胡爐 (已結業)

估唔到識左咁多年嘅朋友決定要移民，心情好忐忑，今晚我地就揀左喺尖沙咀嘅胡爐farewell，諗住同佢食餐好野。一早訂左位，因為知道佢位置唔算好多加上好受歡迎。準時八點鐘到，安排左喺房間位，餐廳裝潢都有少少中國風，幾企理，座位唔算好密麻，而店員招呼非常好。我地都肚餓，好快就落左單首先點左個胡爐四格鍋，一個鍋有齊四種滋味，包括：清湯（芫茜皮蛋）、麻辣、沙嗲、蕃茄，好豐富，啱哂鐘意重口味嘅我同唔鐘意食辣嘅朋友鍋底好快上枱，鍋入面都有少量配料，例如麻辣鍋入面有豬皮，鴨血，辣椒，幾入味嘅，少少鹹，唔會話辣到嗆喉，好溫和。而蕃茄湯入面仲有牛腩，炆得好腍身，足料。沙嗲味道都濃郁，整體比我上次食某一間火鍋店嘅四格鍋有誠意D。然後點左一札菊花蜜，因為我最近好熱氣，仲生緊飛滋，菊花蜜好清，唔會好甜，夠哂天然下火。配料方面我地點左貴少少嘅飛驒和牛肉眼，小份，雖然價格就貴D，但同食本地牛啊、牛頸脊係完全唔一樣嘅享受。一份大概十片，可以見到D脂肪好平均，輕輕淥一淥食得，入口滑溜到不得了，一D都唔鞋，仲好有肉香黃金墨魚丸小份四粒，入面嘅鹹蛋黃又幾香，唔會好硬，而粒墨魚丸本身都仲幾爽彈！牛汁芝士丸值得試，牛丸好堅實