精允光之歌流心西多士，奶黃漿熱辣辣流出來，別樹一格黑松露炒蛋，有點日式蛋包飯feel，好好食茶走茶底唔錯仲有泰式蝦餅，喜出望外。

出咗深水埗買嘢，行到嚟基隆街見到間茶餐廳個名好有趣，二話不說入去醫肚先。店內裝修好有香港地道感覺，牆上掛滿懷舊相片及電影海報。2pm 後有下午茶，叫咗個流心西多士，另外散叫包絲火腿湯通粉跟黑松露炒蛋多士，肚餓關係，叫多個芝士豬扒撈一丁配牛油厚多士。下午茶流心西多士$28個流心西多士確實不得了，極級邪惡，餡料是鹹蛋奶黃，切開之後會慢慢流出嚟，好香好好味。鮑師火腿湯通粉跟黑松露多士$42鮑絲火腿湯通粉最抵食，跟個黑松露炒蛋多士，黑松露香濃，炒蛋滑，多士夠脆，通粉用扭扭粉唔會太腍，湯底好濃郁好夠味。芝士豬扒撈一丁$48個芝士撈一丁都非常惹味，芝士酱汁好香，食到停唔到口，豬扒入味夠腍。飲品叫咗兩個特飲，波波冰鎮奶茶及飛女可力。冰鎮奶茶好特別，杯飲品裏面有三個乒乓波大的奶茶冰，整杯飲品keep住都非常冰凍，茶味香濃，推介飛女可力有驚喜，好大杯，加了大量忌廉，上面放了一些朱古力脆脆波及一隻食得的Q啤牌，印有招牌名稱。

深水埗越開越多餐廳，但質素參差不齊，個人較喜歡老鳳冰室，食物始終如一，不過座位就比較迫。蝦多士表面炸至金黃色，裏面夾著蝦膠，多士炸得鬆脆不油膩，蝦膠彈牙，還配上雜果沙律，酸甜開胃。芝士牛肉濃茄湯通粉通粉煙韌彈牙，不會碌到太腍，蕃茄濃湯味道濃郁，酸甜適中，還有點果皮香味，牛肉很腍。牛乳炒蛋肉醬焗薯泥炒蛋炒至半熟剛凝固，帶點牛油香味，十分幼滑，肉醬薯泥則比較十咸，薯泥呈薯粒狀。雪糕紅豆冰雪糕其車就是糯米糍，放在表面不易溶掉，加上忌廉，整體比較甜。

行錯路路途跋涉🐒黎到深水埗依間裝修富有七八十年代氛圍嘅冰室，目標就係一試佢馳名嘅小食☕️😝.黑松露炒蛋多士🥪 $38✅果然名不虛傳😻多士送上黎嘅時候有熱氣冒出🌫又極香噴噴~啲蛋🍳炒得非常嫩滑，應該加左啲牛奶🥛落蛋先可以咁滑，加上份量完全唔孤寒又濃濃嘅黑松露味道岩岩好😋。多士🍞有層薄薄嘅牛油，勝在夠厚烘完夠脆卜卜食過番尋味👅整體評分：8.5/10.肉夾膜🌮 $38✅內饀係有一粒粒切左嘅豬肉碎🥩嘅醬，咬落肉汁係口中溢出，麵包🍞外皮比想像中煙韌有口感👀❎醬汁🥫味道偏鹹，成啖連肉🥩同🥖包食先至接受到，整個包嘅size亦意外地細整體評分：6.5/10.焗芝士海鮮保齡球🎳 $68✅原來保齡球就代表農夫包🧐烘烤左嘅農夫包🥖包蓋同裝住饀嘅包身都依然咁脆卜卜。包內嘅饀上層係算足料嘅海鮮🥘❎希望越大，失望越大。依個出名菜式令我地失落之處係佢個碗芝士汁🧀☹️我地淨試個汁之後發現佢同白汁🍲冇分別，成道菜式就變左白汁海鮮焗飯加農夫包😩另外下層只有好少量嘅飯🍚亦係扣分之處整體評分：6.5/10.波波奶茶🥤 餐+$14（淨價$24）✅奶茶味道夠濃香同滑溜，特別係用上3粒奶茶茶冰，即使融左都唔會溝稀奶茶，整碎仲可以做沙冰