良記餐廳(老鳳冰室) (已結業)

呢排加班加到想死 都冇咩心情食野 今晚放左工之後就諗住去食個茶記就算 咁啱個fd打黎話係深水埗收工 順便一齊食個dinner當得兩個人個陣你話食咩好 就緊係去食老鳳冰室 ***一坐底就聽到懷舊金曲 好有香港嘅味道我地兩個人叫左個焗茄茸豬扒保齡球同焗安格斯牛腩飯 其實保齡球就係麵包 麵包入面就係茄汁豬扒菠蘿飯 好多芝士好邪惡而個牛腩就好軟唔韌 對女仔黎講份量係足夠啱啱好 ***最驚喜係原味波波冰鎮奶茶 奶茶味濃郁 而且飲到最後冰都未完 至於杯飛仔華田 上面有忌廉同朱古力波波脆 好有童年回憶