良記餐廳(老鳳冰室) (已結業)

有次去開深水埗，見到有一間餐廳叫做老鳳冰室，見到佢嘅裝修好懷舊，就入去試吓啦。見到佢嘅招牌芝士撈丁，就叫咗豬頸肉芝士撈丁同埋雞扒芝士撈丁，豬頸肉好鬆化，雞扒就好脆，一啲都唔淋，而個撈丁都好好食，好多芝士係上面。驚淨係食面唔夠飽，就叫多咗個黑松露炒蛋多士。個多士一嚟到就聞到好香黑松露味，好多黑松露醬喺上面，個蛋大到包住咗個多士，好邪惡丫！除咗嘢食，我哋仲嗌多咗個嘢飲，個名好得意嘅，叫飛仔華田。上面有cream，蜜糖星星，美綠波波球同一張印有公司logo嘅朱古力啤牌，味道都唔錯，幾夾。呢間冰室整體都唔錯，有機會可以再嚟食過！