良記餐廳(老鳳冰室) (已結業)

身為多年深水埗街坊，擁有很多資深飲食推介，有朋友問「良記餐廳(老鳳冰室)」有咩出名，我就話今晚得閒，我哋就去老鳳冰室食個靚飯。等朋友放工後我哋就去了開飯囉～ 茶餐廳裝修好有特色， 有舊式電影風格及80年代情懷， 餐牌好似用信封嘅形式十分特別。食物方便我哋就叫咗“ 韓式炸雞芝士保齡球”及“ 香蔥大蝦叉燒炒滑蛋飯”，飲品一定叫有特色嘅“ 波波冰鎮奶茶”及“ 飛仔華田”。先講韓式炸蝦芝士保齡球，炸雞真係好有韓國風味，個醬汁夠惹味香辣，炸雞外脆內軟，炸粉不算太多。而芝士保齡球其實係一個農夫包裏面裝住芝士， 麵包酥脆， 芝士汁鹹鹹地，味道不錯。香蔥大蝦叉燒炒滑蛋飯，份量十足， 雖然只得兩隻蝦但係叉燒食極都食唔完，炒滑蛋夠晒香。波波冰鎮奶茶， 用奶茶做冰粒，仲有三大粒，奶茶味愈飲愈香濃。至於飛仔華田，賣相吸引，華田味濃，加上cream後更香滑。