胡爐 (已結業)

熊貓是一向是火鍋熊（控），茫茫大海中，熊貓還是最愛 胡爐 這系列的火鍋店。早前都品嚐過，這家姊妹店舖「醉胡爐」，今次就試吓另一家分店，果然沒有令我失望。鍋底依然是令人吸引，今次首嘗 胡爐四格鍋，啱晒我呢啲鍾意試唔同味道的人。尤其欣賞他們的鍋底，絕不馬虎，每格湯底都非常足料，這正正是我欣賞他們的原因。熊貓在牛肉方面有非常高的要求，當然選了他們最高級別的牛肉——A5飛驒和牛。水準很高，入口即溶，在寫這篇食評時，仍然令我回味無窮。其次非常推薦的，就是鮮甜的海蝦。大大隻的海蝦，尤其配上麻辣的湯底，一個字正。而且他們的海蝦非常新鮮，隻隻生猛。以上兩項是我認為必點的食物，但是他們其他配料也是不會馬虎。蘿蔔、水蓮菜、還有即叫即炸的響鈴👍🏽👍🏽每次想起高水準的火鍋，必定會想起 胡爐 這系列，他們每晚都非常旺場，大家要來吃的話，記住要預先訂位。這天雖然是星期一的晚上，但仍有很多walk-in的客人，但是人多關係，要等一段時間才能入座。

做完一日野，收工就去尖沙咀覓食，厚福街多野揀，咩菜式都齊曬。一於就去打邊爐，首先地點非常之就腳，鋪入面裝修風格也非常特別-中國風，一班F聚腳食飯氣氛都非常好。首先要贊下個鍋底，真係任君選擇，4個湯底都好正，而我最愛就係個沙爹湯底，因為我order左個牛拼盤，我至愛當然係，牛頸脊拉，配搭埋個沙爹湯底，好正，牛好有質感，又有口感，好滑，好有層次，非常之推介，一級棒！仲有佢個炸魚皮，一定要叫，係真係新鮮炸出黎，同出面買既包裝魚皮差好遠！咬一下，脆ト卜好正。再+埋個即炸響鈴，上台新鮮到不得了，配搭個湯底，又係一讚！黑松露墨魚丸好彈牙，又有口感，都係必食之選。

之前食過銅鑼灣分店覺得好好食，今日都約埋幾個朋友係TST食飯就決定再黎食胡爐～一坐低，職員就即刻攞配料比我地～今次我地叫左四宮格，有麻辣、沙爹、番茄同清湯，一次試晒咁多味又照顧到鍾意食辣&唔辣既人，GOOD👍🏻湯底入面已經有d配料係到，包括豆卜、豬皮、腐竹、鴨血等等～ 4個味道都好正，湯底好出色叫左個胡爐牛拼盤，有分大同小，我地叫左小既拼盤，但份量都相當多，total有5款，每樣都係正嘢，靚既牛，好好食～響鈴好大舊，擺沙爹湯好好食呀～ 另外我地仲叫左黑松露墨魚丸，黑松露味好出，墨魚丸好彈牙我地叫左幾款菜都好新鮮～ 呢到d打邊爐配料都十分之唔錯～

之前食過尖沙咀間醉胡爐，一試上癮，今次就一於嚟食下呢間上樓嘅胡爐。-湯底叫咗四格湯，有麻辣，沙嗲，番茄牛腩，皮蛋芫荽。四個湯底自己揀唔使爭，不過我最鍾意就係蕃茄牛腩，牛腩忟到好入味好甜！-飛驒和牛肉眼A5 $398打邊爐好少有得食A5和牛，見佢價錢都幾合理，仲要好大碟！真係有入口即溶嘅感覺， 脂肪均勻。食得多都唔會太膩！-半份芝心蝦丸 $47蝦丸好彈牙，裏面嘅芝士雖然唔係流心，但都係好出色！-自家製炸響鈴$68一上枱熱辣辣脆卜卜，必叫！-海蝦一份$118啲蝦好新鮮，一嚟到仲好生猛😂肉質爽口，好鮮甜！-水蓮菜好少地方有得食台灣水蓮菜，感覺好爽口！最後梗係要叫蘿蔔，稻庭烏冬黎吸啲湯嘅精華！

尖沙咀厚福街岀名多野食，幾次有人係16/F岀升降機已聞到個陣陣嘅邊爐香味。今日難得早左收工，一於約埋男朋友過黎撐枱腳。七點黎到都已經坐左幾枱客，打邊爐最緊要就係個湯底，有選擇困難症嘅我，唔諗咁多就叫個四格鍋，一次過滿足我個味蕾四格鍋分別有，皮蛋芫荽、蕃茄牛腩、沙嗲同埋麻辣湯底，每款都做得好岀色配料方面手工九菜餃，皮簿多料，好香九菜味蟹柳係必叫，又容易入味牛拼盤 （大份）意想不到的大份，每件都好新鮮厚度適中，不過如果兩個人唔大食，建議可以叫細份食物用料新鮮，價錢又唔貴，cp值都好高，店員服務都好好，有傾有笑，下次都可以叫一班朋友黎聚會

每次接女朋友放工，最大嘅煩惱就係諗食乜今次佢係尖沙咀返工，見佢呢排成日食得咁清淡，於是帶去打邊爐刷刷牛上網見呢間「胡爐」評價幾高，一於去試下先鋪頭位於厚福街8號H8 16/F胡爐牛拼盤(大)(牛舌芯、本地牛、牛頸脊、霜降牛粒、牛胸爽)呢碟真係好出色，牛既款式又多，最好食係霜降牛粒，入口即溶，絕對係真材實👍🏼胡爐四格鍋 (清湯、沙嗲、蕃茄牛腩、麻辣)女友真係識揀，揀咗個四格鍋，一次過滿足晒四種口味，我個人中意番茄牛腩同麻辣 正常入味將啲牛拖幾拖就食得自家製即炸響鈴送黎果陣真係熱架，真係即炸的，無花無假值得推薦日本鱈場蟹棒個人中意浸到好耐先食，放入唔同湯鍋，一次過試晒幾種湯了味道芝心墨魚丸爽口彈牙入面仲有芝士，不過要小心睇熱，唔好因爲太好食，食得急得滯熱到嘴多款調味料任君選擇個碟都好靚，好想要

網上發現龍蝦海鮮湯底有優惠，立刻馬上訂台。這裡的佈置很中國風，用了木製傢俬，店用還用上屏風。因為每張枱中間有個屏風，各台食客都可以擁有自己的私人空間。坐下來店員先奉上一壺充滿花香茶香的熱茶暖胃，非常貼心。湯底來了，滾了一會，喝口湯，龍蝦肉鮮甜細緻，結實爽口，原汁原味。鍋內的蜆肉數量頗多，肉嫩飽滿，盡收魚湯精華，鮮甜味美!食物方面點了黑松露餃子，雖然黑松露很香，但餃子包得不夠結實，結果餡都走掉了。除此之外，還點了手工丸，丸類十分有咬口，彈力十足。打邊爐當然我不可以錯過肉類，這次點了牛拼盤，有牛舌，金錢展，肉類超肥美超香，encore了一round。幸好這次有優惠，否則要比一筆天文數字。

春夏秋冬四季都好鍾意打邊爐🤩happy Friday 放工特登book左呢間高級邊爐同朋友食😇餐廳裝飾好精緻 坐低已經覺得好舒服 唔洗平時係酒樓咁迫住食😊餐廳先俾調味料我地自己撈自己想食既🥳呢到係先揀湯底 我地二話不說揀左四格鍋😝呢個真係岩曬一班朋友黎食！大家各自食自己鍾意既湯底唔洗爭🤤個個湯底都好濃好入味！基本上啲豉油唔洗點用😂叫左生麵 連湯底飲一流！牛拼盤勁正 每個部位都有唔同既口感！🤩🤩大蝦勁新鮮！上碟既時候仲識郁嫁🤪羊🐐好正好滑又夠曬羊味🥰仲叫左碟雞軟骨 飲住啤酒🍻打邊爐！好正🤓

出咗糧就梗係帶屋企人食好嘢！🤤今日book咗喺尖沙咀厚福街一間火鍋食！🥳聽朋友講食物用料又新鮮又正！😝專程帶屋企人嚟試！🥰❤餐廳環境好有氣派！好似皇宮🤩設計咁樣我哋叫咗四格鍋🤡有麻辣😊沙嗲😊番茄😊芫荽😊大家個個都係揀唔同湯底食😝一路食已經覺得湯底好入味！麻辣夠晒辣！食得好過癮！😇番茄沙嗲超濃郁🤓基本上啲嘢食都唔使特別再點豉油！屋企人睇到餐牌就已經好開心🥳因為全部都係高級食材！😂我哋叫左個牛拼盤有唔同部位嘅牛！🥰樣樣好正！有唔同嘅口感！有唔同嘅食法！店員有提致有一部份嘅牛唔可以碌咁耐！仲有叫咗一碟蝦超級生猛既蝦🤗上碟嘅時候仲識郁㗎！🤤另外仲有叫左雲吞蝦餃都好抵食！啲雲吞啖啖肉😺正呀🤡屋企人食呢餐食得好滿足！嘅嘢食真係好新鮮好抵食🤪推介大家下次有機會再嚟試吓！🤩

湯底十分足料及野味，每款湯底都有唔同既配料。首先濃郁既沙爹湯底有豆卜同豬皮，當豬皮吸收湯底既精華係好加分。而清湯係芫茜皮蛋，清甜既味道可以減少食物既油膩感，食完罪惡感都冇咁重。西班牙黑毛豬豚肉首先個價錢對我來講有啲貴，但係佢嘅份量都係正常，重點係佢隻豬係切得比出面嘅厚，所以食落去口感好好，肉汁好多，配合埋啲湯底一流，個人認為唔點醬更加可以食得到啲豬既鮮味同肉味。黑松露蟹肉餃呢碟野會有張紙仔教你點樣煮呢個黑松露餃，跟住佢煮就啱啱好，咬落去會聞到好濃烈嘅黑松露香味，入面會有好多冬菇粒好有口感！鍾意松露香嘅朋友可以試吓。

之前食過返尋味，又嗌胡爐四格鍋，湯底分別係沙爹、蕃茄、麻辣同清湯。至愛麻辣，湯底有鴨血同腐竹，淨係鴨血配麻香既湯底已經夠曬搶頭。蕃茄同清湯都好正。呢個蕃茄湯係我最中意既湯底，佢並唔係普通既蕃茄湯。因為佢係用牛腩同薯仔去淆成，十分入味！打邊爐肉類當然唔少得，但見到價錢都唔係平，但打邊爐點都要食牛既，所以叫左個雙拼手切牛(本地牛同牛頸脊)碟牛一上枱已經嘩嘩聲，睇到油脂分佈好平均，每塊牛都充滿住雪花!同埋每塊都有厚度、好足份量! 一黎到已經逼迫及待要食佢，店員建議我地碌10幾秒食得，我碌到5成熟，入口好林唔會韌，充滿油香!好正~份量都好多，$398其實唔貴，物有所值!響鈴佢啲響鈴係即叫即炸，上菜嗰陣都係熱辣辣，非常新鮮，浸落啲湯度好索汁，食到好香嘅香油味。呢個超級推薦。叫左兩個丸類，牛骨牛汁丸，薑汁皮蛋豬肉丸，雖然望落差唔多樣，但食落兩個都有好有驚喜! 牛骨牛汁丸，牛味都重又有油香，咬到一半見到有一粒粒類似啫喱既野，原來個香味就係呢度黎。薑汁皮蛋豬肉丸，咬落去不得了，薑味同皮蛋真係好夾，我feel到佢係有落左少少酒調味，好香好好味，推薦推薦!

朋友外地返來，緊係要約出來聚下啦！一班人一齊十下十下最開心網上一早book定枱，去到發現俾左間房我地，一班人傾偈大聲啲都唔怕嘈到其他食客大部份嘅火鍋店有準備調味盒俾客人，尼度嘅基本調味料都算齊全！準備好就等個湯底出場我地叫左個鮮椰青雞湯底，竟然會火辣辣咁登場，的確好特別一班食肉獸打邊爐就一定唔少得肉啦，飛驒和牛肉眼、手切肥牛同埋西班牙黑毛豚肉都好正，肉質嫰滑每人揀啲，放下放下就成枱都係，多到都不能盡錄不過，咁樣打邊爈先開心架麻！總括嚟講啲食物質素都算唔錯

本想到同一條街的另一家火鍋店，怎知弄錯了，預約了胡爐，來到才知友人想要去的不是這家。同樣地是麻辣火鍋，胡爐湯底味道較普通，但卻沒有那麼油膩。我們叫的是中辣四川麻辣鍋併胡椒豬肚鍋，麻辣鍋中辣已經很辣，但胡椒豬肚鍋也比想像中的辣。由於友人不吃牛肉，於是我們叫了黑豚肉片，其肉質和味道也不錯，是香的豬肉味。而配料凍豆腐、手打墨魚滑、午餐肉、蘿蔔等等，都不過不失，味道正常。比較特別好味、印象深刻的是魚皮餃和雲吞，雲吞大大的一粒，整隻鮮蝦在裏面，用料絕不馬虎。有感現在的餐廳都很努力做好食物，很多火鍋店都做得很出色，各有千秋，競爭實在太大了。胡爐整體感覺不錯，是滿意的一頓火鍋晚餐。

火鍋再火鍋，停不了的火鍋 , 今次黎試呢間見佢2016年已經有，我覺得食材湯底都做得非常之有水準，鍋底首先選了四格鍋，有芫茜皮蛋清湯，蕃茄薯仔牛骨，特濃沙爹及四川麻辣，每個湯底內都有不同的湯底配料在裡面，也可以馬上吃。四款湯底看似很普通，但其實都非常濃郁基本上不用再配上醬油也可，今次我只有我兩位 , 所以只叫了幾碟火鍋配料，有餃子拼盤，牛骨髓，蒙古刷羊肉片，飛彈和牛肉眼A5級，飛彈牛入口溶化濃郁牛肉味凸顯日本和牛特色，自家使四色餃子每樣都新鮮彈牙可口 , 蒙古羊肉雖然價錢好平，但質素質量極高羊肉味量又有咬口，好好味，牛骨髓又雪白又柔嫩滑，每碟都非常精彩，好新鮮，好好味，一定會再來。

今晚同老公行街街，天氣雖然有d熱，但我地都想食打邊爐刺激下，最後搵左呢間，首先比佢個名吸引到到左間店，已經有陣陣濃香的湯底味，老公坐低2話不說就點左個台灣青椒麻辣湯底~而我就叫左個胡椒豬肚湯底，2個湯底果然真材實料！香，料夠！因為呢排吾食得海鮮，就叫左1份大牛肉，1份豬肉，紫菜炸響鈴（超級無敵的脆，放落湯底1~2秒就可以撈起食架啦） 整體來講，間野真不錯，值得介紹朋友來食~