石鍋堂

营业中

休息中

天氣非常炎熱，但女友竟提議吃石頭鍋飯，那就唯有捨命陪傻子。選擇了旺角這間石頭鍋飯，聽說人氣幾高的，所以便來一試。一到餐廳，就見到長長的人龍，那證明一定好吃，這就更加要排了。餐廳不是想像中大，但坐的也算舒服，上菜非常之快。一上菜，滿耳都是渣渣聲，全因它的食物真是非常之熱，所以吃的時候要很小心。美味的食材，佩上熱辣辣白飯，再添一些醬油，真是美味香口，越吃越滾動。它的小食也是非常不錯，牛舌非常之彈牙，元貝也極甜口美味，佩上黑松露，鮮味瞬間提升，真是大快朵頤。

今次終於黎到石鍋堂會一會鎮店石鍋烏冬今次叫左安格斯牛肉烏冬同鰻魚配黑松露雜菌湯底最初怕個湯底太濃太膩但點知黎到之後有驚喜😋湯底以雜菌味為主 淡淡黑松露吊一吊味使其更出色 配上油香既牛肉 呢個配搭岩岩好 湯底同牛肉我比8.5分😍鰻魚成條上 都算抵食不過不失 8分 可惜烏冬可能以石鍋上 令到佢較淋 個人比較鍾意有咬口既烏冬小食叫左牛舌好香油香😍 口感亦一流唔會好似出面個啲好un9分！ 整體黎講 石鍋堂 8.5分 可encore!

經過哩間餐廳 出面勁多人排隊😱烏冬愛好者既我於是一試叫左安格斯牛烏冬 魚介湯底 如圖顯示 試台個下仲係好滾 個湯飲落幾鮮 唔會太味精烏冬煙韌另外鰻魚石鍋飯 鰻魚量足飯量亦多 非常飽肚小食方面 黑松露帆立貝好大隻不過略嫌淡味牛舌好厚 極有口感

我一直都好鍾意食熱食，夏天熱辣辣都無阻我對石鍋烏冬既興趣！ 今日竟然比我行過女人街，見到呢間石鍋堂勁多人排隊，即刻心心眼😍排咗一陣終於到我地喇！鰻魚石鍋烏冬 介魚豚骨湯底熱辣辣石鍋上，要小心唔好燙親。食第一啖已經感受到軟林林熱辣辣既烏冬，係我鍾意既感覺！湯底好濃，食食下會見到豚骨湯開始收水，味道會變濃～正。鰻魚燒得好香而且好大條，一個女仔真係食唔晒！燒牛仔骨一口牛舌石鍋飯個醬汁勁香濃，牛舌好好味！食得出佢用料都係掩，唔係求求其其既牛肉。牛仔骨係黑椒味道，食落好香。芝麻雞翼即叫即炸，勁入味，好香口多肉，肉汁流晒出黎。最尾仲有水晶膏做甜品，滿足

今日突登過左旺角黎到依個橫街窄巷，見到依間鋪仔細細既石鍋堂雖然鋪面細少，坐位都比較窄，但食物就物價超值首先當然會有一本餐牌加上一張落單紙關西風石燒流煎餃子 ($35/5)則以香脆為賣點，餃皮煎成金黄，上面佈滿木魚碎同沙拉醬別有另一番風味脆味軟殼蟹 ($45)黃金軟殼蟹，賣相很吸引，食落都啖啖肉主食當然要試下個石鍋厚切豚肉可燒手打烏冬配魚介豚骨濃湯  ($64)豚肉厚身肉質十分軟身，配上魚介豚骨濃湯，色澤帶深，夠惹味手打冷烏冬冷麵汁配上吉列蠔  ($55)當然如果想仲可以加配多一款，烏冬凍冰冰，放入口特別清涼配上吉列蠔入口香酥， 鮮冶而肉質嫩滑最後當然唔少得甜品，係晶瑩剔透，餡就係豆沙

今天下午茶時段在女人街覓食，經朋友介紹幫襯了「石鍋堂」日式小店，很多選擇，有大碗飯、炒飯、烏冬 etc. 下午茶時間比午市便一點，等了10分鐘才過了午飯人潮，侍應哥哥和姐姐很友善，我點了牛肉大碗飯，份量超級多，牛肉新鮮有嚼勁，脂肪和肉的比例不錯，秘製醬汁，加上紫菜、芝麻，很惹味，還會再來，推薦。

來到旺角女人街每次都是試小店，因為真的有很多不同的小店，款式很多。今天想吃石鍋飯，看見這間石鍋堂像是專做石鍋飯就入去一試。先點了一個關西風石燒流餃子，餃子味道不錯，煎得很香。又點了炸雞，外皮炸得很脆，雞肉嫩滑，其實一碟是有五件的，但忘了拍照就吃了😆哈哈主菜點了十勝豚肉石鍋飯，碗十分熱！吃的時候很小心！全程直至吃完整碗飯後石鍋也是超熱的，很勵害！喜歡吃熱食的人一定很喜歡！豚肉很厚，肥度適中，肉質很淋，好吃又點了厚切豚肉烏冬，魚介豚骨濃湯，湯底很入味，香濃，最欣賞的是烏冬的麵質很好！有彈性👍🏻😆喜歡最後有甜品送😋

見有人介紹 就諗住試下啦 點個服務個姐姐有心趕客咁樣 叫左個雞扒烏冬 一食曬個雞扒 就即刻收左個碟 但碗烏冬仲未食晒 雖然隻碟係冇用 但佢一下就直接收走隻碟嘅服務真係好差。絕對冇下次幫襯

旺角工作至八點幾，求求其其去通菜街醫肚，無意中發現呢間主打手打烏冬嘅小店！質素好有驚喜！燒鰻魚黑松露香菇湯石燒手打烏冬好抵食，晚餐$88有大大鍋手打烏冬之餘，仲有原條鰻魚！鰻魚掃上燒汁，軟腍入味，一大條非常滿足！手打烏冬用石鍋上，保持溫度，烏冬係粗身嗰種，口感彈牙，浸得耐都唔會糊掉，唔錯。黑松露香菇湯一上枱已經聞到好香松露味，反而入口菇味比較突出，雖然我覺得菇香可以再濃郁一D，但食得岀冇落味精，誠意十足。燒牛仔骨牛舌石鍋飯一樣份量十足，牛仔骨牛舌舖滿成個石鍋，非常豐富。牛舌切得薄薄，肉質細緻完全唔韌！牛仔骨都好入味。食到最後，竟然有甜品送！和菓子水準都唔錯，甜度適中，甜而不膩。雖然只係小小嘅甜品，但食完一餐飯有甜品作結，真係太完美啦！最後要一讚嘅係店員服務非常有禮！

通菜街真係多食店多到一個點，好似點都唔會食得晒....今次朋友找來這間石鍋堂，一於試下佢!!!.都有D難搵，大家記得佢係通菜街2A號，因為你要先分清楚佢係左定右街先，又行入去.終於找到了!!!!入到去，店舖小小的，店員好快就安排我地入坐.全程態度都好好!!!.雖然餐廳係叫石鍋堂，但阿魚都不敵蛋包味既魅力.🐟💬：.原條饅魚蛋包飯 ($88).估唔到真幾大條饅魚，所以88都抵比~~~.不過個飯就咩味...好彩木台面上有枝好人食既醬汁比客人用.有少少蒜香既燒汁，好好食~~~~撈飯一流.不過敗筆位係饅魚有啲骨.....可能店主要留意下.朋友的海鮮石鍋飯份量十足，好多海鮮，食唔到停口！.下次都係試石鍋飯先!!!.🐟FISH'S REMINDER🐟💡阿魚提醒💡.(1) 記得要分清佢係左定右街，先好行入去果條街到.🐟📝：7/10.🍽🐟📝📌石鍋堂📍旺角通菜街2A-2P號鴻光大廈地下D號舖📞電話: 36895065⏳營業時間：星期一至日12:00 - 23:00.

今晚與朋友相約在旺角吃晚飯，選了這間餐廳試試。我們7點多來到，差不多已經滿座。我點了一份燒鰻魚石燒手打烏冬-山地獄辛辣湯。湯碗選用了特製石鍋呈上，可達攝氏三百度，讓湯底保持熱度。湯底經過10小時淆製而成，十分濃郁，辣度剛剛好。鰻魚燒得很香，十分滋味。我另外再配了低溫慢煮留流心蛋。流心蛋十分流心。我們再點了吉列芝士豬扒。芝士味道香濃，夾在豬排中十分特別。我又點了一份絕味燒雞翼。雞翼燒得夠乾身，十分喜歡。今天真得很滿足，下次會再來試試其他。

以鍋物為主既餐廳係香港好似唔算太多，今日就比我發現左呢間好有誠意既石鍋餐廳睇一睇餐牌發現好多選擇，除左烏冬、飯，仲有好多小食同炸物。我揀左吉列豬扒石燒手打烏冬配魚介豚骨濃湯。烏冬一上枱既時候仲係超滾既狀態，如果冬天食一定超正首先烏冬煙煙韌韌，加埋好濃郁既熱湯，令人忍唔住一口接一口咁食。而吉列豬扒亦都超出色，炸皮夠薄夠香脆，肉厚仍然保持鬆軟。吉列豬扒石燒手打烏冬配魚介豚骨濃湯 $64如果夏天想食得清涼啲，冷烏冬都係一個幾好既選擇。冷烏冬既醬汁同配料可以自由配搭，我地就揀左芝麻雞翼同汁燒牛仔骨配胡麻沙律汁。烏冬冷食好彈牙，好有口感。最驚喜係芝麻雞翼，炸得非常酥脆，好有肉汁雪國冷手打烏冬 $75小食方面岩鹽燒鯖魚同蜜蜜芥末籽牛都唔錯鯖魚好嫩滑又唔會太油。而牛串配芥末感覺比較清新，而且刺激味蕾。岩鹽燒鯖魚 $32蜜蜜芥末籽牛 $45總括黎講，石鍋堂既食物都好有驚喜同水準，而且價錢都唔太貴，值得一試

好耐都冇行過女人街，今日買完野，係女人街搵食都好喎。見到門口好多人等位既石鍋堂，專係食石鍋飯，幾得意，試下先。好，坐底睇下有咩好食先。帶廣十勝豚肉石鍋飯，上枱時仲係吱吱聲，米飯熱辣辣，飯焦脆但唔會燶，豚肉厚切大大片，仲要係半肥瘦，脂肪入口即溶，實在太好食，我怕肥都要食！店員比左支超好味甜豉油我撈飯！又係我既指定動作食芝士年糕，每間有芝士年糕既舖頭，我都會食，呢個芝士年糕炸得香脆，口感夠煙韌，芝士流心，如果芝士再多點點，更加正！飲品叫左柚子蜜。

我同肥妹偵探一向都好中意食各種麵類，所以咁岩去開旺角，亦都不忘去揾下有咩好既麵食。 結果比我地揾到一間叫 #石鍋堂 , 一間專食手打烏冬既小店。.我地叫左一碗鰻魚石鍋手打烏冬(黑松露香菇湯底), 一碗厚切豚肉石鍋手打烏冬(豬骨湯底) 。.通常手打麵條比我感覺都係口感較軟，麵質冇咁有彈性，反而唔係好吸引到我。但石鍋堂既烏冬又冇呢個問題，烏冬本身好煙韌彈牙，口感一流。鰻魚原條上，魚身肥美，滲出鰻魚油香。厚切豚肉份量十足，食材選用近豬腩位置，肥脂跟肉既比例各半，而豬肉整得好軟熟，有少少似東坡肉既口感。兩個湯底都好出色，一個香菇味超級濃郁，一個魚介同豬骨味道十分配合。.如果要少少吐糟的話， 我諗個湯底鹹味唔太夠，始終烏冬味淡，好需要湯底本身既鹹度去支撐整碗烏冬既調味。.流口水速度：8/10

本身就好鍾意食烏冬，呢間仲聽聞湯底熬足五個鐘！真係慕名而去試，而呢間亦係我晚市見女人街唯一排隊既餐廳我叫左個黑松露雜菌海鮮湯烏冬，甫上枱就已經見到好夠滾！不過呢個湯底唔太夠味，以為會好重黑松露味，但食落就唔太覺得有，搞到烏冬索唔到湯汁不過勝在多海鮮，帶子非常大粒！亦有蝦，蟹柳，蛤類等。朋友配左鰻魚，見到好大條，好食！因為仲有其他朋友食唔同嘅湯底，我都有試咗其他口味，覺得魚介湯底係最好飲落好鮮同起碼食得出個味。 黑蒜油味飲落其實同出前一丁無乜分別最後仲送左個甜品，食落似果凍，入面包住豆沙餡