良記餐廳(老鳳冰室) (已結業)

是日星期天的下午，我和男友在餐廳外排了20分鐘左右被安排了一張二人枱，餐廳面積不大，座位相對較逼，但可以接受。我們要求少甜，奶茶味道十分香濃且口感順滑，有奶香之餘卻不失茶的苦澀味，值得推薦黑松露味道適中不會過濃，但蛋略為過熟不夠滑，應要趁熱食。肉夾饃味道可以，但沒有太大驚喜。我們還點了安格斯牛腩炒河(忘了拍照😣)，炒河味道並非平時在茶餐廳點的那種港式炒河，男友略厭沒有鑊氣，我自己覺得炒河帶點肉醬意粉的味道(?)😂，雖然不是傳統的炒河，但我認為味道不錯。

前幾日約左朋友整完指甲，就去搵下深水埗食好西，深水埗有勁多茶記同冰室，花多眼亂。呢間冰室最特別係裝修，入去睇D裝修都OK架！飛仔華田-一開始飲就有D甜，但飲飲下D cream同華田mix埋就開始岩岩好，唔甜啦！佢cream上面插入個片啤牌係威化餅咁，但無味嘅。 但上面D穀物早餐好爽，咩口味都有，過癮！肉夾膜- 入面D肉燥好多汁同幾多肉粒，味道幾好，但包皮就可以薄少少比較好😂蝦多士-好欣賞佢有少少沙律做配菜，因為蝦多士南真係好熱氣。 但D多士入面唔係一隻隻蝦，係一大片蝦餅，食落去好開心，大大塊唔會勁多粉漿。

以懷舊做啅頭的冰室 佈置裝飾夠哂誠意餐牌上的菜式都玩味十足有點擔心過份著重啅頭而質素欠奉但食物飲品質素有驚喜喎其中一個餐廳名物 - 黑松露炒蛋多士 ($38)一上抬就已經聞到好香的黑松露而且賣相真係非常吸引 絕不馬虎炒蛋勁多成寸厚😳可以更炒得更細滑但絕對是合格之作上面鋪著自家黑松露醬 味道好香濃每啖都食到黑松露😋多士邊位烘得好脆波波奶茶($24)好正❗️其實等同冰鎮奶茶唔好以為得一粒奶茶冰做啅頭足足有4️⃣大粒‼️簡直變左食奶茶冰😂由於沒有普通冰溝淡奶茶 所以奶茶保持濃厚茶味香而且幾細滑 奶茶波波當冰食都好正😆簡直是夏天因物😍

呢日朋友話想食呢間, 我望都無望,心諗有咩咁巴閉要去食?去到係門口心諗咪又係咁, 點知一開門, 嘩!!!! 勁靚!!!全部都係懷舊香港做主題, 都係我鐘意既主題之一!!人好多, 但咁岩有個位, 樣樣野食都好吸引!! 講下我揀左既野先!1)蝦多士好香, 好full, 炸得幾好食, 而且呢個價錢真係算大方, 有咁多件!! 基本上我見台台都會嗌呢個! 大家不以試下, 不過都幾飽。2)台式滷肉飯佢個雞扒大到, 又係好厚肉唔係得炸粉, 炸到岩岩好超好食!! 3)芝士茄牛通+3.6牛乳炒蛋+薯茸呢個個薯茸又係超好食!!! 朋友搶左我一半囉。。。然後個芝士落左湯都好好味!!! 4)飛仔華田又係基本上大家都會嗌既產品之一, 不論老人家, 後生, 小朋友我都見到有人飲, 佢真係賣相幾靚既, 加上只係$14真係唔貴。野食樣樣都好好食!!! 一定會翻轉頭試埋其他, 好有質素!!! 另外環境係細, 但樣樣野乾淨企理, 服務態度都好好, 真心讚!!

三人一起放假去食午餐，突然想起有間懷舊香港冰室，所以一起去試試. 這裏的環境好有特色，室內有好多懷舊嘅海報例如李小龍，另外仲有懷舊嘅香港歌曲呢度啲嘢飲都好有特色，波波奶茶。但是呢度的服務就非常差, 我哋叫咗好多嘢食當我地食咗三個字之後我哋就停咗休息一下，呢個時間突然有個侍應過嚟問我地仲要唔要，咁我哋話:想食多陣唔想浪費食物。然後我哋再食咗一陣又停左下之後: 老闆娘就問我地仲要唔要因為出邊好多人排隊, 之後我哋又話想食多陣, 之後，咁我見出邊有好多人排隊， 所以我哋就出去買單，跟住個老闆娘執嘢嗰時候就大聲講（浪費食物）！ 擺明俾說話我聽，所以下次都少不免都冇黎到食野啦⋯⋯

如果要數到充滿香港味道的茶餐廳，深水埗的老鳳冰室絕對榜上有名。不論從外觀裝修、店內擺設、餐牌、牆上的黑白照片都很有香港的本土味道。連店內的音樂也是七八十年代廣東歌，今晚就聽到我很喜歡的陳百強《戀愛預告》，這些都是百聽不厭的經典金曲。今晚點了蝦多士，非常彈牙爽口，當然還有它的千島醬，完全是香脆可口。黑松露海鮮炒飯，廚師完全毫不手軟，炒飯好多黑松露，惹味十足，海鮮份量很多。飛仔華田，我只能用浮誇來形容它，張啤牌充滿驚喜，食左先知原來係威化餅，不過略嫌比較多cream，不過脆脆好味。老鳳冰室深水埗基隆街216號地鋪

之前同同事在此食過午飯，覺得食物頗為滋味，適逢約了朋友在深水埗食晚飯，便把這間冰室推薦給她。👍🏻没想到在深水埗食晚飯都要等位🥺，可見這間冰室的受歡迎程度。很簡單地點了三款食物，本來想點更多，被店舖姐姐制止，話我地會食唔晒。（事實確是如此）焗海鮮保齡球飯別具特色，焗海鮮飯竟藏於麵包內，把飯吃完麵包可再點芝士醬食。老鳳的芝士撈丁配任何餸一向都不錯，黑松露蛋多士都唔錯，想像一下黑松露、炒蛋、炸多士混合的滋味🧐......兩個人結帳每人約八十，價格合理，食物滋味。

今日同好朋友去長沙灣考試！同DSE同學仔同一日考試令我地感到好年青啊！當然，我地兩個天才型梗係pass咗啦～即刻搵地方食野慶祝下！黎到好高評價既老鳳冰室食早餐。入到黎裝修都幾用心，心情靚靚靚呀！放menu既位置係一個舊式信箱，幾有情懷啊。份menu仲係一封給自己既家信！SWEET！【叉燒煎蛋通】好普通的早餐。通粉係鏍絲形坑紋通，比較厚身，但煮既時間唔夠耐，好似熟得唔夠通透，有點兒硬。【炒蛋＋3.6牛乳肉醬薯蓉】炒蛋幾滑，唔錯，正常水準。但個薯蓉非常麻麻啦，無咩奶味，而且好粗顆粒，已經唔係特登留少少texture比你，而係無整過蓉咁。個肉醬都好普通，唔好食囉成件事，呢碟野只係加$10，但我想省返$10 :<【黑松露炒蛋蛋士】食返d呢到既名物啦。一上枱賣相係幾吸引，亦都好香。食落個蛋係okay，但個多士就好普通。【波波奶茶】我地兩個完全係為咗波波奶茶黎既。有三大粒波波，幾得意，但好睇唔好飲。佢奶味濃，茶底都唔錯，但好好好好好好甜。係飲多幾啖甜到條脷會唔舒服。但我諗應該無得少甜啦，因為d波波一早雪好晒。同埋d波波如果去到尾段你整碎佢飲既話都係會有碎冰既出現，會好難吸到d奶茶。總結，早

約咗同事收工一齊去深水埗黃金幫公司買嘢，順便一齊食個晚飯，平時我地比較少過深水埗食飯，見老鳳冰室嘅評語唔錯，一於去試吓。我哋七點鐘左右到步，啱啱好有位入唔使等，但之後已經開始有人喺門外等位排隊，好彩行快步😂餐廳裝修唔錯，以懷舊做主題，有好多特色嘅小裝飾，睇得出店主花咗唔少心機。Menu有圖最吸引😍✨肉夾饃 HKD$38肉汁香濃，帶少少辣味，食落非常惹味🤤✨XO醬蔥油雞扒撈一丁 HKD$48一丁煮得啱啱好，爽口彈牙，配XO醬絕對係一個冇得輸嘅配撘。雞扒外皮黃金香脆，肉質juicy，而且份量仲好多！伴碟嘅厚多士都好好食呀，好香牛油味又唔會過油，脆邊，包身軟綿綿👍🏻✨焗芝士海鮮飯 HKD$48即叫即焗嘅芝士海鮮飯，海鮮足料，鋪滿成個飯面👍🏻飯底係蛋炒飯。✨波波紅荳奶茶兩粒奶茶波波冰，就算溶咗都唔怕溝淡哂，紅荳夠腍，奶茶香醇，唔會過甜👍🏻✨雪糕紅荳冰外形霸氣😂仲有三粒雪米糍，煙韌好味，連張啤牌都食得㗎🃏

之前曾吃過的食物，為食豬們知道了說也想吃，終在今天夾到時間大家一起去吃，到達時仍未過下午茶時段。 流心西多士 + 跟熱飲 $28熱奶茶夠熱，味香濃，略薄，有少許茶澀味。外觀與普通西多士差不多，切開後便知味道確不同，有鹹蛋王的味道，甜中帶微鹹，最後(G)豬忍不住向待應查問，原來是奶黃加鹹蛋王混合而成的餡。 蝦多士 $38 + 波波紅豆奶茶(跟餐) +$16奶茶內的波波是薄冰片加奶茶再冰成的，奶茶少甜，略為蓋了點點紅豆的味，但紅豆食落甜甜 ; 蝦膠釀在麵包中去炸，麵包不感油膩，蝦膠QQ，可點醬(估計是蛋王醬) 吃，還伴了解膩的沙律。黑松露炒蛋厚多士 $38 + 懷舊雪糕紅豆冰(跟餐) +$16 上次已吃過，同樣是黑松露醬多，炒蛋半熟而嫩滑，麵包香口，(P & G)豬吃到了，他們還邊吃邊說下次可與另一半來試；紅豆冰甜味適中，他們試了薄片，糯米糍(剛好每人一粒) 及忌廉。

之前到訪老鳳冰室的新店，怎可能不到老店看看？今晚約朋友到位於深水埗的總店，由地鐵站沿北河街走過去幾分鐘，到基隆街轉左向街口處走便到，地點十分方便，整區也是充斥著唐樓，懷舊味更濃，怪不得這早已成為打咭點，原來此鋪裝修後至今已超過五年。七時許到，店內已坐冇虛席，幸好最入有「雅座」，剛好，想要點餐？很簡單，周圍看看牆上的佈置便知曉，還有是日套餐，款式多樣化。朋友想點波波奶茶，原來晚上已售罄，只有波波咖啡，下次要早點去，今次只好叫懷舊紅豆冰，超大粒紅豆，我點了飛仔華田，上枱時啊姐特意說啤牌是可吃的。晚餐要點豐富點，有焗芝士海鮮保齡球，超大份，整個麭也可吃，還要超鬆軟，海鮮絕不欺場，大大隻蝦有兩三隻，芝士又多又濃，超好味！芝士豬頸肉撈一丁，又是超多芝士，五、六片大塊豬頸肉，好味道，好抵食！最後加了肉醬焗薯泥，薯泥也夾著整件薯仔，有軟滑和𡁻口的口感，廚師心思十分細膩。豐富的晚餐，每人也不過一百元，超抵價！

放工返屋企途中見到呢間咁多人排隊既餐廳就知係好野，於是就入左去試下入到去先知原來係之前係葵芳試過既老鳯冰室，而呢間係深水埗既係元祖店。同其他分店一樣，冰室既佈置都係好精心，懷舊。雖然地方唔算大，但係店員都好細心同好有禮貌咁俾張椅我地放袋。👍🏻至於食物方面,我地今次就試下晚餐食佢既火腿通粉餐，仲有黑松露多炒蛋多士食添。我個肌友就叫左晚市既羊扒加芝麻意粉。首先最快到係火腿通粉。雖然通粉修為都有得食，但係呢度嘅通粉食得出係有啲唔同。佢用嘅湯底係金寶牛肉湯。湯裏邊仲加咗少少胡椒粉，食落好友牛肉嘅香味。而跟餐既黑松露炒蛋就真係比預期好味，蛋上面有好多松露醬，好動松露味，蛋都好滑！我個羊扒都好有驚喜。羊扒除左上面既bread crumbs之外，估佢唔到竟然有薄荷醬!!而且肉質唔會太過林或者un. 烚到好處。跟餐仲有個芝麻意粉同沙拉🥗，好健康!一啲都唔似88hkd!!好扺食！食到咁上下發覺唔係幾夠飽，所以叫多件炸脾肉醬薯泥。炸脾皮超脆，雞脾又夠多肉，加埋薯泥既texture真係好夾❤️所以呢，得閒過泥食個飯都幾開心

近排香港興懷舊，我都唔執輸😎，去試番間七十年代舊香港裝修既冰室，打打卡。冰室入面唔少海報、壁畫、射燈等都十分有味道。入到去睇到個menu發覺原來間餐廳啲食物都係比較新派啲唔太懷舊，但係最緊要都係食物質素。-✨芝士雞扒撈一丁配牛油厚多士 $48女朋友叫左呢款黎食。先講講個一丁，麵既質地太冧淥得太過耐，唔夠彈牙。再講講個芝士汁，連唔食芝士既我都覺得接受到，證明個芝士汁都冇乜芝士味，淨係得咸味🤨 其次塊雞扒真係非常非常之咸...係咸到完全食唔唔落口。個牛油厚多士冇乜特別，唔好食又唔會難食。-✨芝士牛肉濃茄湯通粉配牛乳炒蛋肉醬焗薯泥 $48雖然個通粉上碟果陣有大大塊芝士係面頭，但食落都係冇乜芝士味。蕃茄湯唔算好濃，甜酸既比例岩岩好，算係合格。炒蛋炒得有少少過熟、唔夠嫩。肉醬薯泥反而比較好食，甜甜酸酸咁好開胃，但肉醬入面好少肉粒，唔係好夠誠意。-✨飛仔華田 +$14其實係一杯普通凍華田，面頭有層忌廉加少少穀物早餐。最令我不解既係點解一杯凍華田面頭係落美祿穀物早餐果啲波波🤯，學麥記既阿華田雪糕咁加番啲機智豆會match啲，唔好又美祿波波又蜜糖星星咁好似亂砌杯特飲出黎-整體黎講，個人認為食物唔好食同

下午5點半，特登同朋友搭車來呢間野，出面落雨，所以冇乜生意，加埋我地得兩檯，但前台阿姐態度十分之唔友善，唔明係咪食錯藥，成副趕客款，講嘢悔氣，自問有講唔該，自己態度都十分友善，想話我地比錢來食嘢，唔係黎睇你黑口黑面，宜家冇錢比你，定咩先，有病就睇下精神科，做得咁唔開心就唔好做，食到成肚火氣，收錢又擺幅死人口面，我忍唔住同個阿姐講，其實你d態度唔使咁，我個語氣仲係好禮貌，跟住就出左門口，跟住我係門口聽到個阿姐係入面大聲鬧我地，又話咩都未話我，當時唔係有個BB同朋友係度，我真係會衝入去問，你想話我d咩，我比錢黎食嘢，又冇踩親你條尾，我有咩比你話，再講，你打開門做生意，咩態度，入面食嘢嘅人自然會見到到底係邊個邊個啱邊個錯，你咩態度而我又咩態度，呢d人一d教養都冇，又冇禮貌，聲大靠惡，以後都唔會再幫襯，簡直係香港之恥，飲食界敗類，唔同你計較唔同你吵，唔代表你贏，因為從心底裡睇唔起呢d咁冇質素嘅人，大家唔係一個層次食物方面，三個人嗌左個流心西多，BBQ雞翼，蝦多士好味，越式春卷，雞翼酸左d，其他食物還可以

老鳳冰室是一間裝修很有香港味的餐廳，位於深水埗基隆街。無論是門面，內裡的裝修，餐牌都富有懷舊和本土味道。我最愛是店內播首七八十年代的歌曲。雖然我不是七老八十，但這些金曲是耳熟能詳，百聽不厭。餐廳座位不多，比較狹窄。平日下午茶的時間幸好不算太多人，很快便找到位置坐下。下午茶餐的款式不算多，但價錢合理。今天點了兩份下午茶餐。首先係厚切餐蛋治($28烘底+ 2)。餐肉是勁厚切，蛋炒得很滑，方包也是厚切方包，這個餐蛋治份量相當豐富，而且味道不錯，非常抵食。　另外點了紅魔鬼雞扒包($28)。這個包都是很不錯。脆豬外脆內軟。雞扒厚厚的，煎得剛好，不會很乾和硬。雞扒加上了泰式酸辣醬，整個味道配搭得非常好。但因為小妹不愛吃辣，泰式酸辣略嫌有點辣，愛吃辣的朋友應該會很喜歡。雞扒包份量也是很大，除非你的口是相當大，否則應該不能一口吃掉這個包，分開一層層食會方便Ｄ。還有一個特別的地方，不像一般茶餐廳，這裡放在枱上的糖是方糖，而且放方糖的容器是一個寫著為人民服務的鐵杯，很有趣。餐廳裝修特別，價錢合理，食物質素不錯，想要懷舊香港味道，這裡是一個好推介！