良記餐廳(老鳳冰室) (已結業)

呢日放工又同男友去左深水埗睇玩具,然後我地去左一間好有特式嘅冰室食晚餐。佢D裝修真係好花心思的~每個角落都有用心佈置過。成餐飯一邊食, 我對眼都一直在發掘一直在欣賞。食物方面, 佢都好多特式野~我地就叫左幾樣來試~鮮菠蘿特飲 ($24)個底似fruit punch,加上新鮮菠蘿黑松露炒蛋多士 ($38)勁大堆頭! d炒蛋滿到瀉!!!炒蛋滑, 黑松露味香~肉夾饃 ($38)完全估唔到冰室入面會有呢樣食!!!好食! 好惹味! 個包皮又夠軟熟~生炸雞脾焗薯泥 ($38)焗芝士海鮮保齡球 ($68)保齡球其實係農夫包~芝士同海鮮幾乎滿瀉~海鮮下面係炒飯底來~個包好脆, 點埋個芝士醬食, 正!總括, 裝修同菜式都夠晒特式,令都市人可以享受有新鮮感的一餐!

今天行山路線終點在大埔道，乘車往深水埗，在體育館洗個臉後就找地方吃晚餐，體育館那條街很多食店，看到老鳳冰室幾特別，在門外看過menu覺得幾吸引，就進去試試，入到餐廳被那些懷舊裝飾及物品吸引著，坐低點好餐就急不及待四圍拍照，幸好我們到達時間尚早，拍過照後其他座位已坐滿了食客。我們點了兩份晚餐，奉送例湯，另加錢有飲品，飲品有多款選擇，而且很有特色，很多懷舊之選，上餐速度極之快。日式豬骨濃湯海鮮手打烏冬$58很足料，海鮮有青口，魷魚，魚塊，蝦，蟹柳，另有生菜，紫菜，粟米粒，烏冬柔靱度剛好，又彈牙，海鮮很入味，紫菜是厚身的，很有咬口。紅豆冰 餐加$16大大杯，杯子很特別很美，紅豆是起沙的😋紅酒炆牛腩飯 $58味道帶點酸酸的，很醒胃，牛腩丶紅蘿蔔和薯仔都非常入味😋青檸梳打 餐加$12朋友點的，飲品用上同款玻璃杯，這個帶點青色沉底，上半部透明，賣相吸引例湯是菜干豬骨湯非常香濃足料，難得不是中式餐廳或酒樓也這麼花心機炮製例湯👍特別的裝飾加美味的食物飲品，價錢又合理，滿足的一餐。

今日放左工就同男友一時興起之撐下枱腳 先去黃金行下電腦野 。再接下來就係去醫肚喇！ 男朋友話要帶我去試下d新野喎。。行左成十幾分鐘先去到間餐廳 （最後我發現左其實有路係近好多） 一入到去 餐廳係勁驚喜！ 有old school 音樂 又有old school 裝飾 真係好似去左80年代咁！講番食物 芝士麵係略略唔夠汁 但味道係okay既 ！ 蜜焦薯仔牛肉有驚喜 整個飯都好好味 最後係個蝦多士！ 蝦膠成吋厚！仲炸到脆卜卜 十分滋味！最後係個飲品 我地一pair人飲左一pair飛仔飛女 有cream係上面之餘仲有脆粒 非常非常之飽 ！ 其實有少少甜 唔係好甜既人士留意番anyway ， 食飽飽就搭車番歸 亦都比呢間茶記一個like 有heart味道都好好 會去再食

今日嚟深水埗續車牌，既然一場嚟到深水埗當然要行下街，其實我都幾鍾意呢個地方，呢度可以感受下香港嘅人情味行下行下，其實周圍都係食市，要揾一間坐低都真係幾困難，咁啱行到呢間餐廳門口，見到d食物又幾吸引，睇埋個招牌又好特別，好似d舊式院線咁，其實我真係好鍾意以前嘅年代，因為未經歷過，成日都好想體驗下感受下點知入到去鋪頭真係超驚喜，佢嘅設計係70年代咁，真係好似睇緊電視咁，好特別我欣賞完一輪先捨得叫食物點知驚喜一浪接一浪開頭唔覺有餐牌㗎，原來每張枱側邊都有個信箱，信箱內就放咗餐牌最特別就係個信箱用布製，但出嚟個效果好似真嘅信箱一樣餐牌就好似一封信咁，勁搞鬼見到餐牌真係樣樣都想食，可惜我哋得2個人2個胃，唔可以樣樣都食，唯有食自己最想食㗎啦芝士豬頸肉撈一丁配多士多士係勁厚身，唔係普通麵包嗰啲多士配上牛油，又焗得好鬆脆，普通一個多士都咁用心制作芝士好濃郁，撈後感覺唔會太杰，豬頸肉有6塊咁多，用料好充足安格斯牛腩撈一丁配多士牛腩好惹味，牛腩肉質鮮嫩，撈丁一流唔好話撈丁，呢個牛腩撈飯都真係超夾真係食過番尋味黑松露炒蛋多士好特別呀，好少係茶餐廳食到黑松露黑松露好香，仲要超超超多原來黑松露配炒蛋咁夾，再加

琴日雙11，點零鐘去左葵芳一間新開張無耐叫老鳳冰室食野，深水埗都有一間，最近係葵芳開分店，我同另一半就去試下，去到見到都多人等緊，咁我地拎左張飛好快可以入去，入到去正常睇下有咩食，茶餐廳大約都係果D野，咁見到佢有撈丁，其中想食既都有芝士，咁有個芝士豬扒撈一丁，就問樓面走唔走得芝士啦，佢話可以呀，然後另一半叫左個芝士蕃茄鮮牛肉通粉+肉醬薯蓉炒蛋(餐來的)都係走芝士既，叫埋餐飲凍檸茶同一杯特飲飲品飛仔華田，等左好耐，見到坐低既好多人都係渡等同追D野食未到，隔離搭台位街坊都追左幾次，我地一路等，另一半仲笑笑口話算啦，佢岩岩開張係咁架喇，等下，終於等到野飲。凍檸茶一飲比甜到爆，特飲華田OK的，我地一路飲一路等，隔離位人兄仲追緊，再隔離隔離又追，大家都你眼望我眼等d野食來，廚房直頭叫樓面唔好放人入來(有位都唔好入來先)，因為搞唔店做唔切，眼見咁我地都耐心等，但一等等左8個字，真係唔對路，我地出聲追，佢就話出緊等多陣，10分鐘後，另一半個肉醬薯蓉炒蛋先到，我地一齊食左兩淡，好一般唔係熱辣辣係暖，再等多10分鐘，終於我叫既豬扒撈丁出現了，但一望依，有芝士既，咁我就同佢講，唔好意思呀，我走左芝士架，張

成日經過老鳳餐廳不過附近食肆眾多一直無機會試... 加上位於街巿附近諗住都係普通茶記姐! 今日先知原來入面玩味十足, 近期似乎都流行依類型餐廳咁 ..看得岀有用心佈置雖然有午巿套餐, 但見名物似乎係黑松露炒蛋多士$38, 所以選擇散叫加一份老鳳雞翼$38蛋炒得好嫩滑, 多士烘得恰到好處, 不過略嫌黑松露唔夠香... 而老鳳雞翼原來係瑞士汁加幾片辣椒, 雞翼size都算大, 味道唔錯 有五定六隻對得住個價錢~一個人胃口有限, 下次好想試埋其他 «土砲小食»

宜家好多餐廳都鍾意玩懷舊，在深水埗都搵到間少有玩懷舊特式的茶餐廳。一入到餐廳已經聽到阿媽阿爸年代播的歌，牆上掛了好多懷舊壁畫同相。地方不算大，但勝在比一般茶餐廳乾淨企理，員工都特別nice。餐牌是用一個信封設計，並放於舊式的信箱內，幾特別，更有懷舊感覺。餐廳除了一些平時茶餐廳菜式外，更設有自己獨有特別的菜式，菜式名還很攪鬼的。今晚我們點了出名的蝦多士，將蝦膠跟麵包一齊炸到脆卜卜，蝦膠份量並不少，見到蝦膠有一定的厚度，配上千島醬同沙律，好味。主食點了一個晚餐燒春雞配沙律，晚餐更配有餐湯。春雞燒得嫩滑，切開還有肉汁流出，好欣賞他們的自制燒汁。鍾意他們的生果沙律不會有過多的沙律醬，讚!還用木板盛好上枱，平時茶餐廳少見的，令整件事高級了，讚!另外加$16 就可以點一杯特式飲品，我們要了懷舊雪糕紅豆冰。這裡的雪糕紅豆冰大大杯，賣相相當吸睛，雪糕是用雪糕糯米滋來代替雪糕球。還插上一隻用威化餅造成，並印有餐廳名的啤牌，好呃like呀!紅豆大大粒，夠淋身，又不會過甜，好飲。

我好少經過深水埗,但咁啱電腦壞咗,所以特登去黃金睇電腦,揀咗一輪之後終於買咗,放下心頭大石之後,就覺得好肚餓,所以立即搵嘢食!!深水埗出名多嘢食,三心兩意咗好耐!!最後我哋決定試下人氣幾高的老鳳冰室!!冰室入面充滿著昔日香港嘅特色,牆上有好多懷舊嘅壁畫,天花吊住舊時既招牌,餐牌做成以前既郵件放在”郵箱”內,更有一d由冰室創作嘅字句,放在當年的廣告海報上,令老一輩見過的,相信都會會心微笑! 打開餐牌都有幾多選擇!!諗左一陣我地決定簡<蜜焦雞翼>,<台式肉燥鹽酥雞扒飯>, <焗芝士海鮮保齡球>同<雜果賓治>!!<蜜椒雞翼> 首先來到,熱辣辣出曬煙!仲香噴噴!雞翼充滿著黑椒汁味道,加埋蜜糖食真係好好味!!配搭非常好!<台式肉燥鹽酥雞扒飯> 鹽酥雞好入味又乾身!! 雖然炸粉落得多咗少少但炸得幾香口,外皮好脆,雞肉都好滑,味道不錯!<焗芝士海鮮保齡球> 保齡球係一個好大個脆脆地既大圓形法包,中間挖開左,裡面放左海鮮和飯,再加埋芝士醬,應該味道不錯,可惜保齡球內的白汁唔多,海鮮無乜味咁,

老鳳冰室遠近馳名，聽就聽得多，食就真係第一次中午黎到吾洗等位，直接入去坐餐廳裝修得好有特色，滿滿懷舊感料理農務～ 香港人一睇就明佢玩緊咩諧音遊戲下面列出左9款老鳳出名既食物牆壁掛既圖畫、照片，亦富有香港舊式餐室既味道今次點左最出名既黑松露炒蛋多士 （$38）一上台就聞到陣陣黑松露獨有既香味 （即係煤炭味 ) 蛋味香濃、口感順滑 多士亦烘得非常鬆脆，讚 注意 ⚠️黑松露炒蛋多士只有單點係好食 有好幾次去食早餐，跟餐既黑松露炒蛋多士係非常難食如果單點係10分，跟餐既版本只有1分千萬千萬要注意 下面係難食既版本重有芝士豬頸肉撈丁 芝士味濃，配埋出前一丁簡直係完美組合，肥就肥啦再黎安格斯牛腩保齡球外面既面包焗得非常鬆脆，裡面既牛腩入味又吾韌 旁邊既芝士汁同芝士豬頸肉撈丁既芝士汁係一樣既不過感覺上有冇個汁都一樣，本身入面個焗飯就夠味，可以吾需要個額外芝士汁美好既事物一定要留到最後細味各位觀眾...懷！舊！雪！糕！紅！豆！冰！呢杯野真係不得了，睇上面 D 忌廉就知飲完肯定肥十磅但加左忌廉既紅豆冰又真係寧舍順滑D取代左普通茶記直接加一球雪糕上紅豆冰到既傳統，老鳳冰室既雪糕以雪糕糯米滋代替，甘樣一來，

是日接男友收工，適逢要到深水埗買一些東西，所以選擇了老鳳冰室。室內裝潢充滿懷舊風味，當時餐牌跟食物都是主打懷舊港式情懷。男友點的是芝士豬頸肉撈面，豬頸肉大大塊，有咬口，芝士香濃，是一個濃味的選擇，但不會過鹹。飲料是波波奶茶，茶味濃郁，而且冰塊都是用奶茶雪成，所以整杯飲品味道不會因為冰塊而變淡。而我點的是雪菜雞翼上海面，雞翼是瑞士雞翼，雪菜一向都是我喜愛的配菜，所以這個面食都是我的大愛。上海面偏軟身，湯頭濃厚，略鹹，但配面吃，我個人覺得還可以接受。另外面餐有跟配多士，炒蛋和紅腸。紅腸是正常，炒蛋都頗滑，多士大讚，外脆內軟，配上牛油香口，較一般茶餐廳出色。飲品是飛仔華田，只是飛仔的味道有啲像白泡膠感覺，但華田加cream真的終極邪惡，令人沒有抵抗力，不過怕甜的人們可能會覺得太甜，始終是味道偏濃。綜觀這頓午餐都是偏濃味，不過是可以接受的。假如有天想讓味蕾感受較深，是推薦的。

老鳯冰室帶外國來的友人到這間老鳯冰室，哇，很有特色的冰室。播著懷舊歌，係周星馳劇的歌，裝修有中國特色cross over 香港特色，體驗了老闆的心思。叫了幾分不同的東西。芝士豬頸肉撈一可，芝士味好重，豬勁肉微炸小脆。蜜焦雞翼好特別， 挾起蜜糖是拉絲的感覺，甜甜好易入口。黑松露炒蛋強推，個多士炸到好脆，無死角咁nil 到都好脆，香港好小茶餐廳食到。脆玉瓜好多蒜蓉，一上碟就好香，幾分鍾讓我們瓜分了。蝦多士人叫我又試叫，有香港本地特色。食到差不多，上了一個冰鎮奶茶，入面個冰球也是奶茶，好有奶茶味，溶冰都不稀。最後叫了個紅豆沙，上面很多cream,還有三款不同味的monchi.完全掋食，又多選擇。有朋友自遠方來就帶佢地黎，仲要價錢便宜。

與朋友在附近經過，所以決定來老鳳冰室試試我們約7:30來到，已經坐滿了人等了一陣才有位我們點了一份黑松露炒蛋多士炒蛋炒得十分香滑，上面再加上黑松露醬黑松露與炒蛋的味道十分配合多士也焗的很香脆我們又點了一份蜜焦雞翼蜜焦雞翼原來是指蜜糖及焦糖所焗出的雞翼焦糖味十分濃郁，加上蜜糖，十分滋味我們又點了一份芝士豬頸肉撈一丁芝士十分濃郁，豬頸肉也不會太肥，加上我至愛的撈麵，吃得我津津樂道我們又點了一份蝦多士。蝦多士有8塊，炸得十分厚身及香脆，點上沙律醬十分好吃難得香港還有這間特色得冰廳，而且食物出色，價錢十分親民，下次一定會再來試試其他食物

環境：比較細小，比一般茶歺廳乾淨少少。食物：芝士蕃茄牛麵芝士和蕃茄味OK, 芝士吾太「溜」牛同麵份量不算多。熱飲似暖飲，吾熱既。但勝左夠大杯D碎肉好味。有D辣椒。個包差到爆，我估係翻叮，硬到咬吾！似有特式，但比較dirty 多dust. 有螞蟻早歺menu

兩個人6:30到唔洗等就有位坐,一坐低就比佢既裝修吸引眼球 懷舊信箱料理打油詩等等野飲方面D名就好得意~我叫左一杯原味波波奶茶,好重奶味好好好味,之後飲到錦上下粒波波冰溶左變沙冰,一流!朋友就叫左紅豆冰,上面個三粒原來係雪米糍,口感QQCREA< 好滑同其他料好甲!叫個定蜜焦雞翼做前菜,煎得好脆口,蜜糖都幾重手,加埋黑淑汁又中和到甜味WO~兩者加埋又有化學作用依個係主菜,佢叫牛腩保齡球,係一個好脆既包包住D牛腩飯,幾特別!牛腩好淋好入味。另外食食下可以整個包邊點點佢既CHEESE 汁,唔利~好味!不過係兩者加埋可能會有點太飽整體用餐經驗係好好,員工態度有善,有問題又會主動答你,態度100分!

熊妹今日忽然間好想食黑松露炒蛋多士🍴，一定係非《老鳳冰室》莫屬！熊妹以前曾經同木子同學👭食過，評價係超好味，所以係可以encore無限次，回味無窮。原來《老鳳》轉左地鋪喎，之前熊妹去係近西九個頭，而家係轉左去基隆街216號，盞熊妹仲以為好威威咁識路帶熊大去，點知係深水埗走了個大圈，哈哈。晚上九點黎到，仲係人頭爆滿，剛剛好有張對住電視機📺二人枱👫，唔錯。裝潢好特別，懷舊冰室但用著新潮的復古掛飾怖置，一點都不古舊，非常吸睛👀，實屬打卡👣之選！每個卡位都吊掛著一個布型信箱📮，郵寄地址屬於昔日香港不同著名的地方，熊大熊妹今日就黎到中環荷李活道大酒店🏨。而呢個信箱📬入面有兩封信📨，係寄俾該枱卡位的食客架！打開兩封信，原來係精心製作的《老鳳》餐牌，好有心思呀！雖然係復古冰室，但食物完全唔普通，係主打新潮食物的茶式飲料，好似黑松露炒蛋多士，芝士豬頸肉撈丁，🦐蝦多士，懷舊雪糕紅豆冰🍹等等，簡單材料做出特別菜式，難怪深受年青人歡迎，主力打造年青人巿場，老闆真有生意頭腦🧠，主題夠gimmick, 年輕人又會肯花費。💰黑松露炒蛋多士，$38熊妹一心黎食的黑松露炒蛋多士，如圖一樣的份量，絕無欺場！炒蛋🥚份量真