良記餐廳(老鳳冰室) (已結業)

深水埗除咗維記，新香園，合益泰之外，其實都仲有好多好好味既餐廳🤪🤪基隆街都有好多新餐廳，今次就試下呢間裝修幾懷舊幾得意既餐廳~芝士雞翼撈一丁 ($48) 啲芝士多到好誇張🙈🙈 鋪滿晒成個出前一丁！ 因為芝士凍得好快，所以趁佢熱仲係溶嘅時候就要食快啲啦！雞翼炸得好香脆，幾好味芝士牛肉濃茄湯通粉 ($48) 叫咗呢個通粉餐，仲跟埋呢個肉醬薯蓉同埋炒蛋，炒蛋係好滑重好重蛋香。通粉都唔差，牛肉份量好多亦都好鮮，湯都好濃好重蕃茄味🤩凍奶茶 (+$3) 跟餐會跟飲品，揀咗凍奶茶，都係港式奶茶嘅味道，但係覺得有少少太甜~ 另外一杯就揀咗熱檸水，解一解芝士既膩感😆