米走雞Live

营业中

休息中

又係試新野嘅時候，今日突然想打邊爐，所以揀咗啱啱响觀塘開業嘅餐廳！入到去應該係剛開業，所以冇咩人知道！得幾枱客人！環境方面 : 每枱都好寬躺，坐得好舒服，地方乾淨！服務方面 : 每個侍應都有禮貌，可能係新開所以都有D甩甩漏漏，不過佢地都會努力跟進！食物方面 : 火窩材料係新鮮，但係窩底就差D，麻辣雞煲超咸，而且雞係用雪藏雞髀另外蕃茄粟米湯底，係食得出加咗番茄醬和糖超咸的雞髀加了茄汁和糖的湯底夠香脆爽口，大隻無咩牛味，牛脂分布唔係平均最唔明白係.....點解話明係新鮮，D肉仲未溶晒雪

咪走雞長沙灣店新開張個陣時就試過一次, 我記得仲要排成個半鐘先有得食。不過依家分店越開越多,連觀塘都有,而且店舖相當大有好多個座位,所以今次一去到吾洗等就有得食。我依舊叫左米走雞嘅招牌黄金芝士雞煲,雞件系上枱之前已經煮到熟左,不過再煮多一陣會令D雞肉更入味,雞件係用左雞脾肉,所以啖啖肉同好嫩滑分量亦都好多。芝士方面我揀左極量,所以面頭舖滿晒芝士,仲做到拉絲效果㖭,每件雞件都沾滿哂濃濃既芝士汁,正。加埋越煮越甜嘅洋蔥一齊食已經令人食指大動。鮮炸響鈴係食芝士雞煲必叫嘅配料,一客有六大件,脆卜卜嘅響鈴放落芝士汁到就即刻攞返上黎,做到外軟內脆又吸收到芝士汁嘅精華。鮮製四拼餃有鳳城水餃,鮮蝦雲吞,韮菜餃同牛肉餃,除咗牛肉餃之外,其他餃子味道都吾錯,唯獨是牛肉餃太重黑椒味,完全食吾出牛肉味。食芝士雞煲咁邪惡,當然要叫番D蔬菜平衡下,感覺會自我良好D,我就叫左個雜菇拼盤,有齊晒金菇,秀珍菇,雞髀菇同冬菇。食到最尾當然吾少得再order埋稻庭烏冬整番個芝士撈烏冬。

收工後想近近地系官塘附近食飯，知道近排官塘有好多工廠大廈食肆，我地系openrice搵到間新開的餐廳米走雞live，見到有芝士雞煲都幾特別。餐廳環境好寬鬆又唔會迫，好多卡位，燈光明亮。幾特別有一部籃球機可以玩兩手，好少餐廳有。芝士雞煲：好特別的芝士雞煲，夾起件雞好似拉絲咁，好濃郁的芝士味甜甜地又唔會咸😋雞是用雞脾肉大大件又啖啖肉，雞件好滑溜又吾會拾拾。手切新鮮牛頸脊，肥脂平均分怖，又不會切得太厚，好濃郁的牛味。黑松露蟹子魚面，魚面混合左黑松露咬落口好香的黑松露味好鮮甜，魚面好彈牙好香。

之前有去過太子的米走雞食芝士雞煲，到現在還回味無窮。得悉在觀塘開了間特別的米走雞 ，今晚和男友上去懷緬一下。這間米走雞走現代路線，環境和裝修都比較新潮，它的燈是一舊舊雲的造型，非常可愛。說了是live，當然有現場演唱欣賞，今天來唱歌的是女歌手，聽說每天都不同呢。餐牌就和其他米走雞是一樣的。因為我們上次已吃了芝士雞煲，今次想嘗試火焰麻辣雞煲。煲滾後店員就會拿著火槍走過來，對著煲內的食物點火，這就是“火焰”的意思火一路燒，店員一路攪拌食物，視覺效果頗震撼的。最後再把旁邊那碗麻辣醬汁倒下去，再焗一至兩分鐘就能吃了。他們的麻辣醬汁非常香，味道濃郁又惹味，那種辣帶麻的感覺十分過癮。我們點了小辣， 所以不會太辣，剛剛好。煲內除了有肉質嫩滑、沒有雪藏味道和大大件的雞件外，還有洋蔥、芫茜等配料，所以整個煲都非常香，好正好正牛頸脊是最嫩的部位，看到雪花紋平均分佈， 就知道這個不錯呢。涮到剛剛熟後拿上來立即吃，就是最嫩滑的時候， 牛肉味道濃郁，口感嫩嫩的，又係正響鈴是一大驚喜位，因為它是即叫即炸的，上菜時店員叫我們小心熱呢。 大大卷的響鈴炸得非常香，下湯後3秒拿上來，外層浸軟了，但是中心還是脆脆的，這種口

今日放假，約在友人到觀塘工厦濕平，一手戰利品，想拿拿聲揾的地方醫肚先，剛巧有人遞上傳單"米走雞-LIVE"，就行過隔離街試吓先黃金芝士雞煲(小) $128，我地平時多食食麻辣雞煲多，但見到呢度還有另外一個推介，就試吓先！芝士碎份量可選擇無、小量、普通、激量，而我地揀咗個普通份量，店員上枱時，還教導我們要熱多兩分鐘才開始食雞件有接近十件，又大件，又多肉，好香芝士味，內裏還有少少 juicy白鱔片 $88，肉質嫩口，配上芝士食感覺新奇哈哈蝦中寶 $118，外層有蝦膠包裹着原隻的蝦肉，口感豐富彈牙，還配上蟹子卜卜聲手切新鮮牛頸脊(小) $208，牛頸脊好香濃牛肉味，還帶點油脂很香口黑松露魚麵 $138，魚麵內伴了黑松露醬很香，夾上來時還掛滿芝士的湯，口感彈牙枱面上還準備了芝士湯底讓客人隨時添加還有 地方十分大，冷氣又充足

前兩次都係去太子分店，剛剛知道係觀塘開咗新分店，一於去試試新環境先。由於見佢門口表示試業，每日招待50人，但係員工完全有禮，服務快，好似我叫咗第2杯野飲，係我完全無催既情況下，幫我落單既小姐，主動走埋嚟話：杯野字嚟我幫您追追，主動跟進客人既單，比較少見。而且當日剛剛有人做採訪，聽到會有午餐，係附近工作既朋友多個選擇啦！

放左工唔想去太遠但又想食好西，唯有搵觀塘附近嘅新餐廳試下啦～經大幅搜尋後，原來公司前2條街棟新商廈the wave，上面就有好多餐廳值得試下～有跟隊長B覓食嘅都知道隊長係邊爐迷，尤其多人一齊烚烚吓又可以傾計都幾好～於是今次就揀左「米走雞」食雞煲～ ───────────────呢度有幾種鍋底揀，最出色嘅當然係麻辣雞煲（$148）同芝士雞煲（$158）～平時食麻辣食得多，都想試下芝士嘅！ 除左雞煲同邊爐料，有興趣嘅仲可以揀啲熟食試下～不過除非係磨菇迷如果唔係唔好叫濃汁磨菇（$38）⋯因爲係咸到唔認得人⋯ 呢度嘅服務唔差不過上菜次序有少少奇怪⋯因爲上晒啲配料都未上過煲⋯ 等左廿分鐘有多終於見到個芝士雞煲啦⋯芝士味非常香濃，雞亦好滑爽口，雖然唔算好入到芝士味，但都好不錯！ 叫左好多好多料，叫完上菜果下先知叫左咁多嘢⋯⋯（禾承認禾係眼闊肚窄⋯） 逐樣講解下先，呢間嘅牛脷、豬潤同鵝腸都無得彈！牛脷（$78）超大塊，口感好有咬勁，食得出好豐厚嘅牛味，唔腥～豬潤（$38）厚切好爽，無泵過水所以保留到豬潤的鮮味～鵝腸（$48）好爽脆，無漂過完全係隊長B至愛～而且仲帶有鵝油脂，喺芝士湯度浸浸，

早排知道公司對面The wave 開咗米走雞。係食雞煲的。好想去試。今日終於可以一試了。多謝花姐陪我。樓下部life 好得意，成個貨柜咁入到餐廳好大呀！有籃球機/飛標/live brand黃金芝士雞煲~細 $158 (有普通/超多份量芝士選擇) 我去揀咗普通。因為怕漏。有好多洋蔥芫荽令到整個雞煲好香。雞好滑。足夠3人食。但我地只有2人。所以食到好飽手切新鮮牛肩脊(細)~$208大大碟，條紋分明，肉質好香又唔勒。竹笙墨魚滑$88竹笙配上芝士湯非常夾，墨魚滑又彈牙油麥菜半份$22青綠新鮮油麥菜，好嫩咸檸七2杯$32

同朋友去開觀塘食晚餐，朋友介紹有間新開嘅西餐店所以上去試吓，一上到去見到係咪走雞招牌，以為係食雞煲，原來新開觀塘咪走雞店，裡面一半食雞煲一半食西餐，環境好大，坐得好舒服，又有現場live band 聽，又多一個食飯好地方🤤

同朋友行APM 知道附近新開左間米走雞 所以試下點先觀塘好多由工廠發展的飲食業今次去左the wave 工廈呢個系門口 好大好闊落呀搭笠上去就到一上到去個店仲系試業中 所有野都好新見到有架籃球機 即刻玩下先原來唔洗入錢 任玩呢個餐廳好大呀 好正卡位又好闊落 勁興奮呀叫左個黃金芝士雞煲 超足料呀好多芝士呀 芝士迷必食等10mins 就溶哂了 急不及待夾來食舊舊雞都好大 雞肉好滑 無雪味食左三舊已經有d飽可能有芝士的關係我地仲叫左鮮製四拼餃最中意食餃子啲皮唔厚咼 好足餡差d食唔哂每次打邊爐必食粉絲同公仔面再叫左半份丸同菜 份量都幾多 好彩無叫一份值得讚系個芝士加完湯都好濃 啱哂我呢d cheese lover 鮮炸響令超新鮮 熱辣辣 脆卜卜仲好大條呀 配上芝士 好yummy我地食左2個幾中 好飽 就快郁唔到值得一提系有live band 食住野听住歌 仲可以點歌嫁好enjoy 的一晚 一定要再來！

今晚6點入去就有位，地方大，環境都幾特別，有bar台(未用得)，有得玩射波，又有得點歌，第一次打邊爐打得咁特別！可能由於新開啦，坐位未坐滿。來到當然係試佢既芝士雞煲啦，我地3個人點左大煲，聽說這煲用了五款芝士，煲左大約幾分鐘等D芝士溶左之後就食得啦！雞肉好滑，好有芝士味，食下食下..........先發現全部都係雞脾既？！真係岩晒我平時正係食雞脾既人^^食完雞雞之後就加芝士湯底打邊爐啦，最特別係竹笙魚滑同黑松滑魚麵，夠特別！服務員換碟都換得幾密，唔錯。唯一缺點就係沒有茶水提供，想飲野一定要叫佢D飲品。

同朋友係觀塘行outlet, 周圍行見到新開商場-WAVE. 商場門口有米走雞既banner, 就去試下啦新開，用白板筆畫既Grand Opening圖畫。好靚! 餐廳好大，起碼超過2000呎。放左籃球機，掟標，live band。呢到仲有VIP房，有得玩又有得食，空間感十足電磁爐都有自家logo，醬料有甜豉油同麻醬。麻醬類似雞煲果隻麻，少少辣。火焰麻辣雞煲（BB辣）: 個雞煲上檯煮左陣，侍應用火槍一路燒一路加辣湯兜，底部有大量洋蔥，當然仲有芫茜。侍應炒完琴蓋焗一分鐘，侍應開蓋就食得啦 雞全部都係用雞髀肉， 簡直係啖啖肉，而且肉質嫩滑，吸盡辣汁味道。仲有仲有洋蔥煲完好甜魚皮份量好多，新鮮夠脆; 響鈴: 好大好大舊，好香腐竹甜味，吸湯食一流夠薑雞滑: 雞滑鮮味突出，再加淡淡薑味，忍唔住連食幾舊脆鯇魚片: $58, 有9-10塊。 魚片切到厚薄適中，淥兩淥就熟。魚肉鮮甜。最後係薯粉，翡翠苗。兩款吸盡湯既精華。茹拼盤選擇繁多（冬菇厚身）魚皮餃爽口彈牙呢到好適合一大班朋友gathering, 下次同同事黎再食過

今日黑雨大家都冇乜心機做嘢，難得仲可以提早少少收工，同事提議不如去食雞煲，我同佢地講我早兩日先至食完，佢哋話帶我試吓啲新口味嘅雞煲，我即刻舉腳贊成。佢哋介紹嘅就係呢間位於觀塘新開張既米走雞 Live 。Live 既意思代表現場感。一入到鋪頭仲以為自己去錯地方，因為有一個好大嘅酒吧，仲有飛鏢、籃球同埋live Music stage. 米走雞 live - 一個充滿音樂、生活感嘅場所， 個裝修同一般食雞煲嘅地方截然不同，實在太特別了。佢哋首創嘅都係非主流雞煲，例如呢個黃金芝士雞煲，就非常特別。我本人好鍾意食芝士，亦都好鍾意雞煲。今次將兩樣最鍾意嘅元素放埋一齊，令人期待。黄金芝士雞煲 HK 198 (四人用/ 大)四人份量嘅黃金芝士雞煲等左10分鐘，裏面已經預先煮好左嘅，芝士已經溶晒，見到都流口水。當芝士汁滾起後，濃烈嘅芝士味撲鼻。建議食法係唔需要搞溶芝士同雞塊。直接食就可以。咬一口，滿口嘅芝士味！雞係預先炸過嘅，所以食想去更加脆口，口感都幾西式，雖然好邪惡，但係都忍唔住一件接一件。當所有雞食完之後，我哋要求店員加湯，然後正式打邊爐。值得一提，係呢度嘅店員都非常之有活力，而且態度好好

早幾天剛吃完雞煲，不知怎樣才隔了幾天，又想起那味道，好想再吃雞煲！興致勃勃再吃雞煲，生怕自己會吃厭，找到這間以雞煲出名的米走雞，但主打非傳統的麻辣雞煲，而是首創的黃金芝士雞煲。香港有很多朋友都喜歡吃只芝士，把芝士來做雞煲，又會是什麼味道呢？咪走雞在香港有幾間分店，今次選擇了新開的觀塘分店- 米走雞Live 。Live 的意思，原來在這間幾千呎的米走雞店，每晚都有約兩小時的 live music 。若大的空間，還有現在流行的飛鏢和投籃球等遊戲，把打邊爐變成一種生活文化。才剛開業數天，已經有捧場客！急不及待先來一客黃金芝士雞煲(大) HK 198大煲夠四人份量。吃法是先讓芝士鍋沸騰，轉常温後直接取雞塊吃，不用攪拌。看見像 pizza 的雞煲，很期待。每塊雞塊都有拉絲的芝士，芝士香、雞肉滑。雞塊預先炸過，雞皮更為香口。芝士控一定十分喜歡。吃完雞後，加入芝士湯底，開始打邊爐了。手切特級霜降和牛(小) HK 288小碟的和牛份量不少。油脂分佈平均，牛肉很軟，付上芝士醬，双重芝味。手打鮮墨丸 HK 68鮮墨魚的味道很突出，吃下去你只感到有墨魚味，越煮越有咬感，會變硬身的。和平時吃那種軟諗諗的手打丸

店內裝修新穎，就連地下lift大堂都好年青。門面都好傳統，但係入到裏面嘅裝修就好有型架，有霓虹光管仲有而家好新嘅雲雲燈，即是令到成個場年輕好多同好有活力。叫左手打五寶丸$88,鯪魚球超好味,又唔腥,陳皮味出得黎唔會太搶。黑椒牛丸都好好味，唔會粉，好彈牙。另外嗰個手打墨魚丸又係超好味，非常之蛋呀，講真真係食過咁多間打邊爐裏面最好食嘅手打墨魚丸，質感同外面好食嘅店都有啲唔同,可能係墨魚同粉嘅比例嘅問題，大家記住試吓。翡翠妙$22，即炸響鈴$48，蜂巢豆腐$22，仲有就係不得不提嘅特級霜降嘅牛粒$188，雪花實在太均勻太靚了,煮咗好耐都唔會老，好林價錢係比貴，但質素確實高