良記餐廳(老鳳冰室) (已結業)

帶國內朋友來香港，想試下香港味道。就帶咗佢來呢間老鳳冰室。呢度裝修好懷舊，充滿60年代香港古色古香的味道。但食物就絕對係新潮，首先推介這杯波波奶茶。由於凍奶茶落冰之後，而家耐咗會令奶茶變得淡味。所以店主就用上波波粒，本身波波甩就是用原味奶茶結冰，製成波波狀的冰粒。因此，呢杯凍奶茶即使時間耐咗味道都唔會有所改變，絕對係地道香港人的發明。之後呢啲就係黑松露海鮮炒飯，用上西式上的方法。西餐慣用的黑松露，配上中式炒飯煮飯。中西合璧，把炒飯提昇到似一個層次。香港人果然係與時並進，只係茶餐廳都，因應時勢不同而改變前進。

最近睇到篇報導講呢間餐廳老闆既故事，幾感人，加上都好支持佢對食品、開冰室既熱誠！所以決定去幫襯下。放工時間去到都已經Full哂，等左10分鐘左右就有位。裝修特別復古，但又好colourful，不過坐位真係有d迫，坐得唔太舒服。我地叫左蝦多士、蜜焦雞翼、焗芝士海鮮保齡球、波波奶茶、飛仔華田。要大讚既係雞翼，size夠份量之餘，味道相當好！而且相當入味！焗芝士海鮮保齡球既麵包非常脆，點小小芝士食超香口！蝦多士都唔差，份量比相像中多！波波奶茶係用左預先冰好既奶茶冰去沖，就算冰融左都唔會覺得淡味，呢個位真係好加分，所以我飲到低都有好濃厚既奶茶味！飛仔華田賣相夠吸引，上面果張紙牌係可以食架，係日本訂做番黎既餅乾黎既，好有特色！

最近係網上睇到老鳳冰室老闆接受傳媒既訪問，見到老闆對經營餐廳既熱誠同要煮出與別不同美食既執著，今晚過開黎深水埗，就決定黎呢度試下。深水埗多野食就係人都知，餐廳要突圍而出的確唔易，去到老鳳冰室，第一樣野係影相呃左like先，雖然呢度地方唔算大，但每一個角落都有唔同既懷舊特色。確實唔普通！最鍾意呢個郵箱，上面封信就係menu 喇。影相影得耐，揀野食都唔容易，因為好多野都想食。。原味波波奶茶：男朋友揀左原味波波奶茶，茶味濃郁，波波冰係用奶茶做既，所以奶茶飲到最後仍然有香濃奶茶香。芝士牛肉濃茄湯通粉:因為本人係蕃茄同芝士既fans，所以叫左呢個芝士牛肉濃茄湯通粉，芝士味香，點知蕃茄湯底更驚喜，好濃厚，酸酸地好醒胃，通粉用上扭扭粉，索左湯汁，成碗俾我食到見到碗底，牛肉雖然新鮮好食，都好似變左配角。懷舊紅豆冰:一d都無hea，用左比較大粒既紅豆，飲落有d紅豆起左沙，有d仲有得原粒咬下既，口感豐富，又唔會太甜。焗芝士海鮮保齡球:保齡球原來係農夫包，焗到外脆卜卜熱辣辣，忍唔住要KO保齡球個蓋點芝士食，芝士味好香，點個農夫包味道好夾。到食農夫包裏面d材料，有花枝片、蜆肉、魚柳、鮮蝦、蟹柳、青紅椒、粉絲同

I did not have much expectation before I tried that, but then the food I tried is a total surprise. The food was very delicious.流心西多。。。。很流心奄列。。。。。很奄列After that, I was too full. Could not try another dish........I am looking forward to try again.....

基隆街呢排都算係開左旺排隊小店嘅一條街。我平日午飯時間去食，等左5分鐘度。呢間冰室門口有櫈坐比食客等。坐到入去有兩邊卡位，中間一小排位。鋪面可以坐大約30人。食物種類比起一盤舊式冰室多小小。餐牌有圖推介食物。我就叫左芝士牛肉濃茄湯通粉，佢用扭扭粉。佢做到al dente 嘅扭扭粉令我令扭扭粉改觀。芝士撈左落湯，似有還無。茄湯出色，濃味偏甜。牛肉好新鮮。如果有多小小茄蓉仲好。跟餐有送個炒蛋肉醬薯蓉，正路。飲品我加左錢飲個波波奶茶紅豆冰，好正。茶味香濃之餘紅豆亦好稔。黑松露炒蛋多士就好一般，我覺得炒蛋有小小濟。

兩個人食晚餐，第二次食，叫左個芝士撈麵配多士、肉醬焗薯泥、芝士焗生炸雞脾保齡球同波波冰鎮紅豆珍珠奶茶。咁樣叫法，可以食多一款野，又唔使咁貴。撈麵同多士同一般茶餐廳差唔多，唔講咁多，重點係芝士，唔係俾塊卡夫芝士hea你，而係用幾種芝士煮出黎嘅芝士汁，即係個芝士汁嘅味道受份量已經值回票價，芝士濃郁但又唔會重味，唔會令喉嚨唔舒服。芝士份量多，夠你食哂個麵，正！抵食！肉醬薯泥嘅薯泥唔係開水，應該係自製嘅，因為食到有一絲絲薯仔，算好有誠意，肉醬又唔差，算係良心作。波波冰鎮紅豆珍珠奶茶嘅波波係指佢嘅冰係一粒奶茶波，唔會令你愈飲愈淡，抵讚。其餘味道就同普通奶茶一樣，其實冇咩分別。最正嘅係炸雞脾，外脆內滑，味道入味均勻，一D都唔"鞋"，正！(好過三多。)再沾D芝士汁，真係一試難忘。保齡球係烘麵包，上面個塊似多士，沾芝士好好食，下面個塊就因為要載炒飯，所以冧左，冇咁好食。保齡球入面嘅炒飯比較乾身同淡口，可能係為左配個芝士一齊食，咁就好正啦。如果你係芝士愛好者，佢俾嘅一大碗芝士一定唔夠你食，信我！用餐日期:3/3/2019是餐費用:$144味道:9/10環境:7/10性價比:9/10

呢間冰室懷舊得來有一種心態嘅感覺食物味道中規中矩 食物種類同款式都好新派適合年青人到訪一試。每次去到都人山人海都要搭枱。可想言之間餐廳都真係好受歡迎。尤其是係年青人

突然想念起老鳳冰室的黑松露炒蛋多士，就與男友放工後去吃晚餐！雖然餐廳晚市都有不少套餐，但老鳳冰室太多招牌，許多我都想encore，所以我們就索性單點！黑松露炒蛋多士($38)超好食，炒蛋份量極多，炒得非常嫩滑，還能見到蛋汁。黑松露亦下得慷慨，與炒蛋一起吃時，黑松露更令炒蛋味道更加提升有層次。多士也毫不馬虎，烘得香脆鬆化！整個配搭一起十分完美。蝦多士($38)不多地方可以吃到，男友一見到立即雙眼發光嚷著要點！我對蝦多士則又愛又恨，雖然香口，但實在太邪惡了！幸好這兒的蝦多士不算辜負我的肚，酥脆可口不會厚粉，如果蝦膠再多點就更好了。主菜點了芝士雞扒撈一丁($48)。雖然雞扒略嫌比較乾，芝士味道亦不夠濃，但偶爾去吃邪惡的芝士撈丁放肆一番確是很開心！哈哈！焗芝士海鮮飯($48)的海鮮種類頗多，有魷魚、蜆、蝦等。份量也很足，絕對飽肚。質素中規中矩，但因為我們很久沒有吃過了，所以還是非常滿足！

今晚肥妹仔放工同肥媽去咗深水埗一間搞鬼但帶有懷舊色彩嘅冰室食晚餐，一都去見到全場爆滿，睇嚟佢嘅食物質素都唔錯呀。醬王大蝦球撈一丁 ，牛油厚多士肥妹仔我叫咗一個大蝦球撈一丁，佢個醬汁係海鮮xo醬，每一條麵條都充分地沾上xo醬，唔會好單調，食落去微辣，好惹味。而佢嘅蝦球係好值得一讚，因為食落去非常爽口，唔似一啲好霉嘅雪藏貨色 。另外佢個牛油厚多士亦做得唔錯，烘得香脆，加上牛油好食。黑松露海皇炒飯肥媽就叫咗呢一個黑松露海皇炒飯，未食就咁上枱就聞到好大陣黑松露香味，真係好香，但係食落就比較淡味，肥妹仔我都加咗幾滴美極嚟食。佢嘅配料有蟹柳，蝦，魷魚等等海鮮配料， 炒飯炒到粒粒分明，不錯。飛仔華田呢一個飛仔華田幾好飲，因為佢除咗華田之外上面仲唧咗一大份忌廉。而最搞笑嘅係佢上面有一塊威化餅，望落去以為冇得食，就只可以睇，但原來都可以食嘅。熱奶茶

第一次幫襯老鳳冰室大概係三年前, 雖然地方峽窄, 但係懷舊式裝修加上懷舊金曲,  加上食品質素, 非繁忙時候都係一個 OK 既食野地方.三年來多次幫襯, 食品變化不大, 但係味道一直退步.今日再幫襯, 晚餐竟然有美式燒牛肋骨, 同餐廳主題顯然格格不入... 不過因為諗唔到食乜野, 所以叫黎試下...特式保齡球亦已經售馨, 因為已經係星期日晚上, 還可以接受, 叫返個普通焗豬扒飯返就算.飲品叫左一杯波波紅豆奶茶同忌廉鮮奶...燒牛肋骨味道還好, 份量較細, 以 $88 呢個價錢, 算係不過不失. 至於個焗豬扒飯就難食到不得了, 除左豬扒既雪藏味, 成個飯差不多係冇味既...而兩杯野飲, 奶茶係澀口, 忌廉鮮奶係怪味... 另外不得不提餐廳環境同衛生, D 懷舊式裝修已經開始殘舊, 四圍祗係越掛越多趕客標語, 例如叫人唔可以自己調位, 卡位叫人坐埋一邊等等... 衛生情況惡劣, 地下污糟一地都係垃圾, 餐具拎上手係笠手既... 佢果隻特色凍飲杯既杯邊起哂積... 隻杯都黐笠笠既... 整體黎講, 老鳳已經係一間連普通茶記都不如既茶記... 

好有懷舊feel既茶餐廳！不枉我排左十幾二十分鐘入座！值得！先叫左個小食-蜜焦雞翼可能係我食過最好食既雞翼！佢新鮮炸起，熱辣辣！外皮好脆，內裡好嫩滑！最正係佢個汁！甜甜地既蜜糖味，又有少少黑椒味，超香口，又好味！正！黎到一定要試！鮑魚絲米粉材料幾多，個湯有少少芝士味！唔錯米粉個餐係配埋黑松露炒蛋多士蛋炒得好嫩滑，加埋超香既黑松露味，簡值係絕配！焗安格絲牛腩堡齡球好大個！個包好脆口，有牛油味！點埋個芝士醬食好滿足！牛腩飯好香！佢個汁甜甜地，微辣，有啲好似xo醬甘。好好食！雪糕紅豆冰差不多每台都嗌，唔飲過都唔叫黎過老鳳！勁大杯！有三粒雪糕糯米糍，唔會好快融，有咬口。面頭仲有食得既米紙啤牌，成杯野好吸引！無論大小朋友一定好喜歡！好中意呢間餐廳，價錢唔貴，但食到好多特色同高質食物！呢一餐甘多野都只係164，抵食！

這天辦完一些事情來到深水埗逛街經過這間餐廳就發現很有懷舊風格耶所以就想試試這間餐廳🤭由於是晚飯時間 所以輪後的人會比較多等大約15分鐘就可以進去了餐牌很特別耶~ 是舊式信封的樣子✉·老鳳雞翼這個是滷水汁雞翼🤭 "燒雞翼我自細鍾意食"味道不錯耶 我很喜歡食雞翼·泰式蝦餅意想不到的驚喜耶~ 原來以為只有蝦餅上菜時發現還有沙律(沙拉)😋蝦餅鬆脆可口 另食一點沙律(沙拉)應該沒有這樣熱氣吧·黑松露炒蛋多士嘿嘿~看到這個是推介之一 所以我也決定一點黑松露炒蛋就聽聞得多 但食就是第一次耶👧份量也不惹小喔🤭 底下還有牛油多士·飛仔華田是吸睛打卡飲品📸 我也拍了好幾張🤭面頭還有脆脆在面 令到口感大增而且這杯飲品價錢也不貴另外店鋪還有不少的金句圖7的我一邊看一邊笑了出來意想不到的好笑 令人哈哈大笑😂😂😂😂

同朋友去開深水埗買電子野佢話想試下呢間 因為我之前食過 所以好快應承左黎食首先一定要點係華田暴龍！因為佢係明符其實既睇得又食得😂華田又唔會過甜朋友本來想試波波奶茶 但驚訓唔到覺所以就飲返正常既紅豆冰每次嚟都要點個蝦多士！因為除左大份夠飽抵食外 重點係每次都係即點即整 所以可以保留外脆內軟既口感🤤至於豬手 就第1次嗌 如果可以切埋會更佳😂薯條充料 豬手細隻但係幾多肉食！而且都黏黏地牙 算係性價比幾高

若果喜歡懷舊香港為主題的話這間餐廳我是非常推薦的不單止從裝潢設計都是舊香港的感覺芝士焗生炸雞脾保齡球一開始都不知道什麼是保齡球只是純粹的被它那個生炸雞比吸引到先說那炸雞脾我想比我的臉還要大這個炸脾不是有超多麵粉的那一種所以吃落去不會有成口粉的感覺外層脆皮內層嫩滑！而保齡球原來是用麵包皮把飯和芝士都放在裡面食法非常特別真的很像一個保齡球波波冰鎮奶茶冰鎮奶茶也算是這裏的特飲！光是外型已經和普通的奶茶不一樣店家將奶茶雪成雪糕球既能保持溫度 不會因為冰溶化令奶茶的味道變得淡真是一個聰明又方便的做法

呢間餐廳懷舊風勁強烈無論係裝修到菜單都係非常之有心機黑松露炒蛋多士必食推薦！黎茶餐廳點都要食佢既炒蛋，先知師傅手勢如何！炒滑蛋上面超多份量的黑松露未吃之前已經聞到很香的松露味完全的為這個炒蛋加了不少分但炒蛋本身最高價值的就是能夠將蛋炒至半生熟流心的口感 既嫩滑又香口！芝士雞翼撈一丁這裏的撈麵也很出名芝士撈丁最緊要的就是必須要趁熱吃勁rich的芝士淋在一丁上面每一啖的口感都充滿着芝士味道另外一個重點就是炸雞翼即叫即炸 咬落去脆卜卜勁滿足