胡爐 (已結業)

火鍋香港人愛火鍋，但不是間間掂，今次試呢間，我覺得食材湯底都做得非常之高質素，首先鍋底選了四格鍋，分別是芫茜皮蛋清湯裡面有豆腐極之滑，接住黎系蕃茄薯仔牛骨濃湯底，跟住喺特濃沙爹湯底裡面有豬皮腐皮，最後係四川麻辣。四款湯底看似平平無奇，但都極度濃郁基本上不用再配上醬汁豉油乜非常夠味。因為今次我只有朋友同我兩位 , 食量都不是太大 , 所以只叫了幾碟火鍋配料，分別係餃子拼盤，牛骨髓，蒙古刷羊肉片，飛彈和牛肉眼A5級，每碟都非常精彩好味新鮮及高質量，希望下次同多幾位朋友再嚟食其他的火鍋配菜。

尖沙咀有好多各式各樣嘅打邊爐，今次嚟到呢間胡爐試一試，因為又係好多朋友大力推薦。一坐低，店員拎咗一盤八款醬料俾我哋自己調味。揀左胡爐四格鍋，湯底有辣有唔辣，沙嗲同麻辣湯底特別出色。店員特別推薦黑松露墨魚丸同埋XO醬鮑魚蝦餃王，黑松露墨魚丸好爽口，蝦餃王就比較普通少少。麻辣湯底梗係唔少得要叫鴨血，份量好多，兩個人食剛剛好！仲有蔬菜拼盤，份量都唔少！最最最最正都係胡爐牛拼盤，有五個部位嘅牛可以食，最好食係牛柳粒，又嫰又夠牛味，眨吓眼就食晒啦，好想再encore多盤！呢間打邊爐好高質，雖然價錢有啲偏貴，不過對得住質素，一定會再嚟試其他野食！

打邊爐真系一年四季都打得，呢幾日濕濕熱熱，點都要揀個冬瓜荷葉海鮮鍋去去濕氣，上到來餐廳，冷氣好足，呢間分店不算大，但裝修幾有中式古典味道，都算坐得舒服。鮮椰青雞鍋，先放入半隻雞，倒入清酒後，出現熊熊烈火並快炒，充滿視覺效果。店員再倒入椰青水及清雞湯，奶白色的椰子雞湯底，清甜誘人。點左貴少少嘅飛驒和牛肉眼，小份，雖然價格就貴D，但同食本地牛啊、牛頸脊係完全唔一樣嘅享受。一份大概十片，可以見到D脂肪好平均，輕輕淥一淥食得，入口滑溜到不得了，一D都唔鞋，仲好有肉香。總體服務都唔錯。

朋友介紹胡爐有打邊邊同出面打好唔同, 雖然已經天時暑熱都唔會阻止到我喜歡打邊邊的心情, 1向超喜愛打邊邊的我必然要去試試XDD入座後店員細心地介紹有4格鍋~嘩, 少見世面的我真係第1次聽有4格鍋，當然要試試啦，咁樣又可以試到有４個湯或XDD胡爐係１間古典味好重的火鍋店，至於４格鍋都十分有氣派，盛載的器皿都好靚同埋優雅別緻。第一格：麻辣大辣，豬紅豬皮~ 真係好夠辣, 湯底裏隨咗有辛辣材料之外, 仲放咗豬紅同埋豬皮, 這兩個食材真係可以吸收麻辣的味道。😋第二格：沙嗲腐竹湯底 ~ 沙嗲湯裏面加咗腐竹原來係咁夾第三格：蕃茄薯仔牛柳粒湯底 ~ 放咗好多食材所以好夠味，同埋啲牛柳粒滾咗好耐都唔係太老第四格：芫茜皮蛋馬蹄 ~ 放咗好多食材都好香同好夠味, 馬蹄夠清甜😋😋其實食湯底配料已經好飽, 不過始終都要叫啲嘢嚟食XD蟹粉包丸未係食大閘蟹季節, 只能夠用蟹粉包丸嚟頂住當先, 唔駛有單思之苦XD, 喜歡食入口有醬爆的感覺😋黑松露墨魚丸豬隊友喜愛食黑松露特別為佢而點的, 而我係超愛墨魚丸, 所以點這款黑松露墨魚丸就啱。有醬爆的感覺, 好有黑松露味, 又不失墨魚丸鮮味同埋夠彈牙白鱔片可以自稱為貓的我, 

早前同事介紹過嚟呢一間火鍋店，非常特別，好少有咁貼身嘅服務，一般最多一鍋係有兩格嘅味道提供，但佢呢度一鍋有四個 味道，令你同一時間享有四種味覺，真係滿足曬你四個願望，有辣有唔辣， 每款我都咁鍾意，我哋點了一個小胡爐牛拼盤，其實一啲都唔少，大大份， 有六七款牛嘅不同部位提供 ，一上枱已經見到油光閃閃令的肉質，見到已經流口水，有雪花點點的，有肉質柔軟綿綿的， 有爽口彈牙的，多款口感，牛香濃郁鮮甜，質素超乎想像中。一款自家製黑松蟹肉餃， 黑松露香噴噴不特止，蟹肉鮮甜至極，餃子皮煙煙靭靭，配搭得一絕。另一個雞翅餃，同樣出色 內涵豐富，甜蜜蜜，汁液豐盛。蔬菜盤同樣超大， 多種菜式。自家淆製竹蔗茅根水，清涼潤喉，香甜美味，原裝榨出來的。另一款牛汁芝士丸，個名聽到已經吸引，牛香撲鼻，流心芝士，配搭得天衣無縫，你會食到唔停得口。結帳後我哋都捧住個大肚dum 離開，非常滿足。

今日約咗幾個舊同學出嚟聚會，最好就係食火鍋，多款式諗住不會有太多意見啦，但係大家入座後，到選擇用湯底的時候，大家七嘴八舌，個個意見不一，後來服務員就前來介紹講解呢間餐廳，有四格鍋提供，隨即解決咗我哋眾人煩惱，還細心介紹適合我們的菜式，我哋都係牛魔王。一個牛拼盤就啱我哋，有多款牛部位提供，薄片牛嘅雪花點點，只需燙幾下 便可品嚐，牛香濃郁，還有厚切的，肉汁豐富，鮮甜至極，還有油潤蜜甜的，幼嫩非常，每款都有不同口感，同樣高質食材，不會令客人失望。還有自家製作黑松蟹肉餃同雞翅餃，跟別家的不一樣，黑松露香配上幼嫩蟹肉，非常絕配，餃子皮柔軟煙韌。雞翅餃同樣裹得實實的，雞肉鮮甜，配料十足，食材絕不吝嗇。另一個牛汁芝士丸，同是得意之作，牛丸彈牙爽口，牛味濃香撲鼻，流心芝士汁液滑捋捋，大師手藝，非同凡響。大大盤新鮮蔬菜。鮮榨竹蔗茅根水，冰冰凍，透心涼。美食真係一個聯誼嘅賣點，今個晚上大家都好盡興，心情靚靚地而歸。

聽朋友講一直想是這間火鍋店-胡爐，原來銅鑼灣都有分店，不過今次係尖沙咀行完街，又去尖沙咀厚福街的分店試吓。餐廳裝修有氣派，播放中國柔和的音樂、裝修得古色古香，而且椅子是花花圖案的，餐具也是花花圍邊為主，大愛！而裝修擺設屏風都是用桃木，感覺高尚優雅。先叫小食-一口脆豆腐醫一醫肚，豆腐香脆細細粒，而且質感滑溜。由於我們兩人剛剛病好，所以要叫一些滋潤的湯底比較好，見到湯底嘅款式好特別，出面好少有，相信佢啲火鍋材料都唔平，但係價錢好合理。最後我哋就揀選了$298的冬瓜荷葉海鮮鍋，入面嘅海鮮有蝦、蟹、蜆同埋帶子，相當豐富。煲咗一段時間後，店員隨即幫我地切開冬瓜，非常體貼。已經急不及待食蝦了，蝦好大隻，而且蝦肉爽口彈牙、鮮甜無比。火鍋配料種類繁多，每一款都很新鮮美味。當中的手切牛頸脊驟眼睇油脂分佈均勻，賣相已經非常吸引，吃下去更是牛味送院，肉質鮮嫩🤤👍🏻。除此之外，不得不試吓這裏的龍躉片，魚肉滑唔腥，咸淡適中。最後兩人消費都只是$800有找，每人平均消費$400，就可以享受咁高級、有質素的火鍋餐，朋友感到非常滿足，並說會推介給身邊朋友。

尖沙咀厚福街一向多美食，特別係H8大廈上面，收咗工都好夜，難得有收咁夜嘅火鍋店可以俾我哋醫下個肚，即刻上去試吓。火鍋店的火鍋湯底多款，驟眼睇餐紙上已經有超過10多款的湯底選擇，大部份火鍋湯底都非常滋補，有花膠雞翅等。我哋兩個人就急不及待先Order了一個非常滋補的冬瓜荷葉海鮮鍋湯底。餐牌還有超值二人火鍋套餐選擇，套餐入面的食物豐富。豉油醬料都比較多選擇，最重要有我鍾意嘅紅辣椒絲，醬汁可以自由配搭。先叫一些飲品濕下喉嚨，就叫左一榨涼茶-竹蔗茅根水$68，打邊爐嘅時候可以清下熱氣，估唔到蔗水非常鮮甜。冬瓜荷葉海鮮鍋賣相非常吸引，一來到已經清晰見到火鍋湯底裏面有好多海鮮，廚師更將差不多半個冬瓜雕刻成很精美的圖案，真是好考功夫！隨即店員就倒入湯底打邊爐。海鮮鍋真是相當足料，而且味道新鮮，特別係蟹肉很鮮甜，正！冬瓜越煲越林，食落去簡直有入口即溶口感之餘，中式都有好濃郁嘅鮮味。兩個人食半份自家製韭菜餃，內餡非常足料，配以入面啖啖韭菜豬肉碎，味道好濃郁，大愛！另外午餐肉厚切一條條，食到入面有一粒粒紅色嘅肉，而且火鍋嘅精華味道索晒入午餐肉入邊。除此之外，其他火鍋配料同樣地新鮮美味。總括而言，這間火鍋店

同friend出開tst，都知知地呢間胡爐，今晚又有人推介打邊爐即管試下呢間😋環境好古典，中國古代氣息濃，裝潢好有心思事不宜遲，即刻叫野食，四個人叫左四格鍋！就算唔岩最少一人有一格淥四格湯底有莞茜皮蛋、蕃茄牛腩、沙嗲同麻辣鍋。驚喜的是，湯底入面本身已有配料，蕃茄湯底真係有幾舊牛腩，我地打到最尾先發現，而且一啲都唔un仲吸哂之前材料啲精華麻辣鍋就有鴨血！去親台灣都一定會食！呢到既鴨血質素好高唔會假同有渣。我地驚打打下都頸渴於是就叫左楂酸梅金桔，平時嘛嘛地酸梅湯啲friend，呢個好彩有埋金桔，飲落解渴降溫甘甜 同埋叫左啲配菜：手工雲吞（入面有蝦材料扎實）、西班牙黑毛豬豚肉（大大塊厚實唔欺場）、索湯朋友紅薯粉 豆腐同娃娃菜，仲有蟹籽丸下次會再黎！

環境，服務各方面都算ok,但係講到d牛就有D失望第一round 叫左個(大)飛驒牛都好食既， 諗住佢d牛嘅質素都唔會差得去邊啦， 點知就出事,我哋之後嗌咗一個(大)嘅牛頸脊, 佢啲牛都算大碟嘅，但係佢放低咗再望真啲嘅時候就發現碟牛有啲就好深色有啲就好淺色， 食嘅時候直頭係咬唔爛好靭， 咁我哋就有少少懷疑佢係咪畀錯咗我哋 ，咁就問佢呢碟係咩牛， 個類似經理嘅人話係牛頸脊之後就話你哋係咪覺得有啲唔同因為可能頭先呢 師傅切嘅時候發覺唔夠就攞咗第二個部位所以就有深色同淺色 咁可能有啲呢就有少少硬 有類似經理嘅人有講過話 砌番幾片畀我哋但我哋嗰陣時已經唔想食啦首先我哋覺得如果你唔夠牛頸脊可以叫我哋轉叫一個中或者一個細，而唔係比其他部位代替，到我哋問嘅時候先至話切返畀我哋，咁嘅做法有啲欺騙成分， 之後佢就送咗啲榴槤炸彈畀我哋話係免費。總括嚟講除咗係嗰一碟牛頸脊之外其他食物都算ok但係佢哋個做法可以做得好啲

因為諗唔到叫咩湯底，叫左個四格鍋。湯底有蕃茄牛腩、清湯（芫茜皮蛋）、麻辣、沙嗲。 本身湯底入面已經有少少配料，蕃茄牛腩湯入面有幾舊牛腩，去到最尾先食，但都唔un, 好淋，加上吸收左湯底精華，好入味，自己偏愛呢款湯底。麻辣湯底幾辣，食唔到辣既朋友可能要自己衡量，另外入面有支竹，豬紅等等。沙嗲湯底一開始偏咸，唔想咁重口味可以加番少少水。 另外配料叫左黑毛豬豚肉，雲吞，蟹粉包丸，娃娃菜，薯粉，豆腐。黑豚肉厚身同幾大片！雲吞入面有蝦，我地叫左半份，共4粒。蟹粉包丸即平時的蟹籽丸，打邊爐食點都好味。值得一提係豆腐真係幾滑。本身會附上茶，但見佢飲料種類都多，叫左個酸梅柚子蜜（凍的）， 酸酸甜甜，飲完幾開胃。總體黎講食物質素好，價錢未必係最平，但值得一來。

約左舊同學聚會，相約尖沙咀厚福街的胡爐打邊爐。交通位置好就腳，上到去朋友已經到了，我地被分配在沙發卡位，都算好坐。昵間分店雖空間比之前去過的其他分店細，但裝修都算精緻。擺設講究。佢有八款醬料可供混醬，品質不錯。我都照常加左麻醬，花生碎，芫茜，豉油，好香，不過有少少咸。我們揀左荷葉冬瓜海鮮鍋，店員開火之後就幫我們加魚湯。海鮮好足料，有蝦有蟹，仲有蜆同帶子。湯滚之後我地就食左d海鮮先，海鲜質量不錯，系鮮甜的。手工魚皮餃，粒粒飽滿，確實系手工包制，皮很Q，不會散在鍋里，口感很好。黑松露墨魚丸，黑松露味非常濃厚。日本鱈場蟹棒，好高質，入水不會散，肉質結實，鮮甜。手打墨魚滑，很細膩，將佢入鍋，等左一陣浮上湯面就有得食，好彈牙，正！炸響鈴，賣相很好，入湯滚一下即可食。口感很好。

香港人打邊爐真系一年四季都打得，呢幾日濕濕熱熱，點都要揀個冬瓜荷葉海鮮鍋去去濕氣，上到來餐廳，冷氣好足，呢間分店不算大，但裝修幾有中式古典味道，都算坐得舒服。門口貼著「復刻那些年」曾經明星幫襯的雜誌頁面。好熱鬧。上百種食材，睇得我地眼花撩亂，我地揀左冬瓜荷野海鮮鍋。店員先將一個大鐵鍋端上來，鍋中除左冬瓜，荷葉，仲有蝦，蟹，蜆，帶子。跟住在鍋中倒魚湯。再將鍋蓋蓋上。等湯大滚之後，店員提醒我們先飲一碗湯，呢個時候我地各自裝左湯出來飲，真系好鮮甜，仲有好清的荷葉冬瓜味，荷葉的味道很清香。順便食塊冬瓜下下火氣。蟹好新鮮，大大舊蟹肉，肉質十分鮮甜。我地點左炸芋頭片，黑松露蟹肉餃，豆卜，凍豆腐，紅薯粉，手打蝦滑。碟上有溫馨提示，要記得將黑松露餃放入撈勺，滾40秒就食得，如果唔系，如果直接丟入鍋內，會好容易散掉。最後我地糸放入撈勺，滾了1分鐘左右，咬開餃皮，墨松露好香，餡很綿密。凍豆腐大大碟，賣相好到令隔離枱都系咁望，這個凍豆腐真糸幾好，滾左一下就食得，落左鍋的凍豆腐開始變軟，食落口好有豆味。要飽肚一定要記住嗌紅薯粉，口感Q到不行！飽肚既美味。蝦滑上有蝦籽，慢慢將佢落晒在滚水中，等一陣便有得食，好爽

一入到黎胡爐，地方骨緻，古色古香嘅感覺。😻😻邊爐最緊要係個湯底，我地叫嘅呢個椰青雞湯唔單止真材實材，而且做法非常精彩。首先姐姐拎左一楂奶白色嘅湯底加一大個椰青黎🥥。姐姐話個湯係雞湯加奶，而個椰青係岩岩開嘅真椰青🥥。無幾耐，個窩終於上左。個蓋一打開，係排得好靚嘅雞肉加好多椰青肉。火一開，其實個爐都熱得好快，姐姐炒一炒啲椰青肉加雞肉，再用火槍係上面點火🔥🔥，一路炒一路有啲火係上面，好特精彩。👏🏻👏🏻👏🏻最後倒椰青水加湯落去。姐姐先叫我地飲啖湯，好濃嘅椰子味，好清好甜。不過個湯後其淥完野食一樣咁好飲。我地叫嘅野食唔多，最令我地難忘嘅有兩樣。👍🏻👍🏻頂級霜降牛肉粒好濃郁嘅牛味，脂肪分佈好平均。啲油香係食完舊牛仲會留係口入面。👅👅👅👍🏻👍🏻牛汁芝士丸呢種丸係出面無見過，雖然佢其貌不揚，不過食落會對佢改觀。佢出面係好彈牙好好爆汁嘅牛丸，入面充滿芝士。佢最令人難忘嘅係佢十分彈牙，好唔容易咬爆佢啲芝士就流出。不禁諗起周星星嘅電影。🤡🤡🤡其餘嘅我地叫左黑松露里國墨丸、蠔王雞鮑翅餃、娃娃菜，都無令我地失望，蠔王雞鮑翅餃入面真係有鮑魚。😱😱我地叫得唔多野，不過兩個人都好夠食。👍🏻👍🏻👍🏻

<胡爐>佈置充滿中式宮庭感覺，木吊燈及大紅屏風，十分典雅。鮮椰青雞鍋 $268火鍋先放入半隻雞，倒入清酒後，出現熊熊烈火並快炒，充滿視覺效果。店員再倒入椰青水及清雞湯，奶白色的椰子雞湯底，清甜誘人。慢慢享受濃郁雞湯，潤喉奶滑，充滿雞汁精華，雞肉厚實，雞皮也十分細嫰，咬下去沁出陣陣椰子幽香，吃完一件又一件。招牌手工餃子拼盤 $108拼盤有：韭菜、花膠雞翅餃、雲吞及魚皮餃，餃子皮薄而飽滿，口感脹卜卜。花膠雞翅餃包裹著一絲絲的花膠，滋補又鮮味十足。雲吞包者彈牙圓渾的蝦肉，配合軟嫰的豬肉，肉汁可口，啖啖滋味，韭菜餃也相當清新。西班牙黑毛豬豚肉 $188黑毛豬比白毛豬好動，所以口感更結實爽口，滾淥數十秒便可享用。色澤嫰紅，肥膏位置軟彈，肉味香濃，肉汁鮮香美味，口感不錯! 黑松露墨魚丸(半份$49) /蟹籽蝦丸(半份$49)這兩款丸都是店家推介，蟹籽蝦丸大顆有嚼勁，充滿卜卜響的蟹籽，鮮味細緻。我特愛墨魚丸，質感綿彈，洋溢濃郁黑松露香，誠意十足。