胡爐 (已結業)

打邊爐一直係香港人約朋友食飯嘅最佳選擇，一來可以食住等唔使等齊先有得食，二來食嘅時間又可以耐啲，傾吓計熱住食，係相當唔錯嘅，早年曾經輕起抵食夾大件，百零蚊放題任食火鍋，但質素當然比較參差。近年開始興起一啲新派火鍋，加上麻辣火鍋嘅入侵，依家都偏向一啲中高檔次，裝修比較美觀，加上食物質素提高唔少，再配合靚靚嘅擺盆同埋特色嘅火鍋湯底，所以呢個潮流一直都延續落去。就好似今晚我哋食嘅依家胡爐，位於尖沙咀厚福街嘅著名食物大廈，呢度地方雖然唔算大，但係裝修都幾別緻，晚飯時段基本上係座無虛席，我哋一早book咗位，所以好快已經可以入座。我哋揀咗佢哋嘅四格特色湯底，包括有沙嗲、芫荽皮蛋、番茄同埋麻辣，都係香港人最愛嘅幾款湯底。湯底裡面仲有豬皮、支竹、皮蛋、豆腐、牛腩同豬紅等，一滾起已經食得。沙嗲湯底夠香濃，芫荽皮蛋直程可以當湯飲，番茄酸酸甜甜，味道實在唔會假，麻辣得來比較溫和，就算唔食辣嘅朋友都食得到配料方面想食得靜啲所以就點左飛驒和牛肉眼A5，和牛係有特別唔同嘅肉質，嫩滑，夠諗又有牛味，油脂分布平均，一入口即刻融化，貴啲都有價值牛汁芝士丸 半份有四粒，呢個真係有驚喜，裏面嘅芝士係爆漿，再加埋濃烈嘅牛雜

有時候打邊爐嘅腳都好緊要，因為大家想食嘅湯底都唔同，今次朋友A話想食麻辣，朋友B又話要食蕃茄湯底，朋友C話喉嚨痛想食清清地，於是立即諗起四色湯底，咁就可以滿足晒大家嘅喜好皮蛋芫荽湯底內有滑滑嘅豆腐，降火嘅皮蛋，淡淡的芫荽香味，不是太濃沙嗲湯底內有大大塊支竹同軟滑嘅豬皮蕃茄湯底內有濃濃嘅牛腩同薯仔麻辣湯底內有爽口嘅朱紅同豬皮呢度個炸魚皮，係必吃之選，唔使浸湯，就咁食都好好味頂級霜降牛柳粒，食得出係高品質,就算滾好耐，都唔會靱，油脂分布均勻，入口濃郁牛味蟹子蝦丸，一咬落口好香蝦味，蟹子充斥着整粒蝦丸，咬落卜卜脆的，好過癮西班牙黑毛豬豚肉，淡淡豚肉味，口感不錯菜心苗，青綠新鮮，放落蕃茄湯底，更加鮮甜近排喜歡上萵筍這食物，爽口清甜，營養價值又高冰豆腐，放入麻辣湯底，吸收湯嘅精華，太好味！唔食辣嘅就放番茄湯底，食落依然保留豆香味

估唔到識左咁多年嘅朋友決定要移民，心情好忐忑，今晚我地就揀左喺尖沙咀嘅胡爐farewell，諗住同佢食餐好野。一早訂左位，因為知道佢位置唔算好多加上好受歡迎。準時八點鐘到，安排左喺房間位，餐廳裝潢都有少少中國風，幾企理，座位唔算好密麻，而店員招呼非常好。我地都肚餓，好快就落左單首先點左個胡爐四格鍋，一個鍋有齊四種滋味，包括：清湯（芫茜皮蛋）、麻辣、沙嗲、蕃茄，好豐富，啱哂鐘意重口味嘅我同唔鐘意食辣嘅朋友鍋底好快上枱，鍋入面都有少量配料，例如麻辣鍋入面有豬皮，鴨血，辣椒，幾入味嘅，少少鹹，唔會話辣到嗆喉，好溫和。而蕃茄湯入面仲有牛腩，炆得好腍身，足料。沙嗲味道都濃郁，整體比我上次食某一間火鍋店嘅四格鍋有誠意D。然後點左一札菊花蜜，因為我最近好熱氣，仲生緊飛滋，菊花蜜好清，唔會好甜，夠哂天然下火。配料方面我地點左貴少少嘅飛驒和牛肉眼，小份，雖然價格就貴D，但同食本地牛啊、牛頸脊係完全唔一樣嘅享受。一份大概十片，可以見到D脂肪好平均，輕輕淥一淥食得，入口滑溜到不得了，一D都唔鞋，仲好有肉香黃金墨魚丸小份四粒，入面嘅鹹蛋黃又幾香，唔會好硬，而粒墨魚丸本身都仲幾爽彈！牛汁芝士丸值得試，牛丸好堅實

今日同男朋友出尖沙咀行街拍拖，打邊爐一向系我最愛，所以book左胡爐食。我地叫左個胡爐四格鍋，貪佢打邊爐最基本嘅四個味道都有齊，我就比較鍾意蕃茄牛腩同埋清湯湯底，你以為佢清湯真係咩都冇？其實係皮蛋芫荽湯底嚟㗎！有我最鍾意非常爽口清甜嘅馬蹄，同埋滑脫脫嘅豆腐！我男朋友就係鍾意沙嗲辣湯底，絕對正宗啊！因為我地系無肉不歡，叫左胡爐牛拼盆。我最鍾意就係佢非常爽口既牛舌心，仲有佢點煮都唔會老嘅牛頸脊！呢個拼盤真係必點！零缺點！ 霜降牛粒真系好濃郁嘅牛肉味，又juicy!食完簡直齒夾留香！仲叫左西班牙黑毛豬豚肉，果然系物超所值，非常美味，口感十足！最後當然都叫咗個豆苗，平衡返啖啖肉嘅滋味！總括來說，我會叫埋我屋企人再黎食！

天氣突然轉冷，又係想去打邊，於是相約幾位好友一起去刷餐勁，朋友提議去胡爐，一出lift 已經見到牆壁貼滿介紹海報，相信水準都唔差朋友提議叫一個四色湯底，咁就可以一次過試唔同嘅味道， 四色湯底係皮蛋芫荽湯底,沙嗲湯底，蕃茄湯底，麻辣湯底，各款湯底裏邊都有一些配料，湯底頗濃郁，其實都唔需要點豉油至於食物方面，叫左泰式生蝦，蝦大隻，咬落爽口，精髓在於泰式醬，點上後更加好味頂級霜降牛柳粒，一睇牛柳粒嘅紋理咁靚，就知係好貨，入口除左濃厚牛香，牛脂充滿口腔，好正黑松露墨魚丸，一咬落口一股黑松露獨有氣味充值口腔，墨魚丸彈牙西班牙黑毛豬豚肉，塊塊紋理均勻，食落唔韌，口感不錯新鮮黑牛柏葉，侍應細心說明只需淥10秒就可以，果然爽口彈牙貴妃蚌，放入芫荽皮蛋湯底淥一陣，鮮甜爽口呢間餐廳裝修格調好有中國風，坐得舒服，待應態度好，值得再幫襯

尖沙咀既打邊爐，唔去胡爐食真系唔得！佢地服務一流，侍應招待熱情有禮，對食材都好有了解，對於牛胸爽要灼幾耐都會溫馨提示一下，環境舒適，好岩一大班好朋友聚餐。今次點左胡爐四格鍋，有非常清甜既蕃茄牛腩同埋清湯湯底，仲有沙嗲同麻辣湯底，每款湯底入面都有對應嘅餸菜，落足料呀！首先叫咗個手打蝦滑，真係非常爽口彈牙，佢上面仲擺咗一啲蟹子粒，增加左蝦滑既鮮甜度。仲叫左個鮮甜花甲，先唔講佢真系完全冇沙又鮮甜，個侍應仲話如果有邊粒冇開可以比佢地換過新，哇真系好貼心呀！結果緊系粒粒都開啦！話明鮮甜架嘛！我地仲叫左佢個胡爐牛拼盆，每款牛既部分都好好食，難分高下，要嫩既嫩，要爽口就爽口，簡直冇野彈！我下次一定會再嚟！

想在繁忙的尖沙咀區，找一間上樓又舒適的吃一頓晚餐，昨晚我們選擇了最近火紅的火鍋店 - 胡爐。餐廳帶點日式的裝修風格，七點半入座都已經人山人海了。既然是特式的火鍋店，當然要試試各款推介的湯底。大部分的湯底都可以雙拼，但我們兩個人都比較貪心，決定要"胡爐四格鍋" - 包括了清湯，沙嗲，蕃茄牛腩和麻辣。湯料都很足料，大大舊牛腩！火鍋的主菜一定是牛啊！先來一份"胡爐牛拼盆" - 包括了 牛舌芯，本地牛，牛頸脊，霜降牛粒和牛胸爽。份量很多，足夠兩個人享用！在其他餐廳比較少見的牛胸爽和牛舌芯是我第一次食到，口感都很有特別！牛頸脊是一如以往的好味！霜降牛粒入口即溶，不得了！本地牛的香味很濃郁，啖啖肉！無論是襯搭清湯或沙嗲都很鮮甜！要重點介紹一下他們的自家制炸響鈴，是新鮮熱呼呼出來的！size 比次紙筒還要大！見到已經覺得飽！很脆很脆！其他特式的食物有：XO 鮑魚蝦餃皇，黑松露蟹肉餃和黑松露墨魚丸。XO 鮑魚蝦餃皇： 大大粒鮑魚肉和鮮蝦，誠意十足！黑松露蟹肉餃：一口咬下去，黑松露味道很濃！香氣四溢，是鮮蟹肉，不是蟹棒肉！朋友最喜歡這個！黑松露墨魚丸：手打墨魚丸很彈牙，不會覺得太粉也沒有雪味！高分！餐牌

呢間胡爐真係不得了，食過一次之後，成日有條癮，好想再去食。睇睇下原來威龍集團兩兄弟都有嚟食，仲有私伙嘅酒，龍力王+龍力士。下次同佢地食飯叫佢地再開一支。一如以往，坐位寬敞，鬆動，舒服，服務員仲會好貼心咁會套住掛係靠背嘅衫同袋，以免整污糟。餐具都係配搭d宮廷風格。菜牌，好多選擇，應有盡有。今次點咗四格鍋，有麻辣，沙爹，番茄，芫茜，4種口味。雜菌拼盤，量大，足料。黑松露墨丸，食過翻唔到轉頭，口感味道都無與倫比。芝士腸，突然想食，正常品質。黑牛百葉，無漂白，更天然，好爽脆，叫我地烚8-10秒，確實令佢爽而不韌。牛肉拼盤，大大碟，有肥牛，牛肉燈，牛舌，牛胸爽。都好滑，油脂又夠。非常出色。胡爐一次都無令人失望

2019年1月13日。晴。尖沙咀。之前就已經食過醉胡爐，呢次就試下胡爐，睇下有咩唔同餐廳喺厚福街街尾嘅大廈，再上16樓舖面唔大，但都算舒服，而且裝修幾骨子，典雅風～嘢食都係寫紙落單，食材非常多選擇，寫滿兩版，可以慢慢研究～胡爐四格鍋，$198四個人打邊爐，有四種口味，咁嗌呢個四格鍋就最啱啦～有清湯、沙嗲、蕃茄牛腩同麻辣，各有特色～比較鍾意清湯（芫茜皮蛋）嘅簡單同蕃茄牛腩嘅酸爽～酸梅柑桔蜜，$68酸甜可口，最適合打邊爐飲～可以下火生津～新鮮黑牛栢葉，$68友人最愛～上枱嘅時候店員會教埋要淥幾耐呢個淥8-10秒就食得～果然爽脆～芝士腸，$48另一友人最愛，墊底嘅菜都唔少，可以淥埋來食～雜菌拼盤，$68黑松露墨魚丸，$98雜菌拼盤份量唔少，好建議擺落蕃茄牛腩湯淥，嗦咗蕃茄湯之後將味道昇華，令菇類更鮮味黑松露墨魚丸係必點之選，之前醉胡爐食過就念念不忘，墨魚丸彈牙，黑松露味道香濃～胡爐牛拼盤，$398有好多唔同嘅部位：牛舌芯、本地牛、牛頸脊、霜降牛粒、牛胸爽最鍾意霜降牛粒，牛味濃郁～另外牛胸爽（白色嗰啲）亦好特別，店員有專登提醒只需要淥8-10秒，淥完之後會變得晶瑩剔透，食落的確同個名一樣，好爽

新年前，同朋友聚一聚，大家一致認同冬天要去打打邊爐，所以揀左間質素靚少少既餐廳。我地一行4人，因為位置有限，我覺得枱與枱之間有點迫，坐得不太舒服，如果2個人坐一張可能會好少少。朋友怕太燥，所以揀左個清清地既湯底《卜卜蜆鮮蟹魚湯鍋》，職員叫我地未食之前先飲佢個湯，真係好清好甜，尤其個蟹好多肉同新鮮，我地冇揀錯。值得推介食物︰手切牛頸脊、冰豆腐、黑松露蟹肉餃、龍躉片手切牛頸脊真係有牛肉味，而且份量算多，大家都好滿意。冰豆腐吸左個湯，真係冇得輸。龍躉片厚實，味道鮮甜。整體價錢合理，食物質素都對得住個價錢，如果下次有機會都會再想試試其他湯底同牛肉。

👫近排天氣忽冷忽熱，都無阻我要打邊爐嘅決心🤤 今次嚟到尖沙咀一嘗胡爐，餐廳係以中國風格裝潢，地方闊落，啱曬三五知己聚會😚一一一一一一一一一一一一一一#胡爐四格鍋 <$198>▫️清湯▫️沙嗲▫️蕃茄牛腩▫️麻辣本身湯底都好足料，淥嘢食前可以飲下湯同食下啲料先🖖🏻清湯係芫茜皮蛋湯，清甜嘅味道令食物減少油膩感☺️沙嗲湯底有豬皮蘿蔔，蘿蔔清甜又無渣，蕃茄牛腩湯底仲有薯仔，牛腩好入味，好有咬口👍🏻麻辣湯底仲有韭菜豬紅同香料，令到成個湯底好麻香🤩醬料可用可不用，本身湯底都夠味😝.#手切牛頸脊 <$198>賣相好靚，唔駛淥太熟就可以食💁🏻‍♀️牛肉味唔算太濃，口感鬆軟，入口即溶😳份量都幾多，夠曬兩個人食👍🏻.#西洋菜鮮蝦豬肉餃 <$52>餃子皮好薄，鮮蝦好彈牙大大粒🤘🏻不過西洋菜嘅份量比較多，如果肉多返啲個口感會比較厚實😋.#手切蝦滑 <$98>蝦滑彈牙，但蝦味唔太彰顯🦐.#牛汁芝士丸 <$47/半份>牛丸半份有四粒🤔一咬開啲芝士就爆開流出嚟，牛丸爽口加埋軟滑嘅芝士形成對比👻口感豐富味道又唔錯，值得一試🤞🏻.🔸後記：·餐牌選擇豐富

冬天梗係走唔甩去打邊爐㗎啦，去到尖沙咀咁多選擇，為免中伏都係去返胡爐系列！一如既往都冇令我失望。坐低梗係要即刻混醬啦，醬料選擇幾多呢啲天氣梗係食啲滋補嘢，點左椰子雞煲，落湯底之前店員會即場炒一炒啲雞然後先再落椰子水同雞湯，滾左之後可以先試一試個湯飲完個湯當然就即刻開始打邊爐啦，點左墨魚滑蝦滑墨魚滑有啲咸蛋黃係入邊又幾得意四個人點左一碟中size嘅肥牛夠晒份量，我諗五至六個人都夠食另外叫咗一個雜菌拼盤

好姊妹終於畢業了，到理大拍畢照片後，便即興的來一場慶祝畢業的火鍋。問題來了，尖沙咀假日總是人滿之患，加上正值入冬季節，不少火鍋店已是全場滿座了。幸運地，當致電胡爐時，對方表示仍然有位，而且主動說明消費指定限額可送特色湯底，這才沒有掃好姊妹的一番雅興。港人都愛吃火鍋，而且愈吃愈嘴刁。尖沙咀有不少火鍋店，胡爐算是較有人氣的一家，看食照食物水準感覺不賴，始終作為火鍋狂迷，自然對質素有相當要求。知道胡爐的定位，但環境跟想像有點落差。店面不算大，食桌不多仍是感覺侷促，也影響了火鍋店的通風，該是因有不少位置劃分成Private Room所致。服務同樣有待改善，服務員下單感覺催迫，而態度上同樣可圈可點，跟店方的收費並不相稱。難得一聚，跟好姊妹聊得沒完沒有，點菜的任務交回老公發辦。到結帳時才猛然想起，致電時店員分明主動提及贈送湯底，到場時卻沒有再向客人說明了，男人點菜總是不及女士精明，如此優惠便沒有派上用場了。未知是店員的無心之失，還是優惠只是拋磚引玉之舉？油料碟沒有很特別，都是蔥蒜椒絲和醬料，料子不差就是了。鮮椰青雞鍋($268)端來的黃銅鍋好處是傳熱快，熱度是吃火鍋的關鍵。湯底確是真材實料，原隻雞

呢度裝修唔錯，好古色古香叫左四川麻辣同牛乳鍋， 麻辣好香，湯底已經有豬皮腐竹同豬紅花膠牛乳鍋好飲，用左南瓜煲，甜甜地，飲完仲有啲槳口佢個手切本地肥牛好高質，有牛味，油脂分佈靚其他配料就正常，冇咩大驚喜價錢就正常，每人三百幾

呢間胡爐座落於充滿餐廳的嘅H8大廈，如果要黎 (尤其是星期五晚!!!) 排隊非常之長~~~~龍！！！冇3 4 5 6 7部𨋢都上唔到 🤢🤢🤢我地幾經辛苦上到上面，發現呢個麻雀雖小五臟俱全嘅地方都真係幾小😂😂😂 枱同枱之間都幾逼，空間感⬇⬇⬇。 但係衛生情況非常之好👍佢呢度啲湯底好足料，麻辣湯夠麻夠辣🥘 豆腐花膠湯底非常好飲!! 朋友們都讚口不絕仲畢咗好多羹黎飲🤣🤣🤣另外牛肉都值得一讚，好重牛味， 又有咬口 唔會好韌或者好林，絕對係上等牛🐂🐂🐂質素比一般火鍋店好😎😎😎雖然職員會叫你埋單先，但係應該沒有限時🤔 因為買完單之後佢都由得我地繼續坐😂😂😂喺離開嘅時候見到員工有用清潔劑抹枱抹得好仔細，值得一讚 👍👍唯獨是價錢略貴 🙈 雖然食物質素都算有保證， 但分量唔大，人均都要四五百蚊落樓