米線樂•麻辣豬骨濃湯 (已結業)

今日去長沙灣整d野 行過搵下地方食野🥰見到呢間入面都多人食又有位，而且凍凍地好想食碗熱野🤤簡左個酸辣豬骨濃湯米線🍜分量好大碗啊而且湯底極濃，酸酸辣辣咁好開胃👍🏼裏面仲有好多唔同嘅配菜有芽菜、腐皮、蔥花、酸菜😋價錢又唔貴喎👍🏼配菜我自己就揀咗午餐肉同魚蛋😋好食又彈牙🥰而且配上餸米線一流而我另一伴簡左麻辣涼皮配滷水豬大腸同埋腩肉😋兩者撈埋一齊好正，而且佢裏面包含咗好多唔同嘅配菜喺入邊，有青瓜絲同埋脆皮豆🤤撈埋店舖特製嘅麻辣醬正，而且粉皮透薄唔會一塊塊好厚身入口岩岩好😍小食方面我哋就揀咗麻辣蓮藕尖，其實我未食過呢款咁細粒的蓮藕仔，食落爽脆酸酸辣辣，攞嚟餸麵好開胃飲品方面我哋揀咗蜜桃烏龍茶，中意佢唔係正係烏龍茶咁簡單 而係加左蜜桃乾，飲落好香口而且無糖😋😋另外白桃梳打夠哂濃味，唔會係加咗冰成杯野變淡咗個種口感👍🏼

唔係咁鍾意食連鎖店，所以見到有新開既米線小店就同屋企人去試下，呢間米線店既裝修都唔錯，乾淨企理。打開餐牌，見到米線有好多款餸可以揀，仲有好多唔同小食。呢間新開既米線店幾好，今次點左豬骨濃湯米線同埋麻辣涼皮。米線湯底濃郁，涼皮口感唔錯！小食方面，孜然雞翼好惹味！仲有蒜泥白肉好正宗，豬肉既口感幾好，加埋香香既蒜泥，好味到食唔停。呢度既玫瑰洛神花茶都好正，入面落左好多料，味道豐富，食辣野點呢個黎飲就perfect ！

唉！本身諗住聖誕節啲舖頭做個最後衝刺，點知又返返去夜晚冇得出街食飯日子。見星期日唔使返工唯有盡量支持下啲舖頭仔啦。食飯時間行過門面見到搶眼嘅Tiffany Blue，再望真啲裏面大大隻字寫住香港人的米線，本人比較膚淺一見到香港人就行咗入去了。入到去啲侍應都好好招呼，問佢哋有咩好推介，介紹都詳細。佢最後基本上係叫咗佢大部份打星星嘅食物。叫咗一碗米線同一碗涼皮試，雖然係香港人的米線，米線中規中矩，麻辣味好香，但係涼皮就好有驚喜，可能係咁啱啲餸嘅配搭問題。米線叫左萵筍同鴨血，萵筍唔錯但係鴨血就麻麻哋有少少鹹同酸得滯。涼皮雖然散啲但係唔算係一條條反而係一塊塊咁樣好有咬口，同埋夠凍再加上青瓜絲同埋一啲趣卜卜嘅豆，個口感好豐富。而且個餸仲叫咗墨魚咀成件事令到個涼皮由煙銀，爽口，都彈牙都有好有層次感。個涼皮叫咗小辣，平時個人都算食得OK辣但係第一下入口都有啲搶口，所以各位對食辣冇乜信心嘅要小心一啲。小食就不過不失啦，蒜泥白肉有啲暖，自己鍾意食凍啲嘅。口水雞翼都貼心嘅斬開一半唔使食得咁狼狽加分。但係個嘢飲不得不提，佢有兩款特別嘅手沖茶，我冇叫佢蜜桃烏龍反而叫咗佢個玫瑰洛神花茶，樽仔上裏面有好多唔同種類

星期六去左整頭髮, 整完係附近搵野食見到呢間新開場米線就試下啦!!主打豬骨濃湯, 叫左一碗米線, 另外仲見到涼皮~鐘意食辣既我點會錯過!!豬骨濃湯米線湯底真係好甜, 唔油, 羅白100分咁好食!!米線帶爽, 個人幾鐘意個口感~麻辣涼皮要左小辣, 都幾夠辣好惹味!配料仲可以揀鴨血, 麻辣加鴨血真係好夾好好食!!另外小食都好多款, 味道唔錯, 小店值得再支持!不過唔食得辣既要小心D, 因為呢到既小辣都幾辣!!

見呢到新開左間米線舖，裝修得企企理理，幾靚。舖頭名強調係麻辣豬骨濃湯，聽落好似會幾正，一於就買返屋企試一試啦。🐷麻辣豬骨濃湯米線（走蔥）$29平時我都好鍾意食好似譚仔咁嘅麻辣米線，因為我好鍾意食辣野，米線樂嘅麻辣豬骨濃湯同譚仔嘅麻辣湯底有啲似，不過我自己就覺得米線樂嘅豬骨濃湯更加香同更加甜，作為米線嘅湯底真係一流。米線嘅份量都足夠，米線食落嘅口感有少許彈牙，啲米線唔會一夾就散開晒。🌶招牌涼拌涼皮（走蔥走芫荽）$29鍾意食辣野嘅我都好鍾意食涼拌涼皮，涼皮有紅油同麻醬撈埋一齊。涼皮每塊嘅大細都差唔多，有啲似食緊西式闊條麵，不過就涼浸浸嘅。食落去又有啲似雞絲粉皮嘅粉皮，容易咬開嘅。🦑墨魚頭 （+$12）/ 麻辣墨魚頭（走芫荽 ）$38墨魚頭好有咬口，食落亦好鮮甜，份量好足夠，麻辣嘅墨魚頭紅油好啱香港人嘅口味，唔會太辣，鍾意食墨魚頭嘅朋友一定要叫嚟試吓。🐮肥牛 （+$12）呢個真係要為佢平反下，本身影相嗰陣淨係夾起左少少肥牛放喺上面。但點知食落發現原來肥牛份量好多，好似有成十塊咁。牛肉唔會太過肥膩，個人覺得肥牛好啱配紅油或者麻辣湯，因為啲肥牛非常之索湯。🐷腩肉 （+$9）/蒜泥白肉（走芫荽）$

今日嚟到長沙灣新開嘅米線舖，座位都幾舒服，有大卡位。價錢都合理，米線啲餸有好多選擇，仲有好多推介小食。孜然脆炸雞翼（$36）- 即叫即炸嘅雞翼，熱辣辣又鬆脆，起碼有6隻，好掋食。麻辣墨魚頭（$38）- 因為有人唔食辣，所以叫咗佢麻辣另上。墨魚頭非常爽口，本身個醬汁都酸酸地，好開胃，我鐘意食辣所以點埋辣仲惹味。麻辣豬骨濃湯米線 配腩肉同芥末沙律丸($50) - 我嗌咗小辣都覺得好辣，份量唔少，都幾多腩肉同芥末沙律丸。招牌涼拌涼皮 配豬肚同秋葵（$48）- 頭一次咁樣食法，似平時食嘅雞絲粉皮嘅粉皮，撈埋餸同炸黃豆同麻醬都好豐富。特飲都好有心思。玫瑰洛神花茶（+$12）賣上好吸引，除咗花仲有杞子。而蜜桃烏龍茶（+$12）就好香蜜桃味之餘仲要唔甜。

最近屋企附近新開咗間米線，見到有好多人幫襯，應該味道唔錯！今晚Happy Friday決定唔煮飯, 依家疫情關係又冇得堂食，唯有買外賣嚟試試先！環境舒服，乾淨企理👍🏻👍🏻呢度主打麻辣豬骨濃湯米線，仲有招牌涼拌涼皮😍除咗米線之外，仲有多款小食提供😍😍今晚很豐富，叫咗一碗湯米線，一碗涼皮，仲有兩款小食☺️☺️麻辣豬骨濃湯米線·小辣（麻辣鴨血，墨丸）豬骨湯底真係比出面食嘅香濃，小辣嘅辣度剛剛好，麻得好過癮，想讚鴨血，好入味，又大大塊，仲有腐皮等配料，好大碗，抵食👍🏻👍🏻招牌涼拌涼皮·微辣（萵筍，雞肉）萵筍爽脆，雞肉肉質嫩滑，涼皮闊度適中，夠煙韌，有QQ 彈牙口感😍😍口水雞翼呢個真係做得好出色，雞翼開邊，方便進食，而且醃得好入味，肉質好滑，雞皮仲有爽彈感，超正！麻辣墨魚頭份量甚多，墨魚頭細細粒易入口，好有口感，新鮮爽口，麻辣汁好香👍🏻👍🏻經店員介紹之下，試咗佢哋自家製嘅冷泡蜜桃烏龍茶和玫瑰洛神花茶，食完咁多麻辣嘢，今晚飲埋佢地簡直完美🥳🥳

不遠千里來吃米線，這樣的熱情，需要好好珍惜。動力就是對美食的愛❤不能辜負😍😍特意買了外賣帶回家，享受摯愛美味。.麻辣🐷骨濃湯米線 ＄45小辣，午餐肉＄7，魚皮餃＄9米線底很便宜，加了菜也才40左右，特別划算。辣味夠地道，食材很新鮮。最喜歡的是午餐肉，入味又鮮美。.麻辣涼皮＄43中辣，萵筍＄7，金菇＄7涼皮也是最愛，前兩天還跟同事說，今天就吃上了！真開心！心想事成的感覺。蔬菜特別新鮮，配上涼皮，感覺很搭。.白桃蘇打＄12清爽解膩，甜蜜如心.玫瑰🌹洛神花茶 ＄12很用心的泡茶，女生喝養顏，又養生.滷水雞🐔翼 ＄28.麻辣秋葵 ＄28 ....米線樂•麻辣豬骨濃湯長沙灣元州街231-247號潤發大廈地下B1舖

第四波疫情嘅關係⋯令全港食肆再一次在晚上6點開始不能堂食，再一次重擊下⋯⋯不知能否捱得過⋯⋯⋯作為愛香港的香港人，一定要一齊出一分力支持各小店路過這家只開業數天的米線小店，裝修明亮光鮮也很有活力，店員主動介紹店中名物下單後進入店中等待（入店時記得量度體溫呢）有著一點點日式裝飾近店子盡頭一角有一處型男索女專區，可惜疫情關係今晚未能堂食不知為何，看到這句時的確令人會心微笑香港人一起加油💪🏻兩碗粉三個小食安全抵家揀了微辣嘅麻辣豬骨湯底土豆粉 （因為外賣關係，粉和湯分隔存放），豬骨湯底鮮甜帶少許麻香，辣度對食開BB辣嘅我就啱啱好可以輕嚐兩口，湯中還有腐皮和芽菜。土豆粉第一次食，外貌似烏冬但係比烏冬更滑更軟好得意揀了腩肉和麻辣鴨血，腩肉夠厚度，因為好怕薄如紙無晒口感，肉質夠軟又不失咬口，鴨血夠實淨夾著也不會散 另一碗係微辣涼皮，揀了滷水豬腸和萵苣，揀選配料其實都講技巧，因為凍食揀涼拌類嘅配料會更合襯涼皮有一點點像紅薯粉，而涼皮中已加件炸黃豆、蒜、青瓜絲、蔥、芫茜和麻醬；當中的炸黃豆香炸可口，如果可以再比多尐我就更好泡椒蓮藕尖（$38） 好少地方有這迷仔蓮藕仔，小巧可愛，味道酸酸帶點點辣，很開

見佢新開都想支持下，坐都算舒服，但完全唔抵食，$27-$29 一個米線底，餸另加$7-$12/@，我加左$9 魚皮餃，得3 粒🙄 我唸住起碼都有4 粒丫！係譚x 呢個價錢已有2 餸！味道係正常，魚皮餃咪又係出面買普通個啲，長沙灣區咁多間米線舖，我唸我唔會再幫襯！

豬骨湯底好味，但呢個價錢餸既份量好少（鄰近既麻辣川，雲桂香，同雲南都比佢多），3餸收得59蚊呢個價錢，cp值實在低！環境裝潢係唔錯，服務正正常常。相信店家要再研究下餸既份量同埋推出咖啡奶茶得飲品，唔係既話都幾難同附近米線店競爭

新開的米線鋪頭，FB 已有街坊食過表示好咪，今日就走去試一試，裝修簡潔乾淨，店員有禮貌，又會主動介紹店內菜單，十分抵讚。小食方面，雖然唔係多款，但貴精不貴多。而且有蓮藕BB食，真係比較少有，但呢間又整得幾好食😋

長沙灣新開米線小店，裝修有特色，環境乾淨整潔。老闆可以介紹詳細食物，最重要都係食物質素高質，絕對比不少連鎖米線店，如譚X等好食。小店打正旗號豬骨湯做賣點，就叫咗碗腩肉大腸麻辣豬骨湯米線，湯底濃味，老闆話原味仲正，下次可以試試，鍾意食辣嘅話我覺得呢個中辣程度剛剛好，而且米線煙韌口感良好 腩肉屬於正常水準，大腸就滷得入味 小食揀咗麻辣墨魚頭，強烈推介 爽口彈牙配埋麻辣汁，必食。最重要都係價錢合理，回頭率極高

住係長沙灣，之前經過過兩次見到仍在裝修中，昨日放工再經過看見已經開張了，抱住一試的心態試一試。我叫左小辣酸辣豬骨濃湯米線配萵荀和滷水豬耳，湯底果然有驚喜👍🏻😋，濃郁入味，好好飲，辣度又夠，萵筍軟硬適中好夾湯底，滷水豬耳夠入味又夠淋好食。食量不少的我再叫了一客小食麻辣墨魚頭，一定要推薦，非常好食😋，墨魚頭入口爽脆配上麻辣汁好夾，不自覺地食到停唔到口。飲品叫了他們自家製的玫瑰洛神花茶，一上枱以為自己去左酒店high tea，玻璃茶壼擺盤非常靚，看得出店主頗有心思，花茶入口少少甜甜酸酸的，唔會太甜，花香味好清香，好好飲😍。店內環境舒適，裝修幾有風格，用了不少燈光佈置，有唔少打卡位，食物環境都非常好，估唔到新店都可以做到咁出色👍🏻，必定會帶朋友再黎。

今日同男友試新野～平時最鍾意食米線既我～見到呢間即刻入去試下～因為我最鐘意食辣野同埋米線～而呢間野又有濃豬骨湯又sell辣～即刻入去試下先～叫左個「特辣」酸辣午餐肉雞肉雲耳米線～個湯底真係好好味～雞肉真係好嫩～好好味～午餐肉都好好味～但個特辣可以再進步啲～～～略嫌覺得唔係太夠辣～～鐘意食辣同埋米線既朋友仔～可以去試下～真係好好味😋P.S 最近鬼滅之刄真係好好睇～入呢間店成個水之呼吸咁啊～大家可以去朝聖下