石鍋堂

营业中

休息中

本身諗住石鍋堂裏面主要係賣熱辣辣嘅石鍋食物，但係行過見到有冷麵，所以就決定入去試下，點知食完覺得好好食，絕對係冬天夏天都適合去嘅一間餐廳！一入門口已經有個嬸嬸好熱情咁招呼你入去坐，同埋介紹有啲乜嘢食，發覺選擇有好多，除咗熱辣辣嘅石鍋之外，仲有冷烏冬選擇，自己揀咗一個牛肉石鍋配黑蒜濃湯底，朋友就揀咗一個冷烏冬配燒牛仔骨同雞翼，諗住試下究竟冷熱烏冬有啲咩分別。個石頭鍋一上枱嘅時候非常之熱辣辣，啲湯仲有微滾嘅狀態，牛肉就呈半生熟，喺黑蒜濃湯浸熟之後食就啱啱好！牛肉非常嫩滑， 而且烏冬嘅面質好彈牙，軟硬度啱啱好!至於個冷烏冬喺凍食嘅情況下更加彈牙，加埋蘿蔔蓉同埋生葵，個味非常之夾！不過個冷麵汁就有少少偏鹹，唔建議點太多！個芝麻雞翼外皮炸得非常脆，裏邊有肉汁，好好食！ 但牛仔骨就正常，因為落咗好多香料所以咁味好出... 我哋食完嘅時候老闆反而同我哋講唔好意思，因為佢覺得今日整嘅牛仔骨有啲失準... 不過我哋已經覺得算唔錯，反而對於老闆呢個行為好有好感，證明佢對於食物係好有要求！食完之後佢仲送咗兩件甜品畀我哋，之後佢見我同朋友仲傾緊偈，就主動斟咗兩杯水俾我地，我覺得今時今日嘅香港好少可有呢啲咁高服

次次想食石鍋堂都大排長龍，遲遲都未試到。今次，我同朋友6點半黎到，鍾意唔洗等位啦！同市面上嘅石鍋烏冬比較，石鍋堂真係幾抵食！燒鰻魚-黑松露香菇湯 ($88)我點嘅係燒鰻魚配黑松露香菇湯。估唔到$88食到成條鰻魚！如果你係唔鍾意彈牙嘅鰻魚可以試下，佢肉質非常軟身。烏冬口感煙韌偏腍，仲吸曬濃郁嘅菇湯精華。係其他市面上嘅烏冬店好少有黑松露香菇湯，值得一試！安格斯牛肉-黑松露香菇湯 ($78)我朋友點嘅係安格斯牛肉。牛肉切成薄片，肥瘦適中。牛肉剛來到嘅時候大約5成熟，由於石鍋令湯持續到滾到bok bok聲，所以食客可以根據自己喜好選擇牛肉嘅生熟程度，鍾意食熟d就可以等耐d先食～

自從上次同舅父去台灣一齊掃街後，就無再見面啦，今次再約一齊吃好東西，今次舅父約左女人街石鍋堂。麻雀雖小，但五臟俱全，吃飯全程都食滿座的。安格斯牛肉_黑鬆露香菇湯: 頂部是一小塊黑鬆露，吃的時候把黑鬆露攪拌均勻，令湯底有一陣濃濃的黑鬆露香味。牛肉上桌是生的，石鍋可以保持溫度，攪拌後熟度剛剛好，所以吃起來很嫩。蒲燒鰻魚雞扒石鍋飯: 份量十足，連舅父都吃不完，鰻魚加了燒汁，表面顏色較光澤，口感也不差，雞肉大塊而嫩。我們最喜歡的是軟殼蟹和雞翅，炸得香脆可口，尤其是軟殼蟹，外脆內嫩，還保持著水分。最後還每人送一塊甜品，晚飯圓滿結束。

今日喺旺角行完街，見近排天氣涼涼地，好想食一啲暖嘅野，但就唔想去打邊爐，一嚟勁heavy，卡路里一定爆曬標，二嚟又唔想食到全身都係一陣味。行下行下，發現呢間食石鍋烏冬嘅鋪頭，好適合今晚食。呢度選擇都幾多，又可以食烏冬，又可以食飯，仲有唔少串燒同埋小食嘅選擇。今次就叫左一個日式炒雜菜同埋岩鹽燒牛舌試下。日式炒雜菜 $38雜菜上面灑上木魚絲作為調味。岩鹽燒牛舌 $48牛舌非常爽口，唔同一般腍身嘅牛舌，咬開嘅時候，仲好juicy，燒得唔會過熟，成串牛舌充滿住濃郁嘅牛味，好好食。厚切豚肉石燒手打烏冬(配黑松露香菇湯) $68呢度嘅烏冬可以配唔同嘅湯，今次就揀左菇湯。一放低碗烏冬，店員好細心咁提我地個石鍋好熱要小心。啲湯係咁卜卜卜，可以講係上枱仲係煲住。一上枱就已經聞到好香嘅菇味，再加上有一層黑松露油喺面，菇味加上黑松露味已經令人食指大動。黑豚肉有小小切薄切嘅角煮豚肉，有小小脂肪連住嘅肉，肉就甜甜地，唔會好柴。烏冬一路熱住都唔會淋哂，啲菇湯濃味得嚟唔會太鹹。石鍋堂海鮮石鍋手打烏冬(配山地獄辛辣湯) $82湯底嘅味道有少少似泡菜湯，酸酸地辣辣地，怕辣嘅朋友可以試下，唔好俾個名嚇親。海鮮方面絕對上唔

一個個熱鍋上,好吸引香氣四溢聽到佢炸炸聲熱氣上升的感覺相當好滾下滾下佢多湯式揀好似有四款以上揀左魚介湯湯唔錯可惜一食主打的烏冬太淋煮過龍好可惜烏冬沒有彈牙佢配料好足豚肉夠厚身,分量好足,呢個一讚的......但食食下到一半烏冬好吸湯吸曬湯😅😓食到後期...............基本上無曬湯......😂得番好淋的麵好可惜因佢定價唔平.....🙈..如果烏冬有改善會再黎的都野味日後有機會可能會再試多次

🥘石燒手打烏冬識食一定係通菜街搵食 隨時搵到寶見到呢間新店門口大排長龍 就試下啦.醬油豬手石燒手打烏冬🐷黑松露香菇湯嘩 真係不得了 CP值爆燈首先隻豬手超大 依家加埋烏冬先$88 抵到爛店員熱心幫我地切開 燘得又淋又入味 啖啖骨膠原個湯底掂啊👍🏻黑松露好香 香菇竟然係大啡菇良心到爆❤️❤️❤️非打手 回頭率高不過石燒會令烏冬過淋 口感差左.燒牛仔骨牛舌石頭鍋飯🐄$78牛仔骨唔錯 牛舌如果厚切會再正啲石頭鍋飯夠熱 有飯焦🤤自己加埋豉油.老闆好好人啊 態度親切 仲會同食客要feedbacks食完仲有甜品送 幾好味喎又 係紅豆饀有heart小店 要推薦一下 十卜十卜注意⚠️石燒烏冬只限晚市 另有午市&下午茶menu

門口有人等，但好快就有位。石鍋手打烏冬，有五款湯底選擇，有一般都有辛辣，豬骨，咖哩啦，令有特別黑蒜油和黑松露香茹湯底。較為穩陣就揀了黑蒜油豬骨湯底，上枱時已經傳來陣陣黑蒜香，而且好滾。海鮮石燒烏冬，有大大隻帶子，蜆和中蝦。令叫了安格斯牛肉石燒烏冬，上枱時全部都係生牛肉，滾滾的山地獄辛辣湯底，好快就熟哂。肉質好軟熟，又有牛肉味。湯底雖然叫地獄辛辣，但只係小辣，而且湯底有蕃茄味嫁，其實應該叫辛辣蕃茄湯啦，而且好夾，又幾好味。而配料追加了泡菜同低溫慢煮流心蛋，見到流心蛋個樣，就知好味，煮得剛剛好。

好耐都沒有行經過通菜街，原來兩旁都開滿了不同菜式的食市，望望周邊食市，唯獨是這間小店有人龍排隊入內進食，好奇驅使我都去試一試。在等候期間，我睇過 menu得知他們主打是用300度熱的石鍋來盛載手打烏冬和石鍋飯，其熱力可保持食物由上檯至食完仍是熱騰騰。好像我這些喜歡相機食先的客人來講，不用食到凍了的食物，而失去了珍味!👍入座後，環看店內牆壁，畫滿可愛的烏冬少女。加上簡約的陳設，令人沒有半點拘束感。Menu中食物選擇好多，手打烏冬、石鍋飯、炸物、串燒、小食、飲品…… 應有盡有。而烏冬方面，有五款不同湯底可供你自由配搭選擇，包括 : 黑松露香菇湯、魚介豚骨濃湯、和風咖哩濃湯、山地獄辛辣湯、黑蒜油豚骨湯。我點了石鍋堂海鮮石燒手打烏冬(黑松露香香菇湯)，上檯時見到滿鍋海鮮，濃濃白煙在鍋內漂出，聽到卜卜沸騰聲，聞到陣陣茹香，真係好想馬上嚐ㄧ口，但實在太熱了，要等片刻讓湯稍為降溫才可食用。湯底是利用牛肝菌、天使菌和八種不同茹菌淆製而成，再在食用前再加上黑松露菌醬，茹香四溢，濃郁都不得了。烏冬泡在石鍋湯底內比較長時間，用粗的手打烏冬，亦是好配搭，不但沒有泡到太腍糊口，返之然吸收了濃郁的湯，好入味好有咬

之前經過女人街很多餐廳都比較靜、唯獨石鍋堂總有幾個人在排隊。今晚決定去試下、七時半都已經有幾個人在等。一坐下已經聞到超香的醬油味了😍點了石鍋堂海鮮石燒手打烏冬 用魚介豚骨熬成的湯底好香啊！一試再愛上了！海鮮有大大隻帆立貝、蝦、蟹柳等好足料、熱辣辣的吃到尾還保持熱度。燒鰻魚石燒手打烏冬要了黑蒜油豚骨湯、沒有我想像中濃、感覺沒有什麼味精、反而越吃慢慢品嘗到陣陣黑蒜香氣👍🏻 鰻魚整條上、好抵食！石燒烏冬實在太熱、不得不點兩杯凍飲～青蘋果綠茶 與 青芒果綠茶、較喜歡青芒果較天然的酸甜味道。店家送的水晶紅豆甜點、不太甜不錯哦。

服務： 超級無敵的好，入面有位伯伯，服務超好，超有禮貌，細心，喺而家香港服務界飲食界，簡直係一點清泉，令餐飯食得開心地方： 雖然逼d 有籃放袋，食具算乾淨食物，熱辣辣正呀喂，不過d 蜆原來凍的，吉列豬扒正常價錢：都合理建議：如果好想試，早點排隊吧下次想去試雞扒，好似幾靚

👭石鍋堂 (旺角)👭1⃣厚切豚肉石燒手打烏冬 (黑蒜油豚骨湯) $66滾住既石鍋一放上枱，38已經聞到濃烈既黑蒜油味，特製嘅豚骨湯配埋黑蒜油飲落好濃郁❤豚肉既厚度真係令人嚇一跳😱每塊都接近1cm厚！食落唔會話好肥，但唔需要點咬就已經溶化左係口入面，超級好味😋👍🏻2⃣安格斯牛肉石燒手打烏冬 (魚介豚骨濃湯) $74一片片生既安格斯牛肉放係滾住既石鍋烏冬上面，用石鍋餘下既熱力燙熟牛肉👍🏻38覺得牛肉相比起豚肉普通d。雖然望落油脂比例均等，可惜濃郁既湯底味道好快蓋過牛肉既鮮甜味，令38品嚐唔到安格斯牛肉獨特既味道😪店舖主打‘手打烏冬’，所以呢間既烏冬好出色，口感煙韌彈牙，亦非常掛湯🥰，每次吸入烏冬都充滿濃郁既湯底味道😋店鋪位於旺角女人街，地方空間有限，因此枱與枱之間既距離好窄。幸好當日38被安排左係雙人位置，所以唔會太迫🤣另外店主都好貼心，每張凳下面都有個儲物籃提供比客人放置手袋❤而且每位店員服務態度都好好，面帶笑容咁去服務我地🥰推薦度：8.5/10🏠旺角通菜街2A-2P號鴻光大廈地下D號舖🕐12:00noon-11:00pm

今日同朋友喺旺角行街，沿路行下行下就行到去女人街，就喺女人街嗰邊搵野食。我地見到呢間食烏冬鍋嘅好似幾吸引就入去食啦。舖頭好細，枱同枱之間好窄，講真坐得唔太舒服。講番食物先，我叫左個安格斯牛肉鍋，一上枱個鍋仲煮緊咁，而牛肉就生嘅，由得個鍋淥熟佢。咁樣幾好喎，牛肉就唔會熟得濟。我食過好多間嘅鍋入面嘅牛都係一早就熟左，所以再淥就鞋又韌啦。因為佢上枱時仲好似煮緊咁，所食到最後個鍋仲係好熱嘅，唔洗驚食食下凍左。

又黎到旺角行街覓食，繼之前女人街間石鍋烏冬關門大吉之後，就冇一間好食店，今次行女人街，終於有間新嘅石鍋烏冬，呢間格局都有啲日本 feel，但重點係有返石鍋烏冬食呀嘛，今次食呢個燒鰻魚石燒手打烏冬，價錢$88，價錢都可以嘅，而我就揀左黑松露野菌湯，而鰻魚就分開擺嘅，鰻魚都幾大條下😍😍，而個湯底嘅黑松露味真係幾香！另外加左粟米，正！另外叫左一個小食，係吉列蠔，$32有三隻，炸得脆脆，蠔亦唔錯，幾值得叫👍👍👍！飲品就叫左杯桂圓紅棗茶，正正常常啦，都唔錯嘅！😊😊

這裡每個烏冬都可以選擇不同湯底，除了有一般的地獄湯、魚介豚骨湯、黑蒜油湯，還有咖哩湯和黑松露香菇湯。當然要叫最特別的黑松露湯啦！安格斯牛肉石燒手打烏冬 黑松露香菇湯 $78 |烏冬以熱石鍋上，來的時候全個湯熱到滾起，陣陣的黑松露味隨蒸氣傳來！湯本身已經好夠味，但仍有一大堆黑松露，令它更香。喜歡濃味的可以將部份夾在烏冬中一起吃！牛肉每片都好大片，而且絕對不是薄切，很有牛味。建議煮熟後先夾吃，免得會韌呀～手打烏冬就非常彈口，而且索曬啲汁～喜歡辣的我下次想試地獄湯呀～鰻魚蛋包飯 $88 |因為被外觀吸引而叫了蛋包飯。首先講下個蛋，個蛋煮得都幾挺身同時又唔會好老變到唔滑，而且幾香蛋味。鰻魚味道濃郁, 燒得幾香有微燶。鰻魚醬汁煮得香甜加上內裏有啲蘑菇，送鰻魚或是送蛋飯都好適合。

今日去到旺角揾食，見推介介紹呢間幾特別既石頭鍋專門店，咁就專誠去試一試啦😂店舖位於女人街既橫巷，面積不算很大，但裝潢不錯，幾有味道。食物我點了海鮮石頭鍋烏冬配黑松露香菇湯，食物上枱時因爲有石頭鍋既關係，所以個湯底仍然熱到起泡泡。海鮮亦非常足料，有蠔，蝦，蟹棒，帶子同蜆。最特別都係個湯底，黑松露既香再配香菇既濃，令到麵既味道再上一個層次👍🏻最後仲有甜品贈送，係紅豆糕黎，為一餐美味既晚餐劃上一個完美句號😋