米走雞Live

营业中

休息中

j 官塘工廠區食店越來越多，平日上班時間無暇去品嚐，今晚和老公特意探索一下美食在官塘，搜索到我老公至愛的雞煲，平日官塘已經十分塞車，因馬路兩旁泊了落貨貨車，假日竟然換了私家車，真有點意外，都很壯觀，進入餐廳第一感覺是在國內的食店﹐這餐館地方很大，劃分幾個區域，有西餐區、火煱區，遊戲機區，且還有駐場歌手及伴奏表演，好適合家庭或朋友敍會﹐ 大人可沒有受小孩喧嘩而暢談一番﹐小孩可以無拘在束在遊戲區玩耍﹐因此大人小孩可以各有所好歡樂一下。 這間食店招牌是芝士雞煲専門店﹐但吸引我們卻是火焰麻辣雞煲﹐這款辣的指數分4級﹐1椒2椒3椒柔6椒﹐我們選2椒辣試一下辣的程度﹐雞煲跟了一碗雞汁﹐服務員好細心幫我們將雞汁倒入煲內烹調一下﹐再蓋回煲蓋焗2-3分鐘左右﹐服務員表示這樣雞件會更入味﹐煲內有辣椒乾、洋蔥、中芹及芫茜等配料﹐打開煲蓋麻辣香味散出口水也跟隨流了﹐每件雞件肉質嫩滑且入味﹐2椒的辣度剛好﹐熱騰騰加上點點的辣﹐食得好過癮﹐且大大件啖啖肉﹐滿足了口感﹐老公讚口不絕﹐雞件食完了﹐可以加湯做火鍋﹐火鍋配料款式也不少﹐只是牛肉也有5款﹐老公便選了幾

衛生唔得d 枱邊同地下痴笠笠 一入去坐底 坐邊位 見到d 一隻隻飛黎飛去已經勁嘔心 無晒胃口 坐左一陣 見d 飛行物體走晒 咁照食啦幾舊水野唔要求得咁多，不過唔會再黎。 之前係長沙灣果間食開 ，d野好食衛生ok 成日去。 依家觀塘依間 除左live band 無野得， 唔會再黎。

呢間係觀塘工廈嘅米走雞專食雞煲打邊爐，話雖工廈，都好近地鐵站。上到去地方黑黑地嘅，又有d少男少女band live仲有得點歌，幾有氣氛。服務都好好，帶我地埋位又會話小心地滑，但其實地下都冇滑，不過佢咁細心已經係服務方面加晒分，而且邊食邊協助我地，又會主動問加湯等，good。講返食物，我地點左火焰麻辣雞煲點了bb辣，我食吾得辣嘅都接受到，好惹味又香，雞一點都吾老，好嫩滑，份量都好多，食完滑雞打邊爐點了手切新鮮牛頸脊，好香牛味，都好新鮮，仲有竹笙墨魚滑，佢吾係普通墨魚滑，加了竹笙又幾特別又幾夾，第一次食，吾多地方有，可以一試。脆肉鯇夠彈牙，新鮮，肉質鮮甜，愛魚人士一定要食。仲有蒙古羊肉片，份量都好多，切得薄，食落吾蘇，幾好食呀，還點了菜同丸等，食到超飽，幾正，價錢合理，會再嚟食。

同朋友體力勞動完之後真係好攰，當然要食餐好嘅慰勞下自己，朋友盛情推介米走雞，話未食過芝士雞煲，咁岩我都未食過，咁就一齊黎左喇。芝士雞煲上左台之後真係嘩左一聲，勁多芝士呀！真係超幸福！係闔上煲蓋等緊芝士溶之際，我哋都不停忍唔住夾啲芝士出嚟食我哋仲有另外加到餸，加左粟米花膠薯粉等等啲芝士溶左之後，同雞煲係意想不到地夾，不過食到後面有啲濟濟地，果然係邪惡芝士！我哋兩個眼闊肚窄， 叫左咁多野都近乎食唔哂， 下次真係要量力而為同場有live band 助興，為現場氣氛加分！

已經好耐冇打邊爐。今晚又響觀塘附近，所以嚟咗呢度試吓。呢度地方好新淨，個場好大！就算推BB車入來也闊落有餘。冇諗過食雞煲的地方咁有情調！有設計有裝修，坐得好舒服。竟然有電子籃球機！仲可以玩飛標𠻹。抽油煙系統做得好好，店內冇味冇煙。走時個身都冇油煙味。最新奇係一路打邊爐一路聽Live! 好有情調。而且仲有得點歌！我同老婆分別點了兩首歌，歌手自彈自唱，唱得好有水準而且首首歌都啱曬我口味。講返嘢食，呢度湯底和食物選擇很多。我們叫了個蕃茄粟米湯底，個湯底好濃郁，老婆連醬油也冇點就直接食。湯底d料都好足！d粟米大大舊，仲有蕃茄和紅蘿蔔。啲菜都好新鮮。韮菜餃大大粒，皮夠曬薄，饀又足。而手打五寶丸拼盤一次過滿足曬五個願望，同老婆一人一粒，肉丸係手打自家製新鮮且彈牙！烏冬好滑身，撈埋d濃湯真係不得了！如果你鍾意食響鈴，你一定要叫！佢係自家製丶新鮮炸的。就咁食好脆囗。佢個size真係好大，放入鍋的話索曬啲汁，極之惹味！好邪惡足足有五大舊。牛肉嚟到齋係賣相已令人垂涎！手切的牛肉牛味濃又唔酥，鮮嫩又唔韌，好有質素！同老婆一路聽Live一路食咁有質素的食物，既浪漫又滿足。

今日放工後即興同友人去觀塘The Wave入面依間米走雞Live，見佢有我最中意食嘅芝士雞煲，決定一試。環境唔似一般嘅雞煲火鍋店，反而有一種西餐餐廳既感覺，亦都冇其他火鍋店嘅嘈吵。現場仲有live banding唱歌，食餐雞煲都十分有格調！首先登場嘅當然係芝士雞煲，未煮滾嘅雞煲都已經好吸引！煲滾咗之後第一時間試下入面嘅雞，十分之滑，唔會韌。仲有濃濃嘅芝士味，仲可以拉絲添。之後就加水打邊爐，原來加水都係加芝士湯，成個湯都充滿芝士精華，又唔會太膩。日本廣鳥蠔，十分肥美夠曬大隻，充滿鮮味。特級雪花肥牛，雖然今次淨係叫咗個細既特級雪花肥牛，但份量絕對唔細，兩個人食都食到有啲滯，應該夠三個人食。肥牛夠曬厚唔會太薄，雪花嘅分佈都十分均勻，食落十分有牛味，入口就可以咬開，完全唔覺得韌。不得不提就係依個手打五寶拼盤，兩個人每樣一人一粒可以試齊曬咁多種！分別有：墨丸、蝦丸、鯪魚丸、豬肉丸、牛丸全部手打丸都好彈牙，必定要一試。包心丸，入面充滿蟹子，十分彈牙，唔係一般超市質素。雜菇拼盤，食咗咁多肉，食返啲菇同菜清淡下，一流。飲品就嗌咗手工桂圓啤酒，飲落有淡淡嘅桂圓味，唔會太甜保留咗啤酒嘅甘香味。埋單六百幾蚊

打完波去食雞煲! 諗埋d咁邪惡嘅活動當然係我啦，同朋友book 左打波後黎呢間米走雞live食飯，諗住可以坐耐d吹下水聽下歌，係觀塘站行幾個街口就到。先黎一支手工啤麥子，桂圓味甜甜地朋友話幾好飲喎，我都係飲番烏龍茶....叫左大份麻辣雞煲，上枱時店員會炒起d雞有藍色火焰，好厲害。大份份量都幾多，足夠4-6 個人分，啖啖雞腿肉好嫩滑好厚肉，醬汁夠惹味，微辣都有麻辣嘅感覺，個煲仲會愈滾愈辣。牛頸脊份量好多，連刀切成蝴蝶形狀，肉質好嫩滑，少少爽口，牛肉味非常香。即炸響鈴好大舊，夠薄夠脆。羊肉片有驚喜，唔羶，肉質好嫩。油麥菜份量多，新鮮!炸魚皮係另一驚喜，好薄好脆，無油益味，比起雲吞麵店食到嘅更出色。竹笙墨魚滑，入面塞滿左鮮甜彈牙嘅墨魚滑，外面有吸滿湯汁嘅竹笙，好有層次，夠創意!食雞煲嘅時間全程有live band 表演，今晚就有candel music 嘅一班年輕人係度唱歌，唔知道佢地是否願意網上露面，先行打個格仔，有自創音樂，有唱下流行曲咁，仲可以比客人點唱，雖然表演水準唔算好高，但一路食野一路有人唱歌表演，的確係幾好feel，原本覺得雞煲同live band 兩樣風馬牛不相及，原來聽下食

平時食雞煲就食得多,衣間係第一次食,亦係個人覺得最好味的,因為最吸引我就係佢足料之餘真係啖啖肉好少骨,真係頂瓜瓜先講一講佢地點,由於我地揸車去,泊響附近!但上去途中都行錯路....結果去左餐廳後門入見到以下地點唔好由電梯上去.....行前多幾步會見到以下似停車場既大門,之後有升降機上去。裡面有2間餐廳mix左同一場地,另一間係食西餐的!今日book左6:30, 時間還早未有好多食客.......餐廳外圍好特別,有個籃球機,後期都有好多小朋友玩餐廳環境好闊落,少有全部座位都係梳化雖然米走雞係芝士雞煲專門店,但我都係比較傳統食返平時既麻辣雞煲朋友其實係唔食得辣,所以我唯有揀個最少辣食!有D款式都幾特別,如竹笙墨魚滑先建議order左個雞煲先 $148......2位都可以坐闊落梳化位,全程真係食得好自在,可能加上場地好大,感覺亳無壓迫感枱上說明食雞煲程序,佢係多左2節唔同坊間的,幾特別.....雞煲黎到,侍應先會調教到最大火,冇耐佢會用火槍點火,D雞係會著左火,不過係少少姐!唔洗驚之後炒兩炒就倒入放在旁既湯底(小碗),焗多3分鐘就可以食lu。雞煲小辣都好入味,好麻喇!要大讚雞件真係好多仲好

食芝士雞煲食到有歌手現場彈唱！食芝士雞煲食到有成Jar芝士湯底放底任加！食芝士雞煲食到有投籃機、飛鏢機可玩！食芝士雞煲食到有3寸直徑厚響鈴……今日在觀塘The Wave，感覺超新奇！芝士份量有得揀，我梗係點咗激量……滾佢6分鐘，收保溫掣就可以食到香滑軟糯芝士雞件……食到咁上下，開始打邊爐……是晚點了特級雪花肥牛，大大碟肥牛油脂分布平均，醮上芝士濃湯，不用調味已經好夠味！再嚟超級肥大響鈴(脆口大件必食之選)、魚皮餃、包心丸、紅薯粉、油麥菜……值得推介還有黑蟹子墨魚滑，鋪面蟹子超多，魚滑彈牙爽口，記得蟹子不要放鍋太久，過老會變色……最好放在自己碗上，撈些熱湯入碗便可食用，咁就保留原味脆卜卜！總評: 環境型格舒適、食材選料新鮮上乘，非一般雞煲店，值得回味！😎

有咩開心得過同好朋友放工之後Happy Friday食雞煲吖觀塘呢間雞煲店其實之前喺銅鑼灣都食過一次，上次食芝士雞煲，今次決定要試埋佢個麻辣味，睇下係咪一樣咁惦先！觀塘呢間雞煲店同銅鑼灣分店有一樣野係特別唔同，就係呢一間有現場live聽，一邊食雞煲，一邊有歌聽，絕對係雙重享受！另外仲有籃球機玩，籃球迷過足手癮！店舖環境舒適，空間十足！坐底一陣，友人已經急不及待嗌野食，心急得佢吖！過左一陣，先嚟個麻辣雞煲（bb辣）！店員話先將雞煲蓋上煲蓋，一滾就叫佢地幫手雞煲滾起就點火搞拌，再落埋附上既麻辣湯，超香！雞件每一舊都啖啖肉，冇乜碎骨，另外，味道上，夾雜洋蔥、莧菜等配料，風味十足，而且bb辣絕對適合想試麻辣又食唔到辣嘅朋友仔，你懂的！之後火鍋配料陸續送上，包括：肥牛，花枝片，午餐肉，同五寶丸！每一碟都份量十足，而且新鮮!特別特級雪花肥牛同五寶丸，前者脂肪分布平均，牛肉味濃；後者超彈牙，每個款式都有幾粒，可以一次過晒試暈晒！打邊爐當然唔少得汽水啦！爽快！最後埋單五百幾，個肚飽到呢⋯不過我相信下次會再嚟！

性價比唔太高 既港式雞煲火鍋雖然話個芝士雞煲 既味道幾好睇落去以為會好滯 其實都唔會味道亦唔會太過鹹 或者太過濃不過 火鍋配料既性價比比較低全部配料都係酒樓價 牛肉更貴鴕鳥肉冇咩肉味 個賣相比較差不過食落都唔會太韌 冇渣冇筋水餃拼盤 好求其嘅四款餃x2 係未解凍與解凍嘅邊緣 唔吸引竹笙墨魚滑 上枱外表只係竹笙裏面其實有墨魚滑 唔係太特別有冰左嘅蜂巢豆腐半份 可以既叫咗一隻翡翠苗冇特別 係貴囉有麥氏出品嘅手工啤 都幾好飲雜菇併盤望落都可以 無咩特別員工好隨便 無問清楚就加左湯我哋話唔加麻辣湯 佢就落清湯後期先知道 原來可以加芝士湯因為見突然啲湯既顏色'黃咁咁'其實個場有live Band都幾嘈下想傾計嘅話就唔係一個好選擇有人生日都唔係太製造到氣氛三個人食$800 其實可以食好啲

之前試過銅鑼灣米走雞，覺得質素不錯。今晚與親戚們黎觀塘店，貪佢晚上八時起有live 演唱。今次我地點了細芝士雞煲 （$158），仲揀左少量芝士。但其實芝士份量也不少，夾起時也有拉絲效果。手切特級霜降和牛（小） $288小份的和牛有大約16片，油脂分佈平均。焯熟後的牛肉好香，必點之選！手打五寶拼盤 $88拼盤有墨丸、蝦丸、鯪魚丸、豬肉丸、和牛丸。個人覺得牛丸最惹味，有黒椒味。出前一丁 $14一丁吸引左芝士湯底的味道，非常濃郁。間唔中食吓呢啲邪惡食物，的確係滿足味蕾。稻庭烏冬 （$19）好滑備註：餐廳會收 每位$12的醬料費

上次去過Mini Friday，鍾意佢個場夠大夠闊落。週日同親友食飯，就揀左旁邊的米走雞。冷氣開得夠大、即使外面36度、仍然可以涼浸浸吃火鍋。先來一個芝士雞煲、芝士起絲、不過雞就冇乜味道、洋蔥幾甜。吃完雞煲、加入出前一丁 $14變芝士撈丁、邪惡而美味。然後可以加清湯或者芝士湯打邊爐，因為唔想太膩、我地要了清湯。黑蟹子墨魚滑 $88墨魚滑幾爽口彈牙、熟了的黑蟹子變了綠色、很有趣。手打五寶拼盤 $88有豬肉丸、鯪魚丸、墨丸、牛丸、手打的質感都比較彈牙。手切特級霜降和牛 $288 賣相漂亮、油脂分佈平均、入口軟嫩又充滿油香，正！豆腐$18生菜 $22韮菜餃$78偏鹹、有點南乳味道。餐廳八點後有Live Band，不過音響太細聲、亦不太聽到在唱什麼歌。建議可開大一點喇叭或唱多一點耳熟能詳的歌曲，好讓坐後面的食客都能欣賞表演。

又到一個月一次的closing dinner，上次吃了隔離的西餐，今晚就決定來這裡打邊爐。這間店叫米坎雞LIVE，應該就是因為這裡有LIVE BAND表演的。首先揀左個煲先，我們三個人，點了一個小芝士雞煲。因為吃完一個雞煲，都會飽了一半，所以只點了小量的配料和菜。*黃金芝士雞煲(小)($158)雖然芝士的份量可以選極量，但是因為怕太膩，還是要普通好了。因為上台的時候，已經煮熟了七八成，所以再煮多六七分鐘就可以了！雞肉很嫩滑，而且很重芝士味；唯斬得不夠細件。*日本廣島蠔($78)蠔只有六隻，感覺上不太抵食；尚算有蠔味。*鮮製四拼餃($88)四拼餃有水餃、牛餃、雲吞和韭菜餃。因為分唔均，所以就只吃了雲吞和韭菜餃；雲吞的豬肉餡很大舊，肉質都算彈牙；韭菜餃的餡都很多，很香韭菜味。*豬潤($38)平時很少點內臟打邊爐的，今日即管試一下豬潤。豬潤看上去頗新鮮；熟了之後很爽口彈牙。*油麥菜(半)($22)油麥菜很翠綠，看上去都洗得頗乾淨。*雜菇拼盤($42)雜菇拼盤可以一次過滿足幾個願望。雖然菇的味道可以，但是看上去有點氧化了，不太新鮮。*醬油費($12/位)其實芝士雞煲的湯底已經很夠味，不用點醬油

服務態度差叫竹庶予根 佢叫我落紙 但係我寫完又話我寫一個曬佢紙 黎到又唔凍 杯又俾唔夠 叫佢拎仲黑面啲芝士雞煲芝士又無味 咁既質素 竟然仲可以收人咁既價錢 永不幫襯！大失所望！垃圾本來成班人去食開開心心 我身為顧客 去到仲要受氣 呢啲服務態度 就係免費俾我食我都唔會再去 嗌野食又係旁邊吱吱喳喳！