米走雞Live

营业中

休息中

最近聽朋友介紹下，去咗呢間「米走雞live」！發覺環境氣氛好正，柔和燈光再配上冷氣同抽煙設備充足嘅環境下打邊爐好正，食完都唔覺身上有陣味！呢晚仲有人大搞生日party，可以作牆上佈置，而且服務員態度又好好，好貼心服務食客，Good呀！我同朋友先食芝士雞煲，之後再繼續用芝士做湯底打邊爐。我地先叫咗「虎蝦$98」一碟有6隻，肥大肉厚，入口非常新鮮美味！至於「鮮炸響鈴$48」價錢唔算太貴，係由廚師親自泡製，非常大卷，而且入口非常爽脆，放落煲3-5秒已經可以品嚐！一碟有6舊，方便與朋友一同分享。仲有「黑蟹子墨魚滑$88」平時普通蝦滑就見得多，難得今次食到墨魚滑，味道香滑，充滿墨魚味道，而且黑蟹子亦非常特別。另外，「粟米$18」用黎放入湯底首選，價錢亦合理。仲有一定要食嘅「手打五寶拼盤$88」每一種丸都係由廚師親自製作，非常用心！最後，仲有其他食物款式俾食客自由選擇！

上個月見觀塘開左分店，就黎試下芝士雞煲。因為平時食開長沙灣店的麻辣雞煲外賣，番屋企慢慢嘆的。鍾意佢夠麻，雞又滑，水準穩定。芝士的就未試過，試完後覺得都好食，生料都新鮮、靚。上次食完，見有歌聽，有好野食，今日咪又過黎食番麻辣囉！坐下來見到枱墊介紹，原來上煲後，侍應會點火，再炒香的。平時外賣都咁好味，今日現炒，應該更正啦上枱後，妹妹仔侍應點左三處都無著火，佢都照夾兩下當炒左。始終第一次咁食，我無太在意有火無火，滾就食啦⋯⋯打開啲雞白雪雪嘅，食落無味嘅，啲洋蔥又未炒香嘅，仲衰過外賣。老實講，唔係難食，但唔係食開嘅味道，好失望囉其他生料，貢丸、手打墨魚丸，薯粉，都好味的。但食完呢次，下次食雞煲都唔知揀唔揀佢好嗱另外，今日埋單多左個「醬湯費」，每位$12。呢啲醬料費，食任食的就見得多，order的都要收，都係第一次。恕我見識少了！

I had been to this restaurant at Prince Edward 2 years ago, very central location, comfortable sitting & spacious enough for friends living everywhere to meet & chit chat for over 3 hrs. The price is very reasonable, wine opening - just HK50/bottle. Food is definitely comparable to most of those very crowded & popular hot pot shops I have been to at Tin Hau, Causeway Bay, Kowloon City & TST. The most popular cheesy chicken pot is good, though I feel those cheese can be more heavy. Because I had

觀塘自從活化以來，工業區變化甚大，各式食肆林立，今次約了朋友來食雞煲。以木為主題，環保因素中又覺得很特別。分開兩part，一入去是較西式的咖啡廳，可以安靜享受，方便傾解談心。主要有雞煲或打邊爐兩種，雖然今天目標是雞煲，朋友臨時說不想食雞，所以改為打邊爐。配料有6格，薑蓉是比較少見的。蕃茄粟米湯，湯底很濃，材料還算足夠，酸酸甜甜的，特別開胃。特級雪花肥牛，份量足夠2人，但對於肥牛控，可能才會覺得不夠，個人覺得有少貴。四拼餃分別是水餃、牛餃、雲吞和韭餃，不同口味，各俱特色。豬粉腸處理得算乾淨，放入湯內煮的時間久一點，會更加入味和爽口。鮮炸響鈴，金黃得很，而且很是肥美，還是放入湯內煮一會兒進食才更好味。生菜洗得乾淨，有半份和一份供自由選擇，如果2人建議半份已經足夠了。由於有現場演唱，優美的歌聲令場面變得更加溫馨。

朋友介紹book位去食雞煲。夠曬特別，雞煲三五好友一起食，旁邊有liveband唱歌，話題源源不絕。環境夠大，打邊爐味都不太濃烈。唔錯首先叫左個邪惡的黃金芝士雞煲。金黃色的芝士高貴且帶點耀眼，雞肉份量充足，件件都香嫩細滑，配上細膩的芝士，正食完豐富既前菜就開始打邊爐鮮紅整齊既雪花肥牛大大隻海蝦，新鮮啖啖肉。正黑蟹子墨魚滑，黑色既蟹子夠曬特別。餐廳還有手工啤酒 Hong Kong beer酒精不太濃 易入口

有想像過吃雞煲會有live band聽嗎？這間米走雞live的live也許就是指live band形式很新穎，也令人很期待這餐晚飯呢餐廳在觀塘The Wave的三樓，三樓有兩間餐廳，米走雞live則在較入的位置，看到有個籃球機就是米走雞live的位置了餐廳空間挺大的位置挺寬闊的到三樓的時候已聽到live band的聲音樂隊也挺專業呢，唱足數小時，粵語、英語、普通話歌也在表演之中這裡有兩款雞煲可選，黃金芝士雞煲或是火焰麻辣雞煲，還可選湯吃火鍋來到米走雞live，作為一間芝士雞煲專門店，我們當然想試試招牌的黃金芝士雞煲，我們兩人點了個小鍋。芝士碎的份量也可選，我們選了普通份量選了普通份量的芝士碎，芝士融了後都鋪滿整個鍋！令人超期待拉絲的畫面整個雞塊都沾滿了芝士汁啖啖芝味！點了小份，不過份量不少！也點了不少火鍋配料，吃完雞煲後加湯就可火鍋了！米走雞live有別於其他雞煲店，有live band外，餐廳裝潢或是有特色的黃金芝士雞煲都挺特別的，也很抵食滿足的晚餐

今日有朋友問起, 近來有沒有食到值得再去的雞煲? 便想起開張不久的米走雞。第一次到米走雞，因為經過文青feel工廈WAVE，看到新開，就試一試！可以扶手電梯上一層到升降機大堂或地下直接搭lift都可到達  入到餐廳，如果跟朋友說是小型bar也可以!因為出奇地有好大的空間、funny的霓虹燈, 還有bill gate(哈哈) 和籃球機, 更誇張的是有live band!到底呢度定位是雞煲嗎? 很有玩味和活力  兩個人嘻嘻哈哈好久都未點餐，好在職員沒有對我們白眼我們點了一個黃金芝士雞煲和5個配料，非常滿足～  黃金芝士雞煲(2-3人) $158 黃金芝士雞煲上枱賣相滿分！看到極豐富的芝士粒粒，未吃已經流滿一地口水！ 將雞煲加熱的過程，慢慢溶化芝士，要多攪拌呢！看到芝士拉絲，好幸福完全加熱後，芝士比較流質就可以開始吃雞了雞本身是醃過的，單吃也夠味，加上芝士口感更多層次，味道濃郁雞熟了後我們都不希望過熟，但我們２個人吃得速度不會很快所以先拿起，保持嫩滑，如果凍了，吃的時候浸一浸湯就ＯＫ！～ 拿起雞件之後，加點湯就可以打邊爐了 牛栢葉 $38 牛栢葉大小適中，不會碎碎的，比較好打邊爐，只要時間掌

剛開張的時候，我和朋友已經到來食過了。好耐都沒有食過了，都好懷念著那種淺味，咁啱，行開觀塘這邊，心掛掛地想起那簡直愛得要死的金黃芝士雞煲、火焰雞煲，想起都流晒口水，肚也響起來，不得不望地搵幾個朋友出來，聚會享受一下。朋友到來都要一段時間，那我就先去坐著等朋友到來，我剛到等時候，餐廳內還未有太多人客，幸好，我早到左一步，不然，就要等上位了。地方非常寬闊，坐得都彼舒服，好有距離感，還設有一個舞台，是現場唱歌及有點唱，不愧是一個娛樂兼備的食肆。芝士雞煲，上次我地已食過了，今次當然是叫另外一款雞煲，火焰麻辣雞煲，兩款都好吸引，仍然保留了水準。火焰麻辣雞煲，色澤黃金，加上香菜的彩色，好吸晴，每件雞都是用雞腿肉炆煮，醬汁又好惹味，雞肉都吸收了配菜、醬汁味道，雞肉肉質好嫩滑，麻辣口味，增添食慾。特級雪花肥牛，是我的至愛，今晚的肥牛看來有點肥，淥熟後都黏著一些肥肉，唯有將肥肉撕掉，才進食，但都仍保留了嫩滑口感，鮮甜味，可口。鮮製四色餃子，吃火鍋、粉麵不可缺少的食物，每款餃子餡料十足，肉、蝦仁爽滑鮮味。鮮炸嚮鈴，都是我必點的食物，只是淥一淥就食得，即食，就有軟脆口感，不油膩，吸入了湯低精華，回味無窮！

一直都好想食米走雞 見到觀塘開左 即刻去！嚟到呢度梗係要食自創既黃金芝士雞煲啦我地2個人嗌左細($158)芝士揀左激量！雞煲終於嚟到等佢焗多一陣就可以食啦芝士份量真係好多 多到好似芝士醬咁哈哈我覺得啲雞偏鹹 可能因為叫咗極量不過個鹹度仲接受到 因為唔算太肚餓所以我哋只係另外再叫左烏冬 非常欣賞佢係稻庭烏冬烏冬配上芝士根本一絕！不過有個小插曲本身叫咗杯鹹檸七 等咗半個鐘都冇到 催完都係冇到 最後取消左 對服務有少少失望 但體諒佢忙不過希望下次再嚟會有改善 btw一路食住雞煲一路聽住band 加上環境又好靚 傾吓計食吓野真係好享受！

突然tick起條筋想食雞煲，見到米走雞有得book位就即book即行🚶🏻🚶🏻‍♀️一出電梯暗暗地，裝修似酒吧又有飛標機同籃球機朋友: E~~我地係米去錯地方？🤔好彩職員醒目問我地係米食雞煲？哦~😯環境真係同平時啲雞煲店不一樣呢坐位闊絡又有酒吧既情調仲有人唱歌添🎤🎶坐低叫左個火焰雞煲小辣同幾個餸餸都黎齊哂煲都未上，等左差不多20分鐘個煲先到雞煲:雞肉好滑唔會煲到老哂，湯底辣中一點甜，好好味其他餸菜都新鮮👍🏻牛肉最好食，有牛味唔酥又唔會太多肥膏🤤好似係108蚊，都叫值返個價錢總結食物:湯底，雞，牛都有水準。環境&服務:環境似pub仲有其他娛樂，比較新派既選擇。服務還可以，有漏單同上錯幾次人地既嘢俾我地既情況。推薦度(5分滿分): 3分1分扣係漏單同上錯嘢。另1分就扣係無碌卡機🤦🏻‍♀️如果習慣唔帶太多現金既食客要留意返。

星期日晚的觀塘工廠區的路上，行人稀少，沒有平日的人山人海，人們都是趕著上班、下班回家，總是忙不過來。意想不到，重建工廠大廈內、都進駐了不少餐廳，而且都是面積都是大間，發展得唔錯，裝修佈置都是以簡潔為主，同時又將可娛樂的玩意放進去，唔單止是一間餐廳，娛樂美食的好聚點。今晚是星期日，與親友打完麻雀，一同去離家不還的觀塘食晚飯，假日的晚上，要找位食飯都有些難，想到，在工廠大廈內的餐廳應該是比較人少的，比我地找上這間餐廳。剛進去時，人客還不算多，只有數檯客人，不久，座位不少的餐廳，人客就坐得滿滿的，亦開始了，現場的Live music, 一邊聽歌，一邊欣賞食物，還可以點唱，是一種享受。以雞煲及火鍋為主的，有黃金芝士、火焰麻辣兩種選擇，喜歡辣的我，當然是要了火焰麻辣，黃金芝士太邪惡了。我地四人，點左一個大的火焰雞煲，麻辣香味四溢，大量的香菜、洋蔥配料，滲入雞肉裹，美味可口。雞肉、湯汁都是金黃色的，雞肉全都是用上雞腿肉，大大件，又多肉，肉質嫩滑，配有麻辣香味，增進食慾，口感一流。食完雞煲後，倒入清湯底，又另一食法，火鍋，雖則是清湯底，再加上雞煲湯底醬汁及精華，變得更香濃郁。手打五寶丸拼盤，丸肉新鮮

今日又系我最中意食雞煲既日子 因為聽日要開始上路反intern 所以決定食餐好既 而之前已經食過呢間既分店 甘岩想行下apm就黎左拉講下個氣氛呢到其實都幾有情調 好少食雞煲既會系甘 而且裝飾同設計吾錯 有玩既 有聽既 竟然食雞煲會有live band聽 真系第一次 👍👍👍講下野食先1.雞煲等左足足40分鐘既雞煲 一開始真系等得吾耐煩 等左甘耐 但當你咀嚼既時候 你已經吾記得哂你之前既不憤 比佢既味道cover左 d肉好嫩口 而且啖啖肉 好有口感 味道叫左小辣 吾會話好辣 食吾到辣既人就岩岩好之後又叫左即炸響鈴一共有6個 而且好大卷 仲即炸tim 如果吾擺系湯底到食 你就會食到脆卜卜即響鈴 如果你擺系湯底 你就會食到索哂汁即響鈴不得不提既系竹笙墨魚滑墨肉滑好彈牙 食到有墨魚粒係入面 所以好有墨魚味 加上墨魚肉都幾大條 有一隻尾指咁大 都幾抵食 而岀面的竹笙包住墨魚肉 所以唔會咁易老 竹笙吸曬湯所以好入味仲有個韮菜餃入面d料真系好足 而且又夠大粒 味道已經夠哂味 d皮又夠哂薄 真系吾錯 所以大家都可以試下總括而言 我吾黎呢間分店 都會去佢其下既分店 哈哈

食雞煲本來係一件好普通的事件 ，能夠令我的起心肝寫番篇食評 ，今晚呢間咪走雞 live，係真係有番咁上下水準。芝士雞煲係呢間黎講係好出名的 ，我已經係另一間分店試過喇 ，所以今晚決定 刺激少少 食D惹味雞煲。食材黎講新鮮不在話下 ，呢一樣可能好多火鍋店都有類似質素 。但環境黎講 ，呢間就真係無得輸 。工廠區高樓底 ，空間感十分充足 。抽氣設備完善令到無咩油煙味 。試過係觀塘工廠區食其他邊爐 ，地下果層有時樓底唔高 ，抽氣做得唔多好 ，真係食到氣都透唔到。講番雞煲 ，主菜有水準 ，十分入味 ，落重本勁多脾位 。肉質富有彈力 ，好咬口 ，真係食到好滋味 。辣味方面，我選擇初階 ，點到即止 ，真係恰到好處 ，絕無辣親我呢D純粹吊味，又唔係話好食到辣既人 。當大部份食材都相當新鮮，我決定選擇兩個推薦一下 。手打丸 一式五款 ，蝦牛豬乜到齊 ，有辣有唔辣 ，認真夠殺 。辣我係指黑椒 。另外 ，豬潤都唔錯 ，好新鮮，左少少鹽 ，焯一焯就落碗 ，幾入味 。另外 ，食物以外 ，空間感多就已經抵讚 。大佬，你點估到仲有live band 。20:00準時開波 ，呢下都幾正 。有時出去打邊爐 ，真係好Q

身為芝士控的我又再次出動, 走去呢間以黃金芝士鷄煲馳名既火鍋店開餐, 雖然有其他火鍋湯底選擇, 但我為呢個芝士鷄煲而黎, 其他湯底, 留待下次先!黃金芝士鷄煲有分大同細份量, 細既($158, 2-3人分量), 可選芝士碎份量, 呢客係芝士碎(小量), 以大量洋蔥打底, 面頭灑上紫洋蔥及芝士碎, 開火爐滾起就食得無需等好耐已經滾起, 芝士碎熔掉及加上洋蔥既甜汁已變成香濃幼滑既醬汁, 頗大件既鷄已完全被芝士濃汁所包圍住, 食落有芝士既咸味, 鷄肉頗滑, 同芝士真係好夾, 再食埋已經煮腍左既甜口洋蔥, 嗚................芝士控的我表示相當滿足!食完呢個鷄煲, 侍應會主動加芝士湯(唔怕會沖淡個芝士味)等我地可以進行火鍋, 咁等我地落火鍋配料單先, 選擇包括有肉類/海河鮮/丸類/手打鮮製類/蔬菜菌類/粉面等其實食完個鷄煲都已經飽左一半, 所以精選以下呢幾款: 脆鯇片($58) - 魚片顏色光鮮, 片成蝴蝶形, 口感爽脆但小心細骨, 要慢慢食!手打鮮墨丸 ($68) - 一客8粒, 每粒都雪白飽滿, 烚完食落好彈牙, 仲食到墨魚碎, 保證真材實料, 貴少少食手打係無錯既!雜菇

兩三年前已想試米走雞，但果時得長沙灣店，唔太就腳，約唔到人去。今日上網一check，原來開多左幾間分店，仲有間係係觀塘添，於是就約埋中同去試，因為近大家既屋企。由於我地得兩個胃，唔敢叫太豐富，叫左個芝士雞煲、花膠、粟米、五寶丸同薯粉。個芝士雞煲真係無令我地失望，芝士味濃郁，雞好嫩滑，份量多。其實如果細食，兩個食呢個煲都可能夠飽。煮左5分鐘度，d芝士溶哂，可以食啦粟米好清甜，唔錯。花膠大大舊，分量多。五寶丸就較一般，早知叫餃算。薯粉索哂芝士汁，好正，不過食到最後好滯。