稻八日式火鍋炸物放題 (已結業)

打邊爐當然係任吃的好，今次就試了間係日式火鍋店，餐牌有唔同組合，先要選擇食物嘅種類，最便宜係豚肉、雞件和炸物三種食物放題$158，當然再望望餐牌只係差少少價錢，最後選了$238，因有6種食飯選擇，而最緊要係有安格斯牛吃，我吃肉嘅關係呢個都唔難選，反而係個湯，有8種選擇，一般日式火鍋嘅味道都有，而最喜歡試新野嘅我就叫了個北海道3.7牛乳牛骨湯，個湯就咁都可以飲，真係又白又滑，好香奶味，一會主角現身，就係個啲肥美極上美嘅安格斯小牛排啦，一上四盆，個牛乳湯一滾，馬上夾塊牛在牛乳湯內拖一拖，牛肉就超快就熟了，肉質軟滑，可能切得較薄，所以好快又一盆，啲牛肉真係唔錯！除此之外出面重有個自助吧，有齊打邊爐嘅食物，有丸，有菜，任君選擇！而飲品就自己出去攞，選擇都好多，重有個推介，就係日本豆漿，味道唔係好甜，但入口口感好滑！另外有個自助炸物區(天婦羅)，選擇自己喜歡嘅食物，塗上炸槳，再加上少少麵包糠，放入個爐炸，自己計時3-5分鐘，一次建議四至五串一齊來！又要火鍋又要炸物，重有係雪糕都係任吃！今次個胃真係要加油！以價錢同質素來比較都算可以，店員一見你吃完就會問你需要補充，回應後都即時送上，而加湯就加返牛

打邊爐+炸物是稻八的賣點，打邊爐途中，去炸炸食物，好過癮！說回食物的味道, 選了$238 的一款, 可以任食極上安格斯牛小排, 特級美國穀飼牛, 美國進口牛肉, 美國自然豚肉片, 雞件及炸物, 中等價位的已經很不錯!湯底是打邊爐的精粹。稻八共有八款湯底可供選擇。今次選了北海道3.7牛乳牛骨湯底。湯底呈奶白色，質感絲滑。嚐不到鮮奶的味道，卻有濃郁的忌廉湯味，與牛肉的味道也很配。極上安格斯牛小排的花紋很漂亮，紅白花紋錯落有致。牛肉有一定的脂肪比例，肉質當然比較嫩滑，不用花費牙力就可以把它咬開了。而且牛肉帶點油脂香，好香口呢！放湯燙幾下便可以享用，好好吃呢！美國穀飼牛肉的色水沒有安格斯牛小排般美，但味道亦很不錯。其牛肉味甚至比牛小排更濃，而且有點嚼頭，是另一種的美味呢！豚肉片爽口非常，卻沒有豬羶味。而且脂肪比例適中，不會吃到滿口油。凡惠顧即送海鮮盤，有大大隻的蝦，帶子及魷魚，三款都鮮甜爽脆。亦令鍋底增添鮮味。蔬菜類，丸類種類繁多，任夾任食。當然要從平時罕見的種類入手吧！夾了兩款炸魚丸，一款是炸墨魚丸，另一款是炸蟹籽丸，兩款都彈牙好味，咬開蟹籽丸，更可以嚐到蟹籽在口內爆開的口感，好過癮。質素可

今晚係大埔友 gathering放工返屋企附近慢慢嘆而家呢條大埔舊墟直街街早已經變成食街了今次試新野稻八日式火鍋 shabusabu一坐低首先揀好湯底我呢個10年不變嘅人最鍾意都係沙嗲湯價錢收費算係實惠而且質素都唔差美國自然豚肉片追加了一份海鮮盛盒幾個牛魔王聚埋一齊決定揀一個中間價錢嘅 packages$238 極上安格斯牛小排放題牛肉質素已經幾好小牛排層層疊摺疊小牛排快快清有特級美國穀飼牛美國進口牛肉雖然不是入口即溶的 level但脂肪分佈非常平均有濃濃的牛肉鮮味食落口好滑有嚼勁自動自覺 Refill 牛肉好快手其實仲有雞件不過我地冇影相炸物DIY~~炸物放題係日本嗰邊好興有個細細地嘅小炸火爐小心滾油自己動手炸我就揀咗健康嘅秋葵BB鍾意食嘅腸仔比較貴價嘅蝦類120分鐘嘅放題有一小部份係比任飲任食吸引我黎嘅當然重點出擊嘅就係 dryers 雪糕杯真心如果瘋狂咁樣去食雪糕杯真係15分鐘翻晒本我喜愛嘅綠茶 brown sugar跟住就係比較特別嘅開心果雪糕而三甲之內嘅就係 triple chocolate 喇Wa 真係好忙啊周圍行又要攞蔬菜又要攞丸丸又要食甜品有貴價嘅日本豆乳之前759買幾

日式火鍋放題食得多。選擇黎黎去去都係牛涮鍋。牛陣。。。為食妹發現大埔最近開咗間日式火鍋放題。新奇好玩。自己沾炸漿麵包糠。炸出一支支天婦羅。炸物款式有12款。貴價嘅蝦。秋葵。蕃薯都有提供。炸物放題真係第一次。有指引教你點整。有得玩又有得食Like 火鍋配料自己拎。肉丸。蔬菜。沙律。冷盤。烏冬。拉麵。樣樣齊。飲品都係自助。放題價錢有6 款：為食妹揀咗$238 套餐。湯底有8款。極上安格斯牛小排～油脂分布均勻。薄薄一片滾一滾。溶化入口中。好好味丫。羊肉片係餐牌無提供架。店員話可以order 。大大件雞件。煮熟咗都唔鞋口醬油都係自助形式。臨近萬聖節。仲有Halloween 佈置。甜品有雪糕雪米磁

今日帶朋友在3號風球下來稻八品嚐高質素牛肉，不同類的牛肉中，朋友尤其喜愛和牛，這與壽喜燒湯底很夾，任食中朋友最愛生啤任飲，但基於揸車，只限一杯就夠了這包調製豆乳，非常推介!朋友欣賞呢到服務員的服務態度，尤其見到行動不便的長者，更顯細心!大埔少有的日式任食火鍋店，街坊不容錯過呢

和牛真係一試抽身不了 成為左我既心頭好 今次仲配埋梅酒 也太瘋狂了 不過年輕就係要瘋狂啦 抽取多啲既營養再減肥是常識吧今次有8種既和牛 分別係澳洲同日本 仲有不同部位喎 太high了吧而梅酒都有8款 但只係388咋 太誇了今次嗌既湯底比上次吾同有兩款 依個亦係大群人食野既樂趣同埋好處左地獄 右沙嗲左壽喜燒 右牛乳豬骨8款和牛係晒度 日本A4和牛有3個部位 澳洲M6和牛有5個部位梅酒方面由清清地既味到濃味甘樣試 最後就可以知道自己最鐘意係邊隻 就可以CHUR爆佢了 都幾好 同埋平時吾會可以試到甘多種酒 第一種最清既 就係好熟悉既味道 大路啲既梅酒味 有稍稍酸味 另外因為加左冰 梅既味更加出 梅酒既香濃更能發揮到第2個試既就係濃啲又好特別既黑糖梅酒其實有layer feel 幾靚 有少少溝吾均勻甘既FEEL 但因為佢陣味幾濃 所以都有啲啲膩用左牛奶溝依種酒 感覺似baileys既FEEL 個人就麻麻地 但朋友就好喜歡之後個啲濃味啲既 我就吾太鐘意啦 但中間有一隻係柚子梅酒 幾正 酒味吾濃 加上本身鐘意柚子 有少少似果汁 但好味過果汁 可以encore依隻!!! 同埋第一隻最清個隻都OK啊~

#稻八日式火鍋炸物放題 #太和$388梅酒之夜朋友帶我地一班人去食好西🌝開始我的120分鐘覓食之旅。我地簡左個梅酒之夜$388可任食和牛同任飲梅酒，坐底先簡湯底，好多都好吸引☺️例如有壽喜燒、牛乳牛骨湯、沙嗲湯、地獄湯等等。尼幾個都吸引最後我地就簡左尼4個湯底～隨即當然每款牛都要試啦，和牛分左日本同澳洲系列～每樣都點d就可以全部試晒☺️等和牛期間就開始叫梅酒飲下🌝店員簡略介紹下梅酒既分別同味道，好細心，簡梅酒就可以更得心應手了。印象深刻係尼款溝左奶既黑糖梅酒，加左黑糖既梅酒飲落冇咁酸，溝埋奶就更易入口，仲有d甜甜地添。好了和牛來了😍全部紅卜卜好吸引好靚。每款和牛上都有個牌仔方便我地清楚自己食緊邊款和牛👍🏻👍🏻非常好。個人喜愛食澳洲和牛多d😍朋友就鐘意日本，不過都好好食啦，真係油脂分佈均勻。我自己就覺得m6澳洲和牛好正啦，可以拎住個牌仔比侍應落單啊，方便😃醬料除左牛之外當然唔少得打邊爐既其他配菜啦，有麵類、丸類、蔬菜類等等。打邊爐食左咁多牛一定要食菜呀！！！到最後仲有雪糕食☺️Dreyers既抹茶雪糕😍食埋就大滿足lu

上次黎大埔時發現咗呢間新開嘅日式火鍋放題餐廳，聽到同行嘅食家話唔錯，所以決定下次嘅聚會就黎試下喇~ 餐廳都算幾大，而我地一行四個人就俾安排去坐卡位，私隱度都幾高嫁打邊爐最重要係咩?唔係個爐，而係個湯底，事關每一樣食材放落去煮熟時都會吸收湯嘅味道，所以湯底係好緊要嫁!! 呢到就有八款湯底可以揀，卡位有兩個爐，所以可以兩個唔同味道嘅湯底，但係咁又點可以滿足到我地啊?所以其中一個爐就要咗雙湯底，分別係味噌芝麻豆乳湯同地獄火岩湯，另外一個爐就揀咗壽喜燒甜醬油湯，呢個湯味道偏鹹，建議加多少少清湯平衡下見到餐牌上有多款唔同等級嘅牛肉，我地決定豪盡佢，任食日本國產黑毛和牛放題，因為嗌呢個，其實係可以食埋其他等級嘅肉類嫁，大家可以分辨下唔同等級嘅牛肉，同比較味道質感，唔洗講咁多，每一款牛肉都黎一碟先，唔該~望到各種紅色嘅牛肉，我呢個殿堂級食肉獸已經流曬口水喇，由於太多肉嘅關係，我都唔係好記得邊一碟係邊一款肉，但係我一定記得嘅係澳洲M6和牛，因為牛肉含有好多嘅脂肪，一大片嘅和牛，真係有入口即溶嘅感覺，口感非常柔軟，而且充滿濃郁嘅牛香，完全可以清楚知道唔同嘅牛肉等級，係存在著幾大嘅差異!!! 由於澳洲M6

食肉獸可以留意一下這間90分鐘🇯🇵日式火鍋炸物放題🍲幾個價錢幾種食法😋自選配搭<日本國產黑毛和牛> 🐮$368這個價錢放題先有八款自選一湯底，我幾種意佢個北海道3.7牛乳牛骨🍼湯，香濃得嚟感覺無咁熱氣😏而牛肉方面有5款🐮包括日本國產黑毛和牛、澳洲M6和牛、安格斯牛小排、美國穀飼牛、美國進口牛肉，🐷豬就只有美國豚肉跟另外有🐔雞件🌊海鮮方面係以大蝦、扇貝、青口、鮮魷魚做成一個併盆🌀除咗火鍋外，出面有個吧枱，可以自己攞各款蔬菜跟丸類🍡🍢仲有部自助天婦羅機，可以自己親手整天婦羅🍦Dryers雪糕任食🍹汽水任飲一開始已叫齊多款肉類😈隻黑毛和牛跟M6和牛最快被消滅，因為雪花油脂分佈都幾平均，真係有入口即溶感覺👉而牛小排跟穀飼牛就有咬口跟牛味比較重，海鮮當天都幾新鮮，尤其隻鮮魷魚勁彈牙最後大家記得玩埋部天婦羅機，佢個炸漿調教得幾好另外仲有$168 $208 $238 $298不同價錢放題，豐儉由人

好耐冇打邊爐喇！天時暑熱有時真係唔想打。不過聽朋友講哩間日式火鍋除左有平時食到既火鍋料之外，仲有得自己整天婦羅嫁！😆出面既火鍋料都幾齊全，我想食既材料都有齊哂，最特別既係有蕎麥麵同日式甜品！普通既火鍋料就唔多講喇，不如講下個湯底啦！今次叫左壽喜燒同埋鴛鴦鍋(味噌芝麻豆乳+地獄火岩)，壽喜燒鍋底比較淺，味道係帶半咸半甜既醬油味，因為底淺所以水分好快會蒸發，所以湯底會好易變咸，要不斷加水沖淡先得！而味噌芝麻豆乳湯就幾正，真係飲到少少味噌同豆乳味，同豬骨湯其實又有d似😂 地獄火岩我就冇試到，因為本身唔食辣，叫到地獄又好似好激咁😂😂 不過我既好辣朋友話味道唔錯，又唔算太辣，鐘意辣味既你要試下喇！我地叫左最貴果個set,全部肉同海鮮都想試諗住都唔爭得幾多😁 佢地既M6和牛好正！推介你地食，M6和牛夾透晒光切得超薄身，油脂分佈好平均，唔會一碟靚一碟唔靚，牛味算幾濃郁，食入口真係會化開嫁！😜 自製天婦羅…選擇都幾多！例如有蝦 、菇類、茄子、芝士腸、素帶子、麻吉燒丸、南瓜等等俾你炸！仲貼左張步驟提示俾你step by step跟住整，平時喺屋企都好少整天婦羅，今次可以整番夠本喇😁 只要沾完粉漿同天婦羅

很久也沒有到大埔，對上以此應該是行完山過去食東西。僅次沒有行山，　特意來吃東西，朋友想熱天吃火鍋，唯有捨命陪君子，　開大冷氣，甚麼時候打邊爐又有咩所謂。這間新開的走日系風格，一進店就是學生時代經常聽的LARUKU歌曲。令人懷念。店內光猛明亮，日系裝飾的玄關和酒櫃，還有自助的食物COUNTER和天婦羅炸物機。1        SET 368 120 MINS這次我們試368的SET，有澳洲Ｍ６和牛、安格斯牛小排、美國谷飼牛、美國進口牛、美國豬肉以及雞肉，海鮮和炸物。本以為食不鮑，2        沙嗲湯底 和地獄火岩湯, 鰹魚昆布清湯，店長大力推介，對於自家店的肉類很有信心，讓我們以魚湯刷熟肉類，品嘗肉的鮮甜味道。地獄火岩湯的火紅顏色看起來讓不好辣的我有點懼怕，不過也有一番風味。最讓我驚喜的是沙嗲湯底，有濃香的椰奶味，湯底真材實料。3        Dreyer’s 雪糕小女最近喜愛開心果。看到店內有限定的開心果味開心到不得了，貫徹鮮甜品後正餐的食飯方式，先來一杯。4. 炸物機店家很貼心，先把炸物串好讓我們選擇。選好幾串，染過蛋漿，沾過炸粉，放進滾油，2分鐘可夾起。簡單安全。又可以認識朋

有人QT住大埔嘅朋友講我知最近太和個邊開左間新野好似好正甘，因為$368可以任食多國頂級牛同海鮮90分鐘！仲有好多其他配料都任食😱 好吸引所以就約埋一齊去試下！果然餐廳絕無誇大呃人！真係任食，仲好多選擇！$368依個set 包有日本國產黑毛和牛、澳洲m6和牛、安格斯牛小排、美國穀飼牛、美國進口牛、美國豚肉、鮮雞件、海鮮併盆！樣樣足大份量都係任點全食90分鐘！不過餐廳都有環保小條件必須食完一set先可再叫店員再上以確保唔浪費！依一點QT好欣賞👍🏻 其實配料飲品甜品雪糕就自己拎～ 我同朋友就發現個好玩又好食嘅位：可以自己動手即整炸物！炸物料簡好就可以自己去親手炸😊 所以牛類都超新鮮～ 黑毛和牛入口即溶甘😍脂肪分佈超令！ 牛味重嘅m6和牛都同樣口感超軟滑！其實如果大家想唔點尊貴set 都可接自己所需去選$168 $208 $238 $298唔同級數嘅set 再單碟點個別想食嘅尊貴和牛，當然啦單點就冇得任食嘅～ 海鮮方面都要大讚！真心新鮮～！唔係冰鮮貨！另外我推薦大家必點要試佢地個干烏冬～ 超滑滑好正😍 雪糕方面都唔兒戲有3隻口味係Dreyers!!! 總括來講$368 可以任食甘多款甘新鮮和

身為為食鬼 周圍去食乜都要食係基本 平時亦有各界好友話有乜好食約同我一齊去食 今次輪到大埔既稻八一聽以為稻香啲fd 但見到係日式shabushabu泥既就即刻感興趣 因為個人原本有做過日式火鍋店既 parttime 同時愛上左shabushabu 好鐘意sukiyaki去到太和再行十幾分鐘就到 係屋邨中間既地鋪 finally搵到啦 同朋友月頭所以揮霍啲 揀左368既A5和牛 正啊368最正就係佢以下既級種都可以嗌 任食最正 而我地梗係嗌多D A5泥食 抵啲環境都算闊 湯底必嗌我最愛既壽喜燒亦夠晒正宗 但最後愈食愈咸 可能因為我地掛住傾計 佢自己係甘滾 就會濃縮晒啲湯 所以之後加我地都加水 就無甘咸 而另外再嗌多一個鴛鴦湯 一邊火辣湯底一邊昆布牛乳味噌湯 辣個邊吾算好辣但又增加左啲快感 爽 牛乳個邊就吾出 因為味噌已經COVER晒陣味自助吧有好多野食 菜 面啊甜品雪糕 比較特別同埋吸引到我地去既就係佢有個位可以自鼠天婦羅 跟足佢啲步驟做就可以自己整金黃色天婦羅 佢寫就寫等2分鐘 但其實想吾甘燶都可以早啲拎佢出泥 而天婦羅既種類都吾限於虎蝦 仲有吾同菜種同埋丸 炸到有一個係年糕魚片甘既野

食物質素好好，最特別有個自助炸煱，好受歡迎，自己加炸漿炸糠放埋落油，好玩啊，服務員做得好，知我地唔識就主動介紹menu只係有樣野過份執著，入座同離開都提客人唔可以攞走飲品食物，即使未食完嘅雪糕，未飲完嘅飲品都要立刻停止兼放低，客人擺明又食又拎先滿足都咁唔大方，寧願浪費食物，未免太無謂都值得介紹大家黎，希望下次再黎食嘅話，可以比我拎住食緊嘅雪糕走啦