稻八日式火鍋炸物放題 (已結業)

朋友去完一次，極力推薦。我地今次一行5人嚟幫襯大埔新開的日式火鍋放題，作為大埔友，真係歡迎大埔又多個聚腳點我地揀左298元澳洲M6和牛餐，當中，鍾意佢包埋海鮮任食，朋友認為大蝦及帶子好美味，食完即刻再叫三位女性朋友都較喜歡食M6和牛，而兩位男性則較認為安格斯牛小扒好食d及美國穀飼牛也不錯以下為豚肉片也很有肉味，唔好睇到佢切得薄薄一片，快熟及滑是重點我揀咗壽喜燒(SUKIYAKI)火鍋湯底揀直與肉類係絕配，朋友則較喜歡豆奶鍋湯底。除肉外，也可任食沙律及菜、拉麵…總之總有一款適合我地而炸物是自助形式自己操作飲品類型也有很多，唔飲汽水既我也有好多選擇最後，食個dreyers雪糕就非常滿足了整體而言，店舖對於大埔友極為新鮮，故開業無耐已座無虛席，限食120分鐘，大家要食就要訂位了

第一次去，冇驚喜。睇新假期介紹以為好抵食，點知勁伏，伏到喊，講到好似一個餐既$幾個人食都得,點知埋單先講人頭計,打一餐邊爐成千蚊,自己買料打仲平。5 4 3 2 1 0 (5分最高,0分最低)食物:一盒牛肉得個3塊,又薄又黏,雞肉又大大舊，雲糕得個2隻味，個日部機仲要壞埋，D雪糕熔曬。d 甜品又難食。3/5環境:3.5/5員工態度:4/5如果食最平個餐都還可以，如果再食貴d既餐就一d都唔值lor

每人平均百幾蚊，不過食大家樂同吉野家可能會開心啲，滿足啲。炸物食物款式唔多，仲要限時供應，明明廚房有都唔肯攞出唻，慘過乞。湯底唔算特別，供應普通嘅丸，腸，菜。牛肉任叫，唔算新鮮。飲品種類ok。唔會再幫襯。寧願去隔離小肥牛或者八珍雞煲，無謂受氣。

返左一星期工，好不容易等到星期六，又四出食好西!!今次黎到大埔，因為朋友推介大埔新開左間三多炸脾。約好左四點半等，女人～～點知二個都遲到，所以三多唔食啦，太餓，直接去食晚飯~去左隔離新開嗰間稻八打邊爐。其實邊爐真係有條癮，一星期點都要打一打。 揀稻八係因為佢係和牛放題黎，可以任食。佢有5種和牛放題選擇，我地揀左最貴$368嗰種日本國產黑毛和牛，因為啲雪花好吸引人，同埋最多野食，我地實在太肚餓。因為時間尚早，店入面人唔多，得一枱客同我地一樣「食早飯」。 餐廳裝修好簡潔得黎帶濃厚日本風，一邊墻上有大大幅日本風情畫，環境寬落又光猛，樓底又高，同一般放題店的焗促完全是兩回事。侍應安排我地坐張卡位。餐廳中間位置設有自助BAR，放滿蔬菜呀，菇呀，沙律呀，丸類等無限任食的食物。最有趣係仲有部自助天婦羅機，可以俾人自己整天婦羅，最最最開心係有Dryers雪糕任食，有4隻味咁多，仲有我最鍾意ge開心果味，太興奮~ 火鍋有8款湯底可以揀，但因為我地唔太食辣，所以想揀沙嗲湯，但店員推介新出的地獄火岩湯底，話絕唔辣而且好惹味，所以我地決定試下。當等緊野食黎之時，我地已經分別去拎野食，夾完野食返黎，所有肉已經

行過附近見到個易拉架，竟然發現開左間新既日式shabushabu，就同個fd走入去試下。見到$368可以食晒咁多牛，於是就同個fd試一試我地點左個北海道3.7牛乳骨湯，呢個湯真係不得了，好好味，我都呷左幾口湯主角出場！日本黑毛和牛呢款肉質鮮嫩，放落鍋大約6-7秒係最好食牛味好出，脂肪分佈好好，完全唔會有好un既感覺仲有海鮮任食（因為影慢左，隻蝦已經比個fd掉左落去鍋了😂）海鮮新鮮好味，一流，食得出係新鮮野仲有呢個係呢間野既重點，自助天婦羅機，完全由自己控制，幾吸引聽講香港暫時得呢到有簡單易炸，雖然得一部機要等，但都值得最後都有叫澳洲m6和牛試下，肉質好好，牛既味道比日本黑毛重少少，我個fd就鐘意呢隻多啲整體黎講可以再黎食物質素比較高，環境舒適企理，比較無咁好既係自助天婦羅機得一部，多人炸就要等好耐。同埋天婦羅款式可以更多

新店開張，試一試！今晚選擇了$238menu , 食物質素ok, 有5款任食menu選擇，肉類可無限refill，沙律，蔬菜新鮮，丸類任拎，飲品選擇多，有我鍾意飲架樂天蘆薈汁，仲有一個迷你甜品部，同任食Dreyers雪糕，比較有新意係可以自己動手炸天婦羅！值得一試！