米走雞Live

营业中

休息中

觀塘d 工廠大廈不嬲都多野食，今次就同男友黎尋寶，上網見到呢間餐廳有得食雞煲之外仲有live band, 就決定黎試下閒日晚上6點到達 未到食飯時間所以未有人個場好大好新淨 d座位又闊落又舒服 好啱一大班朋友上黎食酒飲酒吹水聽歌雞煲有兩款可以揀 由於同男友都係鍾意傳統麻辣雞煲 所以冇試到出名既芝士雞煲火焰麻辣雞煲$148 (兩隻辣椒）雞煲上枱之後等佢滾起，侍應會過黎倒一碗特製既醬汁落去再點火，再炒一炒佢，香氣即刻飛晒出黎二人份量一d都唔少，d 雞肉配埋洋蔥一齊好惹味，加上大大舊啖啖肉，好啱懶得lur骨既我，算係食得辣既我地覺得兩隻辣椒未算好辣，下次食可以再挑戰多兩隻辣椒鮮炸響鈴$48勁勁勁大舊，皮薄脆卜卜特級雪花肥牛（小）$108份量都好足，大大塊又新鮮，脂肪分佈平均黑蟹子墨魚滑$88墨魚滑又滑又彈牙，加埋黑蟹子咬落會脆卜卜，又多左另一份鮮味紅薯粉$14加落雞煲度食即刻變左麻辣薯粉，熟左之後咬落有QQ 既感覺，好得意大約7點會有live show, 原來晚晚都有唔同表演者，呢晚係一位男歌手，唱歌幾好聽，仲有得點唱添

首先說一下對餐廳感覺，這家跟別的食雞煲餐廳不同，格局像酒吧，可以擲鏢，飲cocktail，聽band live，頗有新鮮感。地方大，但客人少，基本上不用等位就可以進去。6點45分進去，還來得及happy hour, 所以點了一點酒精飲品。cocktail嘛，就是正常的味道，不用有什麼期望。重頭戲，當然芝士雞煲喇！可選芝士碎份量，身為芝士控當然會點最重份量的芝士碎呢！不過，濃濃的芝士雖然是十分邪惡，但味道有點淡 ----- 牛奶味過重，芝士鹹度不夠。而且洋蔥份量多得有點誇張，3/4 都是洋蔥，也太誇張了吧！ 所以最後拿了一點調味盤的辣椒粒倒在雞煲裡煮。至於雞煲的雞件，也許是雞太瘦，感覺骨多肉少。 雞煲過後再火鍋是常識嘛！所以呢，我們就加芝士湯配火鍋料繼續吃！ 而火鍋配料點了娃娃菜，響鈴，午餐肉，雪花牛，午餐肉，蟹柳，芝士丸，wasabi墨魚丸和醉雞肉丸。基本上配料都算是新鮮，除了wasabi墨魚丸和花雕肉丸，味道也不過不失。為什麼只特別強調這兩個？因為這兩種丸其實只是普通的墨魚丸和肉丸，完全吃不出wasabi和花雕味。最後三人埋單承惠980蚊！ Um.... 個人覺得就算點了三杯酒，整體

上次已經和朋友來食過芝士雞煲🐔，今晚再encore！不過因為上次已經食過黃金芝士雞煲，今晚決定試下傳統火鍋。湯底選擇了皮蛋芫茜湯，除了皮蛋，芫茜，馬蹄，還有豆腐，紅蘿蔔和粟米，十分足料！我連粟米全部吃掉。叫了翡翠苗，油麥菜，鮮冬菇，辛辣麵。辛辣麵還配上味粉呢！不過湯底已夠味，最終沒有落味粉。怕不夠味，可以自行調味。白膳片有驚喜，爽，脆，滑。特級雪花牛肉（小）四拼餃很神奇，煮了很久也沒有爛，而且多汁。鯪魚釀豆卜是我的最愛，煮完漲卜卜。講到特色，當然是有live band啦！一邊食東西，一邊聽樂隊唱歌。味蕾與聽覺雙重享受！約三五知己前來食東西，是很不錯的選擇！值得再encore ！

聽講米走雞係觀塘開咗新店，一直都想試吓佢嘅芝士雞煲嘅我，就立即去book枱試食，個芝士雞煲真係好掂，食落去一啲都唔覺得好油同埋好濟，肥牛同埋其他野食都幾好味，但係最好食都係嗰個芝士雞煲。同埋佢最大特色就係食食下野就會有Band show俾你去聽，隔離有另一間西餐廳，裝修方便感覺都幾好，唔似一般嘅傳統打邊爐酒樓。價錢方便都係每個人大約$300-＄400到。

今日收工衝著芝士雞煲而來到呢間火鍋店，聽聞分店有幾間，不過吸引我來的係觀塘有live band既分店。上到去一開lift門，估唔到地方咁大喎，座位闊落，冷氣充足。今晚都幾多人，不過坐低左又唔會覺得有好嘈既感覺。當然我點了我最想食既黃金芝士雞煲啦，芝士重可以揀多/小/普通。雞煲望落顏色好靚好金黃，睇住d芝士慢慢溶，勁心急想食呀！店員亦細心提醒5分鐘調較至保溫，等d芝士hold住响未完全溶掉既狀態食，嘩！芝士唔膩又香，配上滑雞真係好好食！仲要有洋蔥、乾蔥、芫茜配料超級甜。以前食過芝士鍋都好濟，呢個真係整得好正！食完雞煲之後加既湯都係芝士湯黎架，可以keep住個味道，我們再加左特級雪花肥牛，顏色靚，新鮮好食！手打五寶丸：好特別既墨魚丸，感覺起膠好彈牙；蝦丸真係有成隻蝦仔响入面；豬肉丸、牛丸、鯪魚肉丸都唔錯。因為手打所以同平時食既唔一樣，感覺幾特別！仲有雞子、娃娃菜慢慢滲入芝士湯入面都好夾！今晚係兩個女仔唱live，自彈自唱，用好柔和既歌曲配合慢慢傾偈打邊爐，成晚食得好舒服。

今晚有兩位千禧後小朋友👯帶我去食 fusion雞煲🐥🍲睇個門口以為小朋友改變主意去食好西;事關齊睇🚪門面🚪真係唔知食雞煲🐔,原來餐廳有2個section分開食西餐同食雞煲。小朋友叫了個芝士雞煲,心諗💭就下你細路🙆啦～喱啲咁嘢gimmick嘢，邊👹度好食呀。故事教訓凡事無絕對😔 雞件預先醃製過,先至落芝士上枱, 兩者出奇地夾 食完雞之後,可以任揀清湯同芝士湯,我哋怕太漏,所以點了清湯, 而食品色澤鮮明,都算新鮮。 自家手打墨魚丸🐙超正! 口感唔同出面其他。 但呢度啲招呼🙈就一般,都係嗰隻,似係part time做又36唔做又36🙍。同埋食中式嘢🍵多數有茶🌱招呼;尤其是食呢啲咁重口味👅嘅嘢,而呢度就要續杯續jar🍺計,真係有賺到盡 亦都喺呢個位 自暴其短 👻因為埋完單出嚟,先覺得超口渴😌 每次食完超多味精😣的食物,就係呢種感覺, 出到去我要買兩支🍼飲嘢先解到口渴😰整體嚟講食物新鮮但湯底調味太多味精 😣同唔夠茶水供應, 而價錢亦都唔係話平💵 好在有幾位好朋友一齊食 先至補番數食得開開心心

同朋友約咗好耐食雞煲，諗住近佢就係觀塘食，咁啱米走雞有分店👍🏻之前食過其他分店好正，食過返尋味啊！全層分Bar＆Restaurant同雞煲～Bar個邊可以掟飛鏢！原來店名嘅Live真係指會有Live Show，今日係星期二有人自彈自唱，仲可以點歌😍每一次想試芝士雞煲嘅時候都總係忍唔住食返麻辣味，因為聞到隔離食勁香😝見到火焰就覺得好正，爆炒完之後比平時嘅雞煲更加香，一邊淋上秘製辣汁～好多莞茜同洋蔥做配料👍🏻今次BB辣麻辣汁落一半就夠辣啦，好麻！件件雞脾肉，啖啖肉好嫩滑😝👏🏻兩個人食就咁食半隻雞（$148）都幾飽，如果啲雞件可以切細件少少就更加方便啦😋花膠（$88）切得好大片，唔會怕縮水，吸晒啲辣汁令到平時好滋潤嘅膠質變得好惹味，但係又夾到！爽口之餘，面頭仲保留到啲骨膠原😍翡翠苗（半份 $25）好細條，但唔算好嫩～豆腐（$18）豆味好濃，唔會一淥就散，好味😛竹蔗茅根（$68）好夠凍，飲落去好解渴，甜度適中，可以舒緩一下啲辣味😂👍🏻

當日係叫咗個大雞煲, 鱔, 響鈴, 肥牛, 同蘿蔔雖然知呢度係芝士雞煲較出名, 但個人麻麻哋, 都係食番麻辣小辣, 通常都會係一隻或半隻計,一睇張點菜紙細(2-3人)大(4人) 好怪, 一嚟到嘩~全部都係切到大大嚿嘅脾, 已經唔太滿意, 個料底味道偏淡, 仲要雞無醃過料頭無爆過, 最離地係佢個賴有卓頭嘅火熖, 只係加咗大量酒點個火你睇吓, 結果似食緊醉雞煲多d, 難食到無下次反而港式邊爐會好好多, 用料新鮮份量夠, 鱔好爽甜, 肥牛亦有水準, 響鈴就卷得太多層好膩, 其他就不過不失其實環境好好, 招呼又唔錯, 食吓嘢吹吓水嘅好地方

塔塔子係雞煲迷知到官塘開左間新雞煲店仲話有live music咁巴閉，一於同幾個姊妹去試下肚餓得滯，叫左皮蛋食住先，一上檯...擺得好求其，塔塔子人格擔保我冇整亂過佢！睇見即刻冇咁餓，好彩味道尚可...主角黎了，侍應放低個煲加一碗汁就粒聲唔出走左，塔塔子初黎報到，乜都唔識，就咁由佢煮左陣就食一入口好強烈酒味，雞好甜，但沒有雞煲嘅惹味不是味兒充滿好奇嘅塔塔子忍唔住問侍應果碗神秘的汁係咩？結果就係一句「點雞嘅」一試有d麻味。呢個時候，望到隔離檯都係叫同一個雞煲，侍應又點火又炒又加汁，火焰應該就係入口果d酒味！點解我地冇呢個服務呢？我地問經理為何我地冇火焰，佢東拉西扯一回終於承認係侍應跟漏左，仲竟然回應：你地今次當攞個經驗囉請問塔塔子我食個雞煲都要咩經驗呢塔塔子經驗就係：不會再來唔好以為好高級，只係普通魚子，煮熟左d魚子仲會變藍色...蔬菜正常，不過呢d都好難會差既...竹笙算新鮮好彩有啤酒「下下火」

好耐冇食過雞煲啦！聽朋友講話觀塘有間有得食芝士雞煲，而且得閒仲會有Live Band唱下歌咁。聽落幾岩feel，所以放左工就同撈勻女神去左試。入面環境都幾好，可能因為早，所以唔算好多人，唔洗等就直接有位。另外裝修都幾特別，可能因為會有Live Band既關係，所以有少少酒吧既感覺。去到先知原來食完雞煲，仲可以加料打多個邊爐！咁岩早幾日撈勻女神抽起條根話好耐冇食雞煲，車車又話好想打邊爐，真係一舉兩得！咁呀，未打之前，Master of Sauce既車車，緊係要溝定個岩自己口味既汁汁啦！同出面大多數既邊爐一樣，都會有指天椒、乾蒜、濕蒜、蔥花、薑粒同車車最怕既臭芫茜啦！溝完一大輪再加d豉油，搞掂！撈勻女神話落咁多辣椒，等第二日火燒後欄啦！叫左冇耐d邊爐料已經頭哂，但個雞煲未到，搞到車車同撈勻女神有得睇冇得食因為驚眼闊肚窄，所以唔係叫左好多邊爐料，只係叫左份大牛肉；同用個名就吸引到撈勻女神叫既蜂窩豆腐。仲有個黃金金既物體，係之後食完雞煲當湯底加落去既。好彩個雞煲都哂洗等好耐就上埋！上左之後記得等五六分鐘得d芝士溶好先食喎！打邊爐同雞煲，就緊係要啤啤佢先得嫁啦！咦到有好多唔同既手工啤供大家選擇，

跟著2個team mate來「米走雞」吃雞煲。他們之前吃過，而我和另一個是第一次。我們是突然要一起吃晚飯，所以沒有訂位。人很多，等了個幾鐘，由有人等到所有人都散了，真的是等到花兒也謝了。來過的兩位說之前一來便有位，可能現在是出名了，而且是星期五吧。地方很大，一邊西餐，一邊火鍋。火鍋人多，但分邊，西餐有位都不能坐火鍋客。環境靚，又新，又modern，還有live band。9點半，終於入了去坐下，叫了吃的。火鍋料都到齊，竟然雞煲沒到。但我們是先order雞煲的。這真的是「有得睇，無得食」。結果10點才開餐。餓得我！配醬有多款，現在的火鍋餐都是這樣的，各適其式。雞煲味濃，雞很滑，又入味。4個人吃，雞很多，吃極還有。其中一個不太吃得辣，所以叫了小辣。但一直吃一直吃，小辣也很辣。味道是真的不錯，我也好在頂得辣。雪花肥牛很好味，牛味重，入口即溶！脆鯇腩 - 爽口、彈牙，新鮮！手打魚丸 - 爽口，裏面還有芥辣，是特別，但加了芥辣沒有提升好味。笑哈哈 - 必食！推薦！雙重蝦滋味！上面的魚子要在下鍋前用筷子按下去，才不會淥時飛出來。很爽口，口感極佳，讚！豬腩肉 - 也有雪花，味道不錯！娃娃菜 - 新鮮

新奇的芝士雞煲！味道幾搭，雞肉ok不會太老主要配洋蔥，如果洋蔥更甜就好了！加湯後淥野個味都好正！最impressed係各樣配料質素唔錯！蠔大大隻無雪味👍🏻響鈴真係鮮炸，好好食😋牛腩（？見相）同墨魚滑都新鮮好食韭菜餃皮薄餡靚待應好留意到客人叫佢地👍🏻Live band氣氛好好，唱得幾好聽！尤其係一d經典歌曲，beyond, 盧巧音個d超耐無聽過總之整體非常唔錯！裝修有d心思，係一舊舊雲狀嘅燈😙成個環境感覺乾淨，廁所都乾淨企理，有心做雞煲！

初聽朋友說要吃芝士雞煲, 心裡是有點反對的; 芝士跟炸雞還可以想像, 怎麼芝士可以跟雞煲放在一起?  帶著疑惑跟朋友到觀塘米走雞 LIVE, 上網看過共有四間米走雞, 應該四間是主打不同主題, 觀塘這間就是有BAND LIVE同場演出, 上到去發現地方很大 , 原來這場是西餐店拼火鍋店,   還有飛標機提供, 既像酒吧又是西餐廳, 更是火鍋店點了二人的黃金芝士雞煲+特級雪花肥牛+WASABI 手打墨魚丸+濃汁磨菇+兩款半份菜, 芝士只點了普通份量的, 原來也不少, 看著芝士慢慢跟雞肉混在一起, 香氣四溢, 心大心細的嘗了一口, 想不到芝士跟咸味的雞煲居然有種出奇的協調, 早知就點大量的芝士吧! 特別一提是他們另外提供一壺湯底給客人自己加添, 後加的湯底不是一般食店的清湯加水, 所以即使吃到尾段湯味仍很足夠特級雪花肥牛沒有令人失望, 牛肉很有牛味, 不帶半點雪藏味, 而且芝士味沒有蓋過牛肉的鮮味, 加上洽好的脂肪比例, 吃起來令人大滿足; WASABI手打墨魚丸很有趣, 吃到中間會有漿爆一小下子的WASABI湧出, 但不會太攻鼻; 濃汁磨菇是冷盤, 朋友說好像是一種潮州食品的吃法, 用花

Orders took 30 mins or more to arrived. Eventually, it was missed and the ordered twice by the staff, the manager took forever to fill soup, the pot was burnt. I order two cups of tea and it never arrived. The quality of food is acceptable, however the service is worse than McDonald. They should hire new manager to salvage the restaurant.

星期五晚飯，忙左一個星期，當然想坐得舒舒服服，食餐好味嘅，同朋友聚下傾下偈...但呢間舖唔會做到以上我講嘅任何一樣野食物唔好食, 雞冇味, 雞煲連個醬汁都做得唔好環境嘈, 因為有live band, 唔好聽之餘, 嘈到根本連同朋友講野都困難侍應送食物上枱, 跌左隻餃落枱，夠膽喺我地面前就咁掏手執返上碟, 對唔住都無句就走開侍應叫極唔應，見你舉手迎面而來扮睇唔到, 應左你又唔做，埋單都叫4次先有人埋, 完全唔掂呢d舖頭唔會再有下次