米線樂•麻辣豬骨濃湯 (已結業)

呢間真係我食過最好味米線，唔係好濃味嗰隻，但係個麻酸辣豬骨湯係好好味，酸菜魚有好多魚！最鍾意食佢嘅腐皮卡膠卷，即叫即炸脆卜卜，腐皮又多又好食，豬軟骨又好入味。 每一碗都係即刻叫即刻整，熱辣辣，仲有好多芫荽蔥，正！ 加幾蚊仲有杯凍奶茶，坐得舒服。每次去到都唔係好多人，星期六日都坐唔滿，今日終於見到佢貼出嚟話要結業啦，真係好唔捨得。每星期都食2次，真係生意難做如果老細睇到，希望你可以去第二度開返一間啦，繼續支持你，加油！

今日光顧時，有個男店員/？男店長/？老闆 態度都幾差劣😟我係外賣自取，我一落單時，已經指住個餐牌話要依個餐，然後開始講要咩餸之類，之後我講到小食要咩既時候，個男店員態度唔多好咁話：「下次要全日餐就一早講！」我心諗其實我一早講左啦，咁都算啦……😒叫完野食俾完錢後，因為成間鋪頭無咩人，只得兩枱客，又無人係出面等，而且近門口果兩枱都係無人坐，佢地都係用黎擺外賣，所以當我想坐最近門口張櫈時，個店員好大聲咁講：「小姐，係出面等啊！！」入面枱客都即刻望出黎睇下咩事 其實出面天氣就三十幾度，間鋪就無咩人，我唔明點解唔可以俾我坐係到等一等個外賣，而且佢態度仲要咁無禮貌，如果店鋪多人，我都唔會坐係到，阻人做生意而且依個男店員之前見到佢態度都已經一般般，黑口黑面，又從來唔會講「多謝幫襯」之類既說話，仲有見過佢好惡咁罵廚房整野食既姐姐依間米線真心幾好食，所以我光顧過好多次，但個男店員既 差劣態度，真係令人想再光顧的意欲大跌，所以希望個店員意識到自己既問題，唔好再幫忙倒米！

呢間米線見好多人推薦，今日終於去試咗雖然位與位之間唔算迫，但坐得唔舒服唔緊要啦，最主要野好食，打開餐牌見到有好多選擇又想試水煮湯底，又想試酸菜湯底下，我最後叫咗泡椒老壇酸菜湯米線，友人就叫咗全日套餐，要酸辣豬骨濃湯米線。試咗呢幾款食物:1️⃣麻辣豬大腸2️⃣蒜泥白肉3️⃣孜然炸雞翼4️⃣酸辣豬骨濃湯米線5️⃣泡椒老壇酸菜湯米線店舖用QR Code自行落單落咗單無三分鐘，涼拌小食就送到了麻辣豬大腸賣相真係好吸引，但一食落去真係超失望首先無麻，其次唔辣就算連啲辣椒仔一齊食都無麻辣味至於青瓜就算放係底，都一樣無味之後黎既係蒜泥白肉叫咗半份，賣相同樣唔錯，但食落再次失望，同樣係唔夠味再黎既係孜然雞翼炸得係好脆，熱辣辣，但無孜然味的，只係普通炸單骨雞翼咁酸辣豬骨濃湯米線份量好足，朋友叫咗中辣但覺得都係唔夠辣，食得唔夠過癮湯底ok，唔算油至於我既泡椒老壇酸菜湯米線我覺得個湯好食過酸辣，而且比起外面係少油啲，份量亦足整體黎講涼拌小食可以不用試，至於米線幾好食，食完唔會話好口渴，不過呢間舖頭啲酸辣/麻辣相對出面既係偏淡的。另外，希望店家改善既地方係，見到牆上貼住”請注重環保”，但卻只提供木筷子使用，既不環保，而且亦米線夾

好啦！我又食米線喇😂今次搵到間良心米線試一試，地點唔係大街…所以都要搵一搵 🔸下午茶鴨血+雞肉棒米線轉泡椒老壇酸菜湯 送豆漿/汽水$48鴨血有三大件，都幾滑～雞肉棒有一條，個人不太喜歡🙈下午茶呢個價錢都好合理👍🏽泡椒老壇酸菜湯必定要小辣，個人覺得已經好夠，再辣啲頂唔順😂😂 味精方面超強烈，未食完已經覺得好口渴💧不過都預咗環境坐得舒適，下午茶人唔多，慢慢食Hea下都OK😎每個人口味都唔同，以上言論只供參考

係元州街覓食，見到一間tiffany blue既米線小店，好耐冇食過譚仔嘅我就走左入去食🍜平日中午12:30左右，店內竟然無人，心諗伏唔伏架?! 店內都整齊企理，又有霓虹燈既打卡裝飾。佢地採用電子自助落單，揀湯底/涼拌米線或涼皮，再選擇配料，又或者可以揀五寶過橋米線、老壇酸菜魚米線。🔥麻辣豬骨濃湯米線 $30(配蔥、芽菜、腐皮)見到佢地招牌係麻辣豬骨濃湯，更係要揀黎try try！辣度有6個程度，我就揀微辣。湯底驟眼睇幾濃，忍唔住飲左一啖，幾麻辣喎！同平時食既譚仔麻辣湯唔同喎，帶少少豬骨味👍🏻👍🏻 麻既感覺剛剛好✨ 腐皮索哂湯超好食❤️配料就揀左2款+$12既🌟推介菜式！ ✨墨魚頭✨ 平時出面好少有呢款揀！超爽口同有咬口👍🏻 份量都算多❣️ ✨蝦膠腐皮卷✨ 新鮮即炸起分碟上，出面腐皮炸得香脆，裡面蝦膠有粟米粒，彈牙好味😋埋單$54，跟餐飲品要+$8汽水+$9檸茶之類。唔算話好平，但味道唔錯，幾好食！絕對比譚仔好食（可能我食得太多😂食到厭？）

本身見到有咁多好評以為好好食點知試完之後發覺啲米線好淋配菜價格又唔係特別平雞翼竟然一開二 半邊雞翼扮四隻所謂嘅麻酸辣真係好一般 麻辣或者清湯更加冇味點咗小食 豆卜墨魚膠 點知炸出嚟仲未熟既同小姐姐講竟然話係咁樣 已經熟咗但又要拎返我碟嘢入去再炸講大話都搵個好啲嘅理由 一句講曬唔好意思咪算囉 仲要搵藉口當堂已經覺得唔會再上返嚟食大家點小食嘅時候最好 睇下熟咗未 唔熟 侍應姐姐會講說話畀你聽不過最好大家洗試本身黃店都想支持但係食物質素 同埋服務態度係咁 真係不是也罷 行遠少少食第二間啦

今日同事帶我嚟呢度食lunch，話個酸菜魚米線好好食～一於就試吓！店內環境同其他米線店一樣，都係比較簡單嘅風格，當然都唔好預會好闊落🤣我當然叫咗個同事極力推介嘅老壇酸菜魚米線 ($58) 啦～我就加咗$3改做土豆粉～一嚟到香氣已經衝哂出嚟😍入面有我鍾意嘅香芹同埋泡椒，我覺得個辣度大約介乎譚仔五小同十小之間，對我嚟講係啱啱好！魚塊好滑，冇骨，份量都唔少～土豆粉比起一般嘅薯粉淋身少少，但係都算有咬口🤤呢碗麵真係好啱我口味，連湯都幾乎飲埋🤣小店亦好似有唔少招牌湯底，下次我都會試吓😆

係米線關注組會間唔中見到有會員介紹依間「米線樂·麻辣豬骨濃湯」，經過長沙灣就決定試試佢。門面算係企理，坐得舒舒服服，中意打卡既牆身都有唔同裝飾俾大家打卡🤣落單都好方便，雖然係小店，但掃一掃QR code就可以落單。Anyway，講返食物先，湯底叫左推介既「麻辣豬骨濃湯」，餸就叫左「牛柏葉」、「墨魚頭」、同埋「黃金花枝丸」。碗野黎到既時侯其實已經想即刻試一啖個湯，但相機都要食先（依家一路打食評個肚又開始打鼓😂）湯底無令人失望，佢個色然同某米線連鎖店既湯底好似，但個味完全唔同，中意食豬骨湯底既唔可以錯過，果種麻既感覺都非常過癮。「牛柏葉」同「墨魚頭」都好有咬口，連埋湯一齊食好正👍🏻「黃金花枝丸」都唔可以錯過，因為係新鮮炸起，食落都唔會有好重粉既感覺。個人評分（滿分為5）味道：😉😉😉😉😉環境：😉😉😉😉員工友善度：😉😉😉😉CP值：😉😉😉😉😉

米線樂愈食愈快樂作為一個米線控,當然會周圍發掘好味又性價比高既米線。今日比我意外發現到長沙灣米線樂。我地點左麻辣水煮湯米線同涼伴撈米線。水煮湯底夠重口味，但又唔會太咸同太辣而cover左本身既味道。涼拌撈米都幾唔錯, 湯米線以外的好選擇。滷水拼盤：款式多樣，有豬耳、豬腸，腎、滷蛋，大大碟, 二個人食都好夠！麻辣墨魚咀拼軟骨：店員推介，墨角咀好爽口彈牙，配埋秘很麻辣醬就一流。白桃梳打同青檸梳打無溝水，好飲解渴！總括來說，無令失望，會再嚟幫襯。

有時候想食下譚仔以外既米線，呢間深水埗黃店係我既選擇💛睇個湯頭既顏色，同譚仔都有幾分似，味道都有似似哋架😂叫左碗小辣，同譚仔5️⃣小辣既辣度差唔多。我最鍾意配既餸係墨魚咀，爽口彈牙👍👍米線軟硬適中，上次食既米線比較碎，同店員講聲，佢地會主動換碗，態度不錯～

是日又想食米線諗起呢間個麻辣豬骨湯底食過一次幾好幾持別咁今次再來呀點左~生菜鴨血小辣鴨血如常的入味唔會淡淡無味道米線份量依然好多呀食到攬住個肚~麻辣雞腎雞腎相當入味呀個麻辣味都幾香份量亦唔少呀~手拍青瓜其實青瓜個醬汁同雞腎都似(唔知係咪一樣)所以味道都幾重有麻又有辣呀

作為米線關注組嘅一員，每次經過見到新嘅米線舖都會想試下🤣今次試咗呢間位於長沙灣嘅米線舖～呢間餐廳除咗可以食米線之外，仲可以食涼皮，一次過滿足我兩個願望呀！招牌涼拌涼皮（$51）涼皮QQ軟軟，配上酸酸甜甜嘅醬汁一齊食，相當醒胃，配料有青瓜同脆脆嘅小豆，為涼皮添加爽脆嘅口感，另外我地仲加咗兩個餸，分別係酥炸墨魚膠豆卜同黃金花枝丸，都非常香口惹味！酸辣豬骨濃湯米線（$51）鍾意佢個湯底夠酸！我哋order咗BB辣，唔係好食得辣嘅我都接受到😝配料方面我哋揀咗魚腐同埋蝦膠腐皮卷，魚腐吸收曬湯嘅精華，好正😍至於蝦膠腐皮卷都好好食，外脆內軟，鮮味十足，因為加咗椒鹽所以相當惹味！涼拌萵筍（$22）可以走辣，醬汁都係酸酸地嘅，所以好開胃，同萵筍味道好夾☺️上面加咗好多蒜泥，所以好惹味喔！萵筍好爽脆，味道清甜～炸孜然雞翼（$36）孜然味好香濃，外皮鬆脆，肉質鮮嫩，熱辣辣，好好食😋飲品：鹹青檸梳打&巨峰提子梳打（@$12）兩款飲品嘅味道都唔會太甜，解渴！食香口、辛辣嘢食嘅時候飲最適合不過。😆

▪️麻辣豬骨濃湯米線- 雞肉x 墨魚頭豬骨湯底濃郁又不會太油膩，我選擇了少辣所以不算太油，辣度也偏低所以大家可以叫辣一點。因為用QR code電子下單店家很貼心提供了不同options讓大家選擇，你可以全走貨或少米，甚至可以轉菜底🤩雞肉份量很多，是連皮雞腿肉所以會比較滑嫩。墨魚頭也很多，很有咬口，蛋白質滿滿😍▫️涼拌涼皮- 麻辣鴨血 x 蝦膠墨魚卷另外的主角當然少不了涼皮。涼皮條相對比較厚和寬，要下去煙韌也很掛汁。麻辣味道很出，卻不會太過油膩。麻辣鴨血本身也很入味。特別一讚腐皮卷份量多之餘很香脆，腐皮炸得脆卜卜，裡面的墨魚蝦膠很重墨魚和蝦味，彈牙的口感跟外皮形成對比👍🏻▪️滷水拼盤滷水拼盤是意外的必推🤩沒有吃過這麼入味的滷水，雖然偏甜但是是我喜歡的味道😍最重要是份量超級多，有滷蛋+2隻雞翼+豬耳+雞腎+豬大腸。豬耳絲膠質滿滿；豬大腸有很多塊而且處理得很好，豬肉的油脂非常香口🤤▫️泡椒雞腳雞腳有很多件，但是略嫌泡椒味不夠重

放工喺附近搵食，見到呢間米線鋪有好多笑臉咪走入去試吓啦，點知期望愈大失望愈大，叫咗碗麻辣豬骨濃湯米線配酥炸墨魚膠豆卜同埋孜然免治雞肉棒，個湯底似譚仔三哥質素，有D味精感覺，食完唔會令人回味，覺得譚仔湯底仲好過佢地少少。至於個酥炸墨魚膠豆卜，其中一舊豆卜冇乜墨魚膠，另外兩舊正常，味道還可以。而雞肉棒就好淡味，冇乜孜然味，質感好淋吓，冇想像中咁好味。呢碗米線加杯凍檸茶盛惠$63，我諗我下次應該唔會再去幫襯。

平時成日都會去長沙灣買野，因為d野好平😆今日去掃完貨好攰唔想煮就諗住買外賣返屋企食，見到呢間米線好似幾多選擇咁就試吓啦。豬骨濃湯米線豬骨湯香濃，有少少似拉麵嘅豬骨湯，米線正常，餸菜方面加咗滷水豬大腸同肥牛，值得一讚嘅係豬大腸，入味得來得質感鬆軟，而且多肥膏，正！肥牛肉得一半但份量多，唔錯！👍🏻招牌涼拌涼皮（bb辣）粉皮偏厚，好在醬汁好食，少少辣好野味！配料方便揀咗鴨血同孜然免治雞肉棒，雞肉棒炸得鬆脆，雖然攞到返屋企但都唔林😋麻辣墨魚咀呢個值得推介！墨魚咀爽口彈牙，而且份量幾多，配上麻辣醬汁味道一流！蒜泥白肉呢個係厚切白肉😆其實佢個辣汁墨魚咀一樣，不過多咗蒜泥，更好味。不過厚切就冇咁入味，如果薄返啲會更好！整體來講質素唔錯，攞咗返屋企食物質素都冇乜點變😉