米線樂•麻辣豬骨濃湯 (已結業)

好鍾意呢度嘅米線， 就算打完卡，影完一大輪相，米線都係好爽身， 湯底我都好鍾意豬骨濃湯同埋酸辣豬骨濃湯,微辣， 恰到好處餸:蘿蔔非常之甜, 另外都好欣賞萵筍飲品: 巨峰乳酸梳打，好好飲

食晏時間同朋友經過呢度，見到小餐廳乾乾淨淨仲裝修得幾靚，咁就入去試吓😁我叫咗$29嘅「招牌涼拌麻辣涼皮」，已經配有蔥、芫荽、炸黃豆、青瓜絲、麻醬，再加肥牛同豬肚（各$12）；涼皮上邊嘅餸菜擺得整整齊齊睇落好豐富😍；店員哥哥話涼皮係用綠豆做，食落非常幼滑，配蔥、芫荽、麻醬食好惹味，連埋脆卜卜嘅炸黃豆同切成細條嘅豬肚，簡直係blend in perfectly撈埋一齊食真係好正😋朋友叫咗$29嘅「麻辣豬骨濃湯米線」，配有蔥、芽菜、腐皮，再加咗腩肉、滷水雞腎（各$9）；朋友話豬骨湯底濃郁美味，係一碗高水準嘅米線😋我哋仲叫咗小食「麻辣墨魚頭」同「泡椒蓮藕尖」，每款$38。「墨魚頭」有咬頭又鮮味，越食越開胃😆；「蓮藕尖」好嫩又爽脆，相當特別，好yummy😋仲有「熱玫瑰洛神花茶」同「熱蜜桃烏龍茶」，每款原價$28跟餐叫就$12，兩隻味道都有淡淡嘅清香，比較subtle, 食完麻辣食物後飲用，感覺舒服😌呢度幾乎每樣食物都有小驚喜😋，有啲出乎意料😆，仲有餐具同餸菜嘅presentation都幾靚，朋友同我都食得好開心，係一間值得支持嘅良心小店😋

晚市無堂食，唯有繼續外賣生涯啦雖然大家都好似被習慣叫外賣，但係都想食得有特色啲，我地今次就搵到香港人嘅米線，米線樂喇～呢度嘅麻辣同酸辣米線，係用豬骨濃湯做湯底，仲有佢地招牌嘅涼拌涼皮添同埋好多唔同嘅小食選擇我地試咗豬骨濃湯米線俾小公主，自己就要個麻辣涼皮，為食嘅老公仲叫咗4個小食添！豬骨濃湯米線個湯底果然唔講得笑，味道濃郁之餘又唔會好油膩，公主食到Lam Lam脷我個麻辣涼皮，雖然只係小辣，都夠晒味，辣得好過癮小食方面就叫咗麻辣墨魚頭，尖椒皮蛋，孜然炸雞翼同麻辣豬耳特別推介嘅係個麻辣墨魚頭，佢地嘅做法係先烚後冷藏，夠晒爽口彈牙，一定要試呀

話說屋企附近開左間新嘢，勁多街坊推薦！間鋪勁靚，Tiffany色嘅門口，入面仲有好多打卡位！但因為有限聚令，唯有外賣返屋企，打卡就要留返下次.我就叫咗酸辣米線（微辣），呢個辣度幾好，就算唔食得辣嘅朋友，都食得到！湯底一啲都唔油，食完係唔會口渴，都幾好，證明湯底冇味精！我就揀咗兩個餸（腩肉，大腸），腩肉勁大塊，肥瘦夠適中！而大腸呢，因為佢剪到細細舊，所以食落唔會韌，又唔驚咬唔開！之後吳生就叫咗佢地招牌菜，涼皮！呢個幾有驚喜，食落係爽口得嚟又煙煙韌韌！再配埋爽口嘅青瓜絲、脆卜卜嘅炸黃豆同埋麻醬醬汁，令到口感更加層次豐富！而吳生就配咗墨魚頭同埋滷水雞翼！墨魚又係勁煙韌，同其他配料好夾，雞翼就唔多講，有水準！呢兩碗嘢又點滿足到我地啲餓底！我地仲叫咗兩個小食，蒜泥白肉同埋泡椒蓮藕尖！蓮藕尖真係極少數地方有得食，呢種蓮藕baby，食落勁爽脆，仲酸酸辣辣咁，好開胃！蒜泥白肉都好正！肥瘦均勻，佢除咗蒜泥之外，仲會加埋紅油㗎！夠晒惹味，啱晒我！如果你同我一樣係重口味人士，必食！至於飲品方面，我地就買咗蜜桃烏龍茶同埋巨峰提子乳酸梳打！烏龍茶散發出淡淡嘅桃香，都幾好飲！而巨峰飲落唔會係好假嘅果

和朋友有事經過長沙灣，路過呢間新開的餐廳就入去一試。我叫左一碗酸辣豬骨濃湯米線，而朋友他就叫左一碗涼拌涼皮，我地大家分享黎食。配料就唔提及，但米線同涼皮嘅本體就可以仔細講下。首先係米線，湯底不錯而且濃郁，米線都有口感，我叫左微辣，都幾惹味。相反涼皮就顯得十分遜色，涼皮沒有口感，而且沒有麻醬的味道，整碗涼皮顯得淡而無味。所以建議大家可以嘗試這間餐廳的米線，但涼皮就可以不必了。此外，我和朋友都點了餐廳的特飲，分別是玫瑰洛神花茶和蜜桃烏龍茶，兩款特飲都比想像中淡，不太建議嘗試。

今日去開長沙灣果邊有啲野處理，處理完之後行行下就見到呢間主打米線同涼皮嘅餐廳，都有唔少人等外賣，就一於去試下啦。量完體溫之後就好快安排我哋入座。見到啲裝修都好有心機，坐落都好舒服。睇左下個餐牌，主打就有米線同涼皮，另外仲有唔少小食同飲品嘅選擇架。我哋就要左一個微辣嘅酸辣豬骨濃湯米線配肥牛同魚片頭，另外一個要左微辣嘅招牌涼拌涼皮配魚腐同黃金花枝丸。小食我哋叫左孜然脆炸雞翼同泡椒鳳爪，飲品我哋要左熱嘅玫瑰洛神花茶同凍嘅蜜桃烏龍茶。飲品就首先上枱，熱嘅呢就用茶壺上，好靚，侍應都提醒我哋要等5分鐘個茶包出味先飲，個味道好香，亦都唔會太濃，飲完好舒暢。而凍味個就支裝嘅，入面真才實料見到有兩個茶包，蜜桃都唔會太甜。小食之後都上枱，個雞翼都唔少，食落炸得啱啱好，唔會過火。而個鳳瓜辣得嚟又好有肉好有咬口，下面仲有啲青瓜做配菜，辣得滯可以解辣。最後就係米線同涼皮上枱，微辣都好香口，兩碗都係大大碗，絕對對得住個價錢。米線個湯底好濃味，而涼皮啲花生就好脆卜卜，個涼拌嘅醬汁好開胃，配埋大大塊涼皮就好好食。另外加錢叫果啲配料都好高質素，食得出唔係啲平貨，大大粒/份，一啲都唔孤寒。如果大家嚟開長沙灣可以嚟試下！

ฅ≧∀≦ฅ 今日係長沙灣附近出沒，想食熱辣辣的米線，於是搵到呢間屬於香港人的米線🍜⤐⤐⤐⤐⤐⤐⤐⤐⤐⤐肥牛麻辣豬骨湯米線呢碗米線呢佢除咗係麻辣之外其實佢個湯底本身就係豬骨濃湯嘅，所以佢個湯底非常之香，一入到鋪內已經聞到陣陣嘅香味啦，我米線揀左小辣，點知越食越開胃，簡直比平時食開嘅譚仔/三哥戈啲米線更有驚喜！⤐⤐⤐⤐⤐⤐⤐⤐⤐⤐麻辣涼皮 加 黃金花枝丸香脆既炸花生，甜爽既青瓜絲，配搭麻辣汁同芝麻醬，味道好食到無得頂！花枝丸彈牙爽口，鍾意食既推薦一定要加呢個！⤐⤐⤐⤐⤐⤐⤐⤐⤐⤐麻辣墨魚頭麻辣小食見得多，用墨魚頭呢個十分有創意！推薦一試！墨魚頭新鮮爽脆，配搭麻辣汁將墨魚鮮味更為出眾⤐⤐⤐⤐⤐⤐⤐⤐⤐⤐孜然炸雞翼以單骨方式炸十分方便進食，有心思！雞翼孜然味突出，雞翼外皮炸得酥脆，內裡肉質鮮嫩，又唔會太油⤐⤐⤐⤐⤐⤐⤐⤐⤐⤐蜜桃烏龍茶烏龍茶香配搭淡淡蜜桃味，味道清新解渴，食辣嘢飲返支解辣就一流啦！巨峰提子梳打巨峰🍇味道甜中帶酸，都係解渴解辣的最佳拍檔！⤐⤐⤐⤐⤐⤐⤐⤐⤐⤐如果經過附近真係可以試下呢間米線🍜 味道同性價比都不錯👍

新開的米線樂 · 麻辣豬骨濃湯，經過覺得裝修很好，店內環境又光鮮，見到餐單有我喜歡的墨魚頭，實在吸引我試一試！麻辣墨魚頭很少在外吃到數十元的墨魚頭，相信是成本較高，現在吃很超值。墨魚爽口，配上麻辣醬，惹味。涼拌紅油茄子這道紅油茄子第一次吃，想不到茄子和紅油這麼配。玫瑰洛神花茶&蜜桃烏龍茶數十元的花茶，很足料。麻辣涼皮（配滷水豬大腸、金菇）用上綠豆粉製作的涼皮，純天然，口感不錯。配料豐富，有炸黃豆、爽脆青瓜絲等等。我點了滷水豬大腸，很入味。金菇沾上醬汁後，很不錯。麻辣豬骨濃湯米線（黃金花枝丸、唐山菜）老公點了這碗米線，豬骨濃湯是用心機和時間炮製的，無味精🤫黃金花枝丸彈牙、唐山菜也新鮮，整體不錯。

<<Thursday Couple 為食記👣😋>> 呢排疫情又嚴重番，冇得同男朋友周街食喇🥲 無冇六點得晚市堂食，簡直係奪去我哋拍拖嘅時間😂🤣不過好彩，而家好多間店都有做外賣自取，所以我哋決定今晚就黎個外賣餐，買番屋企繼續撐枱腳！🤩因為今日係長沙灣附近收工，但番到屋企又驚食肆收曬，所以就係長沙灣買左先番去！見有間食麻辣豬骨米線好似幾正，天氣凍啱食啲辣野！同外面環境都幾好，所以就決定食佢🤣其實開頭都驚會淋同凍曬！但！竟！然！無！事！仲係幾好味！一開頭見到啲霓虹燈好靚🥰🤣，好適合嘅人打卡，而且環境都幾闊落，因為疫情關係冇人堂食，所以我都忍唔住影幾張相先走😂😂🤣佢入面都幾企理，唔會覺得污糟邋遢嘅感覺，加上員工服務態度好好，主動介紹食物俾我哋！🥳我同男朋友就一人揀咗一個主食，佢想食麻辣豬骨湯，我就食涼拌涼皮，因為好掛住雞絲粉皮😂😂😂😋然後入面嘅員工介紹咗土豆粉俾我男朋友，佢話會比較彈牙，所以佢就冇食到米線，轉咗土豆粉，其實都幾得意，肥嘟嘟咁，偏白色有啲似烏冬，但係口感就比烏冬彈牙，如果想轉下口感嘅可以揀呢個試吓。之後餸我哋就揀咗最鍾意食嘅芥末海鮮丸，佢都有成三粒

疫情嚴峻，政府又開始全面禁晚市堂食，今晚我於外賣。揀咗平日北上必食嘅涼皮，涼皮口感比平日吃到的更滑👍🏻好惹味。「豬骨濃湯配土豆粉」平日米線食得多...土豆粉真係唔多地方食到。原來口感好正...質感比烏東更滑更好食，個湯底係靈魂，奶白色嘅湯底，充滿濃郁豬骨味👍🏻配料都幾多選擇，連墨魚頭同麻辣鴨血都有。揀咗麻辣墨魚頭，口感好爽。辣味十足...好惹味😍「冷泡蜜桃烏龍茶」甘香帶點蜜桃香甜，原來可以咁夾。下次要再嚟試下堂食，應該更好味。

近排天氣真係凍咗好多，所以都想食返啲熱野今日去咗深水埗買電子野，買完電子野，好想食返碗熱辣辣嘅米線見到有間新開嘅米線鋪，逆市開舖，真係要支持下<豬骨濃湯米線$51>Fatbrown 我就想食返碗熱米線，所以就叫咗碗豬骨濃湯米線佩芥末沙律丸同肥牛個豬骨濃湯底真係冇得輸同拉麵鋪嘅豬骨濃湯有得比，味道較為清淡，係中華嘅味道，健康啲芥末沙律丸要小心咬開，啲醬會爆出黎<麻辣涼皮$53>女朋友居然唔怕凍，叫咗個涼皮黎食不過佢話個涼皮真係好好食，用綠豆製成嘅涼皮口感比起平時食嘅林身少少加埋啲配菜同埋個醬汁食，酸酸甜甜真係好開胃<蒜泥白肉$32>蒜泥白肉帶咗小辣不過都幾辣下，所以建議食得辣嘅朋友先好嗌 不過係冬天食食辣真係好過癮<滷水拼盤$58>滷水拼盤有豬耳、滷水雞翼，滷水蛋， 材料係幾豐富，滷水汁甜甜地幾好味

令小公主一試愛上既米線樂的招牌涼拌涼皮😝今日痛小公主出嚟長沙灣行街買玩具🪀經過見到呢間餐廳環境舒服企理✨✨所以就行入嚟試吓啦😍睇完餐牌就即刻指住話要試呢個涼拌涼皮😋本身佢哋係配埋蔥，芫荽，炸黃荳，青瓜絲同麻醬！仲有好多款唔同配菜揀添！不過小公主淨係鍾意食青瓜絲同麻醬所以其他嘢我哋都走晒🤣最重要嘅梗係走埋辣啦🤪醬汁涼皮同埋青瓜絲撈勻黎食！涼皮口感清爽滑嘟嘟，配埋爽囗青瓜絲一啖咬落口多重口感😍小公主自己都可以食到大半碗😙我就揀咗佢哋嘅主打招牌豬骨濃湯米線🍜 湯底濃郁入味，底料有腐皮同芽菜！我加配埋清甜爽口嘅蘿蔔同埋流心芝心丸🧀米線份量十足😍仲好爽口彈牙 🌟真食到停唔到口😆仲加埋人氣墨魚頭🔥其實本身係麻辣既！呢間舖頭佢哋真係好細心大部份嘅食物都可以走辣😍就算我唔食得辣都可以食到想食嘅嘢😁最後加埋杯勁濃豆味嘅香滑豆漿💗成餐飯大滿足🥳🥳

最近經過見到新開張米線店，見到裝修都好企理，好特別。今日終於決左去買外賣返家食，入到去侍應對我們都好熱情，主動推介餐廳啲野食。豬骨湯底為主有3種，有唔辣，麻辣，酸辣，配料都有好多選擇，花多眼亂，還有幾款小食選擇。～ 💡豬骨湯底米線-花枝丸配雞翼我飲左啖豬骨湯好好飲，花枝丸食好煙韌，雞翼好入味。～💡招牌涼拌涼皮 辣度都有選擇，選擇左小辣，食開小小辣既我，我覺得小辣可以接受，味道不錯，不過涼皮夾上嚟有少少散。～💡蒜泥白肉 青瓜配碟，青瓜好清新，白肉厚度唔會岩岩好！～💡麻辣墨魚頭墨魚頭食爽口，份量不少！～💡玫瑰洛神花茶入口好香玫瑰🌹味，唔會好甜，好少地方會有得飲到，見到落足材料👍🏻～💡蜜桃烏龍茶一打開樽好香蜜桃🍑，飲落去唔甜，飲到慢慢烏龍茶味。～整體我自己推介豬骨湯底，飲得出真材實料，差不多飲哂個湯底。

最近因疫情影響😷無得堂食, 所以今晚收左工之後就去左買外賣番屋企同媽媽食! 天寒地又凍🥶就緊係想食d熱辣辣嘅湯米🍜, 行過見到E間食米線嘅小店好似幾抵食咁就買嚟試下!佢地嘅冷泡蜜桃烏龍茶同玫瑰洛神花茶都係自家製的而且全部都係低糖!招牌涼拌涼皮入面配有蔥, 芫荽, 炸黃荳, 青瓜絲同麻醬, 而辣度方面亦可以選擇走辣, 微辣, 小辣, 中辣同大辣🌶! 小妹揀左小辣嘅涼皮加配滷水雞翼! 小辣嘅辣味都幾明顯, 如果唔太食得辣嘅朋友建議叫微辣或走辣🤗, 涼皮口感清爽滑溜, 加埋爽脆嘅青瓜絲🥒同其他配料一齊食幾惹味! 滷水雞翼味道唔錯而且幾入味!豬骨濃湯米線🍜米線同湯係一個盒分開裝所以唔怕索哂d湯腍哂, 而且一個鐘後先食d湯都仲係熱的👍🏻, 豬骨湯底味道清甜, 入面本身已經有埋腐皮同芽菜, 米線份量幾足, 口感爽滑, 質地柔軟, 另外加配嘅墨魚頭口感煙韌, 爽口彈牙!滷水雞腎🐔雞腎切得幾薄所以幾入味, 口感爽脆!尖椒皮蛋小妹揀左唔辣, 尖椒幾香, 皮蛋無咩石灰味, 加埋醬汁幾惹味!

黎到附近取貨，搞掂後就梗係要搵食啦，經過呢間新開的米線店，感覺蠻不錯，就進去試試吧。店內光猛裝修時尚，餐牌主打有三款湯底的米線，一款涼皮同大量小食，見附近的食客都是點米線同小食，我又跟大隊先。落完單就乖乖等食，見前面有個小吧枱供應水，紙巾，牙籤等，有需要可自助。好快就黎齊啦，點了米線，小食同特飲。滷水豬大腸+滷水蛋麻辣豬骨濃湯米線，賣相不錯嘛。湯底橙黃色，第一眼睇以為係喇沙湯添，哈哈，是豬骨濃湯的麻辣版，要了小辣但都辣勁十足，又麻又辣再加上濃厚豬骨味，幾新穎的味，個人覺得幾啱口味喎，飲左不少湯，食後都無口渴。滷水蛋有一整隻，滷得入味好食。仲有滷水豬大腸，同樣滷得入味，大腸有咬口但不韌，而且清潔做得很好，完全無異味。米線吸飽麻湯好正，每一口都有辣勁，越食越過引。小食點了泡椒蓮藕尖，呢樣不常見就點來試試。藕尖咬落爽口，完全不像蓮藕呢，小小的好可愛。這款蓮藕尖是涼盤來的，已醃漬過食落酸酸鹹鹹的，雖然有泡椒同醃，但可能麻辣湯太霸度，就食不出辣味了，酸酸地正好解辣呢。仲點左特飲白桃乳酸疏打，酸酸甜甜帶著白桃香，又靚又好飲。食物是有水準的，多多支持小店！